Go Dutch Cafe

營業中

休息中

難得放假約朋友去左旺角行街，再試間最近發現既新餐廳，位於旺角登打士廣場10樓。一行人餐廳留意到燈飾好特別，成個環境都好闊落舒適。餐牌上既菜式有好多選擇，我地嗌左餐廳推介特濃龍蝦汁海鮮海蝦意粉同金沙大蝦鹹蛋意粉，再嗌左洛神花茶一齊飲。特濃龍蝦汁海鮮海蝦意粉，海蝦好鮮嫩又新鮮，完全唔似係急凍蝦，龍蝦汁好濃郁蝦味，好正！金沙大蝦鹹蛋意粉既鹹蛋醬汁好惹味，意粉軟硬適中，好有驚喜。最後飲埋個洛神花茶，去一去油脂先，呢兩個意粉實在好食得太邪惡感了。