Flames (鴻圖道)

營業中

休息中

今次再訪呢間餐廳，因為上次覺得環境好靚呀，同埋食物質素非常高質。決定嗌啲隔籬枱度嗌嘅嘢，但係真係冇令我失望，尤其是係意粉！真係好滿足呀！🦀 蟹肉巴馬臣芝士脆脆蕃茄忌廉汁通粉$158一上枱就聞到陣陣芝士同埋番茄嘅香味，真係好吸引！個汁好香濃，唔會太膩，蟹肉又多又鮮甜，通粉煮得啱啱好，每一啖都充滿驚喜。🍕 夏威夷薄餅$158呢個係經典嘅組合，菠蘿同火腿嘅味道互相配合，再加上香濃嘅馬蘇里拉芝士，真係好正！薄餅嘅餅底有手工餅底的感覺，而且唔會太乾，真係好出色！🍟 黑松露薯條$58 就係驚喜，薯條炸得脆卜卜，黑松露味好香，而且唔會搶咗薯條嘅味道，真係好正！呢間餐廳嘅食物質素真係好高，而且價錢都唔算貴，真係好值得推介！下次一定要再嚟試其他菜式！因為係星期六下晝嚟個餐已經包咗兩杯凍檸茶，真係幾抵！

觀塘新開商廈低層有餐廳，環境都幾好～餐廳氣氛好好，有情調。食物方面質素高，避風塘雞翼唔會太咸，適合鍾意食煎炸食物的朋友～意粉煮得岩岩好，每條都好入味！肉眼扒點左5成，唔會太熟，同埋薯蓉一齊食就非常好🔸SHELTER CHICKEN WINGS ($78)🔸 BEEF CHEEK MUSHROOM LINGUINE ($148)🔸 GRILLED RIB EYE STEAK (10oz) ($268)Flames (鴻圖道)地址: 觀塘鴻圖道51號Two Sky Parc地下1號舖電話: 28976618

🔸 NZ Angus Rib Eye Steak with Potato Puree and Red Wine SauceThe meat is incredibly tender and flavorful, with a perfect medium-rare doneness that melts in your mouth. Potato puree is silky smooth and acts as the perfect base for the steak, while the rich, velvety red wine sauce adds a delightful savory element that ties the whole dish together.🔸 Chicken Pesto LinguineSlow-cooked chicken breast is moist and bursting with flavor, complemented beautifully by the fragrant basil pesto. The pasta is

前2日約左朋友去依間餐廳食晚飯，入到去已經坐滿人，環境氣氛好好！之後叫左火腿火箭菜pizza同一個main dish既長通粉，2樣食物都好好食。當日仲有好多客人生日，有服務員幫手拎生日蛋糕出黎，餐廳會有生日歌，氣氛好好👍🏻，推介食生日飯既人可以考慮呢間餐廳。

Flames有個🦀長通粉Melo已經想食好耐，上星期日終於揸咗車去觀塘同媽咪食brunch。我哋叫咗Set，所以有埋餐湯，沙律，咖啡同蛋糕。🍄‍🟫餐湯超多蘑菇蓉！飲落個味同landmark cafe差不多，係有驚喜嘅！🥗沙律比我想像中大份好多，菜好新鮮，一啲都唔求其！🦀蟹肉巴馬臣芝士蕃茄長通粉真係冇令我失望，都幾大碟，好多蟹肉！好Creamy好Cheesy! 個長通粉煮到啱啱好！呢個推薦！🍳煙三文魚Egg Benedict都好食嘅，不過冇個長通粉咁驚艷！☕️咖啡好飲！唔會有酸味🍰蛋糕係士多啤梨mouse，個味似士多啤梨雪糕🤣💰埋單人均$200

🌚呢度環境幾昏暗，好有情調💕係專食意大利菜式嘅叫咗一個Pizza Pizza嘅size大概夠二至四人分🍕辣肉腸醬再加埋辣肉腸 非常惹味配菜嘅分布令到每一塊pizza都有足夠嘅餡料🍕有大量嘅芝士 好飽肚🧀🧀🧀仲有呢度嘅Pizza餅底好似麵包咁樣咁鬆軟又熱辣😙🐣避風塘雞翼 有好多避風塘嘅蒜蓉同埋配配料 雞翼大大隻 炸得夠香👍🐟嗌多個半kg嘅青口 份量都幾多青口排得好靚，成朵花咁樣口感係比較林 係啱啱好煮熟嘅感覺再加埋黑松露海鹽薯條 正👍星期六日仲有嘢飲半價 全日happy hour

我今日約同好友去位於觀塘鴻圖道51號 Two Sky Parc 地下1號舖的 Flames 食午餐，環境舒適，坐得舒服。我點左個 Beef Cheek Mushroom Linguine 紅酒燴牛面肉草菇扁意粉 $148，好友點左個 Aloha Pizza夏威夷薄餅 $158；Starters for two ( Pumpkin Soup 南瓜湯and Salad)+$30 ; Drinks for two (cold and hot Latte) +$36。牛面肉的牛味濃郁，軟腍入味，扁意粉軟硬適中，有咬囗；熱辣辣的薄餅好好食，尤其是鮮菠蘿酸酸甜甜，令薄餅更加清爽好味；熱拿鐵咖啡香濃，凍拿鐵咖啡清涼。

週日的觀塘，又撞正奧運最後一日，Apm商場人流滿滿，中午睇完戲肚餓想食嘢，但係人太多🥹決定行遠少少，去到附近的西餐廳Flames，位置在駿業街遊樂場旁邊，估唔到連呢邊都好多人🌝好彩頭先快手地訂咗位🤭聽身邊朋友推薦呢度好抵食，今日就拍拖嚟試試！餐廳有兩個門口，一個在Two Sky Parc商業大廈內，另一個則面向鴻圖道。假日餐牌選擇都豐富，仲有特別餐可以無限添加薯條🫣，小妹深怕食唔晒只揀咗《黑松露醬蘑菇牛肉漢堡配薯條》及《海鮮香草茄醬薄餅》，仲叫埋是日餐湯及沙律！又再一次估唔到，一份餐湯及一份沙律個分量係：兩！人！份！㗎🥹蘑菇湯香濃幼滑有菇粒，唔重奶味；沙律配黑醋汁，多新鮮蔬菜！當頭盤份量係咁時，主菜份量只會更驚人😱，漢堡同薄餅都好大份囉😳。牛肉漢堡超juicy超嫩吖，漢堡包一啲都唔柴，食到小妹啜晒手指😋😋😋；海鮮手工pizza賣相靚，手工果然特別軟🥰，配埋煙三文魚、大魷魚圈、彈牙的大蝦，口感豐富，味道一流😎除咗以上令小妹感到嘆為觀止後，Flames亦係替E人朋友慶生的好地方，店員奉上蛋糕一刻，餐廳音樂由普通音樂變做十分hyper的生日歌，全場都知有客生日🤪，氣氛相當好❣️

Weekend出觀塘brunch，又去Flames了。上次去鴻圖道分店係夜晚，今次試吓佢brunch menu。基本上就係百零蚊有個main跟埋餐飲，配合呢度有自然光同chill chill哋嘅環境，播放住柔和嘅音樂，就算如今天落雨天會覺得舒適優雅。燒大蝦三文魚籽龍蝦汁扁意粉 $158 - 其中一本店名物。燒大蝦燒得香口，肉質鮮嫩，不過個人認為佢嘅主軸係龍蝦汁同三文魚籽。龍蝦汁本身味道好強，一聞就覺，但佢嘅蕃茄味同樣強，加埋三文魚籽嘅味道，可以想像啲意粉食入口有幾強烈。最重要係醬汁嘅份量好多，基本上食晒啲意粉都仲見到有醬汁。煙三文魚班尼迪蛋 $118 - 我成日都話，食Benedict最緊要唔係蛋同包，更加唔係三文魚，而係荷蘭醬。呢度嘅荷蘭醬味道溫和，同三文魚襯埋都夾。隻蛋嘅成熟冇問題，一切就漏黃，幾好。黑松露薯條 另+58 - 如果食完main都唔夠，可以考慮叫一個黑松露薯條。雖然有啲熱氣，但佢嚟到散發嘅黑松露香味係會令人感動，食落去非常鬆脆，係做到外脆內軟嘅效果，個人認為茄汁其實有啲不必要。Cappuccino / Latte 各另+12 - 其實今日最surprise係杯Capp

連續落咗幾日雨，今日終於冇落雨， 見天氣好好， 今日帶咗阿囡去觀塘playhouse 玩下放下電， 玩完成個下午，又熱又肚餓.沿路經過觀塘工業區搵野食， 見到d 間有pizza 好吸引， 就入去試吓.D 到環境舒服， 裝修靚靚，地方乾淨衛生， 枱唔枱之間唔會好近， 傾計食嘢都唔會太嘈， 整體上感覺舒服.Aloha pizza: 非常足料，個面舖滿菠蘿同火腿， 用新鮮菠蘿整，好甜，pizza 底又唔算好厚， 咬落煙煙銀銀， 阿囡一路食， －路話yummy , 最後竟然食咗兩塊Salted fried : 即炸， 熱辣辣， 條條都又粗又長， 好味， 食唔停Loaded nachos: 小朋友至愛， 個source 酸酸甜甜， 配埋一齊食， 好開胃Homemade cake ：唔太甜， 層次多， 口感豐富

鰂魚涌分店食過，除左出名葡式香辣燒雞🍖，🥩牛扒食過都ok，今次就試咗佢哋嘅手工pizza🇮🇹🍕漢堡🍔☀️Weekend brunch套餐包餐飲，加左$15要是日餐湯(蘑菇湯)，好足料好濃🍄味，每啖都飲到蘑菇蓉😍🍔黑松露醬蘑菇牛肉漢堡配薯條 $158好大個，好足料，牛肉漢堡夠厚夠Juicy，中間層黑松露醬好香🍄麵包烤過有揸牛油🧈更香口惹味，一啖咬落去嘅口感同層次都👍🏻薯條炸得夠熱夠脆，正💕🍕意式辣肉腸薄餅 $168因為呢度pizza係手工製既拿坡里薄餅，所以要等一段時間🧐但絕對值得，pizza都幾大份，批邊有麵粉香同少少煙韌咬口，批底係薄批👍🏻面頭d芝士好多拉哂絲咁，每件都有一大片辣肉腸，無得輸overall餐廳環境好舒服好chill，外面有室外位置🌾記得黎食上OP訂位真係好抵食，而且食過兩三次都Keep到水準，推薦

炎炎夏日係觀塘大汗滴細汗，諗食咩諗到頭爆，係工廈林立既地方居然有間咁文青既餐廳，二話不說要入去抖抖。餐廳樓底好高，座位好闊落，裝修簡約，完全同出面既密密麻麻大廈形成強烈對比。餐廳週末menu 一頁紙，選擇唔算多。睇清楚啲原來都有all day breakfast、沙律、意粉同pizza,價錢百幾蚊左右，可以接受。🔹蘑菇湯🔹餐點包只包汽水或茶，要湯或者甜品要額外加錢。當日既餐湯係蘑菇湯，入口濃郁又食到粒粒菇，係有誠意既。🔹新鮮黑松露蘑菇扁意粉🔹黑松露意粉冇人未食過，但新鮮黑松露就未必人人都食過。松露被刨成薄片灑係熱辣辣既意粉上，熱力將松露香散發出黎，香得黎口感爽脆，好特別。🔹海鮮香草茄醬薄餅🔹百幾蚊既海鮮pizza有大大隻鮮蝦、魷魚、煙三文魚，每啖都係海鮮，煙韌既餅底配埋拉絲芝士同茄醬，性價比高。

觀塘不乏餐廳，呢間係APM 附近，近同易去，門面同環境感覺舒服，食物價錢相宜，岩同朋友屋企人慢慢食～黑松露薯條 $58即場炸好既薯條, 夠熱不油, 薯條本身粗, 食落既口感更好。燒大蝦三文魚籽龍蝦汁扁意粉 $158成個擺盆都唔錯, 面頭既大蝦仲舖滿左三文魚籽, 好鮮味。龍蝦汁本身味道濃, 仲有芝士碎, 令整個意粉更香。巴馬火腿火箭菜薄餅 $168巴馬火腿落得毫不手軟, 餅底焗到外脆內軟, 薄餅本身都夠熱, 忍唔住食多塊。 有時食火箭菜有紫色既多數都會較苦, 但呢個PIZZA 冇落紫色火箭菜, 所以唔會有苦味。加埋蕃茄同大量芝士, 好食。熱Mocha $38好耐都未係西餐廳飲到一杯有拉花, 朱古力味濃既咖啡~Flames Jungle Juice $98Cocktail , 有芒果同青蘋果嘅味道, 味道清新, 酒味唔會太濃, 中意甜酒既朋友可以試下。.

早幾個月嚟過Flames食brunch真係超高質🤩所以今次決定帶埋屋企人過嚟食晚餐，由於今次係夜晚嚟，餐廳調暗咗燈光感覺比上一次嚟更有情調👍🏻🐟炸魚薯條配他他醬 $158個炸魚非常大件，大過我隻手掌勁多🤩外面炸得脆卜卜，入面魚肉肉質嫩滑，加埋他他醬真係最佳配搭薯條份量都好多，條條都炸到金黃香脆👍🏻🍝蟹柳巴馬臣芝士蕃茄忌廉汁通粉 $158蟹柳全部細細條融入晒長通粉，巴馬臣芝士都係刨碎咗，所以食落係啖啖蟹柳芝士，個醬汁好creamy真係勁正😍🍨自家製甜品 $78甜品係朱古力布朗尼+雪糕，有甜品作結呢餐真係好perfect🍹凍檸茶 $28糖水分開上，自己控制甜度👍🏻

葡式香辣燒雞配烤蔬菜🥬燒雞皮脆肉嫩，而且好juicy 雞胸部位正常發揮，不會好鞋口。烤蔬菜包括西蘭花、椰菜花及薯仔，蔬菜應該有作調味，而且煮得夠稔，味道不錯，烹飪時可減少油的份量燒豬腩配燒薯仔紅椰菜沙律上菜時，簡直係out of my expectation，無諗過係原條燒肉直出，好一個中西fusion，皮脆肥瘦均勻，食肉獸應該會非常喜歡。黑松露薯條薯條滿滿黑松露味，而且亦配配上蔥粉作額外調味，薯條新鮮，即炸香脆可口，如果能減短油炸的時間會較乾身可口。香草焦糖蛋糕蛋糕大有焦糖及朱古力味道，甜度適中，但雲呢拿味可以再出啲。