Chatterbox Express (已結業)

邊個話食快餐店就唔駛追求質素㗎？今日同A姐嚟到太古城，一於試試嚟自新加坡文華酒店嘅過江龍 - Chatterbox Express！Chatterbox Express主打海南雞同新加坡菜，由於太古城分店係快餐店形式，所以比尖沙咀嘅cafe分店嚟講，價錢普遍會平少少，絕對係用一個快餐店嘅價錢試到酒店級嘅美食。鹹蛋黃雞翼雞翼烤過後，加上起沙嘅鹹蛋黃而成。鹹蛋黃嘅比例啱啱好，唔會太膩，而且加咗少少辣椒，令味道更有層次，連一向唔太鍾意鹹蛋黃嘅A姐都讚不絕口。黑醬油炒蘿蔔糕每次去南洋旅行，A姐都指定要食菜頭粿，即係我哋叫嘅蘿蔔糕。呢度嘅蘿蔔糕即叫即炒，加上蛋同芽菜等嘅配料，比港式嘅炒飯更有口感，但我哋就略嫌黑醬油太鹹喇。文華海南雞飯講到舖頭嘅重點，又點少得海南雞飯呢？海南雞飯係餐廳嘅招牌，正所謂食雞又點可以唔食雞皮呢，好彩呢度嘅雞皮一啲都唔太肥，而且慢煮嘅雞肉非常滑溜。另外，食海南雞嘅重點，當然係三個醬汁同油飯，真係好有獅城嘅風味。招牌雞肉喇沙除咗海南雞飯，喇沙喺呢度另一個招牌，A姐叫嘅呢碗雞肉喇沙，即海南雞加上喇沙湯底，雞肉同樣嫩滑，喇沙湯底十分濃郁，入面最正嘅當然係索晒湯嘅豆腐卜啦，一啖食

超級好食的一餐今日約了家人食新加坡菜小聚。以為係似快餐自助形式，但原來店員會送餐服務十分周到。文華海南雞飯 $108心諗難得有時間食所以就豪下先，加 $10要雞脾位，特別特別滑又有少少雞油香。雞底有少少配菜吸盡雞既精華。最欣賞既係有三種醬 ，令雞肉味道十分豐富多層次。本身好肚餓，加$15有蠔油青菜，可能是用雞湯煮既特別清甜呀。肉骨茶米線呢個可揀飯或米線，勁足料既肉骨和香味。飲品點了熱美綠和美綠哥斯拉。有水準既餐廳很想佢長做長有。

新年假期最後一日 小編長征到太古慢遊一下🗺呢間Chatterbox Express 來自新加坡文華酒店🇸🇬以快餐廳既形式主理 招牌係海南雞飯同埋喇沙🍜.🐥文華海南雞飯🍚店舖既招牌 雞肉由慢煮而成好滑溜仲有層啫喱🤤而且雞皮比一般厚 食落邪惡一啲🤗但略嫌雞肉的份量比較少 唔多較喉🥲油飯選用泰國米加上雞湯同雞油煮成 🔥而且配有黑醬油、姜蓉、辣椒醬 增添風味🧏🏻‍♀️.🐤雞肉沙嗲串🍖即烤既雞肉串用上雞腿肉🍗加埋偏甜既沙嗲汁好惹味😇.🍳鹹蛋黃雞翼🐥香烤既雞翼用沙沙既鹹蛋黃醬包住雞翼加上少少咖喱粉醃製🍛🤏🏻 食落帶點香辣整體既層次會高啲👍🏻.🥥椰子雪糕咖央三文治🥪有一絲絲椰子肉既椰子雪糕 清甜唔會太重奶味再用烤到脆身既排包同配埋甜甜的咖央醬東南亞風味出哂黎🤤.🍫凍美祿恐龍🦖見到每枱都order 一杯濃濃既美祿加上脆卜卜既美祿波波 大人小朋友都會鐘意❤️

終於有機會嚟食依間出晒名嘅新加坡過江龍😆文華海南雞飯 (+$10 轉雞髀 )🐔當然要試下最出名嘅海南雞飯啦～雞肉嫩滑有光澤，油飯夠香，雖然湯較為平淡，但整體嚟講都冇令人失望👍新加坡肉骨茶配白飯🍚肉骨茶有三大件排骨，非常厚肉配料方面有金菇、豆卜、蒜頭、油炸鬼，湯底唔重中藥藥材味，反而胡椒味會重啲，以肉骨茶嚟講算係較清淡、容易入口，冬天食都幾暖胃😋雞肉沙嗲🍗雞肉沙嗲有4串，雞肉正正常常，沙嗲醬嘅口味偏甜，好多花生碎🥜用嚟點埋青瓜同洋蔥都好好食！椰子雪糕咖央三文治🍦麵包嘅表面微微烤過，中間夾住香甜咖央醬同埋冰涼椰子雪榚，冰火交融，係一款唔錯嘅甜品😋

新春黎太古城拜年，上op搵左呢間新加坡餐廳😍😍之前係尖沙咀食過佢間總店，幾滿意佢d野食，今次呢間Chatterbox Express原來係self service為主，以快餐形式為主，重點係免加一又收費平d 😛.▪️咖喱豬肋骨煲$108三大件咖喱豬肋骨，好香馬拉風味既咖喱，香料味幾足，另外仲配有薯仔、茄子、秋葵等蔬菜🥬，最特別都係個兩件香脆薄餅，薄薄地咬落脆卜卜。.▪️新加坡肉醬溫泉蛋米線$78 青瓜切絲加上肉醬香葱同溫泉蛋撈米線，幾Fresh又唔會太咸，組合幾特別，出面好少食到.▪️小食加配：鹹蛋黃雞翼$48 and 雞肉沙嗲$58 跟餐可以加配小食，全餐最正反而覺得兩個小食🤣🤣😜 蛋黃雞翼有D咖哩葉一齊炸埋，好香鹹蛋黃味又唔會太膩；雞肉沙嗲有4大串，用雞髀肉整食既沙嗲，幾滑又幾香沙嗲味🥰.幾中意呢間快餐形式既Chatterbox Express, 用相宜嘅價錢食到好食既新加坡菜🥰🥰

特別推薦大家✅Mandarin Chicken Rice 文華海南雞飯✅Signature Nonya Laksa招牌大蝦喇沙《Mandarin Chicken Rice》雞髀肉好嫩、好滑🤤，同大家講依$10係值得加，真係嫩滑好多，肥膏比例適中，海南雞本身浸住豉油，加埋3種醬汁又咸又辣又甜又酸，味度好豐富，配合埋比平時爽身嘅油飯🍚，好好食🥰🥰💰$108➕$10 (升級雞髀🍗)《Signature Nonya Laksa》湯好香，魚片彈牙🍢，豆卜吸晒湯好好味，個湯香得嚟唔會太濃味或者咸😌，不過就唔重椰味、唔辣，個底用上米線唔係麵，米線有咬口、夠滑，蝦都幾大隻，啖啖肉🦐💰$128*先付款，後職員攞餐，仲可以mobile點餐📱**依到有$32凍美祿恐龍🦖，一飲就係後生嗰時個味道👶🏻，跟Set就加$10***依間係冇K11嘅Chatterbox Café咁靚，不過勝在唔洗排隊😌

嗰日咁岩堪稱香港嘅Robert Parker，Jimmy Parker一齊傾緊大項目。咁岩經過呢度，在外面望入去裏邊光猛清潔，咁就試吓啦。論泊車，我當日就拍喺太古城，太古城要小心車高。其實如果去呢度泊港島東都可以。入到去佢係快餐店流程，我OK啊冇所謂，經理是熱誠和勤奮的。餐牌簡單而有選擇，不會太單調，也不會花多眼亂，幾好！我就叫咗海鮮喇沙，紅酒大師就叫咗海南雞。嘢食來到，水準好好喎！重點價錢亦都唔貴，所以我都介紹一下，評論係行過路過就唔好錯過啦！

一直鐘意食海南雞，難得放假，係太古周圍亂行，行到呢個位係有d 吊腳，見呢間野未食過又得兩間分店，就試試個下午茶啦～T6常餐 $58，配熱芒果橙茶不用加錢，茶是公平貿易的茶包，質素不錯。唔記得個名，總之係有雞絲，有d 菇，有d 菜既米線，超淡，係d 雞絲有驚喜，超有雞味，亦唔算鞋口，其他所有野都好普通。T6 餐配溫泉雞蛋餐包，呢款好特別，我覺得溫泉蛋咁生放落湯米線會無晒，所以決定放落麵包到食加埋雞飯老抽同胡椒粉，麵包烘過脆脆地，幾好食，不過唔夾T7 常餐 $72好似係新加坡肉醬撈米線，食落有d 豆乾同鹵肉，呢款好味過另一款既湯米線，不過都唔算話好正餐湯普通，餐包有驚喜佢夾住既竟然係喇沙果d味料變左個魚餅咁夾係包到，好驚喜！少少辣，好香海鮮味！店內似 food court自己就覺得價錢偏貴，性價比略低

在太古坊工作後，與同事往太古城找地方醫肚餓，途經發現有這家裝修醒神吸睛的新加坡茶餐廳，網上查查，原來是文華酒店出名海南雞廚師主理的茶餐廳。原先也想試試海南雞，但餐牌上另有更吸引又實惠的 咖哩和白飯分開上，飯面有兩大片脆薄餅。咖哩味好濃香，豬軟骨像似五花腩加少許軟骨，肉質好有層次，第一層吃去有點硬，但不是死實實哪種，再吃下去，每一次都比上一啖腍軟，吃到最低啲，便知甚麼是化口。但我反而更欣賞他的配菜，分量蠻多, 其中薯仔煮得好冧，bite size，一咬就融在口裏。 更好味是茄子，秋葵能夠維持完整唔會淋pat pat，跟咖哩道很夾。 優惠期至有得免費送。炸脆口乾身，不會油膩，蘸上甜酸辣，更惹味，正。［馬來特式香煎辣魚餅配多士飽包］ 包中間夾上帶辣味濕潤魚餅，雖只配上兩青瓜片，麵包一點也不感乾身，吃時魚肉微辣，青瓜青爽，麵包軟熟，整體配搭得宜。［招牌大蝦喇沙］有四隻彈牙大蝦，湯頭濃郁有椰汁香，恰好掛在米線上，連湯帶米線一起吃下， 提升整碗米線的層次感。還有厚厚的魚蛋，一整隻流心蛋，多多的芽菜，吸味的豆卜，好美味。餐飲點了牛奶咖啡味道是合格以上。最後的 ［椰子雪糕咖央三文治］近幾年流行的麵包夾

聽朋友講呢間海南雞好好食，因為係公司附近，於是就走嚟試下🥰呢度採用半自助式點餐，同尖沙咀分店唔同，買完嘢食就店員就會幫忙送過嚟👍🏼招牌海南雞飯海南雞十分嫩滑 雞皮同雞肉之間形成jelly狀，入口雞味香濃，可以話係我食過最好味的海南雞！ 醬汁有甜豉油，薑蓉，辣醬，個人認為唔洗點醬汁已經好好食😋 油飯同雞湯都有質素，好好味！我同朋友仲叫左碗大蝦喇沙share，湯底好濃郁，十分重椰子香。大蝦🍤彈牙鮮嫩，再加埋豆卜朔晒啲湯汁，真係好惹味啊!! 飲品方面，我地就叫左椰子冰茶 ，ice tea再加上椰漿，飲落啱甜，啱啱好！朋友就話呢杯美祿好邪惡，好多脆球好正！下次有機會都會再幫襯🤤🤤🤤

只食雞肉同海鮮嘅朋友仔搵我食晏，決定去Chatterbox Express開餐。Chatterbox來自新加坡的文華大酒店，而名物海南雞更是人氣美食，去年於尖沙咀落戶已經引來長龍，太古的Chatterbox Express就是其副線，以快餐概念為招徠，吸引唔少上班族及附近的居民。文華海南雞飯 $108(+$10升級雞髀)一場嚟到點可以唔食海南雞飯，仲要加$10就可以轉雞髀，即轉！套餐包雞髀、雞湯、油飯、三大必備醬料及飲品。先講雞肉，味濃之餘肉質又滑溜，啖啖肉好滿足，記得蘸黑醬油、薑蓉及辣椒醬一齊食，每一口都好滿足。油脂甘香的油飯，油而不膩；雞湯好清甜，仲有滑捋捋嘅豆腐，成件事無咁寡。招牌大蝦喇沙 $128有好豐富嘅配料，3隻鮮甜大蝦、吸盡喇沙湯底精華嘅豆卜、彈牙魚片，湯底濃稠惹味，仲食到海鮮鮮味同椰漿奶香，絕對推介自私食。凍美祿哥斯拉 餐飲升級+$16Size大大杯的確有哥斯拉嘅感覺，美祿飲落一啲都唔淡，配上一球雲喱嗱雪糕，撈勻更加有少少奶昔感，配埋粒粒脆，更加有飲嘢同時食甜品嘅感覺，加$16去飲係值得㗎！椰子冰茶 餐飲升級+$10椰漿另上，畀你自己按喜好加入冰茶中，茶味中夾雜椰子味，

知道太古開咗間海南雞飯，近近地，於是同朋友去食午餐。為咗避開人潮，我地兩點鬆啲黎到。餐廳唔駛加一，落完order會有人送餐俾你。文華海南雞飯除咗有海南雞，仲有雞湯、油飯、三種醬，分別係黑醬油、薑蓉、辣醬。海南雞好嫩滑，雞皮都好食，如果份量多啲就好啦。油飯好香口，會一啖接一啖甘食。招牌大蝦喇沙有雞蛋、大蝦、豆卜、魚片，好足料。米線索晒喇沙味好正，唔辣既但勝在惹味。椰子雪糕咖央三文治（加配價$28）兩塊厚切既包夾住椰子雪糕，得一塊包有搽咖央醬，椰子雪糕好椰子，夾住暖暖既包食好正。椰子冰茶（加配價$10）原來係自己落椰醬調味，本身茶底已有甜味，似飲緊有椰子味既奶茶。凍玫瑰我愛你（加配價$22）玫瑰味幾濃，仲有椰子味，幾特別。

太古出名野食又貴又唔抵食 但今日竟然比我發現一間好抵食嘅東南亞野 就決定試試佢招牌大蝦喇沙-賣相相當不錯 而且份量仲好多 有豆卜 魚腐 旦同埋幾隻大蝦 一d 都唔吝惜 個湯底好惹味 作為lunch 好抵食 食完成個人暖哂文華海南雞飯-海南雞份量好多 轉左雞脾肉 肉質鮮嫩 好juicy 係泰國嘅風味呀 唔會太肥太瘦恰到好處 配埋薑黃飯 足足有兩大碗既份量 油香剛剛好 唔會油膩 超級抵食 沙嗲串燒-個沙嗲醬好食到不得了 雞肉juicy 風味提升 好惹味

相信嫩滑既海南雞飯絕對係人見人愛今次覓食太古城就比我搵到呢間新加坡過江龍Chatterbox Express..原來佢係K11 Musea 有另一間Chatterbox Cafe..九龍區既朋友記得唔好錯過啦😚👇🏻店內環境光猛..清潔..舒適..並附有特別設計既句子同雞雞擺設👇🏻L1 文華海南雞飯 $108 (升級雞脾+$10) ..我地呢款係$108 ..雞非常非常非常滑..配有油飯..絕配👇🏻L2 招牌大蝦喇沙 $128..椰汁味重..唔辣..蝦非常大隻爽口👇🏻小食加配 唐生菜 $15 ..中和一下 食左咁多雞肉😂👇🏻特色飲品 凍美祿哥斯拉 套餐+$16 ..飲品好大杯 非常抵飲 ..調配味道都好好 唔會好甜👇🏻特色飲品 凍玫瑰我愛你 套餐+$22 ..一樣 飲品好大杯..好清香既椰子玫瑰香味..估唔到咁夾..不過呢款就偏甜一點👇🏻最後附上單同餐牌

新加坡人氣文華海南雞飯, 終於等到他在港島區開分店。尖沙咀k11店， 長期人氣高企 ， 想品嚐美食實在要花點時間 😆😆。 港島區開分店後 除了可以分散人流， 地點仲更近我， 唔需要過海就可以常常幫襯😍😍。以快餐形式運作 ， 裝修環境簡潔舒適 ，寫意休閒。除了傳統新加坡菜式外，還加入嶄新菜式。主打招牌文華海南雞飯極度推薦加十蚊選擇雞髀肉 ，50分鐘慢煮而成，嫩滑有彈性，帶點啫喱膏。油飯用泰國米，用雞湯及雞油煮成，油香充分， 鹹香十足。 沾上不同的秘製辣椒醬、黑醬油和薑蓉，增添風味。咖哩豬肋骨煲+ 白飯及香脆薄餅期間限定當然要試試， 咖哩味道濃沃甚有馬來西亞風味， 配料有特色😉秋葵、 茄子、 薯蓉波波。 略嫌豬肋骨太多😆😆😆， 如果蔬菜類別可以多番啲仲更加好。鹹蛋黃雞翼甚有驚喜之作😚😚， 本以為是平凡的鹹蛋雞翼 ， 咬落去鹹蛋味之外仲有少少香辣味。 原來咖哩粉醃製雞翼，外層再沾上咸蛋黃，難怪咸香之餘帶點微辣。😋😋美祿哥斯拉 必點招牌打咭飲品😋😋脆卜卜又小巧的美祿波波，舖在美味順滑的美祿。朱古力麥芽味濃郁，冰凍的雪糕球，甜美透心涼。凍檸檬薏米水清涼的薏米水， 加上大量煙煙靭靭的薏米， 淡淡的