Go Dutch Cafe

營業中

休息中

星期六傍晚旺角人山人海，難得閙市中有間餐廳野又好食、又坐得舒服，可以比人有休閒咁享受生活嘅感覺😌餐廳環境好靚，入門正中間一棵樹燈係餐廳嘅靈魂所在，眼球自然被搶😍榛子朱古力（跟餐加$10）個人覺得甜咗啲荔枝藍金桔梳打（跟餐加$5)呢杯野比想像中好味😋但係唔知點形容😂金沙大蝦鹹蛋意粉（$138）原來鹹蛋加意粉呢個配搭係幾特別，幾好食😋德國鹹豬手配薯角&沙律（$168）個豬手係啱啱好，唔會太乾太硬👍🏻

今晚黎到呢個cafe食飯啦。講真，都好耐無黎呢橦大厦食野，未食過，見到openrice好多like，好啦，就黎呢度啦點知。。。大佬呀，好似返左90年代d cafe'咁裝修殘舊，燈光昏暗，門門貼左90-00年代Twins同Joey，想點呀大佬講完環境，再講野食叫入到口，但貴到一個點，一個茶記質素意粉收我一舊水，重要收加一比杯熱水黎飲，又咸又有怪味既？也野事？一個大問號？嗌杯黎杯latte啦，下？乜鬼野黎架？無拉花鬼劃符，重要有一大層奶係面。真係搞唔掂，無下次。點解呢個價錢，呢個質素，重可以係旺角生存到呢。。。都讚一句，燒雞係得既。但d 薯容好難食。豬手都係難食。無下次。

#大食小公主旺角區出動👸🤪 🚩蜜糖雞翼6隻好正常雞翼😙大細適中蜜糖味都足夠🚩美式芝士煙肉焗薯條啱啱出爐熱辣辣芝士有少少拉絲嘅感覺薯條份量都好多👍👍👍任選主食4款🚩蒜蓉汁炸蝦天婦羅飯份量足夠天婦羅有四大嚿天婦羅嘅炸厚適中👍蒜蓉汁可以撈晒成個天婦羅飯👍👍蒜蓉汁超級惹味🚩特濃龍蝦汁帶子蟹肉意粉呢個汁真係特濃‼️‼️好重龍蝦汁‼️‼️👍👍重點係個汁超級多每一條意粉都可以撈到汁‼️帶子就細細粒大約有四五粒左右蟹肉就係蟹柳不過整體來講超級好食🥰🥰🚩德國鹹豬手配薯角鹹豬手上台嘅時候已經起晒啲肉而且唔係全隻豬手上嘅應該係一半正正常常個外皮就唔係特別脆鹹豬手都唔係特別鹹😂薯角就變咗粗薯整體來講正正常常🚩自家製燒春雞配薯蓉一上枱嘅時候係原隻燒春雞需要自己剪開剪嘅時候隻雞熱辣辣出晒煙👍👍外皮燒得偏脆👍而且入邊嘅雞肉都幾Juicy呢個必推‼️‼️任選4款甜品🚩是日精選蛋糕 芝士蛋糕呢個芝士蛋糕有驚喜佢係偏硬身嘅芝士蛋糕我個人來講超級鍾意❤️芝士味足夠👍👍👍🚩榛子朱古力比利時 士多啤梨比利時 窩夫🧇窩夫size正常不過個醬汁就偏甜咗少少🤏作為一餐嘅結束我哋全餐都覺得好滿足❤️❤️

兩個人去cafe，黑暗氣唔不錯，食物好好味，招呼都唔錯。食物：叫咗個2人套餐，小食選了大蘑菇。主食就叫咗一個龍蝦汁意粉，真係好味。另一個係豬手，無骨切好上碟伴菜，真心覺得同樣好味，唔肥膩及唔太鹹。飲品芒果紅茶，都ok。注意事項係飲品每樣收費，連用紙杯裝水都收費，但話加左小小檸檬，我就唔覺，藍苺芝士蛋糕味道怪怪的。可以坐好耐，不過就唔太適合一人去，因太暗無咩好做，最左打機。果度有個玻璃房，遠望細細地，聚會都幾好，會再嚟及影相。

諗住book間cafe同一班三五知己朋友傾計食野。見呢間都多好評，同埋印象早幾年有黎食過，食物係正正常常。。如今人均消費$206價食垃圾，食放題都無咁嬲。今次真係衝擊我同班朋友既味蕾叫左一個二人套餐+牛肝菌長通粉套餐二人套餐（蜜糖雞翼+咸豬手配薯條+咸蛋黃大蝦意粉+朱古力窩夫+藍莓芝士餅）1.先上既蜜糖雞翼（🤬本身無諗住打食評，無影）雞翼即炸夠熱，但蜜糖水係炸完淋上去。蜜糖水與雞翼是分離，汁完全不能黏附雞翼上。雞翼調味只有死咸。 味道：2/5分（之後既食物。。難食到比唔到分）2.咸蛋黃大蝦意粉（🤬本身無諗住打食評，無影）外貌跟其他openrice相有些許不同，沒有咸蛋黃碎，多了生菜，醬汁多，但十分稀。蝦用玻璃蝦，不是大，亦不是新鮮蝦。。竟然餐牌寫大蝦😠🤬醬汁味道是水加少少咸蛋黃沙。不要幻想蝦和意粉有掛汁效果。。係呢個時候我地都仲諗。。係咪我地唔識嗌野食。。嗌左d伏野。3.咸豬手配薯條 咸豬手作為主角，肉是切片上，味道死咸，唔脆，肉質硬同韌，難咬開，超市買果種即食新鮮咸豬手都好食過佢好多。。薯條未炸透，不脆有雪味。唯獨只有沙律生菜味道正常（但我食完呢餐胃痛）4.甜品朱古力窩夫+藍莓芝士餅

其實到底俾左幾多錢買好評？book左枱7點黎到，冇人係門口招呼，企左好耐先有人理我地。成間舖得4-5個人，做樓面嘅又會入去做埋廚，5條友分工亂咁黎。7:15-7:20左右落左單，舉左超耐手先有人寫單。等到7:50先有第一本野飲上？？？叫左個蜜瓜沙冰，跟餐要加$20，原價$60up。陣味好假又好淡，個杯好細食得好狼狽係咁跌。叫左一個$108嘅芝士煙肉雞柳意粉，賣相都okay，咬第一啖啲小學回憶湧曬出黎。啲意粉係有營午餐嘅味道，連最常見嘅超市藍色b字頭意粉嘅質素都冇，係真。有營午餐$20蚊一個lunch嘅意粉：）雞柳係急凍雞柳，成兜野又淡又冇汁又冇煙肉味。之後叫左個$168嘅鹹豬手拼薯角，薯角冇貨轉左薯條，但係茶記超平急凍薯條嘅味，份量又少。個豬手都尚可嘅不過有豬毛。另外仲有杯雪糕咖啡，啲冰多到以為係砂冰。成餐飯係試左啖已經唔想食，早知去買盒燒味飯好過。間野全部服務差到貼地居然仲收加一？？？好心少少成本都唔肯出就咪學人開餐廳啦成間都急凍垃圾食材，咩都用最cheap嘅材料，我真係唔明你賣之前冇試食嫁咩？定係為左賺錢，試完明知咁垃圾都賣得出手？

夜晚如果想搵個地方同朋友食飯，最驚食得又趕又逼餐廳環境寬敞又唔吵，適合慢慢enjoy食物。我同朋友都叫左燒春雞，即叫即整要等40mins。我有提前一晚致電餐廳，order兩份燒春雞餐，希望唔洗等咁耐，但當晚都係等足40mins。我諗餐廳係驚客人唔黎，所以無整定黑松露燒春雞熱辣辣，裡面有汁夠juicy，雖然係春雞，但都係一隻足量既春雞。不過唔係好食得出黑松露味。另外如果餐廳提供膠手套就好啦，用刀叉食整只春雞有點唔方便薯蓉就唔係好夠熱，仲有D凍，減分位。好彩口感夠蓉，食得出有加忌廉一起打，味道唔錯沙律新鮮，夠嫩對於幾顆菜，係咁多評論啦。飲品我就覺得比較伏啦。青蘋果紅茶好似係用糖漿沖出黎既，味道好假價錢相宜，環境安靜，又唔限時，可以encore之選

兩人上 cafe, 暗黑氣氛不錯，食物意料之外美味，招呼也不錯，衹是反應慢又會忘記，應該衹是該位同事的問題，哈。食物：叫了個2人套餐，小食選了炸蠔，外鬆內軟，好香蠔味。主食就叫了一個明太子咸旦蝦意粉，真係好味。另一個係豬手，無骨切好上碟伴菜，真心覺得同樣好味，唔肥膩。另加一個煙三文魚凱撒沙律，煙三文魚ok, 不太鹹，其實個凱撒沙律唔太正宗，不過今時今日，算喇。飲品麻麻，明明係利賓納，就話係藍苺，不過我中意飲利賓納就算喇。朋友杯係芒果紅茶，佢話都ok。注意事項係飲品每樣收費，連用紙杯裝水都收費，佢話加左小小檸檬，我就唔覺。飲品收費係合理既，因為可以坐好耐，不過就唔太適合一人去，因太暗無咩好做，最左打機。果度有個玻璃房，遠望細細地，聚會都幾好。最可惜係忘記影相，因無此習慣。會再黎，並影相。

本身對樓上cafe印象已經麻麻，食完我覺得樓上cafe簡直係呃錢。Go dutch cafe裝修一般，保持一貫樓上cafe嘅裝修風格，俾人感覺都係好舊好殘嘅感覺。服務唔錯，落單上菜都快手，態度正正常常，基本香港服務style，但野食唔得，我個人覺得直情係劣食級數。*自家釀制芝心煙肉雞柳長通粉 $108睇相好吸引，但真相係殘酷嘅。芝心煙肉雞柳真係自家制，但睇唔到有釀嘅成份，單純係炸雞柳切開，放芝士喺面頭焗融焗焦香，連煙肉都唔係好睇到添，反而炸雞柳外皮香脆，雞肉唔會太乾，但雞柳份量真心少。長通粉份量亦唔多，痴埋一pat pat，面頭有一大pat半透明白汁，十足十以前小學飯盒嘅劣食，白汁冇色之餘仲係冇味，完全係食唔落。

weekday收工，夜晚因為我哋兩個都唔係好肚餓，😁主要想搵一間咖啡廳同朋友，坐住歎杯咖啡傾偈，☕上網搵到呢一間樓上cafe環境好似幾好。貪佢夠靜。夠舒服，就晚黑嚟同friend傾下偈先。dinner叫咗兩杯飲品同一個主食。😋佢哋個Dinner set menu選擇幾多下，試咗特色Go Dutch自家製黑松露燒春雞配薯蓉。自己製作有特色，😍燒春雞燒出嚟都好香，而且皮脆肉嫩，配埋香滑嘅薯蓉都好好味。

第一次見樓上cafe會裝修得咁有情調木系傢私配上近門口嘅大燈飾，室內略帶昏暗，感覺同其他樓上cafe好唔同Cafe嘅定價算合理，晚餐$88-$158，仲包一杯$40嘢飲白汁吞拿長通粉 ($85) 煮好後再入爐焗，上枱熱辣辣。長通粉沾滿白汁，味道濃厚，口感濕潤。加入吞拿魚，味道上多d變化，無咁單調。一貫樓上cafe嘅風格，嘢飲選擇好多，淨係梳打都有十幾款口味：士多啤梨、青蘋果、薄荷…… 藍金桔梳打 ($42) 帶微甜，同清爽嘅梳打水幾夾，好啱夏天飲。

TGIF 想搵個地方靜靜地吹吓水Set for two $368小食-蜜糖雞翼 (6pcs)隻隻都肥嘟嘟脹卜卜😬仲有甜甜地嘅蜜糖汁，雞翼外皮脆脆的主菜一 特濃龍蝦汁帶子蟹肉意粉意粉好大碟 而且好足料。個汁好濃好似飲緊龍蝦湯咁，意粉個質感好煙韌 唔會好淋好散主菜二 德國鹹豬手配薯角佢今日冇薯角所以俾咗薯條我哋，係波浪形粗薯條，配埋鹹香既焗豬手甜品- 榛子朱古力比利時窩夫 上台嗰陣個窩夫仲係熱辣辣脆㗎，上面有啲溶溶地嘅朱古力醬同埋cream ，好脆好好食😋一個都唔夠我食😌鳳梨沙冰&百香果沙冰 +$20杯嘢好震撼，滿到成座山咁高，都唔知點入手😂😂一杯真係可以飲足成晚。好鍾意呢度嘅環境 人少少嘅話可以傾吓計，如果多人嘅話仲可以有board game免費玩。三五知己小聚嘅好地方

難得收工後約左好朋友聚會 今次揀左呢間係旺角鬧市中 地點就腳但又舒服既樓上cafe食晚餐飲品選擇真係非常多👍🏻最後揀左熱情果沙冰 大杯又好味 食物方面就同朋友一齊叫左一個set ($3xx)，包🔺2杯飲品 🔺前菜小食(蜜糖雞翼👍🏻👍🏻）🔺2款主菜 (焗豬手配薯條，龍蝦汁蟹肉意粉👍🏻👍🏻推薦🌟🌟🌟🌟）🔺2款甜品 (朱古力窩夫👍🏻👍🏻)環境舒服 傾計一流🌟 係一間性價比高既餐廳

旺角樓上聚會Cafe同幾個朋友一齊去旺角行完街想坐低食嘢，想坐得舒服啲又想食飽啲， 網上搵到呢間Cafe好適合聚會，個名原來係AA制嘅意思。餐廳環境燈光有情調昏暗浪漫，座位寬闊舒適，很適合朋友聚會，餐廳很熱鬧，記得book位。每人最低消費一杯飲品或一份套餐，單點食品不計。另收+1服務費#蘑菇豬柳漢堡 $78 香脆粗薯條大大條，是我喜歡的那種💕漢堡由甜甜軟熟的芝麻麵包配上多汁大啡菇、生菜、蕃茄、芝士、秘製醬料和2片豬柳漢堡扒等組成，不錯#金沙大蝦鹹蛋意粉 #🍝 $128很多粒鮮甜爽口彈牙的大蝦，啖啖足料，秘制鹹蛋黃醬淋滿軟軟的意粉，不會太鹹，味道適中，不會膩，中西合璧有驚喜#桂花藍柑桔 （套餐加$5）甜甜的桂花蜜味服務質素：7/10環境舒適度：8/10ᶘ ᵒᴥᵒᶅ個人口味評分：7/10

Set for 2 $368🍖德國豬手配薯角上嚟就覺得個擺盤好靚好似好fresh, 令到成件事好似冇咁heavy咁🤣分量又足. 中意啖啖肉嗌嘅呢個就啱晒啦.🍝黑松露軟殼蟹意粉食得黑松露就梗係想個味濃㗎啦. 呢個黑松露加軟殼蟹真係滿足到我食濃味嘢嘅慾望. 🦪日式吉列炸蠔估唔到小食都可以有6隻炸蠔, 而且都唔係厚粉. can trytry.🧉洛神花茶我朋友係洛神花神, 有茶一定係飲洛神花茶. 呢個洛神花茶淡淡哋, 中意🫖桂圓紅棗茶我本人比較中意有龍眼肉嘅茶, 有就一定會叫. 越浸越出味. 中意.想講食完勁飽, 連個甜品叫咗佢哋唔使上, 因為真係食唔曬