影片
更多
2020-12-08
890 瀏覽
踏入12月，又到左慶祝生日既日子。呢間餐廳基本上我每年都會黎幾次 (因為我係係度被求婚的😆)，所以乜野紀念日都基本上一定會黎。咁當然啦，會返兜既餐廳，就一定係覺得好食既，其中signature既紅蝦意粉真係食完再食，食完再食，都仲覺得好好食😝所以已經進化到本身兩個人share一份，而家每次黎點都要一人一分先夠皮🤣唔講咁多，即刻去相！餐廳要預早book位，留window seat。呢個景色真係無敵。圖中係麵包，正常西餐點都有。雖然唔係特別熱，但味道都ok。反正麵包唔係呢度既主角。磨菇撻: 呢個係送既小starter，每次去都會有唔同既新款。今次呢個雖然個皮厚啲，但菇味都幾香。鴨肝: 鴨肝雖然唔係好大份，但都得幾香。另外果個係鴨肝醬，上面有三粒醋珠珠，下面係半脆半軟既麵包。食鴨肝怕膩既人，食呢個有醋同紅藍莓伴碟，感覺唔會太漏。唔錯！西西里蕃茄紅蝦意粉(共叫左兩份，相中係一份既份量): 呢個意粉真係不得了，真係必食！必食！必食！暫時我冇食過任何意粉係好食過呢個意粉！因為佢啲紅蝦真係好好好好好香！整隻蝦煮得比較淋身，蝦肉部份係外爽內淋，感覺好似啲蝦肉包住左啲蝦膏咁。之後蝦頭先係精粹！蝦頭既汁同
餐廳要預早book位，留window seat。呢個景色真係無敵。圖中係麵包，正常西餐點都有。雖然唔係特別熱，但味道都ok。反正麵包唔係呢度既主角。
麵包
25 瀏覽
1 讚好
0 留言
磨菇撻: 呢個係送既小starter，每次去都會有唔同既新款。今次呢個雖然個皮厚啲，但菇味都幾香。
蘑菇撻
12 瀏覽
0 讚好
0 留言
鴨肝: 鴨肝雖然唔係好大份，但都得幾香。另外果個係鴨肝醬，上面有三粒醋珠珠，下面係半脆半軟既麵包。食鴨肝怕膩既人，食呢個有醋同紅藍莓伴碟，感覺唔會太漏。唔錯！
鴨肝
12 瀏覽
0 讚好
0 留言
西西里蕃茄紅蝦意粉(共叫左兩份，相中係一份既份量): 呢個意粉真係不得了，真係必食！必食！必食！暫時我冇食過任何意粉係好食過呢個意粉！因為佢啲紅蝦真係好好好好好香！整隻蝦煮得比較淋身，蝦肉部份係外爽內淋，感覺好似啲蝦肉包住左啲蝦膏咁。之後蝦頭先係精粹！蝦頭既汁同小蕃茄既味道溶埋一齊，非常鮮甜和味。最犀利既地方係，蝦本身唔大隻，但啜蝦頭既汁竟然要每隻啜三啖先啜得完。剩係啜蝦頭啲汁已經好滿足。之後個意粉係手工麵黎，有咬口得來又唔會太軟太硬，伴埋蝦膏味既醬汁，熱辣辣咁食，真係好鬼正，食每一啖都係享受。而且份量都調較得岩岩好，食完真係大滿足！！！😋😋😋😋😋
西西里蕃茄紅蝦意粉
19 瀏覽
2 讚好
0 留言
海鮮拼盤: 呢個拼盤兩個人食有啲大份，海鮮好新鮮，帶子好淋身，夠哂大隻。其他海鮮都好新鮮，不過我唯一嫌佢既就係冇配啲特色醬汁，如果有啲醬汁點綴下，應該會更加正。
海鮮拼盤
13 瀏覽
1 讚好
0 留言
朱古力火鍋配雲呢拿雪糕球: 呢個甜品都係每次必叫😆佢係一個朱古力波入面有個雲呢拿雪糕球，之後另外用朱古力漿淋上個波度，等到朱古力波溶左之後一齊食。呢個做法令雪糕唔會凍親啲牙，又會食到好濃郁既朱古力醬，加上有啲爆炸糖同蛋糕碎伴碟，個口感同味道真係一流！
總括黎講，呢間係我係香港最中意既西餐廳！服務好呢啲都唔多講，剩係食物質素已經爆哂分😆😆只要佢食物質素維持到，我都會繼續年年食，無限次咁食落去！希望佢千祈唔好減價，唔好參加海港城啲coupon活動，因為我唔想咁多人同我爭食🤣🤣🤣兩個人食，差不多$2500埋單，雖然貴係有啲貴，但真係值得食！☺️☺️
張貼
