更多
2019-09-24
27 瀏覽
同一班朋友黎到粉嶺食野,見到呢到環境幾靚就入左黎食。首先就叫左龍蝦湯,湯好濃郁亦都有幾粒龍蝦肉咁,不過就稍為咸左啲。跟住再叫左洋蔥圈,味道唔錯,不過不失。我地都叫左芝士焗薯,芝士味濃郁,薯條都好夠熱同硬身,幾好食。黎食西餐點可以冇pizza,我地叫左個水牛芝士pizza,pizza都整得唔厚,料都幾豐富。除左pizza,我地都叫左個蟹肉蟹籽意大利飯,蟹肉量都幾多。仲有一個蒜片辣椒欖油意粉,意粉好香口又辣辣地,值得試下。之後亦叫左一個M5牛扒同埋豬鞍。牛方面就不過不失,份量都幾大份。而豬鞍就幾推介,好厚肉又唔會乾。作為一間bar梗係要試下呢到嘅酒啦。我就叫左一杯bartender special,味道就酸酸甜甜咁都唔錯。呢到嘅野食都唔算好貴又大份,份量配料都好足夠,好抵食
張貼