cafe TOO

大年初五又出動覓食，今次超好彩訂到港島香格里拉買一送一優惠，本應在十日前開始在酒店網頁預訂，但始終唔夠其他人拑得快，但好彩就係我响初四無聊上網睇下又有得訂喎，唔理三七廿一訂咗先，跟住再打比媽叫佢陪我去試 九龍區果間 dinner就食過兩次，港島呢間今次試 lunch，一入去見到好多美食就流晒口水，海鮮刺身點心燒味沙律印度菜甜品等等，全部一覽無遺，再加上我空肚食自助餐，即時食指大動，侍應安排好座位後，即刻 action去拎嘢食...海鮮有５款～蟹腳／青口／凍蝦／大頭蝦／麵包蟹，最好味係有海水味既蟹腳，鮮味得嚟又唔會過咸，兼且容易去殼，第二輪encore咗成碟，其次係青口同凍蝦，同樣鮮味十足，大頭蝦不試也罷，因為完全無蝦味。刺身有４款～款款賣相都非常吸引，有三文魚／吞拿魚／八爪魚／北寄貝，４款都試晒，最鍾意吞拿魚，真係食得出係好嘢同新鮮，另外三文魚都相當肥美，其餘兩款都不俗，刺身檔係必試必試！點心有６－７款～大部份都無試，因為點心好易k.o.我，所以只係試咗一個灌湯包，一籠一大個，師傅即包即蒸，屬搶手貨，但一咬落口我就面容扭曲，原來係我唔鍾意既人蔘，oh no！不過人蔘味獨特，不妨一試！燒

昨晚和家人去食自助餐，講真的688蚊都算係 貴，但食物嘅水準很低同款式真係好少，海鮮類中的龍蝦，肉很實可能蒸熟過龍，另外得 青口和大頭蝦，其他海鮮就欠奉，連生蠔都冇 ，不過就好在有三文魚魚生都可以，還有吞拿魚魚生都可加番一啲分，但日本式炸物 ，就出得很慢， 比較好食嘅都係炸蝦和炸魚， 還有炸芋頭都可以， 不過服務方便就真係好差，嗰啲工作人員愛理不理，好像貼錢買難受一樣，要人等很久款式又少，比較失望，所以都係冇下次！

公司年尾聚餐。大家滿以為去一間5星水準的酒店吃自助餐，會好滿足。點知，名不乎實！知道出名的食物有鵝肝，行哂全場都唔見有，咪問侍應嚕，點知回答是：我唔知呢度會有鵝干喎⋯⋯攞雪糕吃，無spoon，雪糕counter 啲員工話無spoon ，你去問侍應攞吖😕！哦！好，問侍應，侍應哥扮菲律賓人講中文話：你去甜品檔問人攞啦！我都無喎！叫餐飲，個女侍應啲態度，唉！茶記都比她好！什麼態度！？什麼叫服務？！呢啲事，我啲同事都有遇到，雖情況唔同但一樣沒禮貌，沒有服務態度及沒有被當成是客人招待的事件!食物水準，除了是龍蝦比較鮮甜之外，全部都是一般貨色！而家連服務都咁差！我一定同啲朋友講我對呢間所謂酒店餐廳嘅口碑嚕！

第一次來Cafe Too 吃自助午餐，聞名不如見面，食物款式很多……爆糕麵包蟹、青口、大頭蝦、凍蝦、燒牛肉，燒火腿、BBQ雞翼香腸、燒味、印度咖喱、墨西哥薄餅、泰式美食、天婦羅、中式点心、粉麵檔，當然唔少得我嘅至愛。。。燉湯、刺身(三文、吞拿、八爪魚同北寄貝)、壽司、crepe 、梳乎厘、fresh fruit cocktail、Cha Sorba 、Parmaham 同甜品。関於食物質素，係算新鮮嘅，但老實說……水準一般，無甚驚喜，有信用咭8折優惠，成人$400左右都算抵嘅。但如果唔係老公話要試吓呢度，個人還是比較喜歡尖東帝苑(因為佢有芒果拿破崙同蝴蝶餅呢！)

今天，是重要的日子；因為，從小一起相伴長大的表姐出嫁了。一切從簡的結婚儀式，只在晚上宴請最親近的親戚們，為她這特別重要的日子分享喜悅。看著她，有點不捨，尤其當兒時回憶湧上心頭時更感慨；但看到她能覓得愛她和疼她的伴侶，真的希望她能一直感到幸福。這晚，她選擇了這裡宴請親戚們吃自助餐，我也是第一次於喜宴上吃自助餐。由於是平日的晚上，人不算多，但已比我想像中多。地方不算太大，燈光較為昏暗，每一個區域和木桌上都擺放着不同種類和款式的食品，由於當天是萬聖節，亦有以節日為主題的甜品和佈置。食物種類真的很多，海鮮，刺身，沙律，冷盤，熱葷，即煮粉麵，點心，炸物，鐡板燒，甜品... 基本上我甚少於晚上吃自助餐，亦無可能吃我完每款食物，故這個陣容對我來說已十分盛大。當中最吸引我的除了是我至愛的甜品類外，還有海鮮，因為有我無法抗拒的龍蝦! 海鮮除了龍蝦外，亦有長腳蟹，蝦，青口，但蠔迷這次要失望了，因為這裡沒有提供生蠔，但我認為這價錢和等級的酒店餐廳，生蠔是必需吧! 說回龍蝦，提供的是波士頓龍蝦，龍蝦被切開一半，可看到肉充滿其中。相較其他龍蝦，波士頓龍蝦的肉質較為實在，不是一般帶爽口勁的，味道不算十分鮮甜，點上

整體黎講: 唔錯有待改善既菜式: 炒飯 同 雞扒 (主觀角度: 覺得有啲難食)由於我地系訂位嗰陣講明係慶祝生日， Cafe Too 提供咗一個生日蛋糕比我地，嗰嗰生日蛋糕…唔知點解會比 dessert bar 嗰啲好食好多…(可以一試) 餐飲: 中國普洱茶 (正 !) 平時飲西式茶先會有自己一壺，但今次黎Cafe Too 飲中式茶都竟然可以有自己一壺 難得員工款待: 夠主動，反應快，熱心 (讚 !)Cafe Too 係唔會 催埋單，但會有溫馨提示關門時間。

我第一次食cafe Too既buffet, 真係大鄉里出城咁.當日星期六既Lunch Buffet由12:00-15:00之前已經訂左位, 所以侍應可以立即安排到近窗既位置.先跟老公出去拎冷盤, 有麵包蟹, 長腳蟹, 大蝦,中蝦以及青口沒有最愛的生蠔及翡翠螺第一次吃麵包蟹, 味道唔錯, 蟹膏比較多, 但拆蟹需時XDD長腳蟹都唔錯, 沒有雪味, 不會太咸, 而且肉較鮮甜, 而且容易拆.相反大蝦是海鮮區中最差的, 有雪味,而且蝦身有些透明的膠質, 不知道是甚麼, 蝦肉亦比較實而無味.只咬了一口已經唔想食刺身有4款, 三文魚, 北寄貝, 八爪魚及吞拿魚, 雖然全部都唔係甚麼靚刺身.但北寄貝, 八爪魚出奇地新鮮,我地Encore了兩次甜品區很大, 很多款甜品, 雪糕係哈根大師, 有8款口味, 但竟然無最人氣的朱古力.有一個Corner整泰式Salad, 亦有Cheese corner+麵包, 但沒有將西湯放在一起, 有點麻煩.有中式點心, 蝦餃燒賣, x燒包,奶皇包, 餃類以及小籠包都有,當日有幾個人問有無壽包, 師傅都立刻對應到 (讚)牛扒羊扒唔少得, 仲有中式燒味, 熱盤大概有8款, 仲有

好幾年無去Cafe too. 真的非常失望，食物質數嚴重下降，味道也不及從前。沒有鵝肝，沒有甜蝦，龍蝦沒鮮味。連從前最吸引的燉湯也淡而無味。甜品看似有很多選擇，但味道很一般。小籠包皮厚，刺身/壽司平平無奇，似外賣壽司店質數。大酒店高檔價錢，真的一點都不值，是管理層變動還是將貨就價？？？

款式多到眼花花😍五星級酒店環球美食自助餐！👏🏻無辦法抗拒呀😫 食自助餐感覺真係好正🤓卡路里？咩黎架🤔波士頓龍蝦出場喇！🐉一食落口有淡淡的海水味～超級新鮮呀👏🏻龍蝦肉爽口彈牙👻仲有鮮甜嘅龍蝦膏😍食到依個質素的龍蝦bb 絕對值回票價啦😂甜品都好有水準架😍Pancake皮夠哂煙煙韌韌🌮加埋雪糕同芒果肉粒🍨冷熱crossover 好想再encore呀🙃Chesecake芝士味超rich！口感細滑😋如果個胃有多d quota就好喇😂

舊年我嘅生日，我倆係"Cafe Kool"食dinner buffet慶祝，簡直正到痺！今年畀我揀，再揀都係“香格里拉”，不過就選擇咗位於金鐘嘅”Cafe Too"！是晚我倆準時到達"Cafe Too", 港島店明顯地比九龍店grand多了！然而食物種類卻被九龍店比下去！幸好味道質素不遑多讓，話晒大家都係姊妹店吖！就帶大家去睇真啲~海鮮: "香格里拉"必食嘅就係海鮮，我俩急不及待，第一時間走去品嚐波士頓龍蝦，原隻上連一雙大蝦鉗，啖啖肉，肉質爽脆兼有蝦膏！跟住試下"Cafe kool"無嘅麵包蟹，啲蟹膏及蟹肉比較結實，都好味唔錯吖！接住食下長腳蟹，鮮甜爽口！見到有大頭蝦(又係Cafe Kool無嘅)，即刻攞嚟試試，盛滿蝦膏嘅蝦身，一啲味道都無嘅，中晒伏添！呢度反而無生蠔及賴尿蝦！刺身+壽司: 平平無奇，毫無特色，即時被比下去！三文魚，厚身但味道一般矣已！北寄貝，鮮甜爽口！壽司太少款式，又無"Cafe Kool"嘅火熖龍蝦三文魚卷，又無鰻魚、腐皮、赤貝等呢類！熱盤:  種類少好多，又無"Cafe Kool"嘅鵝肝多士,  不過有多款點心爭番啲分數，有一籠大大隻小籠包, 熱辣燙口，皮薄肉汁香

以為自己第一次去。原來黎過。好多甜品，雪糕，雪巴，cup cake, tart等。飲品就麻麻地。楊枝金露最好飲。其他珍多冰同蜜瓜就麻麻地。但勁飽肚。我覺得最好味就係個酸辣湯啦。可以返dull...熱盤有點心，炒面，薯角，魚手指，意粉，炆牛柳粒 等。整體好味。

上次試過自助晚餐，今次放假睇完戲后刻意嚟試埋自助午餐……其實我鈡意環境舒服及服務質素好，當然食物質素都緊要啦今次冷盤有蟹脚、麵包蟹、大头蝦及海蝦，而刺身都有4-5款，當中必包三文魚及吞拿魚啦，其他還有壽司、冷麵、熱葷、上海檔、新加坡檔及印度檔、燉湯、甜品、雪糕……等我本人胃口唔係大，就係鈡意一次過可以食唔同食物多選擇，上次食完dinner buffet 飽到嘔，今次又係…但嘔少咗啦，換句話講即係多嘢食夠滿足啦

心肝椗生日，見到呢間buffet so far 既comment 都不錯，所以決定揀呢間食生日飯最期待係佢既燉湯 同 火焰雪山...一坐低，就開始搵食 😁😁😁海鮮凍盤唔多選擇；先攞左啲龍蝦、長腳蟹、麵包蟹同凍蝦:龍蝦 - 鮮，不錯長腳蟹 - 唔算好大條，食落都okay, 但無乜海水味麵包蟹 - 都算多膏凍蝦 - 麻麻地，唔算好鮮然後見到有和牛粒，切得幾大粒，同有啲over cook 左... 三文魚刺身都算肥美。牛扒無乜特別，但ham 不錯。有燻蛋同醉雞，頗入味。熱盤有個避風塘蟹，幾入味既，但唔係好避風塘 （即係好辣個種感覺）。難得係見到有麻蓉飽，有麻蓉既香味，但就無一粒粒麻蓉既口感...炒飯、炒udon、咖哩都有齊，唔難食。終於出燉湯喇😁😁😁見人人最少都攞兩碗，好似好正咁☺️但我地都驚飲唔晒嘥左，所以都係攞一碗試下。點知一試，查實我自己就覺得個味有啲淡，似係燉唔夠時間、啲料相互之間都未好好溶合就已經要端出來...等左一陣，終於有火焰雪山 😍😍😍呢個不錯，酒味好夠，火焰同雪糕夾埋啲酒味，真係幾好食 👍🏻總括黎講，食物和環境是不錯；但食材質量有點普通、食物種類也不太特別，不太值$6xx 一

今日又尼左香格里拉食lunch buffet,上年都尼食過，咁覺得幾好食，今次又尼啦！呢間酒店做緊個優惠係六歲以下小童免費，咁就一家大細尼左呢度啦！我見都有好多小朋友，閒日尼都有好多人食，今次尼我見食物都有d唔同上次，但都好食的，熱食海南雞飯好好食，甜品都係一樣的好食，海鮮麵包蟹我都食左幾件，今次都有食下所有野，亦都好滿足啦！信用卡優惠有8折，三百幾蚊位，食到好食d又多野食既，都算抵啦！

今天與Honey共渡生辰，選了這間五星酒店的cafe之Lunch Buffet. 不是太貴但又夠grand.Cafe佈置豪華，滿佈美食。長腳蟹～味道鹹香，好味，可惜太多美食，只吃了四保條。魚生～全部厚切，取一次就夠，欠少少新鮮，但品質pass生果區～又是切得大大件唔失禮，蜜瓜清甜，應是一級貨。煙三文魚～味道很好，應是高級貨，可恨只吃了一件，因為太多美食等住我吃了。雪糕有十二款任選～哈根大師甜品～遜色，蛋糕不太新鮮，有點乾。有風乾火腿，沙律吧，串燒，麵包蟹．．．吃得很滿意的一餐。