Cruise Restaurant & Bar

營業中

休息中

在朋友介紹下發現北角海匯酒店Cruise 西餐廳，為母親大人慶祝壽辰。酒店七月中才開業，位於新光戲院後面，地鐵步行2分鐘就是。餐廳位於23樓，黃昏日落的美境盡收眼底。位置是一流的，裝修雅致，服務貼心周到，西餐的精髓在於美觀和能帶出食物的原汁原味，都做到了，而且價錢合理。老爸喜歡吃慢煮鴨胸的鮮味，母親大人喜歡吃燴牛膝，夠嫰滑入味，我則喜歡吃雪白的椰子香草🌿湯，有泰式fusion 味道。孩子最喜歡吃炸魚薯條，新鮮的魚用來鮮炸，香脆可口。餐廳經理說取名Cruise，因為主廚要帶著顧客乘坐遊輪品嚐環球美食，非常有心思。戶外的座位更舒適，微風送爽，一邊品嚐美食、一邊欣賞維港夜景，寫意也。我已經決定秋涼再來一趟，坐戶外、順道賞月。

非常開心嘅一個晚上。知道有新酒店，即想試下嚟Happy Hour, 成個環境好舒服，Captain & staffs 非常好服務 好nice ,全程介紹菜式。我地三個女仔叫左兩樣main 加野飲，非常滿足cp值好高嘅一間酒店餐廳。食物方便，首先值得一提嘅係麵包...真心夠熱同味道唔錯。由captain Roy介紹左一個魚..一個羊，可選三個side dishes 薯角，菠蘿青檸沙律，蘆筍。薯角好大舊但絕對用心炸，有味，唔會好似食左一大舊無味嘅薯仔咁。沙律 蘆筍普通味道。但因為環境服務真係好好，令食物嘅味道再昇華左。希望下次快d再去

純粹想散下心，諗住去呢間新開酒店嘅rooftop bar 飲杯野，原來outdoor area 仲未開，職員話大約八月中左右先開放，咁坐室內都好，環境不錯，買不來隔離嘅新盤海璇，上來感受下同一個景都好😂佢weekend lunch 只有semi lunch buffet 冇a la carte 供應。就試一試吧，lunch buffet $888+, with free flow of champagne ; 唔要champagne $688+ , buffet table 有appetizer, salad , dessert，有即燒嘅串燒，smoked salmon, ham 等種類不算多，但質素不錯。Semi buffet 包海鮮拼盤及主菜3選一，有egg Benedict , beef cheek 同crab cake .平時自助餐的迷你蛋糕都不太想吃，今次試一試個tiramisu , 有濃濃的咖啡酒香，很好。從來對酒店自助餐不感興趣又冇期望，呢度d食材是新鮮的，所以整體真的很不錯。下次會再來試下其他菜式！