Good Times Restaurant And Bar (已結業)

我哋今日大食特食😻😻😻😻Lunch Set-竹炭烤雞胸漢堡配薯條竹炭麵包好鬆軟 芝士全部鋪咗係雞扒上面 但雞扒都仲好鬆脆 薯條熱辣辣咁上枱 有埋沙律伴菜好夠飽 減膩 burger入面都有生菜、蕃茄、生洋蔥同酸瓜係入面Lunch set會送一個餐湯或沙律 我哋就加多咗十蚊 咁就又有餐湯又有沙律🤭😏🤭😏即燒夏威夷串燒牛 好嫩滑既牛 而串燒汁係甜燒汁 大啖大啖肉咁食威靈頓牛柳酥皮好香牛油味 亦索滿咗啲肉汁 🥳🥳🥳鎖肉汁好犀利 牛柳我哋揀咗五成熟一流 雖然要等大約廿五分鐘 但食完之後覺得等咁耐都值得呀🤤🤤🤤佢哋嘅每一碟既伴菜都好有心機整 除咗沙律外 有唔同既蔬菜去燒 好有心機是日甜品- creme brulee燉蛋部分好軟滑 而焦糖好香脆歌劇院每一層既蛋糕都整得好細緻 蛋糕層好鬆軟 朱古力同咖啡加埋好融合

估唔到喺粉嶺會有一間咁高質嘅餐廳同酒吧，見到門面好靚 ，地方夠寬敞 ，忍唔住入去 一探究竟！！場地算係好大好寬敞 ，聽聞仲可以包場開party！！見到Menu內容好細心， 標注哂邊啲item係廚師推介、辣、素食定生酮菜式， 證明經營者非常跟得上潮流，「 生酮飲食」的確越嚟越多人著重～沙律及雜菜湯～ 跟set dinner嘅質量都非常高，沙律菜屬於新鮮脆口， 雜菜湯香濃夠味。忌廉菠菜$28～ 香濃忌廉嘅幼滑同埋順口嘅菠菜結合，原來可以咁好味！！出色！！ 而且28蚊有呢個份量同質素cp值超高！！酸豆檸檬汁雞肉意大利粉$128～ 最近社會氣氛比較沉重， 想叫一啲fresh啲口味既菜式去衝擊一下心情，檸檬！！啱哂～ 有別於例牌嘅蕃茄汁/白汁，呢個汁真係畀到驚喜我！！ 意大利粉嘅質感，都食得出係不錯嘅食材，抵讚！西班牙無激素是法式豬鞍架配芥末籽紅酒汁$208～ 豬鞍架size算大，而且肉厚， 肉質非常之香滑 ，一啲都唔騷 ，格仔紋明顯，賣相非常之靚！ 配菜方面，亦都非常有heart, 有黑醋沙律， 薯蓉波波 ，同埋啲烤熟嘅蔬菜！ 呢個份量, 男仕都絕對夠！！奶凍~ 以set dinner晚餐跟嘅

今日在粉嶺收工，同同事忙左一個早上，午餐時間已經過了～只好在附近找個舒適地方可慢慢休息下～經過在門口看看環境不錯，入去一試～先在門囗看見的吧枱非常吸引！至少也有3-40款酒～座底後同事負責點食物～先來一個經典溫泉蛋卡邦尼意粉份量適中，先將溫泉蛋和意粉撈在一起，芝士味和蛋香味混合在一起～經典辣肉腸薄餅薄餅底，有拉絲芝士，芝士份量足夠，餅底簿帶脆口～凱撒沙律另加了一份牛油果，沙律當然新鮮，另加牛油果就不會太單調！Passion荔枝，橙，檸檬，菠蘿 ，梨，核打調制的無酒精雞尾酒～這樣舒適的一下午，下次可選擇在這晚餐，他的酒真的非常吸引喔！

今日同友人響粉嶺踩完單車睇下附近有咩食 openrice搵到呢間響聯和墟附近既西餐 朋友又想鋸扒 一於過來試下 由於時間尚早唔使等位就入得 餐廳走工業風 座位夠哂闊落 牆上仲掛有懷舊電影poster幾特別我地叫左dinner set 有餐湯沙律主菜同甜品加48蚊仲有紅/白酒一杯 幾豐富沙律菜新鮮爽甜 是日餐湯係清雞湯 個湯雞味都幾濃郁 加上雜菜同冬菇好多料 fusion野我點既豬鞍扒 超大塊 好surprise 我分左1/3比友人都夠食 豬鞍係慢煮 切開入面仲好嫩好juicy 油脂分布平均勁香 超滿意友人點既羊T骨扒 相對無豬鞍咁大塊 但友人話好好味 係佢食過少數高質既 甜品係奶凍 由於已經食到好飽 細細杯剛好呢如果第日經開呢區 呢間都會再encore!

本身住新界西既我好日都唔會黎新界東食飯(因為真係好遠)，今晚得朋友介紹粉嶺有間好野，既然講到咁好，幾遠都要黎試。主菜叫左碟豬肋骨拼盤，燒得好好，唔會痴牙唔會鞋口。雞翼都處理得好香口，令人好有食慾。之後嗌左個蒜香辣味意粉，睇落去冇乜紅色，應該唔會太辣，食起上黎又真係唔辣，但有股辣係食完先谷出黎，好得意。不得不提下佢個肉眼扒同焗薯，肉眼扒三成真係冇得輸，個牛肝菌醬亦好重牛味，但點醬食又唔會互相蓋住各自既味。焗薯好濃味，作為開胃菜一流，配埋酸忌廉食值滿分。

粉嶺雖然話就話多餐廳，但其實以茶餐廳/連鎖快餐店為主，所以食物嘅種類同選擇真係唔太多，尤其想喺返區內食西餐/鋸扒，更加係寥寥可數！自從囍逸起好之後，終於多咗幾間餐廳！其中一間就係Good Times Restaurant And Bar！亦係幾間之中最大，因為佢分開咗一邊係酒吧，座位以高枱為主，仲有吧枱位同大電視。而另一邊就係餐廳，環境比酒吧嗰邊更大更闊！.Sangria $68去到Bar And Restaurant 當然點都要點返杯酒飲下，佢地每日都有不同優惠。當日星期三就係「All Day Happy Hour」Red Wine Sangria 帶有果香，入口甜甜地，酒味適中，一向係我至愛！豬肋骨 （星期三優惠）$40/4條同樣都係星期三優惠，豬肋骨每條$10蚊，最少點一份4條。有BBQ同牛油蒜香兩款口味，肋肉唔算好多，BBQ會較為濕潤，牛油蒜香就比較乾身同香口，各有特色。澳洲草飼牛肉眼扒8oz(牛肝菌汁） $208牛扒佢有好幾個等級同選擇，有熟成牛柳、USA Prime西冷/肉眼、澳洲M6和牛、英國斧頭扒等⋯我就揀咗中價嘅澳洲草飼牛肉眼扒～5成熟控制得啱啱好，肉質夠嫩淋，富肉香

其實呢間餐廳以前都食過，記得幾好食，咁岩同朋友係附近，咁晚餐就係到解決啦！店內位置闊落，坐得舒服，同朋友成班一齊黎就岩曬，有一邊係酒店位置，有大電視比客人睇波。今次叫左威靈頓牛柳，牛柳岩岩好熟，仲見到粉紅色嫁！個人鐘意酥皮再厚啲😆菇味唔算好濃，反而食到較重既牛油味🤔再叫多一款牛，叫左美國肉眼扒，啲格仔紋煎得好靚🤩🤩牛味好重👍🏻牛魔王必點🤣主菜仲叫左蒜片辣椒欖油意粉，意粉唔太乾爭爭，食到蒜既香味，又有少少辣辣地，好食👏🏻甜品叫左梳孚厘，岩岩焗起所以勁香蛋味，好好食😆野飲叫左杯cocktail，調味好特別，酒味又唔會太搶，大家可以試下👍🏻另外餐廳做緊優惠，每日既優惠都唔同嫁！我地呢日係Prosecco買一送一，所以超抵，忍唔住又叫多兩杯🤩🤩

星期六假日在粉嶺遊了大半天，在黄昏時間有點餓，就先吃個早飯才歸家。路過這間餐廳連酒吧，門外的餐牌打出$10一隻蒜蓉牛油扇貝，好似🤔 ...幾抵吃。裡面原來頗大間，我們先選了近bar 枱附近的餐枱坐，後來侍應哥哥說入邊還有位置，今晚沒客人包場，兩邊也可選擇，裡邊擺設了外國的明星懷舊相片，舒服的色調，空間感高。我們點了四隻❮蒜蓉牛油扇貝❯@$10每次下單最少四隻和雙數，安全計，先按最低要求試試。 輕蒜牛油夠微鹹的小扇貝，沒有沙，煙韌彈牙，很美味。故再點多四隻，雖沒第一輪的大隻，味道依然不錯。田園沙律$98沙律有多款生菜，車哩茄，櫻桃蘿蔔片，醬汁用乳酪加檸檬汁，酸酸甜甜的，好一個開胃頭盤，食店自家製的醬汁，沒外來醬與味精。辣肉腸薄餅$128熱辣辣薄餅，香濃的芝士可以一絲絲拉出，帶香草味，薄批底很香脆，2人吃一個批，份量剛剛好。西班牙無激素栗飼法式豬鞍架$228全熟的豬肉仍帶輕輕的粉嫩色，切下還流出肉汁來，滿滿的豬肉味 , 有嚼勁，濕潤，只需加鹽吃便很足夠。我們選了自家製的青胡椒醬汁，辣味略輕，當咬到胡椒粒時釋出更香味道來。伴菜有幼豆角，翠肉瓜，茄子片，沙律菜，黑松露薯蓉，薯蓉滲滿了濃香的黑松

朋友住粉嶺，話聯和墟有好多好嘢食，於是我哋今次嚟咗一間佔地面積好大嘅餐廳及酒吧，叫good time restaurant 😻😻知道佢哋個健力士黑啤烤乳豬件好出名，😋😋所以我哋喺訂枱之前已經要預約定啦。見到menu推介西班牙🇪🇸炒飯，我地都好想食，但由於我同朋友都好細食，所以我哋就叫多咗一個set嚟🍝就食到超飽👍🏻👍🏻健力士黑啤烤乳豬件好大件，平時好少菜式有乳豬食，今次食到，而做法同平時嘅有啲唔同。同平時嘅乳豬皮一樣咁趣，但係入邊仍然鎖住肉嫩多汁嘅豬肉😍😍加上芥茉醬，十分惹味✌🏻實在太抵食啦，兩個人食極都食唔完🤪🤪跟住個拿破崙龍蝦尾配意大利飯都好驚喜‼️我好怕食risotto食到個人勁濟，又試唔到其他野。但佢個汁好正☺️☺️你香濃等蕃茄汁，酸酸地好開胃。拿破崙龍蝦尾有手掌咁大，肉彈牙，唔會放到梅哂✌🏻✌🏻二人份量剛好。而餐湯係白湯，入邊有一粒粒好分明嘅硯，好香濃✌🏻✌🏻咁啱嗰日仲好凍，用嚟暖下胃就最正喇😽前菜係沙律，用咗我最鍾意嘅醋做醬料，而唔係千島醬咁膩😆😆最後跟set甜品係布丁加朱古力，為呢餐畫上完美句號💪🏻💪🏻我地仲bookmark 定下次黎吧飲野都好chill🎊🎊🎊

自從這一區多了屋苑，美食的種類再不局限於快餐和米線了～ 聖誕節期間和同事在 Good Times 試過在這裡搞 party，質素非常高，值得一來再來。佔地甚廣，分開一邊是酒吧，一邊是餐室，氣氛不俗。疫情期間，可以不用身貼身的食飯，感覺份外放心。餐廳每天有限定優惠，今天是 $10 1條豬肋條，一枱最少要點4件，每人兩件剛剛好！可以選蒜香或bbq醬，一客內只可選一款醬（即是不可以兩條蒜香兩條bbq這樣。）我們點了蒜香，上桌時超級香～不錯不錯～跟據上次用餐經驗，我們就點了非吃不可的菜。重點推介芝士薯條～真是吃不停口啊！大量芝士，超級comfort food！份量頗大，3～4人share會少點熱氣，多點歡樂（笑）上次聖誕節來的時候好像沒有這款牛油果軟殼蟹漢堡，今次試一試～一份內包括薯條和黑醋沙律菜，很豐富呢。牛油果直接放半個進去，牛油果控表示好滿足！軟殼蟹上面有融化了的芝士，我覺得調味方面稍稍鹹了一點，重口味人仕應該會覺得沒問題（笑）黑松露忌廉雜菌意大利飯，汁和飯的比例剛剛好，飯粒外軟內硬，看似細細一碟，其實份量很多的，吃了一半我就投行了（笑）幸好同行的是大胃王！我們另外還點了一份凱撒沙律的，

Good Times Restaurant And Bar 喺粉嶺嘅聯和墟，間舖都算幾大，而且樓底很高，休閒感十足！踏進店內就是巨型的Bar位，整潔明亮有格調，店內也有很多不同的掛畫做裝飾，當然唔少得嘅係店名嘅縮寫「GT」啦！非常時期，餐廳亦非常注重衛生，抵讚！Latte $40香而滑，達到了Latte應有的水準！Cappuccino $40奶泡夠綿密，咖啡味亦突出，很不錯！連埋枱面嘅裝飾一齊影，夠晒Chill！芝士焗墨西哥脆片配墨西哥辣椒 $118Nachos焗到又脆又香口，夾埋芝士同埋 Jalapeno已經係超級惹味，足夠我哋食到停唔到口！仲可以點埋Sour Cream同埋肉醬一齊食，都一樣咁滋味！香煎蘇格蘭三文魚配黑松露忌廉汁 $148色彩鮮艷，擺盤美觀，魚皮煎到香脆，魚肉加黑松露忌廉汁的確美味！澳洲S級草飼牛肉眼扒 $198好大塊，煎到7成熟啱啱好，肉質能輕易切開，入口牛味仍突出！

與朋友運動後打算在附近找家餐廳祭下五臟六腑，最後選了一家酒吧樣式的西餐廳，環境燈光較一般西餐廳光猛，入座後店員再以用消毒酒精抹枱，於這種非常時期來說特別安心。德國腸拼盤（雞、豬、牛）食用獸的我們當然點了德國腸拼盤，份量大而多，無肉不歡。腸仔外皮超薄超脆，腸身飽滿，肉汁豐富。款式多樣化，以雞、豬、牛製成不同口感味道。脆皮德國咸豬肘配酸椰菜德國咸豬肘外皮香脆，皮肉連筋含豐富骨膠原，口感彈牙。肉質香口結實，肉身鎖緊水份並不乾身。廚師把整隻豬肘切開至適當大小，方便分享又能啖啖肉入口。整體感受不錯，下次看球賽可以選擇這家餐廳，環境富氣氛而食物有水準。

今日入咗粉嶺探朋友，難得一場入到去當然要食埋晚飯先走啦，想搵個地方坐低舒舒服服飲嘢食嘢傾吓計，朋友就帶咗我哋去聯和墟Goodtime,裝修新淨坐得舒服😌一入門口，有過百支酒，生啤都有六七款，夜晚仲可以直播各國足球賽事，最緊要仲可以食埋野！點了一份炸薯條，加$10有酸忌廉，熱辣辣，餐前小食絕對一流！忌廉汁藍青口配蒜蓉包，忌廉味香濃，青口隻隻肥美！十安士美國prime肉眼扒，七成熟剛剛好，肉味香濃，做到有炭烤既效果，鎖住肉汁，配上薯蓉烤蔬菜，份量夠兩個人食！人均消費200多元，食到有質素的西餐實在難得！

星期六放假去粉嶺聯和墟食個靚lunch! 餐廳非常寬敞，加上極高樓底，有好chill嘅感覺！芝士焗墨西哥脆片配墨西哥辣椒 $118Cheesy Nechos with Jalapeno本身自己都好鍾意食墨西哥脆片，加上芝士、墨西哥辣椒，再點少少酸忌廉和肉醬，真係好正呀！澳洲(S級)草飼牛肉眼扒 $198Grilled Australian Grass-fed Rib Eye (8 o.z.)肉眼扒外層煎得好香啊，內裡肉質仍然好juicy 柔軟！這件肉眼扒脂肪含量較少，但帶少許筋，牛肉味香濃！配菜相當豐富，有又香又滑嘅薯蓉，沙律菜、煎翠玉瓜、茄子、車厘茄、豆角，都唔好錯過呀！香煎蘇格蘭三文魚配黑松露忌廉汁 $148Pan-Seared Scottish Salmon with Black Truffle Cream Sauce三文魚魚皮煎至金黃香脆，魚肉保持嫩滑多汁，加少少黑松露忌廉汁，真係回味無窮！鮮奶咖啡 $40Latte奶味和咖啡味都香濃細滑！泡沫咖啡 $40Cappuccino泡沫豐盈，咖啡味更滑一點！

第一次來吃，在OpenRice 無意中找到，之前經過以為只是酒吧沒留意原來是餐廳。Lunch set南瓜意大利飯好好味價錢唔貴，地方舒適唔算好迫，服務也很好，很適合跟朋友來聚餐聊天，一定會再來！