Good Times Restaurant And Bar (已結業)

近年聯和墟有多個新屋苑落成，不少高質食店陸續進駐，今日決定走入去聯和墟同朋友食大餐。在聯合墟走了一圈，被一間品味餐廳吸引著，樓底高，環境舒適。餐廳門口一部份劃分為酒吧區。餐廳中央還有大屏幕直播球賽，今晚時間尚早，相信愈夜愈熱鬧。西班牙海鮮飯（二人份量） $288賣相一流，廚師用上西班牙米，米粒圓身又有咬口，紅花絲令飯上了誘人的金黃色，加上新鮮車厘茄，清新爽口，隱約有一種甜美。材料非常豐富，配上鮮甜大蝦、青口和帶子，水準甚高，值得推薦。德國腸拼盤（牛、雞、豬） $158一共有六條香腸，抵食夾大件，有好juicy嘅牛仔腸、脆口嘅法蘭克福腸同香草味濃嘅紐倫堡腸，滿足哂兩人唔同口味。拼盤配上牛油味濃郁嘅薯蓉，軟綿香滑。美式炸洋蔥圈 $88落單即炸，熱辣辣出爐，呈金黃色外酥內嫩而不油膩，配上沙律醬，屬開胃小食首選。特飲PM $58呢杯係無酒精飲品，一入口芒果味濃郁，飲落有淡淡的桃味，配上一片清爽嘅青瓜，為特飲加添新奇感。

今晚提早做節，細佬有個創新提議，就是不吃中菜，要吃西餐。這間餐廳酒吧位於聯和墟以前的舊街市位置，店面位置很大，所以很容易找到。我們點了西班牙海鮮飯套餐、德國腸拼盤、法式寶雲酥羊架、美式焗薯皮。海鮮飯說是2人份量，其實是4個人每人也吃到1碗的份量，青口煮得剛好，蝦也很大隻。法式寶雲酥羊架有3件，香蘇惹味，這是我最喜歡的一道菜式。德國腸拼盤有3款腸，還有沙律菜伴碟，以感輕吃啖啖肉的肥膩感。美式焗薯皮是到酒吧必吃的，香脆的薯皮盛載著煙肉、磨菇、半溶芝士，再沾上cream cheese﹐是邪惡但又無法抗拒的美食。海鮮飯套餐是包2杯英國啤酒Tetley's﹐啱晒細佬同老豆，我試咗兩啖，幾creamy﹐唔太苦。我自己就貪新鮮，點咗杯熱嘅無酒精雞尾酒，叫做Hot Mod﹐係大吉嶺茶底，加玉桂、檸檬，而檸檬當中加咗幾粒丁香，幾特別的賣相，入口滿滿肉桂香。總括來說，食物賣相都是靚靚的，質素也不錯，尤其羊架。欣賞餐廳用甜甜的蕃薯蓉伴碟，而非薯蓉。下次來happy hour再吃焗薯皮。

今日入來粉嶺playhouse 比仔仔放電，係咁跑係咁玩波波池，玩完之後仔仔話超肚餓，咁我地就周圍行睇下有咩食，之後見到 Good Time 門面好大好靚感覺好舒服就入去座，侍應安排我地座沙化位好舒服望住個大電視睇波，好爽。先叫左兩個午餐:香煎三文魚配番薯蓉伴香草忌廉 +蘑菇湯+凍檸茶 另加甜品 ~ 個番薯蓉好吸引，魚煎得香。 香煎澳洲S級草飼牛肉眼扒8oz燒汁配白飯 +沙律+凍檸水 另加甜品 ~ 7成熟的牛，好夠肉汁，lunch 呢個價錢食好抵。美式焗薯皮 ~ 不嬲都鍾意食焗薯皮，所，以岩我地食。德國腸拼盤 《雞，牛，豬》~ 我最鍾意牛腸夠濃郁香味。帕爾瑪火腿伴蜜瓜 ~ 呢個頭盤真係好掂質素高，仔仔第一次食就已經話正。

真正的朋友不需要日日見面，喺英國讀大學時的同學入到粉嶺探我，便請他去了聯和墟(Good Times Restaurant And Bar)餐廳有用餐區及酒吧區，一站式不假外求，食完飯又可飲杯嘢慢慢傾，餐廳設計帶有些英國風，十分優雅環境舒服，不經不覺大家已經傾左幾個鐘，係時候回家了，我哋已約定下一次聚會都會再來這餐廳。帕爾馬火腿伴蜜瓜牛油果蟹肉沙律，當鮮味的蟹肉遇上牛油果十分配合。蒜片辣椒欖油扁意粉，扁意粉掛上橄欖油，十分清新。香草白酒忌廉煮青口~青口索哂白酒忌廉汁，十分鮮味。

有同事生日，放工到了聯和墟中一間較有情調的西餐廳，大大的電視放在足球比賽，有啤酒有手調酒，感覺很不錯。座低很不久，店員很快就送上水及餐牌，看了看餐牌，同事話想試下special menu的西班牙炒飯，那就點這個吧～Green Tea Beach & Blossomy本來點西班牙炒飯的combo可以配Tetley's的，但不境明天還要上班，酒精還是免了，散點了兩杯mocktail，外觀可是很漂亮的，但本人拍照技術有限，拍不出原本的美。Spanish Seafood Paella Combo For 2 賣相真的不錯，有青口，帶子，蜆，魷魚，大蝦等。蝦很爽口啊～飯粒吸滿了海鮮的鮮味很鮮甜呢，兩個人分著吃剛剛好。German Sausage Platter with Mash Potato點了一份海鮮另一份就選“肉”吧，同事提議點德國香腸拼盤，這份賣相也是很好看呢。三款香腸分別是雞、豬、牛，各有各特式，個人較喜歡牛仔腸，滿滿的牛油香，豬肉腸口感很棒，雞肉腸則鹹了一點。下層是薯蓉，連肉汁一起吃好好味啊。滿足滿足，好棒的一餐。

好耐冇去聯和墟 原來有間新嘅商場地下開咗好多嘢食 見到有間酒吧餐廳好似好大好靚咁喎 一於入去試吓啦 睇下個Menu先 選擇嘅種類都好多 今日仲做緊一個二人西班牙海鮮飯套餐 包兩杯啤酒 諗唔到食咩一於就係呢個set啦 仲有一杯酒可以轉做1664我哋叫咗一個餐湯今日個湯係蘑菇湯另外仲有一個小食係parma ham 配蜜瓜 個蜜瓜好甜配埋鹹鹹地嘅parma ham食簡直係好夾呀終於個海鮮飯上枱喇 真係好大兜啊 兩個人一定食唔晒啦 本身佢張相有魷魚 蜆肉嗰啲嘅 不過呢度就得青口 蝦同埋帶子 同埋有兩隻青口都冇開到口啊唔好睇佢黃色唔講以為係咖喱汁添但係食落去個味OK 㗎喎 雖然同嗰張圖真係有少少出入.食完主菜梗係要來返個甜品先夠圓滿啦 我哋叫咗焦糖燉蛋個擺碟好靚呀估唔到聯和墟都有一間咁樣嘅西餐廳 又可以飲下酒食下飯仲有得睇波添 真係好chill ga

Good Times Restaurant and Bar座落粉嶺和豐街，面積非常大，枱椅擺放後距離寬闊，毫無半點緊迫感，就算十多廿個友好一同開P都絕對不成問題。先來的是香草白酒忌廉煮青口，配以鬆脆的面包條，蘸汁吃極之和味！青口新鮮、軟腍，用忌廉汁煮後非常入味，好吃！帶子鮮蝦墨魚麵，配上香草忌廉汁，吃到不亦樂乎！帶子和蝦都很大隻、厚身、嚼起來有口感。 墨魚麵本身的墨魚汁和沾滿加進的忌廉汁，別有一番滋味和特色！主食的脆皮德國鹹豬手，份量超級巨型！外皮烤得極度鬆脆、內肉香甜惹味、肥瘦適中。 加配的醬汁蘸起來更加好味，尤其是芥末醬很有特色，攻鼻但不太辣，正！ 酸椰菜超酸，但不失為一種開胃配菜。吃完太飽了！服務員加了幾次清水，很有禮貌，抵贊！

一星期去一次聯和墟，每次也會食不同的餐廳，直至Good Time 開了，我們幾乎每星期也只會去那邊食，因為那裏實在太吸引了，服務好，食物正，價錢抵。午餐大概58-98不等，餐包括餐湯/沙律菜和飲品。今期的午餐非常吸引，我們一行4人叫了5個餐，但我忘記了拍餐牌，所以菜式的名字可能不太正確。有凱撒沙律伴溫泉蛋，雞肉牛油果墨西哥卷伴薯條，蟹肉露荀意大利飯、松露油野菌意粉、燒春雞伴飯。🍄蘑菇餐湯-味道濃厚，充滿攪碎了的菇，估唔到餐湯也可以做到這質素😍。☘️跟餐沙律菜-份量適中，不是求其俾幾條菜，顏色配搭也很美。🌱凱撒沙律伴溫泉蛋🥑雞肉牛油果墨西哥卷伴薯條🦀蟹肉露荀意大利飯🍄松露油野菌意粉🐔燒春雞伴飯食物整體性格比真係無得輸！有時間也想晚上去一次

聯和墟其實都真係好多嘢食，試極都有新嘢，呢間餐廳新開左一段時間，本嚟諗住食afternoon tea，結果食左晚餐，整體食物質素唔錯，西餐嚟講價錢中上，嘢食冇餐跟，湯同飲品都要另外加錢，雖然樣樣都要加錢，但食物質素唔差嘅關係，有時間都會再嚟豬鞍配紅酒汁肉質唔韌夠林，亦唔會有筋或多肥肉，味道唔會有豬嘅羶味，唔點汁食都覺得好食，其中配菜嘅黑松露薯蓉真係好有驚喜，黑松露味好濃，同薯蓉非常夾，其他配菜味道都唔錯老虎蝦香辣茄汁意粉大蝦有兩隻，食落唔係太新鮮，雖然話香辣，但一啲辣都食唔到，相比茄汁味就非常濃，意粉好入味，份量比較少薯條係加$28配嘅，新鮮熱辣辣上枱，熱食同暖食一樣唔脆，味道偏淡，個人認為加多少少鹽會更好

久違了的二人聚會，想起同友人有半年多冇見了，一於相約聚下，到了粉嶺一轉，周圍行下，經過一間餐廳，酒吧格局，見到有Afternoon tea ，仲要幾平，一於試下了。 店子面積頗大，樓底高，甚有空間感，裝潢是型格設計，前段是酒吧位設有兩部大電視直播球賽，後段的餐廳位置，牆上掛有經典明星的照片、擺放了流星聲及小擺飾，帶有古典味道。 我們二人坐卡位，座位寬敞，cushion印有名星圖像，令人注目。 餐牌，除了Afternoon tea，3:00-6:00pm，外都有其他下午茶選擇呢。 Afternoon tea，$158 for 2。 金色鳥籠架，賣相十分精緻，感覺貴氣。 Cappuccino，有得要泡沫咖啡，咖啡味道不俗。 鹹點： 芝士磨菇煙肉撻 蟹蚶肉香草多士 焗露荀薯仔餅（轉了雞翼） 英式鬆餅（轉了牛角包）甜點： 雲石芝士蛋糕 士多啤梨撻 咖啡奶凍 鬆餅轉了做牛角包，有點可惜（因想食鬆餅），但出現牛角包都幾特別嘅，牛角包口感酥脆，尚算香牛油味。 焗露荀薯仔餅轉了雞翼，比較遜色，雞翼較凍，味道較淡。 芝士磨菇煙肉撻，撻底鬆脆幾香口。 蟹蚶肉香草多士

今晚老公要ot，需要自己一個人食飯，又唔想自己一個喺屋企對住四埲牆咁悶，所以決定去屋企附近嘅餐廳，食餐豐富嘅晚餐！menu都有好多唔同嘅選擇，但係我自己一個人，都係嗌咗個main食就算喇！ 下次嚟同老公食, 再叫多啲唔同嘅嘢啦！無論係杯定係餐具還是佈置，都有印曬logo，似乎店主對呢間舖頭，都落咗唔小心機！點咗一個烤豬鞍， 寫到明係天然無激素， 見到佢有曬坑紋，都非常靚仔！！配上唔同嘅薯菜認真夠飽， 佢個汁係紅酒味，好惹味喔！

朋友啱啱入伙，入咗粉嶺住，新屋苑裏面，當然有新商場同新餐廳啦！ 上去坐之前喺樓下見到間佈置得好精緻嘅餐廳，就定咗今晚喺呢度食晚餐啦！經典卡邦尼意粉～ 卡邦尼意粉一定要趁熱食， 因為佢係用忌廉做成，如果凍咗，佢就會凝固為一pat pat， 呢度用嘅配料同坊間都有一定嘅出入， 感覺呢個配搭更加香口惹味。加拿大天然無激素豬鞍～ 豬鞍size都算大,，一條條黑色嘅網紋， 令到賣相更加吸引， 肉味非常之香濃，配以沙律菜、番茄、蘆筍、薯仔，份量真係非常足夠。黑松露薯條～ 薯條上面鋪滿咗芝士，旁邊襯上黑松露醬， 變咗可以有兩種食法， 迎合唔同口味嘅客人。炸單骨雞翼～ 炸雞翼非常之清爽，一啲油膩感都冇， 配以沙律醬， 正正係絕配嚟嘅！ 由於個係單骨， 所以食落去非常方便，女士食都唔怕冇儀態。

今晚入左來粉嶺，朋友揸主意，地點佢話事，估唔到聯和墟呢間餐廳咁正，下次都會再來🤗地方大，又時尚，估計都有三、四千呎起碼，入口係一個偌大的酒吧區，應該負責全場酒水供應，好Relax😍再行入去有另一個空間，好啱大party 聚會或慶祝生日等等，而且有投射大電視，播足球節目，氣氛唔錯👍🏻菜牌選擇頗多，價錢唔貴，不同時段有不同優惠，比起市區平左一大截，抵喎😬首先叫番杯啤酒嘆下先，大約$60-70元左右@pint ，頓時精神為之一振，又開始高談濶論😂帶子鮮蝦墨魚麵配香草忌廉汁$148，份量雖然唔算好多，但係貴精不貴多，忌廉汁好香，帶子、鮮蝦都唔少，帶子鮮甜，鮮蝦爽口，墨魚麵好香，整體來講非常好味😋五成熟嘅美國肉眼扒$298（10安士），成塊面咁大，肉脂比例恰到好處，香酥肉濃，好夠肉味，配菜亦美輪美奐，一路食住牛扒一路嘆番杯啤酒，人生幾何😍😍😍再叫多個蕃茄水牛芝士薄餅$98，大大滿足，初初以為食唔晒，點知越食越好味，傾吓講吓又K.O.左🤪埋單每人都係三百元左右，而且門口可以望住部車，好啱揸車嘅朋友吖，下次我識得來了😍

之前黎食過一次晚餐覺得食物質素唔錯，決定再黎試吓下午茶。平日下晝四點到, 全場得三台客都已食完咁滯。侍應話Menu上六個餐中有兩個都冇，最後叫咗個煙三文魚蛋沙律法包，細佬叫咗煙三文魚雜菌意粉。意粉好快到, 不過份量係下午茶size比較細，呢個都理解。 最後等左起碼成40分鐘個法包先嚟，而隔離枱遲過我地落單嘅Tea set都早過我到咗。注意，我地落單時只有我地一台新客，加上所謂嘅煙三文魚蛋沙律法包，原來係三片細多士上面放啲蛋沙律加煙三魚，唔明點解可以咁耐先嚟，侍應亦都一句解釋都冇。途中我地冇催過單，成場得我等緊，如果真係得兩台客都漏單咁都幾搞笑.... 食物質素好普通，咖啡同cappuccino好難飲。好失望，唔會再幫襯...........

Visited this restaurant with my dad for a birthday meal, it has your typical pub fun vibe with a decent sized tv; which is perfect for late night sports accompanied with a beer. Guess this isn’t the best of places to have an intimate dinner, but the food was good! Food presentation was surprisingly better than expected, lovely on the eyes and for the pictures, I quite enjoyed the salmon (cooked very nicely) 😋 I wasn’t too hungry so the portion was enough for that evening. This is more on the pri