Cucina

如果是member,本來$888的set dinner可以$788，便宜少少。昨晚去試吓，今次menu轉左，沒有得自選主菜，一律係鴨肝牛柳及primary course red prawn risotto，頭盤lobster tail and crab meat roll. 再有甜品、咖啡。Primary course 以pina colada為名，以菠蘿及椰汁、青檸調味，the marinated red prawn似有味生蝦，彈牙，唯份量較少，小兒認為味道似泰式芒果糯米飯。鴨肝牛柳很好吃，達預期。甜品麻麻，不值一提。小兒單點的紅蝦意粉仍是整晚焦點，下次我也是這樣單點更滿足。今次服務很差，好似唔夠人返工，上菜非常慢。麵包只是slices of sourdough 新鮮，那些脆片、脆條不值浪費quota食。

星期六的下午想輕鬆一下，決定揾個好小小的地方下午茶，既可舒服地坐下傾下計，講下心事，又可以食下精緻茶點，欣賞維港景色，馬可孛羅香港酒店內的 CUCINA 是一個很好的選擇。除了一般的 Coffee or Tea，呢間餐廳提供了一些特別的手調飲品供客人選擇。我們都揀選了咖啡酒，酒味不多，味道不錯。茶點看來也很精心泡製，有外表，也有內涵。真的要推介!! 最令人驚喜的是馬卡龍，外面印上意大利點旗的顏色已經好吸引，也很大粒，本來還擔心會否太甜。咬下去才知裡面是鵝肝（或鴨肝），甜中帶咸，非常出色！！其他餅點都是上佳的水準！由於上旅遊網站訂購，以呢個景加食物質素，價錢也算平。

我發現每次諗唔到同朋友聚餐去邊就會諗到呢間餐廳 雖然呢間餐廳唔係特別好食但係唔知點解就會諗到泥呢度😂但係今次嘅聚餐令到我有啲失望 雖然我食嘅食物唔止咁少但係我真係唔記得影相咁我就淨係講返我影咗相嘅嘢食啦😂我哋就叫咗兩個appetiser share食呢個係水牛芝士蕃茄Parma ham 咁呢道送就一定唔會差嘅因為佢係交貨嚟㗎嘛😅然後就到香煎鴨肝配鵝肝醬 反而呢一道菜有啲令到我對鵝肝醬冇咁反感因為佢個鵝肝醬竟然係唔聲唔臭嘅🙈對於我呢啲唔鍾意食鵝肝醬嘅人係有啲驚喜嘅煎鴨肝係一定唔會差啦 因為煎鴨肝係冇技術可言基本上每一間餐廳都唔會令到你失望嘅除非佢入嘅貨真係好差 然後令到我對呢間餐廳最失望嘅就係我點咗嘅呢條魚 雖然佢好好咁同我起埋骨但係佢起原骨之後條魚凍哂😂😂😂 重點係個味道都冇乜特別只係一條好普通嘅魚柳🤯反而佢嘅配菜我覺得仲好食😂 例如嗰啲鬼佬西蘭花 我都唔係好清楚嗰啲菜係叫咩名但係係好食嘅😋

餐廳一面是落地玻璃，港島中西區盡入眼簾，用餐期間看著華燈漸上美極了。點了四道菜$888的 Signature Set，價錢不算很高。Amuse-bounce 是三文魚粒的小點心，比較簡單但也不錯吃，面包籃也是不俗。頭盤 plating 做得很漂亮，龍蝦和蟹肉卷味道較清淡，點上伴碟的熱情果和蛋黃醬後，味道會較豐富。2nd course 是紅蝦意大利飯， 用上椰子菠蘿和青檸，味道出奇地配合，清新不膩， 紅蝦是刺身，蝦肉很甘甜， 配著意大利飯吃口感很特別，是這頓飯我最喜愛的菜色主菜是鴨肝牛柳， 端上桌香噴噴的， 雖然不是用上高級和牛之類，但五成熟的牛柳很香嫩好吃，盡顯廚師的功力。甜品是栗子蓉搭配士多啤梨雪糕，馬卡龍和蛋白，這個組合很搭配，太太也大讚好吃這頓飯整體是滿意的，服務細心，Good Food Good View 但周日晚上也只是半滿，奇怪了。

Cucina 呢種餐廳你唔會成日去，可能一年去兩次，但係永無失準。每一次去都會覺得啲嘢好好食，但係奇怪嘅就係佢唔會令到我好頻密地想去。可能係我自己花心，香港嘅美食實在太多，又有時鍾意食啲地踎啲casual啲嘅嘢。不過餐廳轉左型。以前係好傳統嘅意大利餐廳。全部手工意大利粉，手工pizza, 乜嘢菜式都會拉橄欖油一圈。而家變咗摩登咗好多。好識講我見唔到意大利菜嘅影子了。擺盤係靚咗好多，食物都好味嘅。但係總係帶有一絲遺憾。尤其見到意大利籍廚師係open kitchen，覺得佢180度轉左自己嘅Menu，就咁嘆個世界係咪一定要咁轉？傳統意大利餐又係fine dining 嘅真係買少見少。

話說早兩日係同老公結婚3周年紀念，咁一於去食好少少啦😃😃我哋揀左位於尖沙咀Marco Polo 酒店入面嘅意大利餐廳 - Cucina 🤨。🍽午市套餐可以揀2️⃣ course, 3️⃣ course（頭盤、主菜、甜品）, 4️⃣ course都得（兩個頭盤、主菜、甜品）。❤️頭盤揀左Parma Ham 同鵝肝。Parma Ham 就都係果啲味架啦，但我真係好鍾意食芝士🧀，所以我好鍾意個頭盤😍！而於鵝肝呢，我就真係唔太識得欣賞，有冇人可以教下我點食😬🧡主菜就揀左意大利飯同辣三文魚籽意大利粉🍝。意大利飯口感濃郁，又有菇類🍄嘅香氣，但食晒都完全唔會漏。意大利粉微辣，令到個味道層次更豐富🥳！💛甜品就揀左焗蛋白配Vanilla 雪糕🍨同沙巴翁配士多啤梨雪糕🍓。個焗蛋白擺盤真係好吸睛，好似一個藝術品咁，未食都已經好開心😳！恕我見識少，今次係我第一次認識同食沙巴翁，完全打開左我個新世界。軟滑微暖嘅沙巴翁配冰凍雪糕，一個字：正😋！💜餐廳超sweet☺️，因為知道我哋係慶祝3周年，特別送多個甜品俾我哋，仲加多個朱古力牌寫：Happy 3rd Anniversay。呢下真係驚喜同窩心嘅🥰！最後，成個環境、坐位同服務都非

疫情下無得堂食晚餐，當然要趁住午餐好好善待自己，揀間靚啲嘅餐廳好好享受。我最鐘意呢度可以欣賞無敵維港海景，而且以酒店午餐黎講，價錢又相宜。香煎鴨肝煎得非常香嫩，凍肶配布莉歐麵包加上紅莓，口感清新唔會漏，侍應建議搭配德國甜酒解膩，想不到效果非常出色。龍蝦湯creamy 但略嫌咸咗少少，入面有龍蝦肉，非常彈牙。招牌的精選紅蝦意大利麵，手工麵條煙韌，每條麵都沾上濃郁嘅蕃茄醬及蝦膏，食落非常開胃，記得一定要啜埋個蝦頭，非常鮮甜！扒西冷伴香蒜蓉及黑椒汁，西冷肉味同口感都唔錯，生熟程度建議medium rare，肉扒會更嫩。甜品方面，加錢選了期間限定的白松露雪糕，聞落去嘅香味已經足夠令我享受，雪糕本身已經充滿陣陣白松露香，加上頗多的白松露片，味道真的一試難忘！環境舒適，餐飲服務優良，侍應非常細心，整體食物不錯，值得一試。

有開心事慶祝，想搵間好少少的餐廳，經朋友介紹知道馬可孛羅香港酒店的 Cubina 有不錯的 Dinner Set ，於是決定趁 Happy  Friday 嚟試下。呢個晚餐的 Signature Menu 是由酒店的意藉總廚主理。由前菜到甜品一點也不馬虎。唔駛一千元的清費可以有這水準的晚餐，算是超值。前菜是生紅蝦簿片伴牛油果，柚子啫喱，檸檬油及魚子，另外除了麵包籃外，還有一小杯果凍。巴馬臣芝士黑松露忌廉汁長通粉： 正宗意式長通粉，還有很多片新鮮刨出來的黑松露，好味到呢！主菜可分享，所以2款都可以試到。扒和牛西冷伴白蘿蔔蓉，迷你薯菜及砵酒汁：呢個菜不過不失。感覺食材新鮮。焗比目魚柳伴龍蝦汁，車厘茄及羅馬西蘭花： 個魚煮得好鮮嫩香口，龍蝦汁喚起魚的鮮味。是較驚喜的一道菜。特色提拉米蘇：其實是 Tirimisu 雪糕，有酒香，也不是太甜，是非常出色的甜品！

整體來說 兩個字形容太甜😂😂😂😂呢個係世界級甜我見隔離枱 枱枱都食唔到個朱古力殼😂粒黃色波 甜到食唔到 呢個係勁甜沙翁⋯加極甜忌廉😅咸食都唔太出色呢個pizza 因為放涼太耐所以餅底太硬呢個多士 toppings幾好 但塊包又凍又硬呢個相對比較合理吞拿魚餡 但係外面個皮都係林左嘅⋯比較滿意的是鵝肝馬卡龍 以為係甜食原來係咸食 有驚喜蟹肉凍湯 合理甜得黎有酒味算係多野食但真係太甜⋯⋯⋯或者唔啱我口味🥲五百幾蚊兩位食物麻麻地 但勝在有景食坐得耐 坐左兩個幾鐘建議唔好好似我咁叫熱朱古力😂嗌番杯熱茶中和下應該會好啲

將意大利不同地區的美食製成12款精緻鹹甜美點，下午茶包括5款鹹點及7款甜點。我就覺得鹹點比相像中好味 尤其是巴馬火腿薄餅配火箭沙律同意式番茄牛油果紅洋蔥多士😍😍鴨肝杏仁馬卡龍好特別!!鴨肝味道好濃 加埋杏仁 好特別😋個生日牛奶布丁好好味 奶味重😋😍😳

踏入12月，又到左慶祝生日既日子。呢間餐廳基本上我每年都會黎幾次 (因為我係係度被求婚的😆)，所以乜野紀念日都基本上一定會黎。咁當然啦，會返兜既餐廳，就一定係覺得好食既，其中signature既紅蝦意粉真係食完再食，食完再食，都仲覺得好好食😝所以已經進化到本身兩個人share一份，而家每次黎點都要一人一分先夠皮🤣唔講咁多，即刻去相！餐廳要預早book位，留window seat。呢個景色真係無敵。圖中係麵包，正常西餐點都有。雖然唔係特別熱，但味道都ok。反正麵包唔係呢度既主角。磨菇撻: 呢個係送既小starter，每次去都會有唔同既新款。今次呢個雖然個皮厚啲，但菇味都幾香。鴨肝: 鴨肝雖然唔係好大份，但都得幾香。另外果個係鴨肝醬，上面有三粒醋珠珠，下面係半脆半軟既麵包。食鴨肝怕膩既人，食呢個有醋同紅藍莓伴碟，感覺唔會太漏。唔錯！西西里蕃茄紅蝦意粉(共叫左兩份，相中係一份既份量): 呢個意粉真係不得了，真係必食！必食！必食！暫時我冇食過任何意粉係好食過呢個意粉！因為佢啲紅蝦真係好好好好好香！整隻蝦煮得比較淋身，蝦肉部份係外爽內淋，感覺好似啲蝦肉包住左啲蝦膏咁。之後蝦頭先係精粹！蝦頭既汁同

星期五晚無節目，決定book枱食飯，即晚book也有位，太好了。我們入餐廳已被落地玻璃的壯麗維港景所吸引，可是我們被安排坐廚房邊，無辦法，好位應該一早被book了。麵包籃很多款，長脆條、簿脆、法包，熱的，D醋係陳年，好似係八年，很杰，好好味！我們點了三客dinner set,分別是紅蝦意粉、魚、牛面頰，頭盤係白松露炒蛋配帶子，primary course係煙三文魚通粉。仲有布甸甜品及illy coffee.全部也很好味！我最欣賞紅蝦意粉，個汁是有cognac 味，很濃很香，不是隨便可吃到！老公也對牛面頰讚不絕口，它配甜南瓜，配合得剛好。今晚大滿足！

屋企人有集團嘅coupon 就過期，就揀左黎呢度試吓。平日晏晝點半先到，竟然都幾滿喎。原來裏面好大，仲估唔到啲檯嘅距離咁遠！印象中係其中一間最闊落嘅餐廳。可能因為私隱度高，俾我藐到有娛樂公司高層同個後生仔黎食。呢度仲望維景，夜晚應該幾靚。麵包不過不失。唔熱但有三款。個黑醋真係甜黑醋黎，我比較鐘意酸醋。蠶豆粟米湯：粟米湯好香，打溶左啲粟米嘅粟米湯真係特別正。蠶豆其實我唔太鐘意食，佢放得幾粒啱曬我，亦好在唔係煮到好淋。湯面仲有幾滴黑松露點綴吓～黑松露味就冇乜。露筍海蝦意大利飯：好熱。好耐無食過意大利飯出曬煙的。海蝦有啲半生熟，但唔鮮甜。露筍唔多。個人麻麻地個汁，唔夠creamy，玻璃獻咁。我估鐘意食中餐嘅人會鐘意？！士多啤梨沙巴翁：沙巴翁印象中香港嘅意大利餐廳幾少做，有得食實在高興。屋企人好鐘意食。我覺得整體甜左啲，個lady finger 再厚返啲就正，個士多啤梨果肉雪糕好正好滑好味。Cappuccino: Illy黎。Good.服務都唔錯。好多員工。都有禮貌。總結：唔會話超好食，但個環境真係好。呢個價錢lunch 都幾好。黎傾嘢都係個好選擇。

Staycation包埋下午茶通常大家都知staycation包嘅下午茶都係另一個餐牌 點知呢間酒店都係一樣喎 已經覺得抵左不過個侍應帶我地入位嗰陣啲態度就麻麻地 而家做緊意大利下午茶 餐牌都包含咗唔少嘢食 首先嚟咗野飲 呢個baileycious又幾好飲 咖啡味同朱古力味幾平均👇🏼檸茶就麻麻哋👇🏼好快就嚟咗 三個人份量都嚟緊 大概係每隔都有甜同鹹點👇🏼檸檬波板糖 超甜 食咗一半就頂唔順Parma ham薄餅配火箭沙律 個火箭沙律其實就係嗰塊葉 真係唔算得上沙律😹 👇🏼鴨肝杏仁馬卡龍 呢個半鹹半甜 感覺好奇特 ；辣椒配吞拿魚 呢個就麻麻哋 辣椒食落幾特別 不過夾埋一齊就一般👇🏼開心果慕絲朱古力球 裏面個開心果醬好好食 正西西里脆卷配吉士醬 正正常常👇🏼蕃茄蟹肉芝士杯 下面成層都係蕃茄醬 同上面嘅蟹肉真係幾襯 另外一個係Tiramisu 一睇落去似吉士醬 個外型幾特別食落都唔錯 👇🏼蕃茄牛油果紅蔥多士 牛油果其實係牛油果醬 呢個唔會差得去邊 正評蜜棧意大利羊奶芝士攤 呢餐嘅亮點! 你都好夾又食到好多羊奶芝士味 👇🏼泡芙筒同甜甜圈我就唔多講 賣相OK 食落就hea hea地如果要特登嚟食

Visited Cucina some years ago with good memories of food quality. Today's fantastic experience made me fully satisfied. U should find the seafood tower palatable with fresh and mouth watering species wonderful. U may encore from the seafood bar for oysters, lobsters,mussels and shrimps. The main course of beef cheek is excellent in terms of texture & sauce. The window seat captures nice scenery. The complimentary tiramisu bday cake is wonderful.Full of attentive & nice staff.Will come back again