Good Times Restaurant And Bar (已結業)

今早黎到粉嶺辦工，兩時先有時間食個遲來的午餐。老友提議黎呢間西餐廳，仲係萬歲。 餐廳幾大間，前場係酒吧形式，後場係餐廳，非常獨特，生意都唔錯。難得仲可以叫到午市尾班車，選左一個羊脾扒，老友話食豪啲，二話不說就叫左份和牛肉眼。 板燒羊脾扒配露絲瑪莉紅酒汁 賣相唔錯喎，大大塊。肉質幾腍，易切。剛剛好熟的程度，羊味適中，肉汁相當多。醬汁係露絲瑪莉紅酒汁，香甜的，幾配合。配菜仲有薯蓉，滑得好過份，非常好味。午餐仲跟一杯飲品，都相當抵食。 澳洲M6和牛肉眼扒 老友豪爽選了和牛肉眼，賣相非常得，而且好!大!件!。要求的五成熟都處理得相當好。入口肉質非常軟腍，不失為一個高級享受。 芝士焗著條配黑松露醬 大大碟薯條，新鮮熱辣，芝士味濃厚，黑松露醬又夠滋味。環境舒適，食物質素都相當高。