Good Times Restaurant And Bar (已結業)

要係粉嶺食個靚嘅下午茶以為會好難，點知最近開咗間新嘅西餐廳，重要唔係連鎖餐廳，即刻去試試！一入門口就見到個長長嘅bar檯同兩部電視，原來佢地有得睇波，啱哂同班朋友黎chill住睇！無食晏晝嘅關係，一坐低即刻睇睇menu有咩食先。上面樣樣都好吸引，煩惱緊叫邊樣時，店員好好人向我地推介咗佢地新出嘅English afternoon tea set。睇相已經畀佢個鳥籠吸引咗，所以即刻叫左一set再加多一個香蒜汁菠菜鮮蝦意粉。店員話需時15分鐘制作，所以係等嘅時候可以欣賞下店內設計。餐廳以復古、電影同音樂做主題，分外有格調同優雅。坐位闊落，空間感十足！店員亦有介紹佢地餐廳提供包場服務，呢個環境要嚟請客或搞party都係個好好嘅選擇！終於有得食啦！首先上咗個意粉先，個香蒜汁剛剛好掛上意粉，包住彈牙嘅意粉同爽脆嘅蝦，同有少少白酒香味，可以去除菠菜本身嘅澀味，令人非常回味！朋友叫咗杯凍奶茶，而我就試咗佢地嘅法國有機大吉嶺茶，清一清個口，準備食個tea set。壺茶非常大之外，亦好有心思放一小束花做裝飾！個tea set一上嘅時候，非常吸晴！首先食咗咸點（底層）先，最淡味嘅開始：焗蘆筍薯仔餅、蟹鉗肉多

上次黎食左個dinner，今次探朋友又黎食多次😆因為有大人細路。環境又大，方便傾計。所以下就三四點黎叫食個下午茶🥰所以叫嘅嘢食都冇咁多😆今次一樣叫左個煙三文魚火腿莎莎🤣🤣🤣煙三文魚巴馬火腿莎莎 $108煙三文魚巴馬火腿，加埋醬汁撈埋一齊，多士做底，我真係好鍾意巴馬火腿同埋煙三文魚😂兩個加埋一齊個味真係超級無敵夾🥰🥰🥰🥰呢個可以做輕食👍🏼鹹鹹香香，帶點酸甜嘅感覺做個下午茶真係一流🥰

周末既下午同爸媽懶懶地唔想出到咁遠食野，就去左聯和墟既 good times 度 have a good time.本身睇相就已經一定要嗌羽衣甘藍配溫泉蛋煙三文魚沙律 $108，上到黎冇失望，羽衣甘藍留番晒嫩啲既葉，冇硬硬既莖。有啲炸左加埋沙律食好香口，少少似紫菜。溫泉蛋做到蛋黃蛋白剛剛好4成熟，流質撈落沙律更添口感。澳洲M6 和牛肉眼扒 $428肉質軟淋，煎得剛剛好。爸爸食肉，媽媽更香墊底的南瓜蓉，加左奶油又香甜又滑，正。蒜片辣椒欖油扁意粉 $88炒得幾好，軟硬適中，偏辣但岩我口味。最後同媽媽一人點一杯咖啡，食住 crème brulee享受下呢度面積極大又舒服既環境。留意左 menu 有好多款酒，夜晚黎飲下野又唔使出市區係幾好，粉嶺真係極少格調有特色，食物唔錯既 restaurant and bar.

同一班朋友黎到粉嶺食野，見到呢到環境幾靚就入左黎食。首先就叫左龍蝦湯，湯好濃郁亦都有幾粒龍蝦肉咁，不過就稍為咸左啲。跟住再叫左洋蔥圈，味道唔錯，不過不失。我地都叫左芝士焗薯，芝士味濃郁，薯條都好夠熱同硬身，幾好食。黎食西餐點可以冇pizza，我地叫左個水牛芝士pizza，pizza都整得唔厚，料都幾豐富。除左pizza，我地都叫左個蟹肉蟹籽意大利飯，蟹肉量都幾多。仲有一個蒜片辣椒欖油意粉，意粉好香口又辣辣地，值得試下。之後亦叫左一個M5牛扒同埋豬鞍。牛方面就不過不失，份量都幾大份。而豬鞍就幾推介，好厚肉又唔會乾。作為一間bar梗係要試下呢到嘅酒啦。我就叫左一杯bartender special，味道就酸酸甜甜咁都唔錯。呢到嘅野食都唔算好貴又大份，份量配料都好足夠，好抵食

我今日4:00左右黎到，有位年紀比較大的侍應生好好禮貌之外 另外兩位較年輕的女侍應應該是食飯時間，但不停高談闊論，大聲過背景音樂，影響晒呢度環境同埋食嘢嘅心情！ 真心呢度環景靚 食物質素好 只差這一點。希望有所改善。😅

早幾日同朋友食飯果陣講起有間幾唔錯嘅西式餐廳, 今日就同男朋友試下😊 餐廳間格闊落, 走工業風格調, 前面係酒吧🍻有球賽直播⚽️🏃🏻‍♂️, 後面適合大班人聚會🥂🍸🍷🍾👭🏻🤔 我地兩個叫左兩個主菜🍛🍝, 兩個小食🥔🥖, 一個湯🦞🥣同一個甜品🍮😋龍蝦湯🦞🥣, 一嚟到就嚇親😦, 事關佢係用一個西式茶壺倒出嚟比你, 八個趣😯😂, 龍蝦湯比較杰身同幾滑, 而且非常非常非常濃嘅龍蝦味, 感覺上飲緊十幾隻龍蝦嘅精華咁, 做得好高質, 好好飲!! 極度推介😋😋😆😍!!!👍🏻👍🏻👍🏻香草白酒忌廉煮蜆伴法包, 香草法包🌱🥖非常香脆, 食到濃濃嘅香草味道, 白酒忌廉汁味道唔錯, 如果再濃d會更好, 蜆肉份量都算多而且無沙😊美式焗薯皮🇺🇸🥔, 焗薯皮嘅時間控制得幾好, 無焦而且唔乾身, 咬落去仲有好微微嘅濕潤, 芝士咸咸地令薯皮味道岩岩好, 佢仲跟埋個酸忌廉醬嘅, 酸忌廉幾滑, 中和左芝士嘅膩感😋👍🏻意式手打肉丸意大利粉🍝, 意粉嘅口感做得幾出色! 手打肉丸口感都唔錯嘅, 但單食嘅話味道較淡, 如果加埋意粉一齊食就岩岩好🤔蟹肉青檸蟹籽意大利飯🦀🍛, 好有驚喜😯! 一上枱已經聞到陣陣青檸味, 好清新🧖‍♂️🧖‍♀️,

今早黎到粉嶺辦工，兩時先有時間食個遲來的午餐。老友提議黎呢間西餐廳，仲係萬歲。 餐廳幾大間，前場係酒吧形式，後場係餐廳，非常獨特，生意都唔錯。難得仲可以叫到午市尾班車，選左一個羊脾扒，老友話食豪啲，二話不說就叫左份和牛肉眼。 板燒羊脾扒配露絲瑪莉紅酒汁 賣相唔錯喎，大大塊。肉質幾腍，易切。剛剛好熟的程度，羊味適中，肉汁相當多。醬汁係露絲瑪莉紅酒汁，香甜的，幾配合。配菜仲有薯蓉，滑得好過份，非常好味。午餐仲跟一杯飲品，都相當抵食。 澳洲M6和牛肉眼扒 老友豪爽選了和牛肉眼，賣相非常得，而且好!大!件!。要求的五成熟都處理得相當好。入口肉質非常軟腍，不失為一個高級享受。 芝士焗著條配黑松露醬 大大碟薯條，新鮮熱辣，芝士味濃厚，黑松露醬又夠滋味。環境舒適，食物質素都相當高。

今晚去左聯和墟食飯，朋友介紹左間野食唔錯，環境又舒服既西餐廳比我地。餐廳都幾大，有一半係酒吧。PM，係杯mocktails黎，好香桃同芒果味，唔係好甜幾好飲。Caffe Latte，咖啡好夠濃，有鮮奶稍為中和。龍蝦湯，湯會先用茶壺裝好，黎到再再斟落個湯碗到，飲落有好濃烈既龍蝦味。法式洋蔥湯，芝士鋪面，下面有層類似酥皮，浸埋落湯一齊食，成個湯都好好味！墨西哥脆片，熱辣辣好脆，雖然墨西哥辣椒比較辣，但點埋蕃茄肉醬同忌廉一齊食就無咁辣。穀飼豬鞍架，比想像中腍，個汁亦校得幾好味，而個南瓜蓉都好香好甜。意式手打肉丸意粉，肉丸夠味唔淡，意粉夠煙韌，而個蕃茄汁唔酸又夠蕃茄味，意外地好食。

粉嶺都有高質西餐廳 你話驚唔驚...喜😍餐廳位於聯和墟新樓囍逸，入到去會見到酒吧區，再行入去就係好闊落既餐廳區，裝修都好靚好有格調。食物份量亦夠相當足夠，小食份量好大份！多人原來仲可以包場～自家制烤焗豬柳卷超推介哩個豬柳卷！一Ｄ都唔似小食份量，菠菜皮包住好多汁豬柳，配埋蕃茄同生菜夠哂fresh。煙三文魚巴馬火腿蕃茄莎莎雖然係小食但足足有4舊咁多，法包焗得剛剛好，外脆內軟，而且配料都好足料。主菜今次試左以下兩款，除左肉夠哂嫩滑多汁外，最值得讚同有驚喜係ｄ配菜！唔會用d普通椰菜去hea你！配菜有露荀，蕃茄仔，全部都好新鮮～法式寶雲穌羊架本身羊架羊味好重！醬汁另上，有薄河醬同芥末醬，但醬汁味道偏濃，羊架本身唔洗點都已經好好味！加拿大天然無激素穀飼豬鞍配法式芥末籽紅酒汁食豬最怕佢好”鞋”同咬極都唔爛，哩個豬煎到恰到好處。最中意佢現南瓜蓉做配襯，南瓜蓉甜味同豬味原來可以咁夾！另外加配左2款跟餐小食烤焗大啡菇 / 香草椰菜花蓉相比之下比較推薦叫啡菇，菇味勁香同多汁！

這間Cafe裝潢以工業感覺為主，有不少捧場客，主打西式美食及快樂感覺，也有不同沙津及All day breakfast選擇，菜式豐富又健康。今日一行幾人來這個充滿了西方輕感覺的餐廳，吃一個快速之午餐：ＡＬＬ　ＤＡＹ　ＢＲＥＡＫＦＡＳＴ棒！這個世界出現全日早餐，～很滿足！這可以吃All Day Breakfast的高質餐廳可以一來呢！正所謂「一日之計在於晨」，要開個好頭，吃個完美的早餐開始！這店的美食推介，讓各位即使是睡得晚，也可以輕輕鬆鬆吃個Brunch，迎接一美好！牛油果蟹肉沙律色彩很耀眼的牛油果蟹肉沙律是這店不可不吃的。自問是一個生果王，尤其喜愛"牛油果"，這個沙律味道簡單清新，色彩繽紛，用作頭盤，絕不令你失望呢。牛油果吃法是千變萬化，加上擺盤之美，入口黏黏～大家不要錯過簡單而好吃的沙律，這個沙律精粹便為牛油果，即時將整個沙律 感覺提高。澳洲Ｍ６和牛肉眼扒網上搜尋～澳洲和牛是以日本傳統養牛的方法引入澳洲，於澳洲牧場飼養的日本牛種，跟從日本和牛之飼養規定，所以油花分佈亦不遜於日本和牛。這店澳洲和牛之脂肪分佈平均，肉與油香平衡，牛味香濃，除此之外大廚烹調得很美味，只需少許的鹽便能引出澳

講到粉嶺聯和墟 大家都知好多野食喇 估唔到開左間咁靚都幾有情調既西餐廳 好岩黎chill 最想讚牆上掛既相 好多都係王家衛既經典作品 大愛同埋間餐廳都好大 坐得好舒服 樓底又高 唔會嘈！叫左龍蝦湯同鵝肝做前菜 個人都幾鐘意個湯 好好飲 如果有少少龍蝦肉就會更正鵝肝多士好味道 特別一提係佢整左d果jam 所以有少少咁 都幾得意 不過如果依個價錢（$138） 有兩件會抵食好多 而家略嫌費 但擺盤好靚 之後叫左羊扒做maincourse 有南瓜蓉係底 幾好味呀 另外仲加左大啡菇($28 for 2)不過餐廳唔記得左一齊上我又無影到 大啡菇超出色 juicy! 又抵食另外叫左爐魚risotto 我覺得飯比較出色 多d就好喇 魚就都剪得幾香口既最後叫左兩杯幾好飲既mocktail green tea and mint pine

今日又去聯和墟見客，原本打算去食越南嘢，行過呢間新開嘅餐廳，睇到餐廳名就決定入去，經過幾個月以嚟嘅鬱悶，實在需要有個Good Time。入門口就見一個好大嘅水吧、吧枱、吧凳，原來係酒吧區。再行入啲，就係一個寬廣嘅用餐區，一大片嘅玻璃幕牆令室內光猛明亮。我哋坐响靠牆梳發位，細看一下餐廳內環境，裝潢擺設很有個性。餐牌都有十多頁，慢慢揀，兩個人叫咗沙律、主菜、小食、薄餅、意粉。牛油果蟹肉沙律$128顏色擺盤都幾靚，蟹肉好多夠足料，同牛油果又好夾，沙律帶有檸檬汁，食落新鮮又開胃。香煎蘇格蘭三文魚配黑松露忌廉汁$138未進食，眼睛已經飽餐秀色，三文魚扒煎得夠香啖啖肉，點黑松露忌廉汁更加好味，食埋拌碟嘅幼蘆筍同沙律菜，清新又健康，南瓜蓉都好食。主菜可以用$28配小食，我哋加咗個大啡菇。烤焗大啡菇$28厚肉又多汁，好味。蕃茄水牛芝士薄餅$98最鍾意呢種薄脆餅底，水牛芝士又係我至愛，加埋鮮香嘅蕃茄同羅勒，好味到一片接一片食唔停呀。帶子鮮蝦墨魚麵配香草忌廉汁$148海鮮材料均新鮮爽彈，墨魚麵軟硬適中，配香草忌廉汁又香又滑，好食。下次去粉嶺，又多個食飯選擇。

今日係男朋友生日，放工之後就當然同佢食餐好慶祝一番。我哋就來到聯和墟附近的一間酒吧餐廳。這間餐廳是我的一位朋友介紹，說是食物質素不錯，值得一試。外面望落感覺的確幾好，環境寬敞，頗有氣氛，裏面有不少卡座，坐得舒適。食物選擇多元化，前菜，主菜都有不少選擇，亦都有餸酒最喜歡的小食。Drink list 都有幾頁紙。我們點了2杯飲品，一份沙律和兩份主菜。煙三文魚凱撒沙律 $108沙律份量都唔少，沙律菜十分新鮮，爽脆。配上凱撒沙律醬感覺清新，煙三文魚帶點鹹香口感，更增添生菜的清甜。更有烘烤的麵包粒作點綴，增添口感。德國腸拼盤 $178分別有三種香腸，有豬肉，雞肉，牛肉。德國腸用了中式醬汁作調味，味道酸酸甜甜，而且加上清甜紫洋蔥，芬香撲鼻。想不到德國腸配上中式煮法，味道非常不錯，更加惹味。美國USA Prime 肉眼扒 $298這塊肉眼扒有10 安士重，望上去賣相好吸引，頗有光澤。牛味濃郁，煎香過把牛肉肉汁鎖住，肉質嫩滑，味道很不錯。伴菜有南瓜蓉，香甜，而不膩。 我們更另加$28 點了一份薯條，份量都不少，薯條炸得金黃色的，很香脆。配上Guinness 不得了！Green tea beach $5

放假去了朋友的新居參觀，聯和墟雖然離火車站有點距離，但周邊有很多食肆，我們就去了這間坐得比較舒適的餐廳。Mean Pine：薄荷及菠蘿汁混合而成，清新帶水果香甜。芝士焗墨西哥脆片配墨西哥辣椒及肉醬：墨西哥脆片放上青辣椒及黑橄欖，再灑上芝士焗溶，配上肉醬及忌廉芝士，肉醬惹味，芝士帶甜香，各有特色。德國腸拼盤：有三款分別是豬牛雞的腸，下面舖上香甜的南瓜蓉，豬肉腸最好味，雞肉腸比較腍。帶子鮮蝦墨魚麵配香草忌廉汁：墨魚麵沾滿了忌廉汁，帶子腍身，蝦肉彈牙，十分爽口。法式寶雲酥羊架配薯菜：羊架點了五成熟，切開還呈粉紅色，不會有血水滲水，肉質嫩腍有肉汁，焗薯很腍又有薯香。

這間在聯和墟的西餐廳，假日午市套餐由半百元起，價錢便宜，所以非常爆場。羽衣甘藍配溫泉蛋煙三文魚沙律羽衣甘藍已去掉硬莖，一半的菜葉略炸至香脆，跟另一半菜葉拌成沙律，加上三文魚、番茄及特製酸汁，沙律新鮮開胃。香草白酒忌廉煮蜆伴法包蜆肉以白酒及忌廉煮熟，再加上些洋蔥及蒜片，忌廉味道較香，不過醬汁比較稀，所以適合配以香脆法包，不用浪費了醬汁。蟹肉青檸蟹杍意大利飯意大利飯軟硬適中，伴入了一絲絲的蟹肉，鮮甜味滲入飯肉，加上青檸汁可中和忌廉汁的飽滯感。Latte & 西柚汁Latte鮮奶味道突出，咖啡又香又滑；西柚汁酸甜開胃。