HABITŪ table (希慎廣場) (已結業)

星期日下午五點幾，約左友人嚟佢哋位於誠品書店旁的分店，可能唔係太多人知嘅關係，所以唔駛等位就有得坐！點了一個 "全日早餐",佢裡面非常豐富，多士係啱啱烘，溫度仲係暖同脆，再配上佢炒得嫩滑嘅蛋一起非常好食！豬肉腸外層有點脆，切落去仲有啲肉汁流出嚟！炸薯餅裡面全部都係一粒粒嘅薯肉粒，非常之香，最後仲有啲烤人磨菇令個早餐健康一點同再豐富一點！"焦糖咖啡"，我好鐘意佢咖啡面係全部都係燒到有一點點焦的焦糖，你要整碎佢再飲，令你可以來回甜同苦之間，仲有佢配嗰個餅乾，點落有點苦嘅咖啡再食別有一番豐味！"炸魚薯條"，係我每次都叫嘅食物，炸魚外面非常脆，而裡面魚肉亦好滑，大大塊，再點佢有啲芝士嘅沙律醬汁同埋佢非常粗嘅薯條，令我每次都唔捨得唔點佢！總括嚟講，依度係約朋友傾計而食物有質素嘅cafe !