cafe TOO

下午茶自助餐有好多好多糕點和麵包，我喜歡啊！英式鬆餅又香又軟很好吃，連吃了兩個有提子的，配搭的clotted cream也很美味。沙嗲豬肉串燒很好吃，可是後來沒有再出現，只吃了一串。魚生壽司只有各兩款實在太少選擇，不過呑拿魚和三文魚很新鮮。我那張信用卡買一送一加一後每人＄170，在五星酒店的環境吃算扺食。噢！我回家後才又想起沒拍照，我這入門新手還是沒能做到「相機食先」，因為次次都是給食物先吸引住。

今次嚟食lunch buffet, 香格里拉d食物一向有水準有中式西式日式同甜品我最欣賞佢呢個小籠包，真係皮薄，入面豬肉鮮甜多汁，仲多左種豬肉嘅甘香甜品方面都好出色呢個吉士布丁甜度岩岩好，唔會係太甜嘅。真係甜而不漏。另外，一般嘅芝士蛋糕都會比我覺得好油膩。但係呢度嘅芝士蛋糕就甜而不膩，藍梅酸酸甜甜加埋芝士蛋糕，味道很配合。迷你梳乎梨，細細個好得意，表皮熱辣辣又d脆，入面軟綿綿層次好豐富，好食，而且size好啱女仔食。

媽咪生日話要食自助餐~ 講到環境，食物質數，坐得舒服之餘又交通方便，我即時就諗起CAFE TOO啦!  其實我本身就好細食，所以我鐘意去啲食物質數有返咁上下既自助餐，而我媽咪最愛就係食長腳蟹同龍蝦，集合上述要求，CAFE TOO仍我地既不2之選!!其實自助餐食黎食去都係個啲嘢，其他buffet有既嘢CAFE TOO都絕對有齊晒，而且食物質數比較高，話晒都7百蚊一位，味道當然有返咁上下。所以我今次重點介詔吓我覺得特別同埋好好味既嘢!螺片燉雞湯呢個湯，必飲! 碗燉湯落足料，夠清夠滋潤，我每次都會飲成3至4碗架~攞湯攻略: 每晚7:30後供應，只要見到有條人龍出現既時候，就係有湯攞既時候啦!! 唔可以唔介紹呢個Corner，專供應泰國小食，有咖哩，沙律...(總之就好好味啦~)尤其呢個蓮霧沙律，真係超級好味!!! 呢個沙律係將蓮霧、辣椒、蒜頭再加青檸放係個小木碗內"中"碎佢 (上圖姐姐就係整緊呢個沙律了)諗吓都流晒口水，小小甜又有啲酸同辣再配上蓮霧既爽口，食落味道好有層之同口感豐富!最後要提既就係呢個生日蛋糕仔，呢個係我訂台個日同酒店講話呢餐飯係同我媽咪食生日飯, 於是佢地就話幫我準備個小蛋

有海外至親回港過春節，嚮往港島香格里拉酒店海鮮自助餐，於是訂了 Cafe Too 自助午餐，大家餐后都説稱心满意! 店内環境和食物檔分佈得宜，取食物甚方便和舒適。食物首先推介冷盤麪包蟹，愛吃蟹糕的就開心，因蟹糕好多，橙黃色的糕比較實但有咬口和好香，而墨綠色的糕則甘香輭滑。冷盤還有皇帝蟹脚，蟹肉好鮮甜; 蝦有两種: 大大隻的淡水蝦頭有糕，不過唔香，蝦肉亦無乜味道，好睇唔好食，但海中蝦則肉味鮮甜可口。㸃心方面推薦人參灌湯包，一小籠一個包，原籠即蒸，包里的湯有清香人参味，肉醤有鮮肉味，十分好吃。燒味可比美城中著名専門店，义燒肥瘦平均，爽口及味佳，豉油雞輭滑香口及有雞味，燒鵝亦肉嫩可口。西餐烤肉首選慢烤肉眼牛扒，是用原塊超過七磅重的肉眼，牛肉味極濃且香，肉質輭滑，客人可自由選擇牛肉的熟度，由八成熟至五成或三成熟，㕑師都樂意奉上，配用的烧汁味道也做得很好，不會蓋過牛肉的香味。有驚喜的是這里的㗎喱也做很好很香，由印度籍的㕑師主理，用足印度香料和煮法，好有印度 feel。这里午餐也有合時焞湯，湯在下午一時正焞好，鑼聲一嚮，客人蜂湧上前拿取，不過人人有份，今天的焞湯是海底椰焞瘦肉，湯淡口但好清甜，全無

一年一度食阿公, 錢唔係考慮, 就揀了呢間.當日大約五成滿座, 人唔太多, 加上食物擺放位置很多, 可可慢慢望, 慢慢揀, 不用同人爭食物的感覺真好.先食刺身, 三文魚很肥美, 北寄貝都甜, 其他無試佢除咗燒牛肉外, 仲有即燒澳洲牛柳粒, 牛魔王好歡喜呵.印度叻哩香而不辣, 正.冷盤有龍虾, 大虾, 青口, 面包CRAB, 雖然都要排隊, 但不是太多人, 無人打尖, 個個都有耐性地一個跟一個地等.  員工又在冷盤旁努力補給, 保証人人有得食.  抵讚雖然個炖湯不是山珍海味, 但清香好味, 連小朋友都話好飲.面檔師父好好人, 有拉沙湯, 雞湯, 清湯底,  我中意啦沙湯, 但老公話雞湯好香.甜品哈根大師雪糕有8款, 加上PANCAKE 師父勁好人, PANCAKE又脆又好味.  員工衞生意識要讚一讚, 鄰枱的國內人喪食後出現飽到嘔的情境 (真係第一次見), 員工馬上安排我們轉枱並用消毒用品馬上清潔.   整體都很滿意, 下次會再來.

平時食buffet都唔會食到咁貴 今次難得有Gift Cert就可以嚟喇 貴價自助餐有樣野好，就係唔會有人同你搶攞野食，食客都斯文同禮讓 食物方面我最欣賞就係冷盤龍蝦 (新鮮大隻厚肉，唔似雪藏貨)、葡汁龍蝦同埋個燻蛋，好多人覺得燻蛋係平價野所以唔會選擇食，但我反而覺得呢啲餸菜先真正食緊手工錢 我食左4件 凍蝦都好大隻，我平時食既自助餐都唔會有咁大隻凍蝦同埋刺身有北寄貝 可以食多幾片天婦羅係有位哥哥新鮮即炸, 十分脆口兼唔油膩配Parmaham既哈蜜瓜又甜又多汁, 加埋咸咸地既PARMAHAM一齊食, 味道岩晒似係日本貨(當然我唔知係咪啦)小龍包一隻入面有好多湯, 皮夠薄, 要小心辣口鐵板牛柳粒，肉質夠嫩滑，唔會太熟過老，細細粒食多幾粒都唔怕!對食物質素都幾滿意，但我心目中一個自助晚餐係應該要有埋生蠔先至可以叫做Perfect既! 特別係收得咁貴既價錢啦

好一段時間没有在這里吃自助餐了，由於有朋友好想吃優質海鮮自助，於是我帶了他来這店，結果大家都覺得好满意。海鮮方面最好的是凍龍蝦，原隻龍蝦一開二，好大隻兼十分新鮮，多肉又有羔，蝦肉甜美，羔又輭熟，好好食。凍海蝦也十分大隻，每隻應該有三両重，有海水味，肉爽好口感。此外，在日本冷麵的旁边放了一盤辣味紫菜片，與冷麵一齊食，感覺好特别，亦好味。我是無肉不歡的，當然唔會錯過日式鐵板牛柳，厨師將大大塊的美國西冷扒，即煎即切方粒，臨起鍋時澆些燒酒，鑊氣冲天，牛柳粒又熱，又香，又唸，超正。此外，又再去熱食檔拿一片厚切四成熟的燒牛肉眼連骨，好香牛肉味，骨边的肉也被我食得好乾淨。遠處鐘聲响了，即是炖烏鷄湯经己炖好了，於是也不執輸，拿了一盅，湯好清甜，温度又夠晒熱，是極品! 其他值得一提的是即蒸即食的人参小籠包，包里面的免治豬肉渗出幽香的人參味，一定要試下。

因為家庭聚會，已經是第n次來，無奈一次比一次失望。希望在這裡寫食評告訴大家不要去。星期日晚上自助餐比平日貴。。要7百幾包加一，曾經有一絲希望有些好吃的。。無奈沒有。。人參小龍包又厚皮左，無豬肉味。所謂和牛好鞋冇牛味。曾經特別的有乳豬，但唔脆。天婦羅南瓜未熟。中湯冇味。春卷唔脆。雪糕係溶既，未返到位已經溶左一半，梳乎里謝曬，macron 好甜。buffet 到9:30，八點已經唔refill.....唯一可取的是Boston 龍蝦好鮮但好瘦。。長腳蟹好瘦。唔係聚會一定唔會再來，依個價錢可以有好多其他選擇！仲有食到成身汗唔夠冷氣！

今年第三次來香格里拉的cafe too 吃下午茶自助餐，因為迷上這裡的環境，氣氛，食物和人少等幾個因素，最重要是可即日訂位和價錢不貴，用匯豐卡有八折，計算完每人$271一位，很劃算。這裡的食物不多，質量也不是最好，但不會讓你不滿意，最多只是覺得可以再好點。第一次來，是喜歡上這裡的鬆餅，超級鬆軟，香味十足，十分可口，一口氣吃了三個。第二次來喜歡上這裡的水果，哈蜜瓜和蜜瓜都非常鮮甜。這次來，喜歡上這裡的三文魚，很新鮮，夠厚，而且師傅不小氣，可以叫他多給一點，不像其他間自助餐，每次只限拿兩三片。

第一次去左港島香格里拉食午餐buffet,一入到酒店，已有一種香味，裝修又好華麗，個度有好多食物選擇，中西日印，點心，海鮮… 其實我都想飲個燉湯先去呢度食，知呢度燉湯好出名，所以一試，都幾好飲的! 燒味同甜品又好食，呢間d野食好似仲多過尖咀個間，食物味道仲更好d,食得真是超飽，飽到第二日呢！ 我覺得呢間香格里拉的食物質數真是全港數一數二的，服務又幾好，價錢係唔平，但都好食過其他酒店，下次都會食下晚餐buffet的!

Island Shangri 裡有幾間餐廳自己都頗喜歡的，Café Too 是其中一間。可能自助餐的選擇有很多，計起來都差不多起碼有三幾年沒有在這裡吃過自助餐了。Café Too 的自助餐沒有生蠔是已知的，所以沒有特別期望。但以前有、而且自己又幾喜歡的帶子沒有了就有點失望。海鮮種類繁多，有基本的刺生、蟹腳、麵包蟹、龍蝦、青口、凍蝦等等… 除了生蠔，基本上其他酒店有的佢都有齊。所有海鮮都非常新鮮。Café Too 比較著重冷盤和甜品，所以熱盤方面就不算特別出色。印象中好像沒有蒸魚和燒羊架，我不太記得以前有沒有，但如果對這兩種食物有偏好的朋友就要注意。這裡雖然多了點心，但俾得七百元來吃自助餐，點心自然就不是必然選擇。况且這裡點心的賣相跟夏宮就有一段的距離。甜品就很出色，水果的質素和切法都顯出心思，如果喜歡甜品的就肯定不會失望。七百元一位的自助餐其實絕對不算平。我相信絕大部份的客人應該都有一定的期望。這裡食物的質素就無庸至疑，但種類方面就的確有改善的空間！

再來一頓自助午餐 再來一頓自助午餐，種類亦算多，分門別類，空間感亦夠。總體烹調基本功亦是紥實，燒牛肉味道夠，而且切後，肉汁足夠，惜火喉可再好一點，烤得不夠嫩滑。刺身壽司不過不失，中價貨，亦十分新鮮，而且各種材料食材亦算新鮮。中菜功力穩重，點心燒味有水準，起碼精緻，而且不太油膩。西菜選擇不太多，但燒牛肉作為賣點，可更好。反而天婦羅，槳太厚，上粉功力差劣，炸出來太厚，就算內裡材料好，都比廚師功力破壞，急需改善。甜品算做得有心機，比較喜歡水果洗好即批，特別蜜瓜菠蘿沒有浸糖水，原件分享，值得一讚，心津止渴呢。平實的一頓自助餐，最後吃到過時呢。

今晚28號我同我個堂妹去港島香格里拉嘅Cafe Too食自助晚餐慶祝生日！有好多超新鮮嘅龍蝦，超大隻嘅大頭蝦，法國麵包蟹，鐵板燒和牛，款式種類超多！令到鍾意食海鮮嘅我非常開心！原盅足料燉湯火候十足！甜品有我極力推介嘅火焰雪山同梳乎厘！生果亦非常新鮮！地方高級，環境寬敞舒適，招呼周到！非常樂意幫助人客拍照留念！

看到不少人對Cafe Too的評價不錯！終於有機會試試這裡的lunch buffet了！場地雖然大，可是當天坐滿人後其實有點擠，而且椅子的手把有點阻礙出入...其實食物選擇是不少的，可是都是一些普通的食物，海鮮類只有普通的凍蝦、長腳蟹、凍蟹青口等...甜點方面看起來好像很多，但其實櫃內有些是重覆的...先來點芝士和餅乾作頭盤，藍芝士味道很重！不錯！可是魚生切得過厚，吃下去有點膩...吃著聽都鐘聲響起，原來是燉湯出爐了。燉湯味道非常濃，湯料很足！整體來說，Cafe Too不是不好，只是價錢過高。我覺得九龍的Cafe Kool好像比這裡更出色...無論是舒適度、食品或是價錢...

今次為咗慶祝屋企人的生日，加上今次有禮券，所以今次就去咗中環一間五星級酒店食自助餐，😍😍😍😍但雖然啲食材都尚算唔錯，但若果要付出五百幾去享受這次自助餐我認為不是CP值不夠高。因為佢食物種類唔夠多。尤其是冇生蠔更加係我一大嘅失望。 但是說這次看見的食材例如海鮮隻麵包蟹龍蝦等等質素也挺不錯，與若果我喜歡吃海鮮的人應該會非常喜愛的。好似龍蝦同埋麵包蟹其實都入面好多膏，拆出黎真係好吸引。仲有甜品又有馬卡龍等等。雖然種類不夠多，但是這樣食材的質素再加上在這樣的地段，我想這樣的價格尚算合理。題外話，今次食飯係隔離枱仲見到明星添。😂😂😎😎如果大家想聚星嘅話可以過去試吓。