Good Times Restaurant And Bar (已結業)

粉嶺聯和墟坐落一家隱世大型西式酒吧，有多面大型平板電視。平日晚上可朋友聚餐，深夜更適合成群結隊為心儀球隊吶喊歡呼、杯酒贈興。今日雖然不是球賽日、不是朋友聚餐，卻是替爸爸慶祝生日的大日子，點了前菜及兩份主食。法式煎鵝肝師傅香煎鵝肝，每片鵝肝厚度大小均較細少，勝在份量多。整片柔嫩甘口，油香細膩入口即化。師傅以多士配香嫩鵝肝，減低油膩感同時突出鵝肝香滑油潤。脆皮德國咸豬肘配酸椰菜（激推）整隻豬手肉質結實偏瘦，豬皮酥脆可口，豬皮及豬肉中間夾帶煙韌膠質，豬肉肉質結實爽口彈牙，肉味濃郁，配上芥末醬及酸椰菜，開胃卻不膩。蒜片辣椒欖油扁意粉香蒜片及醬汁份量多而爆香炒扁意粉，意粉均衡受熱入味，質感較柔軟，蒜香濃郁香口惹味帶微辣。整體來講，環境乾淨俐落，用餐前服務員會為枱面消毒。食物質素不錯而價錢實惠，附近的朋友可以一試。

話咁快就再次光臨，好食嘅餐廳我通常都會念念不忘，想盡辦法搵朋友盡快回味！🍷今日嚟 Happy Hour 當然要來杯白酒，法國葡萄白酒，葡萄味香濃不酸不甜正合我口味。🍴羽衣甘藍半熟蛋沙律 $108面層羽衣甘藍的略微炸過，入口香脆，底層則鮮嫩可口，兩者各有不同口感層次獨特👍，在每一口健康蔬菜中煙三文魚擔當了溫柔角色，讓你有素中有點葷。🍴軟殼蟹意大利飯 $148每一口意大利飯中都勁多蟹肉，鮮甜又芝香入口平盈綿密感覺細膩，廚師手藝有點功力，軟殼蟹都不錯香酥不油膩，令人齒頰留香。

早二日經過聯和墟發現開了間新餐廳，外觀是一間酒吧餐廳好像不錯，今天決定過去試一個午餐。甫進內已聽到經典英文金曲，果然感覺不錯，牆壁掛了很多七八十年代的電影及明星，當中有我最愛哥哥張國榮。午餐都有頗多選擇😁餐湯同沙律我選擇了餐湯，因為今日是南瓜🎃湯🍴香辣雞肉菠蘿墨西哥卷🌮️配薯條$58墨西哥卷暖暖的香脆可口，雞肉微辣夾著菠蘿酸酸甜甜，蕃茄莎莎非常醒胃啊！🍴龍蝦汁鮮蝦意大利粉🍝$63意大利麵條軟硬適中，口感糯香，龍蝦汁濃香惹味，盡對是食得出的滋味。☕️香濃咖啡🍹冰凍檸檬茶對在聯和墟來說這餐廳絕對有驚喜，下次要找知己來一同品酒🍷！

今日去探親戚,所以係粉嶺附近食d嘢先上去,求其就揀左間唔係好貴嘅西餐廳,估唔到好有驚喜👍🏻👍🏻裝修幾靚,入面好多同d出名電影嘅擺設,入面又大,最岩包場開party仲有個大電視,睇英超真係一流lunch menu都只係100蚊以下,又配餐湯又有嘢飲,但我地見到散嗌個餐牌都好吸引,所以揀左嗰邊d嘢食嗌羅宋湯好好飲,望下下圖d餸幾多😍😍好高汁😍😍😍小食我地嗌左焗薯皮,我平時少食,因為肥,但lee個忍唔到口,想食埋男朋友嗰份,佢讓左d蘑菇bacon落去,好正😋炸香辣雞鎚,咬落去唔乾,好味👍🏻意式手打肉丸意粉🍝,肉丸大大舊,汁調得幾好,d肉丸仲俾左好多粒,好慷慨軟殼蟹蟹肉青檸意大利飯,個飯d青檸味好出,軟殼蟹又大大隻,又多膏,我特登咬開影左福相🙈總括黎講,lee間西餐廳係一間係北區幾有驚喜嘅西餐廳,又唔貴👍🏻👍🏻

粉嶺好時光⌛️ (我自己翻譯的啦) 上次都有介紹過 係美食沙漠🏜️中冒出今次再黎食下其他菜式.🔸拿破崙龍蝦尾🦞配意大利飯燒龍蝦尾🦞 都幾大隻 燒得好香口.🔸帶子鮮蝦墨魚麵配墨魚汁🍝意粉沾滿墨汁 食到成咀黑色⚫️👄⚫️.🔸羽衣甘藍🥬配溫泉蛋🥚煙三文魚🍣沙律🥗好大份 淨係食沙律都飽飽地🤰🏻 哈哈.🔸法式焦糖燉蛋🍮有d似mousse cake 裝飾得好別緻有士多啤梨🍓 又有脆脆 係花咗啲心思嘅

上星期和朋友到good times吃飯美國USDA Prime肉眼扒 肉眼扒點了5成熟，好juicy，而且肉質嫩滑、牛味濃郁，相當不錯。😋另外，配菜種類都唔少，包括：露荀、沙律菜、烤茄子、小蕃茄等等，相當豐富。因為我們喜歡食薯蓉所以加了$28 有2球黑松露薯蓉，黑松露味好香、薯蓉又綿又保留薯仔口感。👍🏻德國腸拼盤拼盤份量很大，分別有雞、牛、豬，各2條，可以滿足不同人口味。🤪 最大特色就是餐廳的環境很好，環境相當寬敞、座位又舒適，好適合同三五知己吃飯傾計。👍🏻

今天步兵前往聯和墟食個lunch，開飯地點位於Market 28 地下的西餐廳。步入餐廳門口見到好多美酒，內在環境十分寬敞，適合大夥兒聚餐！點了一個 set lunch，是日餐湯/沙律+軟腳蟹意大利飯+餐飲！先來個是日餐湯(沒有餐包的)，係一個白湯來的，有薯仔溶及煙肉碎，味道不錯！再來主菜，軟腳蟹意大利飯！Mini 蟹仔加上濃郁意大利飯，蟹仔香脆但偏咸，建議混落香軟適中的意大利飯會相對美味，對於偏向味淡的我，我覺得中規中矩。跟餐要杯熱朱古力，有點喜出望外！不用加錢都已經升級為有拉花既泡沫朱朱力，入口香滑，甜度都正常，美中不足係唔夠熱！但我已經非常享受！午餐價錢大概60-100左右，豐儉由人。服務員亦有禮，環境舒適。值得再光顧的餐廳！

今日同小朋友玩完好累，所以爸爸要me time享受下午茶，佢最鍾意青口，聯和墟有青口既地方唔多，所以試下 good time .. 不過，好失望呀，個汁唔差，但啲青口完全冇味，連白汁嘅味道都吸唔到，感覺仲唔新鮮。不過，條包好味，點汁ok.. $200 青口就唔值。。。之前食過tea set & xmas dinner都覺得非常好架🙈

放假約朋友去粉嶺行街食飯， 聯和墟出名多食肆，這間Good Times Restaurant & Bar在新落成樓宇的地鋪，看來又大又舒服，就選這裡食飯吧！一進門口是酒吧區域，走進裏面就是餐廳雅座。 裏面有大電視可以看球賽，微黃燈光 加上極高樓底，令人感覺放鬆，也沒有吵鬧的感覺。原來這裡可以包場，搞私人派對做Event, 怪不得裝修得頗有格調。既然有酒吧，這裏的飲品自然也有自己的特別吧！ 先來一杯Mocktail, 選了Passion。喜歡裏面有多款果汁調製，菠蘿味最突出，其次是橙汁味， 再有荔枝和梨的香甜味道，層次很豐富，飲完口腔很清新，感覺像夏天已到了，成個人精神曬！而且有一片菠蘿和橙裝飾，賣相很漂亮！Set dinner有6款選擇， 配有餐湯、沙律和甜品， 覺得幾抵食，因為當知道主菜分量超大的時候，絕對令你大滿足。是日餐湯是蘑菇湯，蘑菇蓉份量超多， 質地夠濃，質地爽滑，香氣滿溢，很好味啊！沙律已事先拌勻了沙律醬，份量剛好，不會覺得太多醬汁，能突出沙律菜的新鮮，吃完真的很開胃了，期待主菜的到來。美國天然穀飼西冷扒$278, 主角西冷牛扒煎得很香啊！隨個人口味上海鹽和黑椒，味道更好。

知道粉嶺一棟新的私人住宅囍逸樓下開咗酒吧餐廳，今晚屋企冇飯食，終於有機會去試吓晚餐。餐廳門口出面仲可以泊車，而且落地玻璃可以望到餐廳入面嘅環境，好有氣派，仲可以一邊睇波一邊食飯飲酒。咁天寒地凍嘅天氣，店員好體貼俾咗兩杯暖水我哋先。除此之外，還有很多酒精類飲品選擇。我們先每人叫咗一杯果汁，包括蘋果汁和橙汁爽一爽喉嚨。除此之外，還有很多酒精類飲品選擇。羊肉控的我主菜就Order法式寶雲穌羊架，成碟賣相色彩繽紛，仲配襯左一啲蔬菜同埋入口即溶的薯蓉，羊架燒得很香，而且好大支，羊肉味道非常濃郁，一啲都唔騷，仲可以點汁食，Yummy~朋友的美國Prime肉眼扒叫了七成熟，有10安士咁大件，我食一嚿都覺得肉質很鮮嫩，牛味濃郁🤩總括來說食物有質素，而且環境有情調，嚟到可以放鬆舒緩壓力，而且見到周邊的人都是來慶祝紀念日的，而兩個人只係食咗$600左右，性價比都算高！

家住九龍區的我，兒時覺得粉嶺是個遙不可及的地方。這次和友人慕名來到粉嶺GOOD TIMES RESTAURANT & BAR用膳，才發現交通其實是非常方便，從尖沙咀出發，不用一小時就到達了。餐廳面積寬廠，裝修有格調，非常舒適。侍應兒安排我們坐下，再為我們推介餐點，我們點了一份帶子鮮蝦墨魚面配墨魚汁；一份黑松露牛肝菌意大利飯配海鱸魚；一份煙三文魚海撒沙律和一客龍蝦湯。煙三文魚海撒沙律，煙三文魚新鮮沒有冰鮮味，生菜也沒有臭青的味道，清新可口。黑松露牛肝菌意大利飯配海鱸魚，海鱸魚肉質鬆軟，每啖飯都充滿黑松露的香味，令人齒頰留香。而帶子鮮蝦墨魚面配墨魚汁，帶子鮮蝦味道鮮甜，食材新鮮沒雪藏味，墨魚汁味道香濃，我和友人都吃得津津有味。龍蝦湯味道鮮甜，又不會有腥味，值得一試。最後，友人點了一杯美式咖啡，咖啡醇香十足，有助消滯。相信每位來這裡的食客，都能如餐廳的名字一樣，擁有一段GOOD TIMES美好時光。

呢間位於聯和墟嘅Good Times 同粉嶺嘅歷史建築 - 聯和市場只係一街之隔，過嚟食野可以順路參觀一下。前菜點咗煙三文魚巴馬火腿蕃茄莎莎 $108 酥脆可口嘅多士上放滿巴馬火腿絲，加上煙三文魚片，柔合兩種咸鮮味，蕃茄莎莎甜酸味中和一點咸味。西班牙海鮮飯$288豔黃色澤相當搶眼，飯粒飽滿，細嚼帶點青紅椒自然甜味，海鮮夠新鮮，蝦肉爽口彈牙。甜品擺盤精緻，有我最愛嘅Tiramisu$78，中間嘅脆餅吸收espresso同酒後依然非常鬆脆，整體唔會太甜，酒味調教得恰到好處，讚！Cheesecake $78

午飯來過一次不過忘了拍照，這次晚餐時候再來就總結一下用餐經驗。來了幾次，印象最深的是這家餐廳很大，喜逸之中佔地最廣，分開一邊是酒吧區，一邊用餐區，下午來到有日光的話其實很寫意。晚上就燈光昏暗一點，添一份浪漫感覺。長話短說，這裡的洋蔥湯是必點的，喝過一次就念念不忘。洋蔥湯上面放了一塊小小的芝士法包，浸滿了湯後味道特別濃郁，洋蔥湯鮮甜，十分高質！加拿大無激素穀飼豬鞍架（很長不過是重點一定要記下來）用料好自然味道好，上一次吃有豬味的豬扒是什麼時候的事！這一件豬鞍架真是讓人重拾吃豬的欲望啊～肉厚厚嫩嫩的，無需額外沾醬汁也很好吃！醬汁是芥末籽紅酒汁，其實用來配豬鞍的確是一絕。用來沾放在豬鞍下面的薯蓉也很棒。帶子鮮蝦墨魚麵，足料新鮮，珍珠貝和鮮蝦也是我的最愛。墨魚汁本身就沒太大味道，但好像使意粉特別彈牙，整體來說質素甚高！我們加了一份小食，大啡菇兩隻才$28，飽滿多汁，很香的草菇味，我特別欣賞這裡珍惜食材保持原汁原味。粉嶺聯和墟舊區之中，愈開愈多這一類中個價位的餐廳，看來必有一番龍爭虎鬥！

聖誕期間，嚟到粉嶺探朋友，順便聚聚舊，他們是地主，帶我去附近的餐廳食飯，估唔到粉嶺都有好似尖沙咀一般的酒吧餐廳！入到門口頭半部份都係酒吧！長長的bar檯和酒架放滿各式各樣的酒供選擇！呢度吸引我朋友除了環境同裝修不錯外，食物更標榜無味精，汁料都以自家製為主，所以深得我朋友歡心呢度既選擇都幾多，除了主打既人氣菜式同小食外，仲有抵食既set dinner!餐廳後半部就是空間感十足既餐廳部份！裝修格局同尖沙咀的高檔酒比較有過之而無不及！呢度同出面既酒吧餐廳一樣都有唔少精選美食，我哋揀左個幾抵食既西班牙海鮮飯套餐包兩杯英國啤酒Tetley's都係$368! 跟餐既兩杯啤酒除了可以揀有麥香十足又易入口既Tetley's外，仲可以轉飲1664! 呢度上菜既效率都好快！晚餐先出場有set dinner 既法式寶雲酥羊架配餐湯沙律同甜品，份量十足，而且賣相吸引！ 羊肉好嫩滑，7成熟既羊肉，肉汁非常豐富，香料將羊肉既膻味完美帶走，配上自家製芥辣，非常惹味！羊架非常大件！另一個主食德國腸拼盤雞豬牛，呢個配啤酒真係非常啱！如果多返d酸菜仲正！而家配上甜薯又是另一種風味！呢個拼盤有幾種唔同口味，總有一款會啱食！

夜晚7點幾落單，叫三樣野，兩樣都賣晒，淨係話你知賣晒，冇意粉定冇墨汁，叫豬扒冇豬扒，咁你不如唔好做餐廳做酒吧算啦，不過杯Guinness都唔似Draft都罐裝倒出來，唔同味可能佢地求求其其都唔覺，最後到最過份既豬手，真係第一次食到咗受氣，伴碟既酸菜唔知擺左幾耐，食多幾啖有D腥,好酸,可能用酸味掩蓋佢既唔新鮮,,豬手就切開晒上埋碟比你，唔知係咪廚房太暗，隻豬手唔熟仲有血流都睇唔到？D 肉大部份都好難咬,似未熟透, 唔熟都算，仲有陣豬臭味，叫人點食呀?