Go Dutch Cafe

營業中

休息中

個男staff態度差到一個點，全程黑面，好有型咁，我諗如果你唔係老細，你真倒米拒坐係到全程玩電話。比錢我衰唔夠現金（我得$130），我問有冇得電子比（同女員工講），個男再向女講拒要自己行過黎先得架（比說話我聽咩？）我好少會專登申請ac黎鬧拒食物質素其實ok,但價錢我覺得偏貴，凍coffee+卡拜尼意粉 $139本諗著食下小店，hea一hea,點知食到一肚氣可一不可再，即使食物有幾好食，都沒可能咁差服務態度呀？

住左係旺角咁耐，日日都係食個幾間餐廳，一D新意都冇。今日咁岩比我發現左呢間樓上cafe，居然離屋企都只係一條街，位置係登打士廣場10樓。放假帶埋媽媽一齊去試試先，餐廳環境好舒適，燈既設計好特別。媽媽同我點左意大利黑松露雜菌帶子配炒椰菜花，特濃龍蝦汁海鮮海蝦意粉，辣肉腸pizza，再加兩杯特色飲品碎碎朱古力同Iced latte。黑松露雜菌帶子配炒椰菜花，黑松露好香又濃味，帶子好鮮甜，椰菜花好嫩滑好香。特濃龍蝦汁海鮮海蝦意粉，龍蝦汁真係好濃郁，海蝦大隻又嫩，好好食。辣肉腸pizza都好惹味，面餅唔會過厚。最後飲埋個邪惡既碎碎朱古力，好滿足！

難得放假約朋友去左旺角行街，再試間最近發現既新餐廳，位於旺角登打士廣場10樓。一行人餐廳留意到燈飾好特別，成個環境都好闊落舒適。餐牌上既菜式有好多選擇，我地嗌左餐廳推介特濃龍蝦汁海鮮海蝦意粉同金沙大蝦鹹蛋意粉，再嗌左洛神花茶一齊飲。特濃龍蝦汁海鮮海蝦意粉，海蝦好鮮嫩又新鮮，完全唔似係急凍蝦，龍蝦汁好濃郁蝦味，好正！金沙大蝦鹹蛋意粉既鹹蛋醬汁好惹味，意粉軟硬適中，好有驚喜。最後飲埋個洛神花茶，去一去油脂先，呢兩個意粉實在好食得太邪惡感了。

呢排做嘢壓力好力，好姊妹們好識做，話要陪我傾下計同食反餐好去釋放反d吾好嘅情緒。佢哋就提議去cafe，因為可以坐耐d同埋傾計都會舒服d，咁佢地揀咗間係登打士廣場Go Dutch cafe聚會！同好姊妹們上咗餐廳之後，可能燈光嘅影響下，覺得餐廳有種好舒服嘅感覺，我哋嗌左蜜糖雞翼，賣相唔錯，雞翼好嫩多汁，蜜糖味好香！跟住都嗌左徳國鹹豬手配沙律&薯角，呢個都好抵食，好食之餘仲要分量幾多，豬手皮層方面係幾脆亦好香口！另外都帶咗份自家製原隻燒春雞配沙律&薯蓉，燒到好香，食落肉汁出晒嚟！辣肉腸pizza既香脆有鬆軟，，辣肉腸嘅愛好者真係不能錯過，好滋味！

呢排同男朋友食得太多中餐，突然好想食下d意粉嘅嘢。咁我就揸主意揀咗間Cafe，喺旺角登打士街廣場10樓，收工就可以去啦！同男朋友上到去餐廳之後，隨即叫咗三樣嘢食，一份芝士煙肉黑松露焗大蘑菇，一份特濃龍蝦汁海鮮海蝦意粉，仲有一份意大利黑松露雜菌帶子配炒椰菜花。飲品方面就嗌左杯碎碎朱古力同杯Iced latte！真係要讚下個焗蘑菇，芝士味唔會搶走左個黑松露風頭，而且大蘑菇食落軟身，又有汁同有菇味！海鮮意粉又係出色，龍蝦汁味夠濃，蝦肉鮮嫩！冇諗過炒椰菜花同黑松露係咁夾，覺得呢個菜式好特別同好健康，黑松露味好出，真係出奇地好食！男朋友對今餐嘅食物都好滿意！下次男朋友都要陪我嚟encore呢間cafe !

放假約埋朋友去旺角整指甲，買衫。朋友同我都行到好累，想搵間餐廳食下野，坐下。係網上睇左好奈，比我地搵到呢間隱世cafe。餐廳設計比網上睇更加別緻，座位都好舒適又闊落。我同朋友都唔太肚餓，所以只叫左芝士煙肉黑松露焗大蘑菇，金沙大蝦鹹蛋意粉，再加洛神花茶一齊分享。大蘑菇好多汁，黑松露味道好香好突出，配埋芝士煙肉，成個配搭好出色。金沙大蝦鹹蛋意粉果然係餐廳推介，大蝦好大隻又鮮嫩，鹹蛋醬汁好出色，又香又惹味，連意粉都煮得岩岩好。洛神花茶好香，飲落成個人放鬆曬，蔓越莓般的酸味感覺食物都更容易消化。

最近喺網上見到呢間餐廳嘅食評推介唔錯，菜式嘅賣相都好靚。馬上約朋友一齊去試吓。餐廳嘅菜式選擇有好多，餐廳設計好特別，座位好闊落，好岩同朋友慢慢嘆美食，一邊傾計。今次我地叫左辣肉腸pizza，金沙大蝦鹹蛋意粉，仲點左阿法奇朵。辣肉腸pizza好大份，麵餅食落好煙韌，唔會太厚身，辣肉腸味道好惹味，果然係我最鍾意食嘅口味。鹹蛋黃醬汁好有驚喜，醬汁當中仲有鹹蛋碎碎，意粉都煮得軟硬適中，連大蝦都非常新鮮又大隻。人生中第一次飲阿法加朵，知道呢個飲品都係喺電視劇見到，雪糕嘅甜味中和左咖啡苦味，好新奇。

終於捱到星期六，今日放假同朋友一齊去旺角行街，朋友話肚餓想搵餐廳食野又可以傾傾計。網上見到呢間環境又闊落，裝修又特別，就決定左呢間。好多菜式都好吸引，最後我地點左好幾樣。帕爾馬火腿凱撒沙律既火腿好香，沙津份量多又新鮮。德國鹹豬手配沙律&薯角，豬手份量好多，鹹香鹹香咁好惹味，薯角烤得外脆內軟，好正！自家製原隻燒春雞配沙律&薯蓉，春雞大隻又多汁嫩滑，火箭菜沙津好新鮮。辣肉腸pizza餅底厚薄適中，辣肉腸味道好突出又香，抵讚！估唔到旺角有咁好食，環境又咁舒服既餐廳，下次會再黎過！

同d朋友仔好耐冇見，即刻喺群組同朋友仔約去cafe聚下傾吓計。因為都想搵間環境好d嘅cafe好好地傾吓計，咁今次就搵咗間喺旺角登打士廣場10樓叫做Go Dutch cafe聚腳！由於我啲朋友仔全部都比較鍾意食沙律，所以點餐嗰陣都分別叫咗一份帕爾馬火腿凱撒沙律、一份徳國鹹豬手配沙律&薯角、一份自家製原隻燒春雞配沙律&薯蓉、最後仲叫咗一客蜜糖雞翼！首先講吓個凱撒沙律先，充滿鹹香嘅Parma Ham肉質柔軟，配上了煙肉碎同麵包粒提升左沙律脆香感！而德國鹹豬手皮層脆卜卜，肉質幼滑，很不錯！反而燒春雞都幾有驚喜，油香味重，外層夠香脆，肉質軟嫩！蜜糖雞翼都好入味，唔會話好乾身，推介呢間cafe啊！

有時候都要好好享受一個人嘅時間，今日放假，我就選擇自己去咗一間位於旺角登打士廣場10樓嘅Go Dutch cafe 食lunch ! 呢排身邊嘅朋友都有去呢間Cafe食嘢，佢哋都好推介！咁我今次去到，覺得餐廳環境唔錯，見佢嘅裝修都好有情調，不過我諗夜晚去會更加有情調。由於自己一個啦所以都冇叫到太多嘢食，只係叫咗$178意大利黑松露雜菌帶子配炒椰菜花同埋叫咗一杯洛神花茶飲。本身自己都比較鐘意食椰菜花，見到餐牌上有得點我都感覺好驚喜，上枱時買相都好好，黑松露味都好足夠，冇諗過原來搭配椰菜花咁炒係咁match，食落都覺得好健康，洛神花茶飲落唔會淡茂茂，酸酸甜甜好開胃！

本身今日約咗朋友一齊去旺角登打士街廣場10樓嗰間Cafe撐枱腳，點知佢臨時唔得閒結果就自己一個人去咗，雖然朋友甩底有少少失落，但都無阻我想試呢間餐廳嘅果個心情！好啦入到去，店員就安排我就坐，咁我睇咗餐牌之後就叫咗一份$128金沙大蝦鹹蛋意粉，另外就叫咗杯洛神花茶飲！碟意粉上枱之後見到d大蝦好正，因為d蝦真係好大隻，食落啖啖肉好滋味，仲要配搭d鹹蛋咁食，超級滿足！由於個意粉食落咁creamy ,呢個時候飲啖洛神花茶，成件事中和反晒！希望下次可以同朋友再嚟，可以share下d野食，始終一個人好難叫太多嘢食。

同兩位友人想玩下board game 又想chill 下 搵到間價錢相宜又有cafe選擇的餐廳嗌左個set for two （$448）選擇都有齊大家想食既小食。美式煙肉焗薯條🍟幼身薯條伴香口既煙肉，薯條份量都較多，由於友人中意食多芝士、芝士的份量冇想像中多，薯條食到後邊就欠缺芝士的覆蓋了。黑松露軟殻蟹意粉🍝比平時cafe的黑松露味更出，配合非常好，唔會有膩的感覺，仲有菇味同軟殻蟹，軟殻蟹粉衣同肉剛好。特濃龍蝦汁帶子蟹肉意粉🍝意粉同龍蝦汁真心大讚，但點綴的配料可以再調整，但意粉龍蝦汁濃，調伴幾好。是日精選蛋糕🍰Newyork cheesecake 成日好驚餐廳雪到蛋糕超硬，但呢間岩岩好，容易叉。士多啤梨比利時窩夫🧇窩夫醬同cream 合理，唔會偏甜，配曲奇🍪雪糕🍦絕配。每人最低消費都係一杯飲品，叫左3杯凍飲，不過不失。 總括：想同朋友玩下board game 又想食下野 ，環境舒服，可以一試。

朋友生日黎左呢間餐廳食，叫左個2人餐，分別叫左個黑松露軟殼蟹意粉同龍蝦汁帶子意粉，兩個意粉都好濕好碎，似自己係屋企用罐頭湯煮咁…甜品叫左兩個waffle，味道不錯，但覺得價錢同食物質素唔成正比。落單要等好耐，有好幾次侍應見到都冇理我地…同埋有漏單問題，上菜都比較慢，有好大嘅進步空間。整體好唔掂，價錢同食物質素唔成正比。侍應基本上舉極手都唔應，要開口叫先局住埋黎…野食完全唔掂，自己做餐飲業，見到呢啲食物都夠膽拎出黎真係r爆頭…

2021年11月17日 晴今次約左朋友黎傾計。傾計最好就搵d 樓上cafe貪佢坐得舒服又唔趕你走ma今次我地叫左個二人餐$398加一人餐, 有小食飲品仲有甜品蜜糖雞翼（6 pcs)熱辣辣脆卜卜, 好食德國鹹豬手配薯角（單叫$168)豬手好大舊, 薯條好脆, 唔錯自家制燒春雞配薯蓉（單叫$178)呢個要等40分中（menu 寫）不過都係同朋友傾計, 所以傾傾下隻雞就黎左雞燒到好香, 有肉汁不過就略嫌淡左dd, 可以再重味d卡邦尼意粉$118份量好多！都夠汁, 好食甜品揀左是日精選蛋糕（apple crumble cheese cake) 同榛子朱古力比利時窩夫cheese cake 就偏甜,但個朱古力窩夫好出色！夠脆口同好多朱古力醬好好食最後同朋友傾左成晚又食到好飽, 滿足

cafe內部都幾比較暗的設施都明顯有不少損耗 係有啲年幾嘅cafe但一班朋友坐埋食下飯出下水都係幾好嘅選擇店內都有不少broad game玩到食物&飲品方面飲品真係有5頁+嘅選擇 有選擇困難就慘了不論係茶/咖啡/沙冰都有好多味道種類去嘗試食物叫咗個套餐叫咗2個主食+1個小食主食: 豬手 & 煙三文魚意粉豬手個性價比都幾高 焗得幾好食又有薯條陪襯👍🏻值得一試煙三魚意粉 煙三文魚量都幾多只係略嫌有少少鹹😖小食叫咗個黑松露薯條 蜜糖雞翼 餃子 同個軟骨黑松露薯條 個黑松露醬都ok👌🏻😆蜜糖雞翼 係正常無特別但都係好食的餃子同個軟骨 就普通 套餐甜品🍮時日甜品 —> cheese cake🧀 芝士味都幾厚身 幾好食 同 幾飽😂格仔餅 —> 朱古力同士多啤梨都係用醬節落去ummm認真麻麻地整體都幾抵食嘅最緊要係有個地方可以傾下計hea下