Chatterbox Express (已結業)

Chatterbox Express 今日來到Chatterbox Express食午餐，主打新加坡馬來西亞菜式。叫了一個文華海南雞飯，雞肉沙嗲串同埋咖哩椒鹽炸雞寶，再加多個椰青。文華海南雞飯，相信係最正宗嘅做法。煮熟後嘅雞放入冰水，所以皮仲係脆嘅！肉質嫩滑，剛剛熟，唔會有血水。再配上甜醬油，薑茸，辣醬，食指大動！雞肉沙嗲串燒最好食係個醬，同外面食到的沙嗲醬味不同，比較甜，有種講不出的好味道，食多左都唔會感覺到濟。咖哩椒鹽雞寶，用左全部雞胸肉去炸，雖然係炸，但係雞完全無吸收油份，內裏仲係肉汁，而不是油。粉漿亦唔係好厚，可謂剛剛好！加上冰凍椰青解渴，夏日必備！

K11 Musea既Chatterbox Cafe成日都大排長龍，所以今日去左佢位於太古既分店，唔洗等位😀我地2個人，叫左：1.文華海南雞飯:海南雞雞皮好彈牙，雞肉雖然唔算嫩滑，但有雞味，有三種醬提供，我最鍾意中間既薑蓉。雞油飯值得一讚！粒粒分明，雞油亦足以包裹每一粒飯。2.咖哩豬肋骨煲配白飯、薄餅、炸素春卷一個餐就有齊白飯、薄餅👍🏻，同咖哩一齊食好好味😋 豬肋骨有5大條，煮得夠冧，肉骨好容易就分離，亦都好入味！😋 炸素春卷，皮脆，但入面唔會油膩👍🏻3. 黃金雞翼邪惡之選！😋超多咸蛋醬，雞翼外皮煎炸得好香口，正！😋4. 美祿哥斯拉有好多朱古力波波，美祿味濃，仲有一球雲尼拿雪糕，飲完心情都變好😆5. 椰子雪糕咖央三文治超級推薦！麵包好有牛油味，煎香左，本來塗左咖央已經好好味！加埋有椰絲既椰子雪糕，一流！😋😋😋

呢間express 價錢較親民 一於試試！文華海南雞飯 （$108）海南雞set幾豐富，有雞湯、海南雞醬料～雞湯配豆腐，清清地～海南雞果然名不虛傳！肉質非常嫩滑😍連埋特製醬油、酸辣醬同埋薑蓉一齊食，好惹味！油飯都香口，不錯！咸蛋黃雞翼（+$38 ）驚喜係用左雞全翼😍味道都好得！滿滿咸香再加少少辣，炸得又香口！雞翼外脆內嫩 超推介👍咖喱豬肋條（$118）見佢送雪糕 所以就叫左😂椰子雪糕，勁香椰子味，好食！份量還好，但還豬肋條有小小鞋口～正常水準

Chatterbox Express (太古).之前聽聞過話呢個海南雞飯好似很不錯，咁啱我倆今日過黎太古，就過黎試下🤤.🔹文華海南雞飯🔹.價錢係略貴左啲，但真心幾好食，雞皮滑嘟嘟雞肉又嫩，配醬油，酸辣醬同薑蓉，另外仲有個豆腐湯嘅東東，油飯超香.🔹大蝦喇沙🔹.呢個又係一睇就覺得吸引，有成三大隻大蝦，配魚片，蛋，最索味嘅豆卜，佢個麵係米線，係好香好好食(˶‾᷄ ⁻̫ ‾᷅˵).🔹椰子雪糕咖央三文治🥥🔹.🤤呢個係我一個人獨食曬成個！ 椰子雪糕好香，再加上少少咖央，麵包包住，真係很不錯！如果個麵包可以再焗脆啲應該仲好食.📌 Chatterbox Express (太古)太古太裕路7號建安閣地下G515號舖—————————————————————-#hkig#hkigfood#hkfoodie#foodie#food#food#foodstagram#hkfoodlover#hkdaily#foodiehk#foodig#foodlife#hkfood#hkfoodblogger#hkgirl #foodporn #chatterboxexpress

同男友收工行咗陣太古城，晚飯時間唔想成日食大型連鎖店，於是睇睇附近有乜好食，見到呢間評價唔錯，又話係新加坡文華酒店的海南雞，好似好吸引咁這間舖是以快餐店形式營運，先到收銀處點餐，之後有部機比你就可以坐定定等店員送上食物。主食基本上都有附上一些普通餐飲，亦可加錢配特飲，另外仲可以加埋小食添~文華海南雞飯//凍涼粉豆漿 (+$10)//香煎辣魚餅配多士包(+$28)黎得梗係要食海南雞。無轉脾情況下，雞肉不算十分嫩滑，但食到非常濃郁雞味!! 是我暫時在香港食過最濃雞味的。雞皮亦算薄唔會見到好厚的肥膏，其中一件係雞鎚位，嫩滑程度真的有差，有機會真係要轉脾試試。雞飯煮得算乾身，粒粒分明。醬料方面，黑醬油就比較普通，不過薑蓉同辣醬味道都好突出，又唔會好咸咁。雞湯味道正常，入面有塊滑豆腐，好特別。涼粉豆漿大大杯，豆味濃郁而且唔係好甜。小食的辣魚餅配多士包跟我想像的有點不同。原本以為係法包個種多士XD 但烘熱的外脆內軟餐包夾著脆口的辣魚餅感覺又幾好~ 如果呢個包用來做早餐就一流新加坡肉骨茶 // 熱美碌咖啡 (+$6) // 咸蛋黃雞翼 (+$38)肉骨茶分兩大區，馬來西亞主要係藥材味，而新加坡的就主

新加坡文華獲獎無數嘅海南雞品牌Chatterbox開到嚟香港，當然要試下有幾好食！文華海南雞經慢煮，配上雞汁豉油，用鮮嫩滑溜嚟形容真係冇錯；油飯好香，雞湯重有舊滑豆腐；作為海南雞飯靈魂嘅三款醬汁，薑蓉同秘製辣椒醬都比較辣同搶味，我自己就鍾意濃黑醬油多啲，不過食海南雞飯都係要同時點晒三款先夠滋味～招牌大蝦喇沙湯底好香濃偏杰，喇沙配米線好索湯一定要趁熱食；配料有大蝦魚片豆卜芽菜同雞蛋，全部都吸晒湯嘅精華好正！雞肉沙嗲醃得幾好燒完都好嫩唔乾，沙嗲醬有花生粒帶甜味，兩者夾埋好惹味～錫蘭奶茶冇港式奶茶咁濃但香滑～屋企長期有罐美祿可可粉嘅我嚟到都忍唔住點番杯美祿恐龍，餐廳沖既更濃郁，面頭仲加咗美祿可可球同可可粉添😋

簡單和友人快聚一下，來到這間一直想試的海南雞專門店-chatterbox express。餐廳走明亮的黃白顏色: 簡單的兩版menu✨海南雞飯 $108呢間最出名就是這海南雞飯，索價過百元一個飯，擺盤精緻，是和一般的海南雞飯不同。最欣是賞是油飯，飯香得來不油膩，飯粒粒粒分明但又充滿油香，驚喜！雞湯也出色，啖啖滿足！雞件肥瘦適中，雞皮不會過厚。✨海鮮乾撈麵 $108在炒貴匀和撈麵間猶豫，最後選了撈麵。賣相不錯！醬汁和麵的比例恰當，雞湯冇得頂！✨雞串($48)是今晚中最為有驚喜！啖啖肉，燒過但雞肉非常juicy! 肉質鮮嫩，好好食！沙嗲醬汁也非常出色，讚！值得再encore!

太古城一帶越來越多食肆，中，西，日....今晚選擇了有名氣的海南雞專門店。餐牌上的價錢算吸引，中等價位，適合一家大小。海南雞飯加$10轉了雞脾，皮薄肉嫩。皮下脂肪不多，有脆口感。肉質嫩滑。好喜歡三種醬料，甜的，辛香的，辣的，迎合不同口味。雞油飯不是油膩那種，油份恰到好處，味美！咸蛋黃雞翼哇！表面鋪滿了咸蛋黃精華，香口惹味。簡直邪惡至極！椰子冰茶不加椰奶是普通茶的味道，當加入椰奶，多了份香味，又有滑溜感，幾特別。

諗起新加坡美食必然想起 Chatterbox Express, 簡單輕食但亦堅持有質素。 雖然是快餐形式， 但賣相絕對係一絲不苟，  難怪 在食肆林立嘅太古城都能夠大受歡迎，長期保持人氣。先到櫃位點餐， 取了送餐感應器之後會有專人送上。招牌雞肉喇沙作為一碗喇沙， 只有單一黃色， 本來唔會在意佢嘅擺盤， 最緊要味道夠正宗。看见雞肉，配料排放得好整齊， 實在喜出望外。雞肉原隻斬件上， 並唔係雞塊或者雞絲， 特別嫩滑。 喇沙湯底絕對正宗， 椰香十足， 有蝦米蝦醬嘅味道， 層次豐富～ 米線幼滑煙韌， 配料還有爽口魚蛋片， 豆卜， 吃到一半已吸盡濃郁嘅湯底😘😋。咖哩雞煲配白飯香脆薄餅$108熱辣辣煲仔上的咖哩雞， 絕對要加分！ 咖哩香濃惹味， 還好唔會太甜， 有椰香， 有辣度， 特別醒胃。 材料豐富， 雞件唔嚡，有五六件， 茄子，還有秋葵， 馬鈴薯～除了白飯還有薄餅，蘸咖哩醬汁 一流👍白飯一碗似乎不太足夠😋 限時優惠還送兩球椰子雪糕。 雪糕球充滿椰子香還有不少椰思，絕對真材實料！蠔油小棠菜小棠菜又嫩又脆～黑醬油炒蘿蔔糕 甜甜地嘅黑醬油味道非常討好， 蘿蔔糕也是香口惹味。😋四季柑汁甜甜酸酸， 正好

今日返娘家太古走一趟，發現好多新餐廳，可能疫情其間少去，今日選擇了呢間食新加坡菜。昵間裝修好新浄，坐位也舒服，隔枱也有距離。入到去，就睇餐牌，選完餐，就直接去收銀落單兼付款就可以。我選了我最喜歡吃的文華海南雞飯套餐$108，套餐連飲品的。呢個相當好食👍，碟雞好滑溜，份量也充足。油飯就不太油，粒粒飯分明，好！也連一個好滑卯的豆腐湯，好好味。碟雞連三種醬汁，三種都各有特色。我朋友叫左新加坡肉骨茶套餐$108。呢個也超好食👍 個湯底，不得了，充滿胡椒味道，辣辣地，熱熱地，正！豆腐卜吸左渴味，好野味。油炸鬼脆卜卜，放落湯又另一種食法。有兩塊肉骨，肉質好淋。呢個非常飽肚，食完仲暖粒粒。每個餐都可以以優惠價加個小食。我哋就加了一個小食：鹹蛋黃雞翼$38。 聽到呢個名都覺得好惹味，食落真係冇令我哋失望，好香脆，好重鹹蛋黃包住。另外叫了個甜品：椰子介央雪糕三文治$28。呢個好特別，介央麵包夾住椰子雪糕，好食到吾停得口。好開心，放工來左呢度食到咁好味的一餐，下次一定要帶家人來再食。☺️

有朋友喺鰂魚涌返工 咁啱放假就去搵佢食lunch~諗住特登早啲去排隊但估唔到lunch hour唔洗排 （・□・；）➊ 文華海南雞飯 + 錫蘭奶茶 $108雞肉唔滑 冇雞油味...啲飯又唔似油飯 唔知點講如果唔點醬汁食 成件事會好淡但啲醬汁又唔惹味喎...反而杯錫蘭奶茶就幾好味嘅不過都彌補唔到對海南雞飯嘅失望總結係好 . 失 . 望 食咗個價錢又貴又唔好食的lunch🥺 但K11Musea ChatterboxCafe又可以一試啵 下午茶餐性價比較高

係新加坡過江龍啊😲1. 海南雞飯 $108海南雞飯係佢地嘅招牌菜 果然名不虛傳 望落去已經見到好靚嘅色澤 食落雞肉新鮮嫩滑 好香雞油味 最鐘意係佢用麻油豉油浸住雞肉 真係好似係新加坡食咁 餐湯都好有驚喜 唔似出邊冬瓜煲雞咁簡單 呢個係落咗藥材落去 再要讚吓佢嘅刻豉油 好正宗 係喺東南亞會食到嘅味道 跟餐嗌咗一杯熱milo dino 佢啲熱奶係用打奶機打出嚟 飲落唔會咁單調 2. 海鮮喇沙 $128 ✨佢用嘅係米線 個汁雖然唔多 但係非常之濃郁 個湯食得出係用咗好多香草材料整出嚟 係物有所值 真係好耐冇食過啲咁香濃嘅喇沙 覺得佢係喺香港食過最好嘅數一數二 碗麵魚片蝦同埋豆卜 魚片冇得彈 爽口彈牙好香魚味又唔會腥 佢啲蝦畀得一啲都唔小氣 大大隻仲要有膏 個人最鍾意係啲豆卜 比出面食嘅更加軟綿綿 仲要吸晒啲濃郁嘅喇沙汁 超好食 跟餐要咗一杯椰子冰茶 椰子香味撲鼻而來 一啖熱辣辣嘅喇沙一啖椰子冰茶咁食 兩個都好重椰香味 真係好正 3. 鹹蛋黃雞翼 $38好重口味好正 雞翼係整到啱啱好好滑好多汁 出邊沾上啲鹹蛋黃 好邪惡但好好食要encoreOverall 推介指數：4/5個喇沙真係好好食 推介

< 🇸🇬 Chatterbox Express >📍太古之前試過呢間新加坡過江龍嘅海南雞飯 見到太古開咗就試下🤣🦐 招牌大蝦喇沙🍜 $168招牌大蝦喇沙味道濃郁 有三隻蝦、魚片、芽菜同烚蛋😋 有好香嘅椰香 好惹味😆 米線好掛湯😛 豆卜索晒湯汁好好食 其他配料都好入味👍🏻 🦞星洲海鮮炒貴刁 $98有好多海鮮 鮮蝦大大隻 好足料😛 另外仲有臘腸好特別😆 味道都唔錯炒貴叼鑊氣十足 好惹味🥰 🥥椰子雪糕咖央三文治 +$28椰子雪糕好香椰子味 同咖央三文治出奇地夾🤣 三文治烘過好香脆😛 一啖食到好多層次 必食😋

之前係k11 musea已經留意過佢，呢間係新加坡海南雞好出名文華大酒店嘅chatterbox分店。今次去開太古城行街，所以就決定試吓佢😜。餐廳以白色黃色為主色設計，先落單之後拎電子籌。文華海南雞飯 $108海南雞set會配一個雞湯、油飯同埋三種唔同嘅海南雞醬料。海南雞好滑身，肉質鮮嫩，油脂都十分多，會見到佢嘅皮下脂肪好厚，有成層啫喱，邪惡😍。至於三種海南雞嘅醬汁包括有特製醬油、酸辣醬同埋薑蓉。特製醬油係偏鹹身，感覺會‘杰’身少少；酸辣醬就辣味比較重；薑蓉當然重薑味又香口，各有特色。雞湯配豆腐，清清地；油飯軟硬適中，不過如果可以再重雞油味就更加滋味🙈。招牌大蝦喇沙 $128喇沙好大碗，有好多配料，三隻大蝦、魚片、雞蛋同豆卜，加上喇沙湯，成碗麵都好靚。喇沙味道好濃，質感幾厚，唔會好稀咁🤓。佢嘅椰漿味好濃，慢慢再帶啲蝦味，飲晒啲湯都唔會覺得好鹹、好辣，口乾乾。大蝦彈牙，魚片豆卜都入晒味。凍美祿哥斯拉 +$16 (跟餐)美祿哥斯拉除咗有好多美祿波波之外，仲會有一球雲呢拿雪糕，打卡影相啱晒。除咗波波同埋雪糕，另外仲有一層美祿粉。成杯美祿都好濃郁，奶味同美祿粉啱啱好，足料。加上美祿粉凝固左一舊之

Chatterbox主打文華海南雞飯，亦有其他美味新加坡菜式！文華海南雞飯$108雞肉肉質鮮嫩，配上醬油膏，薑蓉，辣醬，就更滋味！油飯粒粒分明，帶有油香！招牌雞肉喇沙$118喇沙湯底質地濃稠，味道非常香濃，帶有微辣、蝦鮮味及椰奶香！濃稠嘅喇沙湯底令每一條米線都能夠掛湯，好滋味！炸素春卷（四件）跟餐加$28炸至香脆可口，新鮮熱辣！椰子雪糕咖央三文治 跟餐加$28麵包烤至微脆，椰子雪糕再配上香甜嘅咖央，好有特色，好正！推介！錫蘭奶茶（凍）跟餐加$6可樂 （跟餐）