Chatterbox Café (K11 Musea)

營業中

休息中

今晚同朋友想搵間坐得舒舒服服嘅餐廳傾吓偈，見到chatterbox cafe 環境幾唔錯，就入咗去坐喇，叫咗個二人套餐$348（另加一服務費）黑醬油炒蘿蔔糕：粗身嘅蘿蔔絲喺蘿蔔糕入邊，有咬口。味濃，啱晒重口味嘅朋友。文華海南雞飯：海南雞質感嫩滑。雞皮薄，食完唔會有罪惡感星洲海鮮炒貴刁：有珍寶帶子，鮮蝦，魷魚，臘腸同埋椰菜落去一齊炒貴刁，口感豐富。醬油生菜：生菜新鮮爽脆熱有機蘋果茶，熱錫蘭奶茶：蘋果茶聞落好香。至於奶茶嘅茶味濃

✨特色咸蛋雞翼雞翼外脆內嫩 外層沾滿起沙鹹蛋黃味道鹹香惹味 邪惡到極 每次必食✨文華海南雞飯海南雞 雞皮爽彈 肉質軟腍 有雞味 跟左三款醬汁 黑醬油 酸辣醬同薑蓉配上油飯 飯粉分明 軟硬適中 有淡淡雞油 同乾蔥香氣✨星州海鮮炒貴刁份量十足 好大碟 配料豐富有海鮮 臘腸同芽菜等 大蝦爽脆 帶子軟彈 貴刁炒得乾爽 調味適中 ✨錫蘭奶茶茶底香濃 奶香十足 質感厚滑✨有機蘋果茶茶味濃 帶啖啖蘋果清香總結：食物可以 午餐份量足環境舒適 座位闊落好坐服務唔錯 價錢可以

今日行過尖沙咀，突然諗起上次喺嗰度試過嘅美食，心思思想再去品嚐！呢間餐廳有兩款主打菜式，真係會令你食到停唔落口。首先要提嘅係佢哋嘅招牌——文華海南雞髀飯。嗰隻雞髀肉嫩滑多汁，淋上濃郁嘅海南雞油，再配埋蒜泥同薑絲，香氣四溢！配搭白飯，一啖咬落去，真係幸福感爆棚，根本唔使加任何醬料，已經美味非常。另一款一定要試嘅就係鹹蛋黃雞翼。雞翼炸得外脆內嫩，鹹蛋黃嘅香濃同雞翼完美融合，食完真係令人回味無窮。無論作為小食定前菜，都係一個絕佳選擇，相信一定會俾你一個難忘嘅用餐體驗。總括嚟講，Chatterbox Cafe 絕對係一間值得一試嘅新加坡特色餐廳，為你帶嚟濃濃嘅東南亞風情。下次經過，記得入去試下，保證你會大呼過癮！

Chatterbox Café 位於 K11 Musea，是一家以獨特美食聞名的餐廳。他們的傳統甜蝦醬蔬果花生沙律售價 $108，清爽爽口，絕對是一道必試佳餚。若您想品嚐正宗海南雞飯，別錯過文華海南雞飯，售價 $138。您還可選擇升級到髀肉，只需多付 $10。另一道令人垂涎的菜色是星州海鮮炒貴刁，售價 $128。這款菜品結合新鮮海鮮與星州風味，絕對讓人欲罷不能。甜品方面，招牌椰子雪糕 $108 是不可錯過之選。最後，特飲招牌椰子沙冰配涼粉及日本紅豆售價 $54，為您的用餐體驗增添獨特風味。Chatterbox Café 絕對值得一試，無論是品質還是口味都絕對不會讓您失望。

今晚係K11 Musea有個活動想去所以索性喺商場食埋飯先諗起上次嚟食唔到黑醬油炒蘿蔔糕就去Chatterbox Cafe，睇下今次食唔食到先！ 🍜 《 素菜炒貴刁 💲112 》炒貴刁除咗有海鮮版本，仲有素菜版本～炸腐皮外脆內軟，會有膩感；仲有菇、鮑魚菇、榨菜、椰菜、芽菜，都好豐富～ 河粉寬身，用黑醬油香濃惹味～ 🧆 《 黑醬油炒鮮蝦蘿蔔糕 💲96 》同樣用黑醬油炒，有蛋、菜同大蝦，件件蘿蔔糕都好入味～ 🥬 《 醬油生菜 💲56 》減減膩感，感覺食菜又健康啲～

每次過嚟K11 musea 都會有浸甜甜地嘅香味~行行吓街攰攰地就去咗呢間好出名食海南雞飯嘅新加坡菜坐低～環境都幾舒適，舖頭設計都幾懷舊咁😎而家都做緊限定餐點🥰文華海南雞飯 $138啲雞除咗滑之外仲好有雞味😋係必點嘅海南雞飯～點埋啲甜甜地嘅汁同埋酸辣醬都好好食！食得出佢哋嘅醬汁係經過特別調製同其他店舖係有少少唔同😋最愛係皮中間嘅啫喱狀精華🥰雞湯清清地唔錯👍🏻-黑醬油炒鮮蝦蘿蔔糕 $58好鍾意佢哋嘅炒蘿蔔糕除咗好惹味之外仲有好香嘅蝦味送飯一流😆-雞絲河粉 $68雖然個湯底望落好似好清咁但係其實都好夠味配上好滑嘅河粉夾埋雞肉一齊食很剛好～-芒果菠蘿冰 +$24好多粒菠蘿好清新😎

喺香港周不時都會食到海南雞飯，不過試咗好多間，仍然鍾情Chatterbox。幾間分店之中，K11 Musea座位較舒適，而且上菜時間快，可以係繁忙之中嘆下。文華海南雞飯「海南雞飯始祖」呢個名都唔係浪得虛名！招牌文華海南雞飯肉質嫩滑，油飯香。今次部分位置係雞胸，正啱我口味，亦可加錢轉無骨雞髀。白胡椒肉骨茶配白飯白胡椒粒食落好暖胃。腩排肉腍嫩滑，做餸一流。另外配有油炸鬼、豆卜及金菇，非常滋味。而家見佢都有幾間分店，希望再開多幾間，各區都食到！

Happy Holiday約埋好耐無見嘅好姊妹食個晚飯☺️update下大家狀況😊揀間就腳、靚靚地、又安靜嘅餐廳，食個靚飯！🍽️ 海南雞飯話說呢一間新加坡餐廳最出名嘅係有文華酒店水準嘅海南雞飯🐥二話不說即刻叫咗嚟試，估唔到啲雞件又真係好嫩滑，又有鮮雞味😍最想讚賞嘅係佢嘅雞飯，椰汁味同雞油味好重🤤一試難忘！🍽️ 黑醬油炒鮮蝦蘿蔔糕上網搜尋吓呢間新加坡餐廳有咩值得一試，見到好多人都推介呢個鮮蝦蘿蔔糕，我哋就跟風叫咗來試一試咩料子🤤估唔到有幾粒大大粒嘅鮮蝦炒埋啲蘿蔔糕，味道濃郁，但唔鹹😍唔錯！🍽️ 鹹蛋王雞翼因為唔肚餓，我哋叫多咗一個小食就夠晒數，呢個鹹雞蛋雞翼睇張相已經夠晒滋味🤤估唔到真材實料雞翼加埋大量嘅鹹蛋黃醬，真係好惹味，越食越想食！🍽️ 招牌椰子雪糕配班蘭蛋糕話說女人有第二個位食甜品，為咗完美今次嘅晚餐，我哋叫咗呢個招牌椰子蛋糕配新加坡好出名嘅斑蘭蛋糕🤤我覺得真係全晚最有驚喜嘅係個椰子雪糕，濃濃嘅椰子味，估唔到仲有啖啖嘅椰子肉喺入邊😋好味到不得了，食甜品真係令人開心啲😌

之前喺K11見到排長龍，今日終於嘗試到。文華海南雞飯果然係馳名嘅海南雞飯，肉質非常鮮嫩，好滑，皮唔會太肥。加$10轉左雞髀肉，幾乎冇骨，啖啖肉。油飯好有油香，但唔會太膩，加少少配送嘅甜豉油同酸辣汁撈飯真係好好食。個人認為個雞飯做得非常出色，怪不得咁多人幫襯。手製芝麻蝦多士蝦多士食落脆卜卜。上枱時候係啱啱炸好。但係稍為有少少薄身，如果再厚啲口感就會豐富啲。椰青新鮮椰青正常發揮。環境都好舒適，有機會會來。

呢間新加坡餐廳之前都有睇過網上好多人推介一直都未試今日收工終於有機會去食😝最出名嘅文華海南雞飯，同埋星洲海鮮炒貴刁，都係呢間餐廳嘅王牌今次就試吓佢！文華海南雞飯本身以為冇乜特別，但係舊雞食落口真係好滑！配有三個汁，三個汁都好好食！雖然比起出面嘅海南雞飯有少少貴，不過值得食！星洲海鮮炒貴刁火候十足，唔係太肥膩，海鮮亦都足料平時好少食貴刁，但係呢個菜真係食過返尋味🤣兩個菜份量唔算多，埋單$300好食！

源自新加坡的連鎖餐廳，係香港都係開分店最快的餐廳之一。我點左個叻沙，味道與新加坡或馬來西亞的相差甚遠。係落單5 分鐘後就已經上哂所有食物 - 明啦? 快餐店黎。 A chained restaurants originated from Singapore, as well as one of the fastest growing restaurants in HK despite the current economy.I ordered the Laksa, its taste is far from those of Singapore or Malaysia.You receive all your food within 5 minutes after ordering – so you understand why. It is a fast-food shop after all.

Chatterbox Cafec(尖沙咀)與朋友係尖沙咀k11商場shopping,經過星級新加坡過江龍Chatterbox Cafe,餐廳位於尖沙咀梳士巴利道18號維港文化匯k11 Musea B1樓,餐廳裝修以熱帶風情綠色為主調,座位寬闊,食得舒適,餐廳主打星加坡菜,餐廳推出期間限定食品和飲品供客人選擇,服務員招呼態度殷勤有禮。熱椰子牛奶咖啡季節限定滋味飲品之一,飲落有香濃椰子味,帶有椰絲的口感。香炒河粉燴牛肉河粉比較闊大,配有香茜和芽菜,芡汁比較多,燴牛肉食落嫩滑有牛味,微鹹不膩。招牌珍寶帶子喇沙喇沙配有雞蛋,芽菜和豆腐卜,香濃的湯底,啖啖都有椰香味,新鮮大大隻帶子食落鮮甜嫩滑。

k11 Chatterbox Café裝修簡約，環境悠閑舒適，套餐CP值都幾高，主食加配小食嘢飲甜品都好優惠。主食招牌大蝦喇沙搭配傳統甜蝦醬蔬果花生沙律。喇沙湯底濃郁，充滿椰香，大蝦彈牙大隻，蝦肉飽滿鮮嫩。傳統甜蝦醬蔬果花生沙律必食，系東南亞特色小吃「羅惹沙律」（Rojak）。佢用咗蘋果粒、菠蘿粒、青瓜粒、油條、芽菜和大量的花生碎同埋特色甜蝦醬，口感層次豐富，醬汁酸甜適中，非常開胃。檸檬薏米水，可以平衡返喇沙嘅濃味，飲落好舒服。甜品方面，椰子雪糕配斑蘭蛋糕，斑蘭蛋糕色香味俱全，口感柔滑，充滿濃厚嘅斑斕香，搭配椰子雪糕，口感好夾。

這天的晚餐，是和太太在這間名頭響亮，來自新加坡文華大酒店的 Chatterbox Cafe吃的。第一次幫襯這間來自新加坡的過江龍，當然要試試它的招牌「文華海南雞飯」（$138）。因為想吃好一點，所以加了十元要了髀位，這招牌海南雞飯的的確不錯，雞髀位皮光肉滑，三色醬汁也見地道，加上味香乾身的油飯和味道適中的例湯，已是水準之上的海南雞飯。「傳統甜蝦醬蔬果花生沙律」（$108）其實即是在星馬甚為常見的「羅惹沙律」Rojak，這裡的Rojak相當地道，以甜蝦醬調成的醬汁酸甜醒胃，配以蘋果粒、菠蘿粒等水果、青瓜粒、油條、芽菜仔和大量花生碎等材料，份量不少，也好味道。另一款小食正做特價，原價三十八元的「香脆薄餅（4件）配咖喱汁及蔬菜條」只售$28，雖然份量不多，也不算非常好吃，以這優惠價錢，淺嚐一下，還不錯。 其實這裡的數款盛夏冰爽特飲蠻吸引的，餐飲升級之後的價錢還不用三十元，更是十分可人，可惜我已甚少喝那麼甜的飲品，不然的話，真想吃它一杯消消暑呢！總的來說，這餐廳環境舒服，侍應服務態度亦好，再加上它的食物質素也挺不錯，怪不得這晚雖是平日，餐廳內的客人也十分多，幾近全場爆滿。其實這品牌除了幾間名為

到這店吃午餐，是衝着文華海南雞而來的，對於這海南雞，有滿滿的期待。點了兩個午餐，分別是文華海南雞飯（加$10轉成雞髀）和芽龍黑醬油海鮮福建麵，午餐配飲品。海南雞飯先上桌，雞肉嫩滑（其實雞髀大都嫩滑）可惜雞味不突出，沾上隨餐附上的醬油、薑蓉和辣醬，才覺得好味，湯也只是一般，反而油飯不錯，不油膩，味道好。對這聞名已久而且售價$148的海南雞脾飯，有點失望。反而芽龍黑醬油海鮮福建麵有驚喜，黑醬油味道微甜，麵條沾上這醬油，好吃，可惜海鮮不多，只有兩隻蝦和三四條魷魚條。飲品點了冰檸檬茶和冰咖啡，檸檬茶茶底不澀，咖啡則不夠香濃，結帳時才知每杯凍飲要加$14 ，覺得實在太貴。除了海南雞令人失望，服務也只是一般。海南雞飯送上時，我對服務員說我們分享食物，我還以為她會為我們拿來小碗或小碟，但她放下海南雞飯就離去了，沒有再回頭，後來我們要請另一位服務員給我們小碗，才能分享食物。