Espresso Alchemy

營業中

休息中

一直有留意開呢間coffee shop（係太古坊同美麗華都有分店），作為街坊行行下popcorn發現有新開張係自己地頭，就決定搵個少人嘅時間支持下～😋 如果係平日lunch time過嚟嘅話要排好長龍☹️ 同太古坊分店一樣都係採用high end流線形設計，整體感覺舒服。唯略嫌每張枱嘅空間太細，如果係擺兩份餐同餐飲就有啲抆水。 行到最入有個隱藏小小嘅位置，非繁忙時間可以比較安靜小小用餐。落單需要行岀去cashier，需要加水等等都係要行岀去同樣位置自助。 之前同同事幫襯開另一分店，點解一再回頭係因為大家都有共識：呢間餐廳嘅主食大份兼好食😋 新開張嘅呢間分店保持住一貫水準。我地今次叫咗青醬忌廉雞肉長通粉，長通粉彈牙同青醬忌廉混合，清新而不膩。 餐飲方面叫咗earl grey chocolate 加flat white😋 比較推薦earl grey chocolate 係因為earl grey味好岀，但又做到同chocolate 味道balance ，每次嚟到都一再encore。 另外甜品方面有生酮忌廉卷選擇，啱哂想食甜食但又驚有罪惡感嘅我😎 食落口感偏實淨，不太甜。 總結整體

It was great news for a health junkie to see this new addition to the specialty coffee chain open in Popcorn! The beautiful shop is right next to Nike, and we've been looking forward to it since it was still under renovation. I visited with my daughter on Saturday for brunch - great vibe for some mom n babe chill time. Lemon juice chicken with bacon n mozzarella panini was for me. Love the warm and crispy toasted bread + melted cheese combo, can't have enough of the juicy and flavorful meat with

原來這家餐廳很早開門，初試早餐，叫了個All Day Breakfast, 坦白講，一般。但因為想坐多陣，打算叫野飲，反而發現另有天地。飲茶飲到似品酒，仲有生酮蛋糕，非常驚喜

🧭美食體驗：將軍澳新開的咖啡店。📸打咭體驗：新開張太多人，想擺個靚盤黎慢慢影相係做唔到的。🪑環境座位：留比客行的走廊好窄，一坐底就唔會想企係身。不過落單的話又要自己去收銀台直接落order同時比錢。果個位係會直接阻住出餐位，不能夠理解點解要咁放。餐牌係靚，但又無相，呢間餐廳係一定要有二維碼落單。希望佢之後會整啦最離譜係店鋪最入面的位，係有張大圓枱係度，實用性係零，出面好多人排隊，但佢地又唔想搭枱。咁講真埋單都170蚊左右，仲會有邊個人想係咖啡店度同人搭枱食飯呢🧑‍🍳服務：店員唔係好主動咁去帶客入座，希望只係個別事件。🍳食物搭配：叫左個炸魚漢堡，竟然係無薯條送。薯條係咪好貴既野呢？我真係第一次見到係咁。喂個漢堡講緊係130蚊左右架喎，真係得個漢堡？人地叫炸雞漢堡加焗薯餐，就有薯條喇，呢間鋪的焗薯原來就係薯王啲朋友。當人地個餐送上黎果時，我忍唔住心諗「我係咪做錯乜野所以比人罰無薯條食」🍗必食：青檸汁意粉。全名唔記得，個味道係好清新既，我比好高評價💰人頭費：170

午餐開始想叫Panini，竟然話賣哂，㕑房剛剛才知道冇哂，跟住叫咗個炸魚堡，話要等十五到二十分鐘，結果等咗超過三十五分鐘，催幾次後服務員話要耐啲，結果差不多五十分鐘先有得食，肚餓或趕時間千祈唔好試，超冇癮，咁做生意，完全冇準備，😡😡😡😡😡😡😡😡😡😡😡😡😡😡😡😡😡🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬應該唔會再光顧

Espresso Alchemy 今年踏入第13個年頭年中先喺太古坊開完夯土Origin店無諗到年尾都未到就再添丁👶🏻最新分店喺將軍澳Popcorn正式開幕喇🎉新店同Origin店有啲相似店內無論座位定吧檯都運用咗唔少弧型線條設計用上嘅物料種類亦多樣化大廳主要係淡粉紅梳化座位最入位置布簾後另外仲有個VIP 房呢餐單照舊主打沙律、Pasta 同Burger🍔無咗太古店嘅好味蛋批同咖啡蛋糕有啲可惜🥲平日朝早8點就開、有早餐Set🥪供應多士、三文治、Bagels 同Panini🥖🔖 牛油果碎蛋沙律Bagel 🥯沙律菜新鮮到不得了🥗（放心、又未新鮮到有青蛙跳出嚟🐸）😆餡料顏色有少少帶綠但唔太食到牛油果少失望🥑🔖 藍莓磅蛋糕🫐自家製磅蛋糕有三、四款口味可以選擇面層有唔少核桃、口感Double Up🔖 Latte (Oat Milk✔️)❣️Popcorn 店運作模式係自己搵好位去水吧落單再番埋位等送餐

約九點食早餐，但係八點半就到。成個商場無乜幾間開咁早。本來約另一間，但見到呢兩間既價錢差唔多，反正又揾唔到另一間就試下呢間。企響門口既時間係唔知到底點樣點餐既。唔知係坐低先？自己揾位？直至我同朋友行入去，就有人招呼喇。佢放低餐牌話俾我地知邊度點餐。無店無加一。唔知係推廣期還是因為唔洗招呼？🤔初初成間舖睇落去得兩個人手。但上餐速度唔慢。本人點左雞扒奄列加mocha. 黎到真係好大份。而塊雞扒係捲着咗響蛋。食落去好腬嘅感覺唔知係因為有埋雞扒響入邊定係個餐太大份？ mocha 凈係飲到朱古力味。唔覺得有咖啡味。由於想飲大杯，所以響餐度轉左大杯，但原來唔係補差額（因為餐本身包一杯正常大小既飲品）加左$16。朋友叫左牛油果蕃茄意大利包，同樣係太大份食唔晒。$70-$90 既價錢，有呢個份量都物有所值既。新開張，門面頭頂得d logo, 右邊有店名。如果餐牌上都有，就容易d 話俾朋友知去邊間喇。早餐質素ok, 可以再試

將軍澳分店啱啱新開張，即刻衝落去試一試。試咗檸檬汁烤雞煙肉意大利三文治。非常嫩口嘅雞肉加上惹味煙肉及醬汁，配以好有口感嘅意大利包。當然唔少得嘆返杯佢哋出名嘅latte啦!可再Encore!