HABITŪ table (希慎廣場) (已結業)

行完誠品行到9點鐘，咁啱有間大型連鎖式café係隔離，咁就一定要試下啦，餐廳裝修都幾靚，而顧客都幾多，望下個餐牌，款式都算多有benedict,有all day breakfast,有pizza等等，而飲品就更多，有多款coffee,啤酒，酒，沙冰，西式茶等，我同朋友就選擇左個至尊牛肉漢堡同埋燴牛尾，而飲品就選擇左rose latte!店員都好好禮貌！菜到了，首先到的是牛尾，牛尾好大舊，我想應該是外國牛，而肉亦都炆到好林，好入味，更加炆到起左層膠，女仔應該會好like,但我覺得廚師翻熱時間唔係好夠，食落去只係暖暖地，ｅ樣就要改善下，而底果ｄ薯蓉都ok!到漢堡啦，佢用個包底係香草包，好香，而我最欣賞就係舊牛肉，佢個手打漢堡打到好大舊，而且煮嘅時間剛剛好，好juicy,另外煙肉其實可以俾多一塊啦！，薯條炸得好好食！到飲品啦，我覺得佢嘅espresso好好，好有咖啡味，好甘，ｄ奶好滑，但係杯野就無咩rose味啦，總分黎講都算好好啦！