HABITŪ table (希慎廣場) (已結業)

原來假日想在希慎內找個地方，坐得舒服一點都非易事最後黎到在誠品內的caffè HABITŪ the table由於下午茶時間差不夠過，所以人流亦開始散去，我們可以慢慢選岩位。Passion Fruit and Lemon Tea $40連最基本既茶包都無個，令人幾失望。杯內只有三片檸檬和Passion Fruit的果酸味的飲品。近來較喜歡抹茶的產品，雖然餅櫃內有數款蛋糕，但專一的天蠍女多數會從一而終果然無錯，最終也選了［UJI Match $38］雖然是宇治抹茶但全無茶味可言，只嚐到重重的牛奶味，質感並不幼滑。評語是用料不足，手功不佳。朋友選擇的Scone　反而有點驚喜Scone外型不俗之餘，還散發著柔和的牛油香。只要將它一開為二，再搽上 clotted cream 和玫瑰花味果醬，其暖和的溫度會令其輕微溶化clotted cream加上優雅清新的玫瑰花味果醬，香甜味美，提子乾增添了咬口。最重要是Scone一點也不痴牙，唯一一樣食物水準不俗，挽回一點分數。［加一服務費］

行完誠品行到9點鐘，咁啱有間大型連鎖式café係隔離，咁就一定要試下啦，餐廳裝修都幾靚，而顧客都幾多，望下個餐牌，款式都算多有benedict,有all day breakfast,有pizza等等，而飲品就更多，有多款coffee,啤酒，酒，沙冰，西式茶等，我同朋友就選擇左個至尊牛肉漢堡同埋燴牛尾，而飲品就選擇左rose latte!店員都好好禮貌！菜到了，首先到的是牛尾，牛尾好大舊，我想應該是外國牛，而肉亦都炆到好林，好入味，更加炆到起左層膠，女仔應該會好like,但我覺得廚師翻熱時間唔係好夠，食落去只係暖暖地，ｅ樣就要改善下，而底果ｄ薯蓉都ok!到漢堡啦，佢用個包底係香草包，好香，而我最欣賞就係舊牛肉，佢個手打漢堡打到好大舊，而且煮嘅時間剛剛好，好juicy,另外煙肉其實可以俾多一塊啦！，薯條炸得好好食！到飲品啦，我覺得佢嘅espresso好好，好有咖啡味，好甘，ｄ奶好滑，但係杯野就無咩rose味啦，總分黎講都算好好啦！

店舖和誠品同一層，行完書店可以入去休息一下。但可能平日關係，所以店裏很少人，不用等位，可以直接入座。可能因為有誠品在旁邊，所以有好多人都是買完書自己一人來一邊食一邊看書，所以氣氛很寧靜。卡邦尼意粉 Carbonara$98(8/10)份量適中，意粉好creamy和充滿濃郁芝士味，但又不會太膩。意式風味薄餅 Margherita$108(7/10)這個是素食薄餅，只有芝士，蕃茄和Basil。薄餅很脆，芝士有少少牽絲 ，不過批邊有點燒焦過頭，帶有濃味。

我一直都好喜歡呢間餐廳，因為好鍾意係書店旁邊飲咖啡既感覺，今日係星期日，同朋友行左陣書店就入左黎食午飯啦。全日早餐非常豐富，多士係啱啱烘好，暖暖地，仲有少少椰絲味，旁邊配上好嫩滑嘅蛋，一齊食既真係非常好味！豬肉腸外層脆脆地，唔太鹹，最好味既係果隻大大既磨菇，唯一美中不足既係無炸薯餅食，如果加埋就真係PERFECT啦。今次呢碟意粉份量無上次咁少得驚人，起碼唔係兒童餐咁少呀，呢個意粉既蕃茄忌廉汁，好香濃好好味，下次都想再食呀。

點菜後問侍應要兩杯水，男侍應：我地有樽裝水，有汽冇汽，要比錢既。咁我地梗係冇要到，就咁乾哽呢一餐。呢餐三百幾蚊，仲要計較兩杯水，仲小氣過方丈。之後隔離台有兩位女士都問佢地要水，女侍有相同回答，女士再問：下，有冇免費嗰d呀？女侍應先話有tap water。原來係咁，為左賣水，用咁樣既技巧，真係厲害--仲害左自己既招牌。食物係好食既，蕃茄忌廉香腸寬麵好好味，不過份量略小。巴馬火腿好油潤，好味。上菜收碟快而有禮。

下午茶時段周圍都好多人，想跟朋友簡單飲杯野傾下計，就去了希慎的habitu，無咩人，所以好快入座。點了新的玫瑰沙冰，偏甜，好香玫瑰味!! 因為只想飲杯野傾計同埋不久前才吃飽了，所以無叫其他野食，飲品到齊後店員才跟我們說有min charge，要我們再點野食。。。我們只好再點多一份salad。。。anyway, 份salad都ok的, 份量偏少...因為之前來晚飯都沒留意到有min charge.....  下次去cafe前，要了解清楚才行-_-#

今日行行下街見累累地，去完誠品就決定係Caffe Habitu食個late lunch。我原本有D想食pizza，但驚食得太飽食唔落晚飯，所以就揀左全日早餐同cappuccino。女朋友叫左個pasta同rose latte間cafe裝修幾別緻，唔算太多人，所以我地座得幾舒服。Cappuccino有D淡，唔係好夠咖啡香，但飲左一啖Rose latte覺得都OK，反而咖啡味比Cappuccino更顯著D。對於下午時段咁少人黎講，上菜都算幾慢，我地等左差唔多20至25分鐘，我地想追追廚房但侍應態度都幾唔耐煩。我地唯有再耐性D等待。意粉味道本來不錯，但食下食下有陣怪味，唔知係唔係材料唔夠新鮮定係用錯香料⋯全日早餐唔錯。麵包烘得脆脆地，雞蛋亦加左奶同cream，所以格外鬆軟。焗豆唔熱，但腸仔好味。整體來說不是很滿意服務及咖啡水平，但環境唔錯。

今次係tea time! 呢到有最低消費, 好似$70 定 $80. 所以要點野飲 + 個甜品!點野飲時發現有酒叫, 咁就緊係整支啤酒飲下先啦!! 仲要係手工啤酒, 味道唔重, 都算易入口 (係呢D地方賣, 岩晒客路) 最特別係個cake, 因為有低消先叫cake, 諗住d cake實係好"溜"好"甜", 所以叫左個65% chocolate cake.點知喜出望外的好味! 而且唔"溜"!   最特別係唔知係咪65% 唔算甜, (本身應該)有D苦, 加埋啤酒飲, 一D都唔苦, 仲好夾!!!!下次要再試!

本人一直都係HABITU 既FANS，我特別喜歡銅鑼灣呢間分店，因為好鍾意係書店旁邊飲咖啡既感覺，又唔會限時要客人食1個半小時就要離開。今日難得係星期六有假放，約左友人一齊黎誠品打書釘，行到攰又剛好係晚飯時間，就黎左呢間位於HYSAN 8樓既HABITU啦。你地睇下佢地個餐牌有幾特別? 好似份報紙咁架，除左介紹間餐廳之外，仲會介紹呢到既食物，仲會加埋D食物相俾你睇添。有別於平時叫開既ALL DAY BREAKFAST, FISH N CHIPS 同BANGERS N MASH 等傳統英式食品，今日想試下佢地既意粉同甜品。本人唔係點食芝士，但係朋友叫左呢個雲吞，我都有試過少少。呢個雲吞係素食黎既，無任何肉, 雖然有芝士, 但係味道唔重，都唔會覺得太肥膩，加埋D新鮮既車厘茄同露荀，味道真係唔錯，值得試下既。當侍應把呢份蕃茄忌廉香腸寬麵放下既時候，我幾乎呆左。呢份價值$138的意粉，份量少得嚇人，可以話份量係少過兒童餐，一個成年女生，就算好似我呢D算細食既，食完都唔可以叫做飽，頂多都係叫唔餓。除此之外我都無見過D只有約長一寸長既意粉，唔知係咪廚師細心到同我碎上定點啦，不過點都好，個蕃茄廉汁，

一直係Cafe Habitu的Fans, 有時一個人都黎食All day breakfast haha! 今日又黎！4個人黎，叫左4樣野！Parma Ham Pizza, my favourite, 個餅底超crispy,上面有火箭菜同Parma Ham! 食完一舊又想食另一舊，餅底唔厚，食完又可以食其他！ 另一個係香辣大蝦蕃茄意料。都幾好味，不過朋友話有啲辣，食完條利都麻曬，我自己就唔覺！不過得一隻蝦，四個人真係好難分！仲叫左Fish and Chips, 呢個真係好正！最like 個truffle sauce! 

星期日下午五點幾，約左友人嚟佢哋位於誠品書店旁的分店，可能唔係太多人知嘅關係，所以唔駛等位就有得坐！點了一個 "全日早餐",佢裡面非常豐富，多士係啱啱烘，溫度仲係暖同脆，再配上佢炒得嫩滑嘅蛋一起非常好食！豬肉腸外層有點脆，切落去仲有啲肉汁流出嚟！炸薯餅裡面全部都係一粒粒嘅薯肉粒，非常之香，最後仲有啲烤人磨菇令個早餐健康一點同再豐富一點！"焦糖咖啡"，我好鐘意佢咖啡面係全部都係燒到有一點點焦的焦糖，你要整碎佢再飲，令你可以來回甜同苦之間，仲有佢配嗰個餅乾，點落有點苦嘅咖啡再食別有一番豐味！"炸魚薯條"，係我每次都叫嘅食物，炸魚外面非常脆，而裡面魚肉亦好滑，大大塊，再點佢有啲芝士嘅沙律醬汁同埋佢非常粗嘅薯條，令我每次都唔捨得唔點佢！總括嚟講，依度係約朋友傾計而食物有質素嘅cafe !

難得考完第一科midterm，唔理之後排山倒海嘅工作，嚟希慎食番個tea先，大佬呀，吊頸都抖下氣先啦。廢話少講，講下啲野食先。叫左個薯蓉配腸，正名就唔記得啦。啲薯蓉好滑好滑，入口即溶咁濟呀。味道都係好濃郁嘅薯味，岩曬鍾意食薯仔嘅人。份量幾岩食tea。腸仔就似ikea肉丸，不過不失啦。整體嚟講唔錯，但略為乾身左啲。所以，叫番杯Rose Latte調味下。自問學過下拉花，但見都佢拉左隻熊仔俾我，令我明白自己係幾咁廢。咖啡本身都又香又滑，非常值得推介。服務好，下次會再嚟幫襯。

有排先有得食mei 係誠品睇書先，好彩朋友打黎join 我，係度飲杯野打底先。冧酒咖啡: 黑白相間，初初唔忍心搞勻，都係要gum 做，飲落有咖啡甘甘地味道，唔太覺有酒味，都好ge 唔使怕醉Earl grey 奶茶: 朋友覺得好飲薑汁檸檬撻: 細細個可以當打底，底下撻枝皮酸酸地唔錯ga, cream 難得唔太甜綠茶慕絲蛋糕: 我試左少少，唔錯綠茶味坐得幾舒服，服務又好!

星期六港島四圍遊，行到兩點幾就決定喺銅鑼灣食個下午茶先，點知處處人龍，想轉地點之際，有人提議去habitu睇睇，可能位處較靜，唔熟呢個商場真係未必會諗到，一去到就有位，接待的問飲嘢定食嘢？心想有分別？同行人士已馬上答兩樣都係！入座時話要個半鐘交枱，當然我哋覺得都無人到時先算！開始點餐，第一時間吸引我哋嘅就係炸豬扒！無敵，肥瘦配合，脆到無朋友，有肉汁，仲要超大塊！正咁多肉就點返個意式薄餅（無肉）中和下！再嚟係嘢飲，本來想試個特別啲嘅什麼黑菘虂咖啡，可惜過咗供應期，所以試咗脆面焦糖咖啡同薑汁黑糖咖啡，仲有最普通的凍咖啡。正體嚟講咖啡唔太特別，反而食物就好出色！但想提醒員工嘅禮貌同服務態度，因為我哋點嘢飲時無留意餐牌上的供應期，俾落單的哥哥仔「jeep」咗一下，另外可能枱與枱之間較窄，每次隔離枱上菜我都會俾托盤擦一下肩，最後接近埋單時，被近距離收捨枱面的淺中！所以食物好都要有其他嘢配合！

第二次到希慎這間caffe habitu the table，在書店旁邊，蠻方便的，選擇又多，可以每次都點不一樣的今次點了香烤雜菜千層麵，茄子，燈籠椒和tomato sauce好夾! 賣相都好好!紅酒燴牛尾，特別一提，薯蓉好滑好好食!!然後例牌一杯latte朋友則點了cappuccino