Go Dutch Cafe

營業中

休息中

好耐冇行開旺角，今日黎返登打士街食野，疫情前呢度好多人排隊去cafe 玩board game今次黎食呢間野純粹黎吹下水，所以淨係叫左兩杯野飲加個德國豬手餐第一次食呢間既德國豬手，唔同其他店舖，佢地煮法係比較腍身，豬皮唔係脆果種，不過呢個煮法就令到隻豬手多返啲肉汁，唔會太乾，配埋蜜糖，食落都爽口既，十分肥美！薯條就不過不失～兩杯野飲都幾靚呢杯香芋摩卡咖啡賣相幾好，個人覺得呢款配搭幾好飲，有香芋既味道，唔會太甜～整體黎講呢度氣氛幾好，座位夠寬闊，可以坐低慢慢吹水～

相約舊同事出來傾談，當然一起共享美食，她住在旺角，地點好就腳，於是她帶我來到很受食客歡迎的「GoDutch Cafe」，開心歡聚一下，放縱享受美食。餐廳位置很方便，地理環境很好，佔地面積大，十分開揚，佈置優雅，有一份雅緻休閒，傾心事的好地方。餐廳入面放了燈飾，燈飾很特別，下面有不同國家的旅遊書。店內空間感很好，環境舒適，乾淨整潔，氣氛自在輕鬆，充滿西式的格調，繁華的背後，能夠停下來暫時忘憂，用餐更輕鬆暢快。餐牌添置美食的圖片及價錢，每款價格相宜，未食巳吸睛，令我胃口大開。栗米蘑茹厚多士Pizza栗米及蘑茹彈牙有咬口，厚多士軟硬度適中，不會過淋，恰度好處，令口感昇華，特別美味，我們都很鐘意。豬柳漢堡包拼薯條豬柳熟度拿捏得很好，十分入味，啖啖肉咬下去鮮味撲出來，鮮嫩夠淋，肉質嫰滑，紮實彈牙，配薯條來吃，非常香脆，口感很好，齒頰留香，值得推介。飲品我們叫了青蘋果紅茶及芒果紅茶，青蘋果紅茶有清香的青蘋果味，令人心曠神怡，感覺不錯。芒果紅茶有香濃的芒果味，，帶出絲絲味道在心頭，二款都容易入口，主餐後把油膩感一掃而空，任何日子都適合飲的飲品。Go Dutch Cafe（旺角）地址：旺角登打士街43

這間餐廳走古典優雅情調路線，看得出來裝修花了心思，配搭窗外夜景，有一種浪漫的氣氛。但不會像高級餐廳一樣令人焗束，電視播放著沒有聲音的浪漫的台劇，令人有回到家的輕鬆感覺，價錢更是親民。點了兩個晚餐sets （另收加一服務費）🐱芝士肉醬意粉$85（配$40熱飲）份量很多！送上來的時候熱辣辣煙一直在冒！芝士很多，攪動的時候能拉絲。醬很多，酸酸甜甜挺開胃。意粉不會焗得過熟，一條條還是很分明。🐱白汁吞拿魚長通粉 $85 （配$40熱飲）份量也很多！同樣熱辣辣和芝士能夠拉絲。吞拿魚挺多，白汁挺香濃。長通粉挺彈牙軟硬適中。🐱芒果綠茶/草原梳打 +$5@顏色亮麗。草莓梳打是草莓果醬混合梳打水，底部較甜。芒果綠茶有淡淡的芒果味，清甜解渴。整體而言，環境漂亮，價錢不貴，食物大大份，是CP值高的樓上cafe。

朋友約食飯…話想係旺角食…咁我就提議黎“Go Dutch”因為見到好多post話唔錯…打去訂個位先未夠7pm到時餐廳都未滿…坐多陣就開始坐滿…好彩訂左位。餐廳裝修簡單…覺得最正就係餐廳中央盞燈禮貌店員奉上餐牌…有2人set(包小食…主菜…甜品同飲品)或者自己顧自己單人set我地最後選擇點兩個set share…set就本身包左基本飲品…當然亦都提供彈性…可以補差價飲其他特飲如奶昔…我地點左豬手同燒春雞…記得燒春雞你要等下…因為準備需時…豬手出到黎個樣唔錯…跟左粗薯條。最正係豬手已經去哂骨…豬手味道唔錯…帶微微蜜糖甜味同黑椒味…而且份量幾多。薯條啱啱炸起就一定好味食到咁上下燒春雞黎啦…嘩…都幾大隻。好細心提供骨剪…我就手起鉸剪落將隻雞一開二…一剪開時仲見到d煙走出黎…熱辣辣。隻雞個皮微脆…帶d香草味同黑松露好鬼香…真係要讚下d雞肉好嫩…連雞胸都唔會鞋柴…燒春雞就跟左薯蓉…而且好大pad…味道都ok野飲我地同時點左熱情果梳打我覺得$158既豬手燒春雞絕對抵食仲要味道唔錯。呢度人手唔太多…不過服務員好勤力周圍走而且好有禮貌最尾朋友埋單…無”go dutch“ 香港叫”AA制“😂😂

呢個商場好多Cafe就大家都知今次介紹呢一間都非常之適合學生哥放咗學想搵個地方傾吓計玩吓有好多board game適合大家玩嘢食價錢都算係中間價位卡邦尼意粉 套餐 $118本身我同朋友仔都好鐘意食Pasta所以嗌咗呢度推介嘅卡邦尼意粉未食嗰陣都覺得好香好creamy醬汁包裹住每條意粉，仲有好多煙肉粒雙色汁薯條 $65我同我朋友仔都唔係好大食所以嗌多個小食就算薯條新鮮滾熱辣好鬆脆兩個汁唔算話太大驚喜不過黑松露蛋黃醬夜黑松露份量好多我哋叫嘅兩杯嘢飲都好味分別係阿華田朱古力脆脆同埋焦糖朱古力脆脆餐廳中間仲有一個非常適合打卡嘅樹藤波波燈真係好啱學生哥放咗學過嚟打躉㗎

又來都人多密集嘅旺角行街喇，今日朋友話要帶我去樓上Cafe嘆晚餐，佢話間Cafe好友情調，即管上去睇睇😎間Cafe喺10樓，一出呢已經見到門口第一張枱有斬大大嘅波波吊燈，非常之差eye catching😍，朋友推介食set Menu，所以就一人叫一個：白汁吞拿魚長通粉（$85）一上枱已經聞到吞拿魚味好濃郁！由於係即叫即焗，所以職員都好細心叫我哋小心熱唔好摸隻碟👍🏻！通常大大條好煙銀，除咗有吞拿魚之外面頭仲鋪咗芝士好香好濃，唔會焗到啲芝士硬到一塊塊，啱啱好！自家釀制芝心意肉雞柳長通粉($108)見到Menu有👍🏻推介，當然要點黎試一試啦！雖然賣相同白汁吞拿魚長通粉好似，但係味道完全有驚喜。芝士好濃郁，仲要有芝士做到拉絲嘅效果。雞柳唔會好鞋，煎香完再放落去一齊焗，所以雞柳好易入味，份量都好多，起碼有四五件雞柳。😻話左係set Menu我哋當然有嗌嘢飲啦！叫咗一杯香滑朱古力同埋一杯奇異果🥝綠茶！朱古力唔會太甜味道啱啱好，依奇異果綠茶呢飲到粒粒奇異果子，仲要大大杯😲，兩杯都飲唔晒。總括而言呢間Cafe值得回頭🤩🤩🤩🤩人均：$113Janna 翻撻指數：8/10🥢🥢🥢🥢🥢🥢🥢🥢

食咗個香草白汁蘑菇飯，唔平又唔好食。（計埋加一要$105）個白汁勁芡，好似啲溶咗嘅啫喱咁… 等餐又唔快… 衰啲講句，茶餐廳嘅白汁仲好味😂 真係唔會再食第二次。除非你只想食環境。

又係我銅鑼灣食神，微服出巡嘅時候，今日就去到旺角區，嚟到呢間Go Dutch睇開我食評嘅人都知道我會講停車的事，門口附近拍街可以但車多小心抄牌，都算方便哪。依間野必試嘅係都係，今次叫咗特濃龍蝦汁海鮮意粉啦，味道就味道唔錯夠晒香濃，其他就仲有青蘋果特飲，好夾香龍味道嘅餐，都唔錯啦！裝修方面，極油風格。都好舒服。我最注重嘅服務，呢間餐廳MK得來，係有服務值得一讚！整體都唔錯，我嘅評語係行過未試過一定要試吓！

一開始見到間野幾多好評諗住試下，點知勁伏，侍應由入座開始都係叫幾廿次先應，一直睇手機，仲好意思收人加一，完全唔覺得有被serve過。食物質素都好一般，個意粉味道奇怪，仲有少少腥味，完全唔值100幾既價錢。另外，啲裝修好殘舊都唔緊要，但張枱同啲窗都好污糟，見到有杯印同飯粒。唔怪得食飯時間坐左一個半鐘都係得2枱客，就知呢間餐廳咩質素，真心好劣評，懷疑個400個讚好係點黎Ps. 第一次留差評 真係可一不可再

個人好少比差評不過呢間野食物質素真係唔係好好食完個長通粉又腥腥地 意粉味道又怪 飲品麻麻地 重點係呢個食物質素一啲都唔值呢個價唔怪之得成個登打士到到都full得佢呢到有大把空位…環境污糟 地下好多點點 張枱好污糟 有飯跡 杯好污糟 有印窗好污糟 好好好好好污糟 好多黃色嘅跡 一啲都唔想掂到個窗由一開始入門口帶位 落單 埋單 叫極都冇人黎幫手唯一少少好就係門口裝飾燈幾靚😅點都要寫夠200字比呢間餐廳400幾個好評都唔知點黎….總之我唔會再食

賣相又唔好睇，真係好L難食呀呀呀呀，冇影到相。同男朋友夜晚去食西餐，見到價錢百幾蚊一個意粉唔算平以為點都對得住個價錢🤮🤮🤮我地叫左一個鹹蛋黃意粉同黑松露雜菇意粉🤮d意粉過淋🤷🏻‍♀️黑松露意粉冇咩味都算 食落似茶記40蚊水準🥲⋯⋯重點係個鹹蛋黃意粉，湯意黎。。成個意粉水得制，仲要冇乜味，完全唔知食緊乜！水溝意粉咁款🤮🤮送比我都唔想食!!!!!!賣單300蚊有兩杯熱飲比 狗 食 。完！！！！

好似好耐冇出旺角食嘢，今日出開去旺角買完野，順便食埋個晚餐先回家。經過登打士廣場，印象中有些 cafe ，於是選了呢間《 Go Dutch Cafe 》 一出𨋢門，感覺不錯，我同仔仔都決定一於試吓。加上餐廳中央的特色燈，相當吸引，真係打卡一流。進入餐廳，目測整體環境氣氛幾好，兩旁都是三至四人卡坐，最啱情人拍拖談心，或者三兩朋友傾計聊天。仔仔最鍾意食卡邦尼意粉，跟餐加$10加配了凍榛子朱古力。我就鍾意長通粉。跟餐要了杯熱latte 。雖然杯Latte 拉花不是特別美，不過就熱熱辣辣。意粉及熱飲都很夠熱，喜歡食野熱辣辣嘅朋友仔就啱晒啦！行街行到攰攰地，想找個靜靜的cafe 坐下，呢度都係一個選擇。

話說小弟今年31歲，經過30個寒暑陰差陽錯之下入左呢間餐廳。首先先講服務，一間cafe仔冇服務係好正常，但喺成間餐廳加埋唔夠10個客人嘅情況下，叫完個waiter要等5分鐘先施施然行過黎，我都係第一次見。冇聽錯係唔夠10個客，唔係10枱客。小弟差d想企起身就走，只係女朋友比較有耐性所以忍住冇走。之後叫冇個唔脆嘅炸雞翼同唔脆嘅薯條，不過因為餐牌冇話係脆所以唔怪得佢。重點係個龍蝦汁大蝦意粉，隻蝦細個手指甲ok，每個人對大嘅定義都唔同。龍蝦汁冇味我當清淡清腸胃。但大佬你個意粉都俾番d誠意吖唔該，一團面粉咁你都敢放上枱俾人食，有冇尊重過你自己做西餐嘅身份?煮食都係一個心字，我真係睇唔出呢間野個心去左邊。我唔理之前有幾多個打手post，我咁大個人第一次openrice 寫文就係希望地球上少一個人為食飯犧牲，喺呢個亂世入面多一個人可以喺食物入面搵到希望。打完，埋單走人，原諒我個意粉只係食得落一啖。

之前有與朋友來過登打士廣場的cafe聚會過，知道它一整幢都是不同類型的cafe，今天放飯時間就來到10樓的Go Dutch cafe嘆一嘆!😋一進門口這個樹形的燈飾很有格調，燈飾底下放滿了各國的旅遊書，客人可以隨意翻閱。👍🏻店內的裝潢偏文青風，放的音樂也很柔和，的確有令人放鬆的感覺~今天點了卡邦尼意粉set meal ($118)，跟餐送1杯$40熱飲，也可補差價轉其他飲品，我點了凍青蘋果綠茶，另嘴饞點了6隻炸雞翼😜這裡食物的賣相和擺盤都不錯，蠻適合一幫朋友打卡拍照📸。卡邦尼的味道濃郁，配搭香草和煙肉碎，增加口感之餘也很香口，意粉的軟硬度也適中, 水準在合格之上!炸雞翼也炸得十分香脆，但味道偏咸了些，喜歡口味重的朋友應該覺得不錯。如果今天是配搭味道淡的主菜，一咸一淡應該剛剛好。青蘋果綠茶看起來更像青蘋果梳打, 味道中規中矩。整體用餐體驗尚算不錯，但個人覺得比較適合三兩知己一起聚會的地點。👨‍👨‍👧‍👧

而家好多地方都有時間限制，反而cafe 無時限可以休閒d hae住食dinner， 仲可以玩下boardgames 添！Cafe 有set dinner 🍽 價錢都係一百蚊左右上落包一柸38飲品！荔枝綠茶太久無飲呢款台式飲品，清香既荔枝味入面仲有d 啫喱係入面！All day breakfast有牛角包、炒蛋、腸、二文魚、沙律菜、薯餅及茄汁豆！三文魚新鮮，薯餅比m字快餐店好食，熱騰騰炸得很香脆，要贊一下牛角包是焗得微暖的，不錯！焗吞拿魚天使麵焗芝士白汁吞拿魚很香，份量幾多舖滿左係面層，天使麵唔會太腍幾好食！心太軟賣相幾好，熱騰騰端出來！心太軟一切開朱古力就湧出黎，朱古力味很香濃但唔會好甜，好食😋加埋雲尼拿雪糕及朱古力醬，岩灑女生👍🏻Cafe 有broad game，食物質素不錯會再幫襯！