Good Times Restaurant And Bar (已結業)

food gets better every time I come to this place. finally a good western food restaurant I can go to their pizza is really good and also their chips with truffle is a must at this place worth a visit even for the weekly happy hour

囝囝幼稚園面試日，去食飽飽先出發。之前已經想食呢間 good times, 不過晚上比較多人，今次食下午茶，環境舒服。爸爸叫了菠菜忌廉芝士汁燴混合海鮮意大利粉🍝，用料十足，芝士汁香濃，但不會漏，就算下午茶分量，都非常飽肚。媽媽食士多啤梨忌廉卷蛋🍓🍰，他們說是每日新鮮製成。士多啤梨剛好是心心圖案，媽影了很多相❤️。卷蛋鬆軟香甜，忌廉幼滑，士多啤梨少少酸，同卷蛋好配合，伴碟嘅士多啤梨果乾非常酸及硬，但正好與卷蛋有個正反刺激，畫龍點睛❤️❤️❤️囝囝既兒童餐，肉醬意粉好多，不過，如果俾小朋友食，煮淋少少會更好，意粉硬度大人覺得彈牙，但小朋友就比較難咬開。下次再黎食high tea set!

今日去粉嶺探朋友 佢帶左我去佢屋企樓下既一間類似酒吧但又有得食好西既餐廳一入到去真係以為得飲野 因為出面係bar 再行入先先原來係西餐範疇 有得飲有得食 仲有波睇Parma Ham 配蜜瓜$98 超超超好味呀！蜜瓜勁甜 中和左Parma ham 既咸 雖然係前菜 但都勁大碟意式手打肉丸意大利粉 $118 有四粒大大粒既肉丸 配埋酸酸甜甜既茄汁勁開胃到主角出場啦 德國咸豬手 $198 平時係街食既咸豬手一定勁乾勁咸 但係佢就岩岩好 個皮炸得趣卜卜 但入面既肉一點都唔乾 有根果D位勁好食😋 配角酸菜就酸左少少 不過食少少都ok 反而另一配角車厘茄就勁甜 超驚喜🤩蟹肉蟹籽意大利飯 勁多蟹籽呀😍仲有啖啖蟹肉 真材實料👍🏻👍🏻總括嚟講，食左四道菜都好好味 又用心制作 絕對對得起依個價錢 強烈推薦俾粉嶺既街坊🥴🥴

呢間餐廳都幾大，好寛落，岩哂同朋友飲下野傾下計，仲有個好大既screen，一齊睇波幾好氣氛~咁岩餐廳今日全日happy hour價錢，叫左杯推介既Somersby-$82@，上面個球係Apple sorbet，甜甜地幾好飲。+Parma Ham伴蜜瓜Parma ham同蜜瓜幾夾，蜜瓜夠熟夠甜，配搭咸香既parma ham，一流！+德國腸拼盤呢個拼盤有幾款唔同既腸，分別有豬牛雞，岩哂咩想試既我。+帶子鮮蝦墨魚麵啲配料多到遮哂啲麵，幾中意個墨魚麵索哂啲海鮮精華，好鮮味

上星期行過，發現粉嶺竟然開左咁大間酒吧餐廳，就決定一定要搵日黎食。印象中區内好似真係冇咁大間酒吧，仲要有波睇⚽️唔知係唔係新開的關係，個酒list超級齊全🥂有好幾版，好適合一班人黎happy friday👬👭住附近的街坊就方便啦，以後又多個happy friday聚腳點，約人唔一定要出巿區。我地一坐低就叫左個炸單骨雞翼送下啤酒，食落有驚喜喎，辣辣地，但又唔會太咸，送酒一流。之後仲叫左青口，都幾入味，而且個汁好creamy好香，個包點汁食勁好食，我地後尾食晒唔夠喉再追加左一份包🙊另外我地仲叫左鵝肝多士，意式手打肉丸意粉，同啤酒，食得好飽好滿足，兩個人買單$7xx，唔算貴。總括黎講，餐廳唔只酒的種類多，食物種類都好多，而且質素都唔錯，加上可能粉嶺少咁高質又大間的西餐，所以同場見到好多一家大細黎食👨‍👩‍👧‍👦仲有至少3枱係黎慶祝生日🎂好誇張😂可以encore!

當天我地一行四人去食生日飯叫左1. 芝士炸薯條配黑松露醬幾好食上面薯條夠曬脆 但下面既腍左少少 可接受黑松露醬味道夠 襯著食 好食2. 牛油果蟹肉沙律其實本身唔差 蟹肉夠多但除左蟹肉有一樣野太多 就係洋蔥呢道叫洋蔥蟹肉沙律比較適合洋蔥喧賓奪主 牛油果味幾乎無3. 帕爾瑪火腿配蜜瓜呢道菜 蜜瓜甜 火腿夠咸香 無錯4. 法式香草燒雞配香草燒汁首先 呢道係等左個半鐘既一道菜第一次上 一切開舊雞 係生既生到見到透明第二次上 (當然係同一舊 但整番熟)終於有得食 點知無味 無香草味無咸味但連雞味都無乜 失望5. 蒜片辣椒欖油扁意粉呢道係成晚最好食之一Portion細 但都夠4個女仔一人兩啖蒜味香 唔食得辣都食到6. 蕃茄水牛芝士薄餅好食 偏咸 尚可接受另外叫左個7. 香草白汁忌廉煮青口配蒜包無影相 但好好食蒜多嫌略咸 但青口忌廉汁好香好濃服務黎講可以接受既樓面都好有禮貌但佢地無野搞會企係角落你坐得遠好難先叫到佢地幫你叫收碟上蛋糕叫左5.6次 叫到壽星都聽到曬整體合格 會再食

聽朋友講和墟開左間裝修幾靚同好味既西餐廳，今日就同左成家人去食👨‍👩‍👧‍👧估唔到一試真係唔錯。住左咁多年粉嶺，終於有間西餐廳係值得讚賞，性價比非常高。而且地方寬大，岩曬同朋友係到飲酒吹水。前菜叫左蕃茄水牛芝士薄餅，新鮮出爐熱拿拿，個底係薄身，芝士分量適中，連平時唔鐘意食蕃茄既我都覺得好味。呢個小食拼盤個人覺得比較普通，分量較少岩2-3人食，雞翼炸到好似M記脆香雞翼，岩曬我口味，全部都炸到脆卜卜。黎到主菜我地叫左脆皮德國咸豬肘配酸椰菜，賣相好靚，而且佢係好貼心切埋比你。呢個一定係必點，外脆內軟，d肉唔會太硬。其實呢個可以係套餐連兩杯啤酒（$298)，岩曬夜晚過黎食宵夜睇波，因為呢到都開到好夜先收舖。雖然呢到都出名食牛扒，但我地成家都鐘意食羊多d，所以叫左板燒澳洲頂級羊髀扒，唔會太膻而且肉質好林，旁邊仲配左d南瓜蓉，甜甜地幾好食。呢個係額外加既烤焗香草椰菜花蓉（ ＋$25)，見個名幾得意又未試過就叫左，有d口感好過食薯蓉。最後係餐牌上見到呢個黑松露牛肝菌意大利飯配海鱸魚係推介菜，但當日冇曬鱸魚用左石班代替，條魚好滑，最更要就係意大利飯既軟硬程度拿捏得好好，我比5星⭐️⭐️⭐️⭐️⭐️

因為朋友生左bb, 專程入到去佢粉嶺屋企探佢, 晚上要搵地方醫肚, 就在粉嶺區搵好野食。在粉嶺聯和墟有1間招牌好光, 面積好大既酒吧餐廳, 望落環境好舒服,Menu上嘅食物又非常吸引,而且不用等位, 就入去食下。烤焗豬柳卷, 啖啖肉, 肉質好腍好易咬開, 加上蔬菜夾在內, 好清新開胃。法式羊架, 1份有3支, 每支都好大舊,肉質軟腍 羊味較重加埋充滿香料嘅麵包糠 啖啖肉同埋伴菜既鮮露筍好入味, 讚!美國肉眼扒, 叫咗5成熟但有少少生但都係我接受到嘅熟度肉眼扒肉質軟嫩多汁唔會太淋無咬口雖則偏生咗少少但都唔會太血淋淋 反而仲濃牛味咗蒜片辣椒檻欖油扁意粉, 蒜片同埋紅蔥頭抄得好香口, 意粉軟硬度適中味道香得嚟帶辣辣地, 會追住食。最後叫左個甜品tiramisu作晚餐句號Tiramisu好滑同重咖啡酒香加上苦苦地的可可粉 食多幾啖都唔怕膩

最近屋企附近開左間Good Times Restaurant and Bar，近近地決定同男朋友食佢~~我地叫左芝士拼盤（$168）有幾種唔同嘅芝士，配菜同餅食，都係個唔錯嘅開胃選擇。芝士焗墨西哥脆片配墨西哥辣椒（$118）沾完肉醬再食，邪惡但好惹味，啱曬我呢個辣妹~美國天然穀飼西冷扒加配烤焗大啡菇（$278+$28）牛味好出，簡單嘅調味已經好夠。加配嘅大啡菇當然係for我呢個菇菇星人啦，咬落勁juicy！飲品方面，我飲嘅係凍朱古力（$42）而男朋友就飲凍MOCHA朱古力咖啡（$48）估唔到北區呢d比人誤會有牛牛嘅地方，居然有d咁高質嘅西餐，CP值極高！聽講仲可以包場，等我建議公司喺到包場搞聖誕party先XD

weekend難得黎個粉嶺一日遊，入聯和墟揾揾食食。夜晚黎左哩間新開西餐廳試試！一入門口，大大個燈飾招牌，仲有好多酒！環境夠大，仲有好多我最鍾意既燈既裝飾，牆上面有好多畫，成個感覺有少少型格工業風！餐廳門口咁多酒當然要試下佢啲啤酒，朋友安全派就叫左杯kirin。我就想試下啲特別既，支持返hk，叫左杯young master classic，入口都幾滑，個杯仲好得意，值得一試！野食方面我地嗌左個蟹肉青檸蟹籽意大利飯，酸酸地幾開胃，蟹肉仲好足料！黎得西餐廳唔少得嗌個steak啦，嗌左個rib-eye，勁大塊！生熟度叫左medium，肉質都好淋，牛味重，岩岩好！環境舒服，食物高質，下次有朋友入粉嶺都會推介朋友黎試！

食過兩次覺得服務及野食都滿意，所以見朋友生日就再去食。首先訂了5位4人先到，然後我去到看見4人坐張梳化枱剛剛好，我就問可不可以轉張大d既枱？因為好逼！(枱面已經放了4樣美食已經無位)。侍應說冇問題！最後係給我們一張小枱加係枱旁邊放食物🤯🤯！我就先坐埋去！我說:我們5人坐真的好逼不舒適，食物又不夠放，要放到小枱上！不如幫我們轉大枱？！侍應回答竟然是:這裏比較方便你們.....我既時O咀！其實眼見很多位，不知道為什麼不幫我們轉位！永遠冇下次！

朋友做嘢同埋居住都係喺粉嶺，佢生日，當然就佢，約喺粉嶺食番餐啦！ 一直以為粉嶺都係好平民嘅地方，唔會有啲咩靚餐廳！ 竟然畀我搵到一間係五星級滿意！自家製烤焗豬柳卷~ 見到「自家製」呢三個字，通常都係心機嘢！除咗佢個外皮係烤焗過而香脆之外，裏面嘅餡料都係一啲好fresh嘅嘢，例如：生菜、洋蔥、蕃茄、豬柳……等等，配埋個醬汁食，一流！蕃茄水牛芝士pizza~ 我同朋友都係芝士控，見到呢個pizza賣相已經好滿意！佢除咗做到一般pizza拉絲之外，水牛芝士嘅濃度非常足夠，配埋新鮮蕃茄嘅微酸， 烘焙到香脆嘅批邊！Yummy! 加拿大無激素天然穀飼豬鞍架配芥末籽紅酒汁~ 好多女仔都會怕食肉嘅油膩感，但這份豬鞍架下面有好多南瓜蓉，拼埋一齊食，既香甜又有肉香！激讚！食到尾聲，當然要睇drink menu叫番兩杯嘢飲慢慢傾！Blossomy(左)~ 由於揸咗車嘅關係，所以我唔飲得酒，就叫咗杯mocktail ，外表真係好靚、好靚 ，一杯非常之甜美嘅飲品 ，少女味極濃！Bloody Mary(右)～ 雖然酒嘅濃度都偏高，但朋友話佢非常之易入口， 感覺係一啲蔬果汁咁，特別係茄汁味好重！ 當中有少許黑椒碎

最近交通不便，唯有留區消費；友人看到網上介紹那黑色麵包好想試吃，就約了一起去吃晚餐。原來這店是有酒飲和有球賽看，所以有個大電視可看賽事^_^！我們不是球迷，只是一般食客；所以早早來吃晚餐，5個人選了4個餸.一個包(三文魚(1)，羊批扒(2)和豬扒(1)竹炭漢堡《和一些配食》小食焗薯椰菜最正(有好香菇香味(黑松露味^_^！)。食品比較一般快餐質素高，但煮的口感未算好好；但有些可取是食品【完自然】，職員服務態度也不錯。

點幾兩點先食lunch，行到呢間新餐廳。睇到menu都唔錯，餐廳個格局望落又幾好，相應個價錢唔算太貴，而且都見又多人食。喺門口望緊menu果陣，門口女侍應雖然曬唔到猛太陽但都係熱辣辣，但佢都出黎招呼客人又有禮貌，見d野都岩食，就試一試。我地兩個人，揀左一個炸軟殻蟹南瓜risotto同一個豬柳香草捲。我諗係因為軟殻蟹要炸，所以香草捲黎先。香草捲味道比較清淡，都算fresh。但問題係餡料唔夠，佢既皮都捲左好幾層，但重點係我覺得起碼佢唔應該望落係扁塔塔咁。至於risotto 就唔錯，等左一陣先黎因為炸軟蟹係岩岩炸起。軟殻蟹size都ok既，炸得好惹味。個飯都唔錯，creamy得黎d飯又唔會太林，而且南瓜味好濃，係個份量差d。Overall，餐廳樓底高，地方闊落所以坐得都舒服。個餐加埋杯野飲，呢個價錢都ok既。但唔講格局，只係以地點黎講，以聯和墟黎講都算偏貴，因為呢一區都開左唔少新餐廳，有平有貴，有連鎖有自己開既。

係門口service 都好好。坐到入邊諗住落單，個server 成陣煙味，態度超差（我：有咩餐湯 Server :蘑菇湯 我：重有咩其他選擇？Server: 係得咁多，咁你要唔要） ，又唔覆單，坐左5分鐘連杯水都無。叫左個軟殻蟹意大利飯，望落好靚，食落咸到傻左。個牛排叫5成熟，黎到切開變全熟，重要係凍既（連伴碟個燒意大行瓜都凍到得層油）。個薯蓉開粉既（食到一舊舊粉）個招排豬柳卷，入面個豬柳咬都咬唔開。叫埋杯餐飲，杯凍咖啡個底全部都係咖啡渣。本身諗住試下新野，而家真心唔推薦再黎