Go Dutch Cafe

營業中

休息中

放假約埋朋友去旺角整指甲，買衫。朋友同我都行到好累，想搵間餐廳食下野，坐下。係網上睇左好奈，比我地搵到呢間隱世cafe。餐廳設計比網上睇更加別緻，座位都好舒適又闊落。我同朋友都唔太肚餓，所以只叫左芝士煙肉黑松露焗大蘑菇，金沙大蝦鹹蛋意粉，再加洛神花茶一齊分享。大蘑菇好多汁，黑松露味道好香好突出，配埋芝士煙肉，成個配搭好出色。金沙大蝦鹹蛋意粉果然係餐廳推介，大蝦好大隻又鮮嫩，鹹蛋醬汁好出色，又香又惹味，連意粉都煮得岩岩好。洛神花茶好香，飲落成個人放鬆曬，蔓越莓般的酸味感覺食物都更容易消化。