Good Times Restaurant And Bar (已結業)

粉嶺呢個小區西餐廳唔太多，呢間位於和豐街內，佔地極大既一間西餐廳，有情調嘅格局設有大型嘅酒吧枱。別有一番風味👍🏼..🍴美式焗薯皮 $88薯皮唔會焗得太乾☺️，不過裏面只有芝士，如果可以加啲洋蔥煙肉等嘅嘢個薯皮會更加出色👍🏼.🍴煙三文魚巴馬火腿莎莎 $108顧名思義裏面一定有煙三文魚巴馬火腿，幾種材料加埋醬汁撈埋一齊，多事士做底，酸甜帶點鹹香，不錯👍🏼。.🍴加拿大天然無激素穀飼豬架 $208豬嘅表面煎得幾香，但略嫌肉質有d乾，唔容易咬開😀，但佢伴碟嘅南瓜蓉，香甜濃郁嘅南瓜香味👍🏼抵讚！.🍴是日餐湯-蘑菇湯$20個湯嘅creamy既口感，湯裏面清楚見到一粒一粒嘅蘑菇說碎👍🏼入口濃郁蘑菇味👍🏼。🍴 Somersby+Apple Sorbet $82/HH呢個蘋果啤起超級市場大家都成日見到,啤酒裏面有一球sorbet,食落去嘅口感有啲似雪葩嘅感覺,都係用返佢嘅蘋果啤製成。特別👍🏼

成日同老公經過呢度，發覺有一間新嘅餐廳，佔地極大，佈置用心，今晚終於都如願，可以呢度一探究竟！結合咗酒吧同埋餐廳，一入門口已經係酒吧！ 擺放著各式各樣嘅酒 ，絕對可以迎合唔同人嘅需要！靠場嘅卡位都可以坐得舒舒服服， 仲見到佢嘅cushion印有自家logo！ 果然有心思！menu比較簡單 ，都係兩頁紙 ，行簡約風 清清楚楚。除咗酒之外 ，當然都有非酒精飲品！是日餐湯（跟餐加$20）～今晚係蘑菇湯，比較香濃， 真材實料值得細意品嚐！小食拼盤（$148）～ 由於得我同老公兩個人，又想試多啲唔同嘅嘢，小食拼盤就係一個好好嘅選擇！ 當中有七款唔同嘅小食吉列蝦 、芝士波 、芝士手指、洋蔥圈 ……等等 ，都係以炸物為主， 夠曬香口惹味，配上咗兩種唔同嘅醬汁， 食到唔同嘅滋味！帶子鮮蝦墨魚麵配香草忌廉汁（$148）～ 帶子同鮮蝦嘅量很多， 帶子同埋鮮蝦都有海鮮應有嘅口感，既彈牙又有鮮味，以呢個價錢嚟講cp值超高， 忌廉汁一定要熱食，把握最好食嘅黃金十分鐘！ 入口香滑帶有香草特有香味！加拿大天然無激素穀飼豬鞍架配芥末籽紅酒汁（$208）～ 最鍾意見到格仔紋，跟住啲格仔嚟切，剛好一件一啖！ 見到用咗南瓜

湊細路出去食飯除了要請求環境，食物質素外，最重要是看餐廳是否kids friendly~今日去開聯和墟，美食選擇就多了，但最後我選了這間新餐廳，因為睇食評見到D扒非常唔錯，睇份兒童餐具同BB椅就知道小朋友實鍾意~講真，見到BAR & RESTAURANT，唔會諗到是湊小朋友食飯的一個好選擇，但試過一次之後，我會推介俾朋友下次搞親子GATHERING裝修是外國的工業風格，帶型格得來亦帶點檔次，約朋友聚會絕不失禮！一坐底就立即叫碟薯條俾兩個小朋友，經典美式炸薯條係即叫即炸，好粗身，薯仔味濃，小朋友急不及待自己拎黎食～不過現炸是會好熱的，要攤一陣先食得～呢度其實主打係飲野，但我揸車黎所以唔敢飲了，叫左我最喜歡的凍檸茶，茶味唔錯，如果大杯Ｄ就好了～睇ＭＥＮＵ俾佢推介的澳洲M6和牛肉眼扒吸引到，不用思考太多就叫了，因為價錢都都好親民～煎得超靚囉！！呢個係ＭＥＤＩＵＭ，超好食，肉汁勁ＪＵＩＣＹ～和牛脂肪較多，煎到熔哂，添和了肉汁，每一口都必哂Ｄ汁出黎，牛味都好濃，一Ｄ都唔ＵＮ，太好食喇，件扒咁大件，但好快就俾我食哂！底下係法式薯蓉，好似混入了南瓜咁，甜甜地～索埋Ｄ肉汁好正！ＭＥＤＩＵＭ真係剛剛好，

今晚老細請食飯，去新開呢間good times，想食好耐㗎喇，不過自己唔捨得。對我嚟講係有少少貴，不過食完呢餐之後我就明白佢貴得嚟係有道理，係真係好好食。有時出尖沙咀嗰啲地方食fine dinning，價錢差唔多，但啲料同廚藝就差得遠囉。如果住呢邊想食好西，真係唔洗跨區喇，食呢間啦！晚餐+$28可以加小食，我哋咁多人就叫咗個大啡菇，都冇估到原來一客有兩份咁多，又幾抵。大啡菇好厚肉好多汁，好正呀！意式手打肉丸意粉，我同事叫嘅，份量屬於中等啦（可能我食就唔夠飽...）我覺得賣相就一般嘅，但同事話意想不到咁好食，啲意粉好彈牙唔係一pat pat，茄汁有新鮮蕃茄嘅清新，肉丸多汁唔乾爭爭，食到lam lam脷～另一位同事就叫咗燒香草雞配香草汁，呢碟好靚，我都好想食。同事話好juicy，份量都有半隻小雞，係正嘅，有機會嘅話我下次都會叫呢款！我自己就叫咗安格斯竹炭漢堡，呢個就啱晒大胃王！安格斯真係好重好重牛味，仲要好厚身，真係好滿足！下面仲有一塊煙肉，食肉獸表示好開心。漢堡好高，想保持少少食相要續層食先得。配菜有薯條同沙律菜，好似食咗一個全餐咁，呢個抵食呀！

搬左入粉嶺，成日都想試呢間餐廳，因為每次經過，都覺得好有氣氛同好靚。好彩叫老公早d拎位，我地7:30入座，但無幾耐已經差唔多坐滿人。呢度既佈置都好靚，又好大，仲原來可以包場開party 。店內無論裝修、佈置同擺設都明顯係花左心思，好鍾意每一個擺設更加係有懷舊同古典美。有我喜歡的胡桃夾子店內有兩朵大大既喇叭花，係以前既舊式唱片機是日餐湯$20，今日係磨菇忌廉湯，啖啖磨茹粒粒，仲非常濃厚。所以本身嗌左一個，都忍唔住要追加多一個前菜要左個parma ham with melon $98，呢個真係parma ham愛好者既高度推薦，蜜瓜亦非常清甜蟹肉青檸蟹籽rissotto $138，勁多蟹籽，仲要啖啖飯都蟹肉食到，再加上好fresh既青檸味，呢個價錢真係超抵食加拿大無激素穀飼豬鞍架配芥末籽紅酒汁$208，聽個名已經好架勢啦，上餐時仲要係份量十足，好健康又大份，岩哂可以share黎食，而且好juice又嫩既肉，有d似慢煮甘既效果。伴碟仲有好creamy 既薯蓉同蘆筍、蕃茄，係好好既配搭。Latte $40，由於一入門已經見到門口有咖啡機同咖啡豆，所以一定要飲返杯，果然無失望，連老公都讚好。食完

這是不是最好的年代，每個人心中的答案都不一樣。但肯定的是，我看到了人性最美和最醜，而人，是沒可能只擁有美麗的一面。肯好的是我身邊的一班夥伴都有共同理念，要輕輕鬆鬆暢所欲言的吃一頓晚飯毫無難度。Good Times Restaurant And Bar 開業不久，之前試業晚飯時段好像沒 ready，今天和同事們豪一豪，吃一頓好的，再回到戰場（我是指公司。）黑松露醬芝士焗薯條，是沒可能失手的，熱辣辣的薯條，加上密舖平面的芝士，是很好的「下酒菜」。朋友的 all day breakfast，不知為甚麼很多人鐘情於「全日都要吃早餐」這概念，大概就是貪其甚麼都有一點，選擇困難症人士最愛。Good Times 的 all day，足料且精美，既貴精也貴多，內容有炒蛋、多士、腸仔、火腿、沙律菜、薯餅、茄汁豆、炒磨菇、牛油果莎莎、還有煙三文魚（如有數漏請指正～）我偷吃了一點炒磨菇，調味不俗，僻走了磨菇的「草青味」，磨菇依然夠juicy。牛油果莎莎也是清新之選，加了點蕃茄和檸檬汁，是其他店 all day breakfast之中比較少見的配搭。我點了鱸魚黑松露磨菇意大利飯，想吃鱸魚很久，皮煎得香脆，肉非

又到左一年一度 ge 生日, 放工後唔想出市區, 想近近地係新界食個飯 , 咁岩見到聯和墟有間新餐廳, 就揀左黎呢到慶生 ! 之前 ge 食評已經提及過去聯和墟其實幾方便 , 粉嶺港鐵站 A2 出口一出就有小巴同巴士 , 班次密 , 幾蚊車費 , 坐到總站就得食店裝修同擺設好有心思 , 面積好大 , 樓底亦高 , 中間放左 2 排長枱可以坐 40 人 , 食店仲話可以包埸 ! 👨‍👩‍👦‍👦👨‍👨‍👧‍👧👨‍👩‍👧‍👦👨‍👨‍👧‍👧讀書時期一大班人會去工廈 party room 包埸搞 gathering ,  人大了, 去呢類型有裝修 , 乾淨 , 坐得好舒服 , 有野食 , 有酒飲 , 有波睇 ge 食店包埸就最岩 ! 👍👍👍唔洗逼車出市區 / 過海 , 岩曬住新界或者唔想係市區同人逼 ge 朋友餐牌 :生日食豪 d 😜 !! 揀左 2 個廚師推薦的主菜 !! Main 加 $28 可配 side dish , $28 有烤焗大啡菇幾抵 ! 😏😏😏澳洲 M6 和牛肉眼扒 ($428)😋😋 牛扒肉味同炭燒味同樣濃 ! 肉質好腍  !!上菜時 , 店員奉上粉紅岩鹽同黑椒 ! 不過咁高質

住喺九龍嘅我哋都係第一次嚟粉嶺食嘢成日都聽人講粉嶺好多嘢食 今次喺聯和墟附近覓食發現左呢間超級大間嘅西式餐廳 好有情調 一半bar一半restuarant咁又有screen播緊球賽 環境都好舒服員工全部都好好人 都好好笑容 又會推介下食物我哋叫咗個炸單骨雞翼中間仲有沙律醬 一路食一路點好好食 炸得黎又唔會滴晒油前菜要咗個牛油果蟹肉沙律呢個真心推介 超級好食蟹肉又多 好足料 加埋啲牛油果 好夾主菜我哋食咗美國USDA prime肉眼扒要左五成熟 男朋友大讚個肉質好好好耐都未食過咁好食嘅扒啦肥瘦適中 一切就切開 好好食唔會好韌 仲有個南瓜蓉喺隔離超級好食 如果可以我想要多一個南瓜蓉添個扒可以加個配菜我哋要咗大啡菇店員話俾我哋聽好多汁 真係超級juciy啊嘢飲嗰邊我哋叫咗兩杯mocktails一杯hydrated一杯mean pine 都幾清甜幾好飲其實餐牌上面仲有好多菜我哋都好想食下次一定要叫多啲朋友一齊嚟食先！

今天下着毛毛細雨，一身汗水的我和太太，特別需要找個地方平静心靈和醫醫肚，所以我們决定進去試一試這間餐廳。時間尚早，門外負責訂台的店員才剛剛準備好，便帶着笑容迎來了我們這趟早客，她的笑容令我們心情隨即刻變好，值得一讚。餐廳寬敞，看上去有三四千呎，裝修有品味，在這樣的環境下如果再加上少許輕音樂我就覺得是絕配了! 我們點了我最喜愛的羊扒和西冷，值得一讚的是廚師的心思，餐前湯是磨碎後再慢火煮成的蘑菇湯，菇味濃郁有口感。羊扒份量適中，羊味恰到好處。而西冷賣相一流，肉質香軟，如能做到厚切就更加無敵了！最後一定要點讚的就是他們那杯即磨咖啡，不試會後悔!-店員們很細心，在用餐途中他們把米白色窗簾緩緩捲一半，等我們能看到窗外的雨景! 在舒適的餐廳吃着美味的午餐，非常幸福的下午。

系一個小地方，貴過市區的價錢，對服務出品有要求是正常，無奈老闆點教員工系佢自己的事，我作為客人不敢認同其服務水平，間店未ready就唔好開門做生意，開得門做生意就要服務到位，特別系收得咁高價錢，咪當客人係傻。亦不需要客人教返佢點做生意，老闆大把錢唔致在便無所謂。自己唔會再去，員工倒老闆米係事實，剛好今日黎左新員工，以為自己不得了，需要客人求你? 無服務，收費高，唔怕就去試下，一致劣評好難，難在劣評之後仲系度，大家試下! 比過幾次機會，真系唔會再去。

聯和墟係好多野食，但係走中高路線嘅唔多，如果想食靚西餐、坐得舒服、飲下酒、睇下波，或者慶祝生日紀念日等等，呢間新開嘅 Good Times 應該啱你喇～佢地係喺原本聯和墟舊街市，新起好嘅樓盤嘅向住墟果邊嘅地鋪，鋪面都好大，但係入面枱同枱唔會太貼近，坐得幾舒服嘅係 講返野食，介紹三個畀大家：1. 漢堡 夠晒大份，有樣野出色嘅係佢用左松露牛油，咬嘅時候好香呀！2. 炸魚薯條 佢唔係一般香港食到，炸到乾多面脆嘅 炸魚薯條，係似真係喺英國食果啲，外面比較軟身果一種，佢仲加左黑椒喺個漿度，鍾唔鍾意呢個就見仁見智喇，我自己就一般 3. 卡邦尼意粉 做得好好嘅卡邦尼，夠厚夠乾身，亦好夠味，呢樣野成日話易話易但係好多地方都做得唔好食，呢個係會想返下次再去食嘅 4 少爺啤酒少爺啤 鉖於都殺到入嚟粉嶺喇，呢個 香港手工啤 一哥近年無孔不入，不試過手工啤嘅朋友可以試下，佢呢隻 Classic 襯西餐確係好～ 極～ 無可否認，價位嚟講以喺聯和墟食飯嚟講算係唔平，但係我肯定我會再嚟試埋佢其他野食嘅！

有外表 無內裡 餐廳表面外觀型格 入內聽到女員工粗口橫飛 西口西面唔知係做到燥底定真係無學歷無文化低於水平 衰啲講句茶餐廳都不如 好麻麻既一個lunch 記得個女員工係烈焰紅唇 聯和墟餐廳大把選擇 係見未試過所以黎試吓本身都有相機食先影開相嘅習慣 但係等得耐 又有落錯單 黎錯枱 都冇晒癮 又肚餓呢 其實味道真係麻麻價錢選擇來講可以唔使食呢度👎🏼no more 同事都話奶茶冇茶味 凍檸茶少甜小冰根本嚟到都冇分別嘅 平時都有比開貼士嘅習慣 今次真係比唔落手 慳返 所以就話虛有其表就咁解

是日同老公二人落樓下食個Lunch就各自各番工，今日唔趕時間，想試下聯和墟最新既餐廳。環境:Good Time其實都幾大，坐得幾舒服，寛敞，又有啲酒吧咁既格局，今次試左午餐都想下次再試晚餐。服務:一般冇特別食物:入到去見到淨係得lunch menu，我問有冇其他主menu，侍應話星期六日冇lunch set先有其他menu，我覺得選擇少左啲，價錢都唔係平。老公想話嘆杯咖啡，我地以為呢到會啲唔同種類咖啡，原來係冇既，都係普通咖哩奶茶檸茶檸水。加左10蚊要餐湯，其實我以為會係個餐包埋湯，by the way，個湯幾濃厚，幾好飲，不過個蒜蓉包好乾。煙三文魚意大利飯，幾好味呀，唔會好“溜”牛扒，上枱果陣覺得好香呀，佢地建議5成熟，都煎得幾好呀，不過塊扒好鬼有咬口，嚼到我牙骹軟呀，味道是ok的。兩人埋單216，當然以樓下食個lunch黎講係貴左啲啦，我諗我地都係食舖租，總括黎講不過不失。

囍逸商場開了，為餐廳林立的聯和墟添加了幾間食店，晚餐就試試這間GOOD TIMES RESTAURANT & BAR 。餐廳樓底高，空間感大，環境也算舒適，稍嫌枱與椅的距離比較差，坐下時感覺枱比較低，進餐時有點辛苦。由於六時半到達，所以客人不多，環境尚算寧靜。看過餐單，選擇不多，價格亦偏高。我們小試牛刀，前菜要了一客高麗菜沙律和美式炸洋蔥圈。主菜每人叫了一客意粉，分別是焗肉醬意粉、卡邦尼意粉和蒜片辣椒蜆肉欖油扁意粉，另加飲品3杯。高麗菜沙律外型吸引，份量大，而且新鮮，簡單美味。美式炸洋蔥圈份量小，炸粉厚又比較油，可以放棄。意粉方面，3款都碟大份量小，如果肚餓可以叫2份。肉醬意粉味道酸酸甜甜，尚算不錯。卡邦尼意粉芝士味濃，味道不過不失。蒜片辣椒蜆肉意粉，沒有辣味，味道平淡。整體而言，餐廳菜色款式少不吸引，價錢貴份量少，味道平淡，相信餐廳要再下些功夫才能吸引客人再次光顧

粉嶺最近開左間西餐廳, 見多人幫襯就去試下啦！星期六中午時間已經要等位。好彩不久就可以安排入座。午餐有set就緊係試set。揀了個蟹肉意大利飯, 仲有湯有飲品, 為周末節目揭開序幕, 正!本身無期待呢d餐廳會有好飲的奶茶, 喝了第一口眼睛立即發亮....... 杯奶茶好飲過飲開至愛茶餐廳嗰杯, 估不到會在這一方面有驚喜! 餐湯是南瓜湯, 味道ok, 但賣相出色。個意大利飯以set lunch嚟講是好足料。味道較適合淡口味人士。朋友叫了三文魚扒, 看來也不錯。由於仲有時間, 所以order了一客 Tiramisu 試下。嘩! 伴碟有好多生果呀！件蛋糕看來好ok, 不得不叫杯咖啡嚟送件 cake。果然無令人失望的蛋糕。食到 舔舔脷!