Chatterbox Express (已結業)

聽朋友講呢間海南雞好好食，因為係公司附近，於是就走嚟試下🥰呢度採用半自助式點餐，同尖沙咀分店唔同，買完嘢食就店員就會幫忙送過嚟👍🏼招牌海南雞飯海南雞十分嫩滑 雞皮同雞肉之間形成jelly狀，入口雞味香濃，可以話係我食過最好味的海南雞！ 醬汁有甜豉油，薑蓉，辣醬，個人認為唔洗點醬汁已經好好食😋 油飯同雞湯都有質素，好好味！我同朋友仲叫左碗大蝦喇沙share，湯底好濃郁，十分重椰子香。大蝦🍤彈牙鮮嫩，再加埋豆卜朔晒啲湯汁，真係好惹味啊!! 飲品方面，我地就叫左椰子冰茶 ，ice tea再加上椰漿，飲落啱甜，啱啱好！朋友就話呢杯美祿好邪惡，好多脆球好正！下次有機會都會再幫襯🤤🤤🤤