HASH CAFE (已結業)

探完朋友個BB， 又係搵食既時候，梗係要搵坐得舒服，又適合一家大地既地方，見到呢度地方夠闊落，啱晒。好，坐底睇下有咩好食先。煙三文魚凱撒沙律，有四塊三文魚，沙律菜好靚仔，新鮮爽脆。芝士手打肉丸，食落有粒粒口感。滑蛋蒲燒鰻魚飯，一整條鰻魚舖係面，好抵食。採用新鮮湖北靚雞蛋，色澤金黃，食落好滑，挺身又蛋味濃，正！精選澳洲肉眼扒伴薯菜，肉眼扒夠份量，薯條粗身好好味。海鹽芝芝芒果，芝士奶蓋甜甜咸咸，芒果冰冰唔會酸好清涼。宇治抹茶鮮奶，抹茶味夠香濃，唔錯！