DHYC Dimsum Restaurant

營業中

休息中

得閒飲茶食點心，是廣東人的飲食文化之一。今天到訪 “DHYC Dimsum restaurant ”，品嚐中西合璧的特色點心，順便遠眺風和日麗的海景。😍鵪鶉蛋松露燒賣一口咬落吓，有驚喜，鵪鶉蛋居然有少少流心，口感嫩滑，燒賣肉都有香濃松露味。😍焗叉燒包有一層黃色的薄脆，叉燒肉汁juicy，麵包鬆軟。😍蘿蔔絲酥餅外皮薄脆，口感酥脆，餡料勁多蘿蔔絲入香甜，食了不覺得油膩。😍蒜蓉粉絲蒸魷魚蒸得剛剛好，魷魚一啲都唔韌，鮮味彈牙，粉絲吸收了蒜蓉魷魚精華，微微辣，一啲都唔鹹。好味。😍xo醬炒腸粉賣相都幾靚，有雞蛋絲、芝麻、蔥花鋪面、味道一啲都唔鹹，xo醬微微辣，惹味，掂呀！😍牛肉球牛肉鬆軟，有腐皮、馬蹄、芫茜提升咗牛肉的鮮味。😍蝦餃皮薄餡靚，蝦仁大大件，有鮮味。😍水滾茶靚普洱茶甘甜、醇厚、顺滑。非一般茶居，西式裝修，食物不油膩，冇味精，有創意，倆個字形容“好食”。

呢間係寵物友善嘅餐廳，可以帶埋自己嘅心肝寶貝一齊嚟食飯感覺真係好呀!❤️得閒飲茶呢個名成日都會聽到，今日就嚟咗將軍澳得閒飲茶呢度試吓呢度嘅點心，位置係跟海旁，一邊坐低飲茶食點心，一路可以望住出邊嘅海景，陪住自己嘅心肝寵物，心情真係零舍特別好！先講吓呢度嘅點心，環境好，以為點心質素會好參差，原來並非如此！呢度嘅叉燒包皮薄餡靚非常好食！新鮮蝦餃大大粒，皮薄餡靚！另外黑松露鵪鶉蛋燒賣，比出邊鵪鶉蛋燒賣更有特色，除咗因為佢係有黑松露味之外，係鵪鶉蛋仲係流心㗎！粉絲蒸鮮魷，又係好新鮮彈牙冇得彈！另外推介XO炒腸粉， XO醬炒腸粉真係非常之香口惹味，我真係勁鍾意食！韭菜餅都係皮薄餡靚，勁大粒，讚！！鍾意同自己寶貝出街同事我鍾意飲茶嘅朋友，真係要同老友一齊嚟坐吓，望住個海景陪吓自己個寶貝，同朋友吹吓水，真係勁chill勁寫意。

將軍澳海旁一樓有一間唔起眼嘅點心中菜，因為真係太少人會無啦啦上去一樓🫠係因為我哋帶住嗰隻狗佢又係寵物友善餐廳，所以就成為咗我哋最佳選擇😳🌟焗叉燒包（三個）$38每個金黃色圓轆轆賣相好靚🤩外皮甜甜地，咬落去非常鬆軟，入面嘅叉燒餡料好夠味🌟韭菜金錢蟹盒 $55一碟三個，炸得好香脆，咬落去餡料熱辣辣，韭菜味道非常香濃，慢慢㗳真啲就食到一絲絲蟹肉嘅香味，不過韭菜味好明顯濃好多🤣🌟鵪鶉蛋松露燒賣 $55一籠三件，望落去搵唔到個鵪鶉蛋喺邊，原來收埋咗喺入面😳咬落去仲要係流心架🥹omg!真係超驚喜，松露撈埋蛋黃，入口軟滑又好香🌟蒜蓉粉絲蒸鮮魷 $48魷魚肉質鮮嫩，一啲都唔韌，墊底嘅粉絲係一大重點，吸收咗魷魚嘅鮮味，仲有勁多蒜蓉嘅香氣連埋啲汁一齊食吸收晒全部精華😋🌟菠蘿咕嚕肉 $148菜式色澤鮮嫩，味道酸甜適中，咕嚕肉口感外酥內嫩，唔會好硬好乾，成個菜式色香味俱全🌟芝士白汁海鮮焗飯 $138一上枱香氣撲鼻而來，係好香嘅芝士味，賣相都覺得好靚，見到有大蝦、蠔、帶子，直程係頂配版嘅貨仔😍海鮮同芝士嘅香味好夾，個炒飯底炒得好香，粒粒分明，唔會過濕好夠乾身-另收每位茶位$15 ，茶都好特別啊☺️我哋揀嗰個係陳皮

位於將軍澳的「DHYC Dimsum Restaurant 得閒飲茶」，真係一個放鬆飲茶的好地方！餐廳環境寬敞而寧靜，無論係室內定室外坐位，都可以俯瞰到美麗的海景，坐喺度Chill住嘆點心，實在享受。首先介紹一下佢哋的招牌菜「窩貼蝦多士」，每份有五件，外脆內嫩，蝦肉鮮美，搭配上香脆的多士，令人一口接一口。接著係「椒鹽豆腐粒」，豆腐外層炸得金黃酥脆，撒上椒鹽之後，更添一份香氣，口感相當不錯，適合當作小食。「鵪鶉蛋松露燒賣」則係一個驚喜，松露的香氣搭配鮮嫩的燒賣，令人一試成主顧。再來「焗叉燒包」，三個包子外皮鬆軟，內餡叉燒甘香，焗到微微焦脆，口感一流。另外，「蟹肉大良炒鮮奶」非常滑順，蟹肉鮮甜，鮮奶的香濃味道令整道菜更加豐富。再加上「蒜蓉粉絲蒸鮮魷」，魷魚鮮嫩，蒜蓉的香味襯托出海鮮的鮮味，真係唔可錯過。最後，「手打墨魚餅」有三件，味道鮮美，墨魚的香味十足，外脆內軟，口感非常棒。整體而言，DHYC Dimsum Restaurant 的點心質素高，服務貼心，價錢相宜，無論同家人定朋友一齊來，都係一個理想選擇！

呢日黎到澳南呢間dhyc~ 望住靚景飲茶真係好嘆……………………………………………………….！ 我地叫左好多點心, 而佢D 點心又真係姆高質! 我地叫左蝦多士、鵪鶉蛋燒賣、灌湯餃、咕嚕肉、焗叉燒包、XO 醬炒腸粉! 值得一讚係佢既點心唔會好油, 所有調味都恰到好處! 好岩我地胃口! 蝦多士夠脆唔油, 鵪鶉蛋燒賣唔會漏! 灌湯餃皮夠薄, 點醋食一流! 咕嚕肉超大碟好多肉! 焗叉燒包熱辣辣, 餡又夠多! XO 醬炒腸粉好香! 全部都好好食!

我今日放工後，約同好友去位於將軍澳澳南海岸唐俊街23號 Monterey Place 1樓2A號舖的 DHYC Dim Sum Restaurant 食晚餐，環境舒適開揚，遠望著名的將軍澳跨灣大橋，七彩繽紛的夜景，令人心曠神怡。我和好友點左：焗义燒包（3個）$38，鵪鶉蛋松露燒賣（3個）$55，蒜蓉粉絲蒸鮮魷 $48，窩貼蝦多士（5件）$88，滑蛋炒蝦球 $138，啫啫大澳蝦乾煲椰菜苗 $118，茗茶每位$15。另外要左一碗白飯。總體來說是高水準之作，不單只材料新鮮，再加上廚師的巧妙廚藝，令每道菜都十分出色又好食👍。

夜晚想食點心🥢，不如試試將軍澳南海景點心餐廳。晚市來吃個點心+小菜，都不失風味。呢晚就點左數款傳統點心，味道不過不失。而其他2款小菜也算惹味。其中一款蟹肉大良炒鮮奶，滿有蛋白但相對油膩，底下有煎米粉，加點醋吃可減膩。而啫啫芥蘭惹味，大澳蝦乾大隻帶咸香，好岩下飯。焗叉燒包（3個）小籠包（3件）鵪鶉蛋松露燒賣蒜蓉粉絲蒸鮮魷蟹肉大良炒鮮奶啫啫大澳蝦乾煲 芥蘭度..×××××ש將軍澳澳南海岸唐俊街23號MONTEREY Place 1樓2A號舖..

2月嘅時候，朋友曾經帶過我黎呢間餐廳食飯，餐廳環境幽靜，而且點心即叫即蒸，食物高質。自此之後，呢間餐廳就成為左我嘅口袋名單。一直都好想再來，咁岩今日去左將軍澳工作，收工就同埋屋企人食個Chill Dinner。今次encore左鵪鶉蛋松露燒賣($55)同焗叉燒包($38)，兩款點心依然出色。另外，都試左幾款其他點心小菜。窩貼蝦多士 (5件) ($88)蝦多士炸到金黃香脆，配埋鮮果沙律醬，食落完全無油膩感。懷舊灌湯餃 (2件) ($68)灌湯餃湯汁勁飽滿，而且餐廳好細心，會用托托住每隻灌湯餃，放落碗都唔會整爛個皮。另外配上浙醋，味道同層次都昇華不少。XO醬炒腸粉 ($78)餐廳自家製XO醬配上嫩滑腸粉，腸粉炒到好乾身好惹味。鳳梨咕嚕蝦球 ($178)8隻大蝦大大隻，而且炸到脆卜卜，配上酸甜汁，超開胃。估唔到第二次黎都繼續有驚喜，而且食物依然保持水準。

今日打完風夜晚去咗食點心😬，依家食物感覺精緻，味道都幾唔錯，最緊要坐得舒服👍🏻🍴焗叉燒包 $38熱辣辣，焗嘅皮有少少似菠蘿包，麵包味好香，而底部又比較香脆！🍴蘿蔔絲酥餅 $42咬落去酥餅個感覺好驚喜，有千層酥嘅鬆軟，經典嘅味道～🍴鳳梨咕嚕蝦球 $178蝦球每粒都大大隻，酸酸甜甜開胃😉🍴懷舊灌湯餃 $68幾有趣，雖然叫灌湯餃但係入面口感唔係湯🤣🍴鵪鶉蛋黑松露燒賣 $55一咬落去鵪鶉蛋流心😗🍴韭菜金錢蟹盒 $55炸得好乾身好脆口🙌🏻

DHYC Dimsum Restaurant今次要介紹喺將軍澳MONTEREY Place 1樓有一間望住海嘅餐廳叫「DHYC Dimsum Restaurant得閒飲茶」，我已經第二次嚟，呢間點心餐廳有別於其他酒樓，除咗望到海之外，仲可以攜帶寵物入去一齊望住海食野！ 1.蝦餃（4件）$42（10/10）呢籠蝦餃一共有四件蝦餃，每件蝦餃都皮薄餡靚，蝦仁大大舊，而且口感好爽，好好味！2.蒜蓉粉絲蒸鮮魷$48（9/10）呢碟蒜蓉粉絲蒸鮮魷份量都算多，大約食到10舊鮮魷，每舊鮮魷都好有鮮味彈牙，仲有粉絲做到底，個汁唔會咸，好掂！3.蘿蔔絲酥餅$42（10/10）呢個蘿蔔絲酥餅咬落入面充滿蘿蔔絲，蘿蔔絲好清甜，外脆內軟，一共有3舊！4.韭菜金錢蟹餅$55（10/10）呢個韭菜金錢蟹餅好香，入邊勁多韭菜，不過韭菜嘅味蓋過咗蟹味，外面炸得好香脆，而且唔油，好好食！5.牛肉球（3件）$38（9/10）呢籠牛肉球唔似其他酒樓咁比油浸過幾晚，食到牛肉有鮮味道，味道鮮甜，入面有馬蹄粒同蔥，牛肉球底部又有腐竹，係正宗嘅牛肉球！6.鵪鶉蛋松露燒賣（3件）$55（10/10）呢籠鵪鶉蛋松露燒賣上枱時店員叫我哋小

去完朋友屋企，佢帶我去呢間可以食點心餐廳，可以看到無敵大靚景好chill，適逢呢一晚係三號風球🤣叫咗幾個小餸和點心吃😍陳皮普洱茶啲陳皮味好勁好香，茶葉質地好滑。啫啫大澳蝦乾椰菜苗- 聞到勁香蝦醬味道，幾條蝦乾超大條，大澳蝦乾果然好味🤤椰菜苗我第一次食，但係非常好味好爽口新鮮。脆炸魚柳配粟米汁及糖醋汁- 炸粉炸得剛剛好，外層脆口，魚柳每一條份量適中，配上自家製糖醋汁及粟米汁兩種味道配搭都好味，個人喜歡糖醋汁，因為酸酸甜甜開胃。鵪鶉蛋松露燒賣-中西合璧配搭松露，咬一啖已見到成粒鵪鶉蛋，味道唔會鹹。招牌小籠包- 真係做皮薄餡靚，小籠包琅琅下又唔會穿出來。焗叉燒包- 菠蘿包皮焗至香口，叉燒肥厚適中。 蒜蓉粉絲蒸鮮魷- 蝦醬好香，鮮魷很大片新鮮彈牙好入味，粉絲吸滿蝦醬的味道。

今日同朋友去咗將軍澳南岸一間叫「DHYC Dimsum Restaurant 得閒飲茶」邊望海景，邊嘆點心🥰🥰新派嘅點心果然不同，茶杯也是用雙層隔熱玻璃杯，不會燙手！貼心🥰🥰點心不錯，尤其個焗叉燒包同埋個鍋貼D蝦多士🤤🤤焗叉燒包，麵包鬆軟，叉燒餡份量不少，好好食！個，窩貼蝦多士，非常脆口，而且唔會油膩，跟埋個雜果沙律醬一齊食，好好味👍其他點心也不錯，懷舊灌湯餃，油膩大隻，皮薄餡靚！鵪鶉蛋松露燒賣與別不同鵪鶉蛋係包起中間，不是放在上邊！

知名粤菜老店--益新美食館的副線，多次光顧，食物水準一直穩定地高，所有點心即叫即製，因此溫度足。懷舊灌湯餃老店益新的灌湯餃很馳名，所以是必試項目。灌湯餃相當大隻，做法是舊式的皮包湯，而不是現代的湯浸餃，內裡餡料豐富，有蟹肉、豬肉、蝦肉、瑤柱等。焗叉燒包面層焗至微脆，內裡叉燒蜜甜，叉燒的肥瘦比例亦恰到好處。韮菜金錢蟹盒炸得酥脆可口，雖是邪惡之物，惟以其美味程度，實在值得給它quota。XO醬炒腸粉腸粉滑溜，XO醬香辣，十分惹味。蘿蔔絲酥餅外皮金黃酥脆，內餡是溫熱澎湃的蘿蔔絲，充斥著滿滿香甜的蘿蔔香氣。這是首次點又覺得有驚喜的美食！鳳梨咕嚕蝦球另一首次點的美食，蝦球碩大爽彈，經輕微炸過，十分香口，配搭鳳梨的酸甜，讓整道菜的味道更加突出。

將軍澳海旁靚景點心推介😋1. 懷舊灌湯餃 $68超大隻 要趁熱食 入面有好大隻蝦 啲汁一咬就出哂嚟2. XO醬炒腸粉 $78好惹味 啖啖xo 醬 腸粉滑捋捋 都有啲鑊氣3. 焗叉燒包 $38焗得好香 出面係墨西哥皮 入面蜜汁叉燒滿滿 個包嘅口感都鬆軟 好味道4. 韭菜金錢蟹盒 $55脆卜卜 入面滿滿嘅韭菜 鍾意韭菜嘅朋友可以一試5.鵪鶉蛋松露燒賣 $55入面包左成粒鵪鶉蛋 仲散發啲松露香 幾特別6. 蟹肉大良炒鮮奶 $148蟹肉滿滿 食落幾鮮甜 有啲食賽旁蟹嘅feel 鮮奶滑捋捋 📍DHYC Dimsum Restaurant 將軍澳澳南海岸唐俊街23號MONTEREY Place 1樓2A號舖

可以一邊睇海景，一邊飲茶真係好舒服。而且依間茶樓嘅嘢食都好精緻。焗又燒包和小籠包則是茶樓的招牌點心，焗叉燒包嘅樣子睇落去就好似菠蘿包咁樣，非常有趣。而小籠包餡料豐富，皮薄湯多。而脆炸魚柳配粟米汁或糖醋汁，有外脆內嫩的魚柳搭配著香甜醬汁，無論你想食粟米斑腩定係糖醋魚柳，都可以任君選擇。而啫啫大澳蝦乾煲配上椰菜苗，營養豐富，是一道清新的素菜選擇。蒜蓉粉絲蒸鮮魷帶有濃厚的蒜香味，魷魚鮮嫩多汁，配上Q彈的粉絲，絕對是一道下飯好菜。蝦餃則是茶樓的招牌點心之一，鮮嫩多汁的蝦肉包裹在薄皮之中，清爽可口。此外，冷泡桂花觀音和冷泡玫瑰烏龍茶清香怡人。