DHYC Dimsum Restaurant

營業中

休息中

呢間係寵物友善嘅餐廳，可以帶埋自己嘅心肝寶貝一齊嚟食飯感覺真係好呀!❤️得閒飲茶呢個名成日都會聽到，今日就嚟咗將軍澳得閒飲茶呢度試吓呢度嘅點心，位置係跟海旁，一邊坐低飲茶食點心，一路可以望住出邊嘅海景，陪住自己嘅心肝寵物，心情真係零舍特別好！先講吓呢度嘅點心，環境好，以為點心質素會好參差，原來並非如此！呢度嘅叉燒包皮薄餡靚非常好食！新鮮蝦餃大大粒，皮薄餡靚！另外黑松露鵪鶉蛋燒賣，比出邊鵪鶉蛋燒賣更有特色，除咗因為佢係有黑松露味之外，係鵪鶉蛋仲係流心㗎！粉絲蒸鮮魷，又係好新鮮彈牙冇得彈！另外推介XO炒腸粉， XO醬炒腸粉真係非常之香口惹味，我真係勁鍾意食！韭菜餅都係皮薄餡靚，勁大粒，讚！！鍾意同自己寶貝出街同事我鍾意飲茶嘅朋友，真係要同老友一齊嚟坐吓，望住個海景陪吓自己個寶貝，同朋友吹吓水，真係勁chill勁寫意。