Café Kool

營業中

休息中

復常後第一次相約朋友， 一行4人 4月28星期五晚去食dinner buffer, 嚴選了5星級酒店 尖沙咀香格里拉Cafe Kool. 諗住5星級酒店，一定穩陣啦。 點知..........全晚中伏🥶😡。 食物種類👎👎食物質素👎👎服務態度👎👎完全唔似5星級酒店，完全想像唔到， 似變了低於3星級酒店以下的餐廳。 Dinner buffer 價錢 $758 + 10%, open rice 訂枱8折，折後都要$667😭😭。其實價錢唔算平，尋晚是平生食過最差最差的buffet😤😤. 莫說想要食到回本的食物，沒CP值可言。最失望的Buffet.中伏1) 一到餐廳坐低，職員說，每人憑枱面一個 籌碼 可換一隻熟龍蝦。吓， 唔係任食咩（之前黎過都是任食）。龍蝦又細，又冇味👎。其他涷海鮮有長腳蟹，翡翠螺， 小龍蝦， 青口， 涷蝦👎， 全部冇味， 長腳蟹腳又太咸。 呢個涷海鮮區，不堪入目，冇野想再encore😡中伏2）沙律bar, cold cut ＆ cheese 區。全部下價食材👎。 Ceasars sald, 就連生菜都冇味。起初連煙三文魚都冇。 後來到了中後段先攞出黎 smoke

4月份有3位屋企人生日 佢地又想食自助餐 咁岩上網見到Café Kool 有買2送1優惠 所以我地一行6人就book左星期六lunch buffet 只收4人價錢 超抵呀 !兩日前酒店會打黎double confirm訂枱時問 仲幫我準備埋甜品碟 實在太好當日訂左午餐時段 基本上餐廳都full哂 超多人呀 野食都有好多選擇 lunch都有生蠔(每人一次可以拎兩隻) ，凍蟹，螺，小龍蝦等凍盤 刺身都好新鮮 件件都好厚 熱盤有燉湯 另外中式熱盤都滿意 夠熱 而且refill得好快西冷扒都好推介比大家 如果覺得太生 師傅會即場幫你再燒 我encore左3 round又意粉檔見好多人排隊 因為廚師係會即order即整 離遠已經聞到好香 賣相唔錯 甜品亦超多選擇 我就最鍾意綠茶古早蛋糕 冇得頂 雪糕係Haagen Dazs 而餐廳大約係last order 前就會上個甜品碟 仲好好咁幫我放好執好位 主動幫我地影相，服務一流！

老公生日嚟試lunch buffet 一嚟我係拎熟食先燒牛肉好薄好細片……從未見過咁細片火腿都大過佢，甜甜地菠菜忌廉魚柳好食，添左幾次磨菇雞一般日式豆腐無特別凍蟹仔都算多肉老公話三文魚同生蠔一般生蠔食左8隻就停手（我唔食既）淮山杞子燉元貝我飲左3盅，老公飲左1盅，好濃咖啡唔錯但塊餅皮唔得，其他正常六穀麵包好食，食左兩塊，試左軟芝士同埋另一隻唔記得，夾埋火腿掂呀西班牙蕃茄凍湯小小辣都可以雪糕我食左比利是朱古力、曲奇、士多啤梨各一球加一件吉士銅鑼燒，銅鑼燒一般，餡好少。老公食左兩球曲奇，一球比利是朱古力。除左中間件金莎味係唔錯外，其他一般，全部都好甜，食左一轉就無食蝦都係一般咖啡好苦，奶泡熱幾好，唔會一加落去就凍

同朋友去食Dinner buffet, 環境寬敞舒適，清潔衛生非常好，服務很好。至於食物方面，熟食出色，尤其印度食品，龍蝦一人一隻，cold cut 都幾好，加杯酒，是很好的配搭。甜品好味😋。

朋友海外歸來想食buffet，隨便揾左呢間試下。由於好耐無食自助餐，所以去到已經好吸引，中西日法應有盡有。冷盤種類正常，唔算多又唔算少，lobster 正如大家所講，只限一隻，如果任食相信cp值更高，一般人都唔會食到好多隻。意粉即煮，材料醬汁自選。甜品都有好多選擇，所以整體我覺得好唔錯。

今日嚟到九龍香格里拉酒店嘅Cafe Kool食自助晚餐☺️☺️ 呢間我未食過，同行嘅👱🏼‍♂️話之前疫情期間食過一次，質素一般般。但今日食物質素明顯幾好～ 呢度嘅服務都值得一讚，收碟速度幾快員工都有禮貌。✿ 凍海鮮每位憑籌可以攞一隻波士頓龍蝦🦞 好多酒店都有得任食嘅龍蝦，比較落好似冇乜賣點😂 不過佢幾高質，龍蝦肉食落好爽口好鮮甜！另外蟹腳同凍蝦都一樣好鮮甜！✿ 熱食整體熟食都幾好味，選擇多～ 中式點心、粉麵檔、日式天婦羅、印度菜、西式、即炒意粉等等。當中我覺得最好食係紅酒燉牛肉、片皮鴨、燒牛肉同燉湯都👍🏻👍🏻 ✿ 甜品呢度嘅甜品有好幾款都好好食😋 紫色嗰Macaron係柚子味，唔會好甜，整得好鬆脆！抹茶味古早蛋糕都好食，好鬆軟😙 另外呢日有即制嘅梳乎厘Pancake，配雪糕食一流！

朋友生日想食自助餐，上網周圍查有邊間未食過又吸引既，無意中發意左呢到。經openrice訂座有折，備註係幫朋友慶祝生日。過幾日就收到電話確認訂枱時問埋我朋友咩名，幫我準備甜品碟，成件事好加分。當日訂左午餐時段，但都好多野食既選擇。一開始諗住排刺身，點知排錯左生蠔條隊，每人一次兩隻，都幾好味。刺身檔都好大方，件件都好厚👍🏻👍🏻。西冷扒好食，juice又唔硬，佢前面既焗薯仔絕對係必食！！中湯好飲，絕對唔係味精水。點心不停攞完又出爐，唔會話攞唔到。意粉見好多人排隊又好香，就算明知會飽肚都照攞🤣，好彩冇後悔，好好食。野食種類好多，多到都試唔晒，見到有個薄餅又好似好正，但真係食唔落了。係朋友出去攞甜品既時候叫經理幫手上個甜品碟，仲好好咁幫我放好執好位，話咁樣影相靚，服務真係very good！❤️❤️誠意推介大家去食

食過兩三次，起初以為會好貴，但發現價錢與其他酒店差不多，性價比高。我覺得食自助餐，除咗價錢之外，環境、食物種類、質素、service都好重要。呢度就每樣都做得好好。先講種類，lunch都有生蠔，凍蟹，螺，小龍蝦等凍盤，已經難得。刺身新鮮，大大件。沙律corner有不同芝士選擇，也有不同款式面包。熱盤有燉湯(飲咗三盅)，有印度菜corner，喜歡即製芝士米餅，咖喱旦都好味。另外有燒牛肉，原隻燒雞。屋企人就中意即炸天婦羅同即製意粉。當然其他如粉面檔，中式熱盤都滿意，夠熱，加分。而且refill得快，唔會有搶食的情況。甜品都有好多選擇，除咗哈根大師，仲有不同旦糕，中意佢有暖笠笠的車輪餅，唔太甜不過每位只包一杯飲品，如果可以任飲就更加好。但整體已經好好，絕對會encore。

自助午餐 428＋1，有8折，385.2一位。裝修完再來。好似仲殘舊過未裝修前。椅同地下布料，感覺不太清潔，由其地下，好多食物碎。凍海鮮有法國生蠔，凍蝦，小龍蝦，凍花蟹，青口。 翡翠螺 。  法國生蠔係細只好瘦，不過脆口金屬味五重亦五會好咸，係易入口的品種。凍蝦都新鮮彈牙。凍花蟹都正常。 翡翠螺 正常 。甜品種類不多，有Haagen dazs雪糕。有炸物位，印度食物位，即煮面檔，燒牛扒檔。炸物五錯，熱脆刺身都可以飲品一杯。整體普普通通。

不值八百蚊的自助餐，只值三百！食物少⇒被拿完就不再添加，7點左右已不添加生蠔⇒瘦小無肉(照片那只，我不敢吃)龍蝦⇒肉很硬刺身⇒選擇少地很滑⇒有位老人家滑倒了差！差！差！

又到聖誕～又到聖誕🎄🎶每年聖誕節，好多酒店都會準備聖誕主題嘅自助餐😋呢個星期日係屋企人生日，難得之前公司又送咗酒店coupon🤓於是就揀咗九龍香格里拉大酒店食lunch buffet🥰一入到酒店已經好有聖誕氣氛🤩今年酒店用咗胡桃夾子做主題，感覺處身喺外國小鎮，仲有聖誕列車添🚂🎅🏻🦀國際海鮮自助午餐 $598 (4/5)沙律🥗除咗基本嘅自選沙律外，仲有四款特色沙律㗎！其中推薦嘅係藜麥沙律☺️撈埋佢自己調嘅醬汁後，食落去甜甜地，仲配有蝦仁🍤口感豐富😊冷盤🧀冷盤嘅選擇真心豐富！😍淨係ham都有五款🧡parma ham有鹹香，配上哈密瓜🍈好食！特別啲嘅有紅菜頭三文魚、鴨肝同吞拿魚他他🥰紅菜頭三文魚味道比較淡，鴨肝入口即溶🤤吞拿魚他他係用酒杯🍸裝住😯裡面個Base係酸甜嘅啫喱，好似青蘋果味(?)🤣上面一小舊吞拿魚，幾得意😗芝士有四款，仲有我最愛嘅Brie Cheese🧀🤩酒店仲提供咗四款麵包🍞俾大家點㗎😌海鮮🦞每位自助餐嘅顧客手上都會有一塊籌碼，可以拎去換一隻龍蝦🦞😍超大隻啖啖肉，都幾鮮甜☺️佢仲要連蝦腳都拆埋俾你，唔使自己慢慢剪，好貼心！除此之外，仲有小龍蝦、鮮蝦🦐、青口、同大家最愛嘅生蠔😂係職員

懷念以前嘅九龍香格自助晚餐（現在好失望）難得疫症緩和下約齊10位家人再去食九龍香格自助晚餐（還立刻付了$2000訂金），我太衝動喇！只一心諗住以前嘅水準質素！唉！無刨文、朋友一聽我比了訂金已話現在九龍香格已大不同，龍蝦無任食、長腳蟹只得返蟹腳仔、無香煎鵝肝喇！我立刻的起心肝睇open rice 嘅食客嘅分享（OMG),仲安慰自己！可能🤔係之前疫症啫！但但但，食完真係超失望！好多嘢都變咗！變為以主糧食飽你為主（煮意粉、湯粉麵、咖哩類）真係無言，最慘係連魚生刺身類都係乾乾不新鮮的！生蠔🦪好咸又瘦削，成個場範圍都縮細了！連芝士/沙律類都得返少許選擇，點解會咁架？$7xx會變成這樣！待應又少！好難才遇到一個待應幫忙收拾碟！出咗四轉已唸唔到食咩！唔怪得目測星期六應8成滿，8:00已走了2/3人.我都無奈地8:30離場！無下次喇！失望囉！@龍蝦🦞係好食嘅！可惜只可以一人一隻！

Halloween 🎃 Shangri-La嘅buffet，一向都唔錯，今次襯節日去九龍呢間， 佈置好有氣氛， 好多大人小朋友到周圍影相打卡，食物款式很多，又好味，職員服務有禮貌，收碟又快👍🏻座位上每人一個籌碼，可以出去取一份龍蝦，大大隻，啖啖肉，新鮮好味開心啲😋Made-to- Order pasta 🍝 師傅好有心機煮，配料、意粉可以自由選擇，真係好好味，小朋友食哂一碟😋甜品方面最驚喜係有榴槤雪糕，不過手快有手慢冇，我早拎，所以可以食到，我見之後冇晒之後冇再Refill, 比較失望🥺下次再嚟🥰

早排去左九龍香格里拉食Dinner Buffet記得兩年前嘅Lunch Buffet都令我回味無窮但係見到最近嘅食評都話水準下降左點知今次去到試完之後實在有點失望😶‍🌫️.🌟Dinner Buffet $768.海鮮係五星級酒店Buffet最期待嘅環節正如其他foodie咁講依家龍蝦已經冇得任食🥹每人入場之前會有一個籌碼大家可以用呢個籌碼換一隻龍蝦🦞龍蝦肉質鮮甜彈牙 非常高質刺身亦都肥美 味道唔錯可惜竟然冇長腳蟹食🥲 而且生蠔亦都好細隻同簿身食完幾隻都好似冇食過野落肚🦪.至於熟食都有烤牛肉、羊架等等🍖天婦羅炸得非常出色 粉漿調配得啱啱好亦都有印度菜同埋各款中菜 連炒蟹同片皮鴨都有得食最推薦嘅係燉湯 足料又清甜👍🏻而且仲有廚師可以即場煮意粉🍝或者湯麵🍜.甜品方面味道都係四平八穩但係又冇最出名嘅梳乎里Pancake🥞 又冇芝士蛋糕😭實在有點期望落空.整體黎講食物嘅選擇少左 咁嘅價錢我覺得唔係太抵🫣食物嘅水準亦都冇驚喜 睇黎要觀察下等佢換menu先再黎過🫡

話說一班朋友話食buffet，有人提議香格里拉既唔錯，海鮮種類多，質素唔錯，今日一會，真係錯晒，折後$750蚊一個人，成餐buffet 都搵唔到有咩好食凍海鮮，每人有一隻龍蝦，係呀，呢個級數都係得一隻凍波龍，係咪好好食呢？又係平時buffet 既質素，呢個質素正常都係一隻起兩隻止，但限左每人一隻係小家左，感覺唔多好長腳蟹冇乜特別，唔會好鮮甜，都唔會好咸翡翠螺正常一舊肉，反而青口係幾鮮甜十月啦，係咪生蠔都未當造呢，瘦到完全冇肉，開蠔同切魚生位師傅都係hea做，做得勁慢，但都唔會有人龍，因為唔值得排隊，魚生唔可以話伏，但以呢個級數既buffet，我係一田買既刺身都可以完勝佢，同埋佢連帶子，甜蝦都冇，得三文魚，吞拿魚，喜靈魚，八爪魚，墨魚，款式少過$300位既放題熱葷其實都係好普通，食完都唔會記得有乜係食過想再食，燒羊架d肉係臭既，燒味就太興都好食過佢，較為好食既有印度菜，咖哩係幾惹味，仲有個印度芝士米餅係幾特別又好食到甜品方面，睇落好似好吸引，食一啖就放低支叉既質素，得個甜字，係得H牌雪糕食得過總結呢個價錢既buffet 食到呢個質素，真係好難遇到，難怪星期五晚都係得6-7成客