Café Kool

昨晚老公特地選擇Café Kool為我慶祝生日。從踏入餐廳那一刻起，便感受到這家知名自助餐與眾不同的氣場。開放式廚房飄來炙烤香氣，高樓底與柔和水晶燈營造出低調奢華感，桌距寬敞不至嘈雜，作為慶生場合確實加分💯食物質素：⭐⭐⭐⭐海鮮區無疑是亮點——龍蝦鉗飽滿彈牙，凍蝦鮮甜度足，唯有長腳蟹部分較為吝嗇，每次廚師都只是放幾隻蟹腳出來供食客夾來享用。熱食區驚喜在亞洲風味：即煮叻沙湯頭濃郁椰香，香料層次分明；燒味檔的蜜汁黑毛豬叉燒，焦糖化外皮與軟嫩肉質完美結合。另外，也有西式和印度咖喱可供選擇，食物種類豐富多樣。昨晚每位奉送時令大閘蟹一隻，驚喜感拉滿😱😱甜點區的法式燉蛋表面焦糖薄脆如冰片，好正😋😋雪糕是Haagen Dazs的。最後侍應送上的生日蛋糕，濃郁巧克力搭配果莓醬，儀式感十足。環境氛圍：⭐⭐⭐⭐雖是大型自助餐廳，卻透過分區設計巧妙化解擁擠感。印度料理區的香料櫃、甜品區仿歐洲市集攤位成為自然隔斷，取餐動線流暢。特別欣賞他們對生日客人的細心：每桌慶祝時燈光會微妙調暗供拍照留念。📸服務態度：⭐⭐⭐⭐服務主動性令人印象深刻，裝著廚餘的杯盤碗碟很快地被侍應收走，更難得是侍應主動為我們拍照。這種超越標準流程的用心，徹底昇華了用餐體驗。綜合食物創意、環境細節與服務溫度，確實成就了值得回味的生日饗宴。💯❤️💖🎈…查看更多

-𝐂𝐚𝐟𝐞 𝐊𝐨𝐨𝐥 at the Kowloon Shangri-La🦀秋天最開心 莫過於可以食大閘蟹！🌟🌟🌟🌟🌟九龍香格里拉酒店既Café Kool 咖啡廳最新全新推出性價比極高既金秋「蟹」逅自助餐 — 以時令鮮蟹為主題 無限量供應多款多國海鮮菜式 而家經過網上預訂7折 人均$615 就食到高質海鮮同送一人一隻清蒸大閘蟹🦀 當中仲包括雞油花雕蒸蟹伴陳村粉、蟹黃蟹鉗蒸蛋白、蟹肉茶碗蒸、蟹粉蔥油拌稻庭烏冬、即燒蒲燒鰻魚等等 蟹主題自助餐淨係做到11月16日 真心推介海鮮控一試 ！必食小攻略如下：🦀必食大閘蟹最大亮點一定係一人一隻清蒸大閘蟹 唔使搶 職員會直接送到你枱！平時只愛食蟹乸既我 畀公蟹驚艷到 真係膏多到爆 膏黃甘香鮮甜 肉質結實（食完可以去甜品區𢳂番碗薑茶 暖胃驅寒）🦀蟹料理 ＋雞油花雕蒸蟹伴陳村粉：蟹肉鮮甜 花雕酒香滲入陳村粉滑溜吸滿蟹汁；＋蟹肉茶碗蒸：蛋嫩滑 蟹肉彈牙；＋蟹粉蔥油拌稻庭烏冬：蟹粉香濃 烏冬煙韌入味；🍣 Omakase級別刺身＋即場劏吞拿魚留意番除左青口、蝦、長腳蟹冷盤之外 每逢星期五至日同公眾假期 仲有師傅即場劏吞拿魚！拖羅、赤身、魚腩即切即食 新鮮度直逼Omakase水準另外亦有三文魚、油甘魚、帆立貝等款式輪流供應 🌍 多國熱葷＋特色美食除咗日式同中式，仲有唔少驚喜菜色：＋中菜部既燒腩仔：爆皮脆卜卜 好香口！＋即燒蒲燒鰻魚＋蒜蓉蒸龍蝦： 龍蝦大隻彈牙 好鮮甜 重點係可以任食＋黎巴嫩雞肉：雞肉嫩滑多汁 配乳酪醬酸香開胃；＋Hummus：好少可會見到自助餐有咁多款式既Hummus 香料味突出 味道層次豐富；🍰 甜品區有驚喜剛巧係萬聖節前既星期日去 甜品款式除左有常規款之外亦有唔少萬聖節造型既 好搞鬼又有心思 款式多又好味 ＋芋圓薑茶：岩晒食完大閘蟹飲番碗＋核桃酥：外層酥脆鬆化 內裏香甜＋可麗露：外脆內軟 完全媲美外面人氣排隊店！…查看更多

❀ 九龍香格里拉大酒店 Café Kool #尖沙咀 ❀❗懷舊香港風味自助餐 仲有多國菜式勁豐富❗——————————————————九龍香格里拉Cafe Kool 咖啡廳最近推出以融合懷舊香港風味與環球佳餚嘅自助餐—「流金珍味」經典盛宴😍餐廳佈置充滿懷舊味道，用霓虹燈作牌面，以及用上復古木窗框，有種回到80年代嘅感覺😆.是次自助餐以懷舊港式美食為核心，提供多款香港地道美食😋如蒜蓉粉絲蒸龍蝦、燒乳鴿、小炒皇、白糖糕、紅豆沙及涼粉等。另外更有大量不同國家嘅菜式，除咗基本嘅海鮮區，提供龍蝦、鱈場蟹腳、麵包蟹、翡翠螺，還有日料區、中餐區、泰菜區、西餐區。Café Kool更獲「清真友善餐廳」認證，推出正宗清真佳餚，如燒羊腿配布里亞尼飯、土耳其旋轉雞烤肉等，甚至提供多款中東沾醬，如鷹嘴豆蓉、茄子蓉。結合國際風味，琳瑯滿目🤩。.甜品區係另一重要賣點，以Lego為主題非常吸引🥰提供多款精緻甜點，不論係芝士蛋糕、朱古力慕絲蛋糕、焦糖燉蛋、麵包布甸、可麗路、Häagen-Dazs雪糕，甚至係中式嘅白糖糕、合桃酥等都有齊！基本上諗得出嘅都會有😝私心最推薦有開心果醬嘅提拉米蘇。.作為頂尖五星級嘅酒店，餐廳更設有夢幻童趣天地，為小朋友提供娛樂空間，每位小朋友仲可以免費獲得一個金幣夾公仔！.✷𝑀𝑒𝓃𝓊✷☞ 自助晚餐星期一至四 $768星期五至日及公眾假期每位 $818——————————————————✨整體味道: 4.1/5 ✨環境裝修: 4.1/5✨服務態度: 4.2/5✨性價比: 3.8/5✨再訪興趣: 4/5 .💞整體來講真係第一次見有齊咁多國菜嘅自助餐！而家仲要玩懷舊港式風情，一次過食晒港式及西式甜品，更加滿足🥰…查看更多

前下屬也是七月份生日，相約了我在七月的一個星期日晚上，大家一同聚一聚互慶生日快樂，吃一個這餐廳繼齋月祝福盛宴為主題之後的另一個夏日主題：流金珍味自助餐。奈何，一個十號風球降臨，我們的聚會因而取消了。畢竟，彼此也上了年紀，聚得一次會得一次，要活在當下，相互堅持要擇日再聚。今天晚上，我們來到尖沙咀九龍香格里拉酒店裡的 Cafe Kool 咖啡廳，這是一間自助餐質素一直很隱定的餐廳。幸好，他們在七月推出的這個主題自助餐，現在八月了還有得吃，就嚐嚐他們以八十年代香港黃金歲月時代為主題的美食吧。為了這個主題，餐廳的懷舊裝飾，令人刮目相看，相信只有經歷過八十年代的人才能領會。舊式唐樓的木製窗花、以前香港滿街都是的特色霓虹燈廣告牌等，上了年紀的才會感受和懷緬得到當時的港式本土情懷。食物方面，分為日式西式中式印度式甚至清真伊斯蘭式也有，確是包羅萬有，為迎合不同喜好的來者，方能滿足得到香港多元的種族文化。基本的海鮮冷盤依然無限供應，例如蟹腳、紅蟹、波士頓蟹蚶、青口、小龍蝦等一應俱全，件件新鮮美味。日式壽司和刺身，日式小吃也充足。做得流金珍味主題，不單只要有懷舊裝修，美食也要配合，傳統懷舊美食有蒜蓉粉絲蒸龍蝦、燒乳鴿、花膠鴨掌、傳統燉湯、鑊氣小炒等，無限供應。而值得一讚的是餐廳為其他種族預備的印度菜、泰國菜、印尼美食和中東的清真菜式，也琳瑯滿目。印度烤雞、巴東牛肉、森巴海鮮、羊腿手抓飯、新加坡招牌喇沙、茄子泥鷹嘴豆泥等等，今晚每樣試一口也不得之了。燒扒類也是每間自助餐廳的定海神針，燒的是什麼肉類標誌著這餐廳的質素。Cafe Kool 今晚的燒扒類有燒羊架和美國有骨肉眼扒，兩種肉都燒烤得嫩滑不過熟，肉控的朋友不要錯過了。推薦大家的美食，是燒乳鴿，燒得很香口，有杯中物在手更加完美。甜品也是要必試，各式糕點之外，也要留力嚐嚐他們的朱古力心太軟蛋糕，加一杯雪糕，就是天下無敵的配搭了。餐廳為兒童也安排了他們的天地，有Lego 佈置和夾公仔，讓小朋友有流連忘返的空間。一間好的自助餐廳，基本上不需知道什麼，只需知道這餐廳座落的地方。能夠長久駐場在香格里拉酒店裡面，已是一個不折不扣的明証，因為香格里拉這個品牌，不是浪得虛名，能駐場在當中，同樣地也不是浪得虛名。…查看更多

九龍香格里拉除咗麵包放題之外樓上自助餐都好唔錯！！見到官網成日都做discount 秋天呢轉「蟹」逅自助餐仲7折添！ 人均$615可以食晚市自助餐午市嘅話都只係$374咋！除咗每位嚟返份清蒸大閘蟹之外 （要去𢳂返碗姜茶暖返胃先）重頭戲一定係得星期五、六、日先有嘅師傅即切吞拿魚！仲有唔同蟹嘅菜式🦀 ——— 雞油花雕蒸蟹伴陳村粉、蟹黃蟹鉗蒸蛋白、蟹肉茶碗蒸、蟹粉蔥油拌稻庭烏冬、蒲燒鰻魚等甜品嘅話 我主力掃樓下bakery都有嘅甜品！我最鍾意嘅Top 5 encore 菜式係 ——❶ 蒜蓉蒸龍蝦手掌咁大隻仲要任食🖐️❷ Raclette cheese 配麵包自助餐少見嘅芝士🧀❸ 黎巴嫩雞肉中東嘢食呢邊無咩人食 但我同朋友都覺得煮得好好食！雞肉勁滑嫩配埋乳酪醬食 勁正🥰❹ 西冷、羊架咁啱食個兩Round 都煮得好好！入口軟嫩唔會韌 自助餐質素嚟講very good!❺ 可麗露連樓下 bakery 嘅甜品都有！！一定要食呀！…查看更多

家人慶生選取了買二送一$1766自助晚餐，沒想到無論是食物味道或服務質量都是咁差，首先取了2邊蒸開邊龍蝦，兩邊肉質都是霉；燉湯淡而無味；乳鴿是凍的，食物配給制，如長腳蟹盤內食物已見底，僅餘5-6隻腳也不補給， 但當時只是8點左右， 要客人主動要求才加配十餘隻，燒鮑魚食物盤更是全程缺貨，要主動問廚師攞，好似唔想俾人食咁，最有趣係見到廚師切完叉燒放進蒸爐加熱一陣，再取出加上蜜糖放進微波烤焗爐一會就上枱給客戶吃，真的沒想到五星級酒店是提供這樣的食物質量及質素，以後不會再來。…查看更多

九龍香格里拉Café Kool的「流金珍味」自助餐隆重登場！以八十年代香港為主題，加上復古霓虹燈與木窗框裝飾，營造濃厚港式情懷。今次自助餐有超過200款地道美食輪流登場，非常豐盛。必食嘅有避風塘炒龍蝦，蝦肉好飽滿，香辣惹味！唔鐘意炒嘅可以揀蒜蓉粉絲蒸龍蝦，肉質夠曬新鮮彈牙，醬油同蒜香完美融合。去親食自助餐都會飲番D湯水補下身，當中椰子雞湯同中式螺式燉湯真係無得頂。現場烹調嘅蒜蓉牛油煎大蝦、焗帶子伴明太子醬汁同香煎和牛粒都香氣四溢，滋味無窮。港式小炒有XO醬炒四季豆同地道正宗香橙骨。又點會少左港式燒味同各式滷水呢，燒肉同燒乳鴿都係必食！滷水牛腱同涼伴雲耳清爽開胃。甜品區好有港式懷舊風味，夠曬貼題，當中包括白糖糕、紅豆沙、迷你燕窩蛋撻同凉粉等甜品，勾起曬D童年回憶。甜點嘅芒果布甸同楊枝甘露甜而不膩，最後食埋雪糕！完滿！…查看更多

We had an amazing time at the Café Kool at Kowloon Shangri-La  , indulging in their “流金珍味” Classic Buffet! 🎉✨Jane was in foodie heaven, loving the delicious variety of over 200 authentic Hong Kong dishes! From the savory Lobster Stir-Fried with Garlic to the sweet Mango Pudding, there was something for everyone. 🍽️🦞🍰The 80s theme was a delightful touch, with nostalgic decor that made us feel like we traveled back in time! The vibrant neon lights and vintage wooden frames added to the charm. 🌈🕺Seeing our little one try so many new flavors was priceless. The Mini Egg Tarts were a huge hit, and we couldn’t resist the Sweet Red Bean Soup! 🥳❤️If you’re looking for a family-friendly dining experience that celebrates Hong Kong’s culinary heritage, look no further! Highly recommended! 🙌🥢…查看更多

今日結婚周年，見網上好多YOUTUBER介紹依間食BUFFET，諗住都好多野食，早一個月就已經Book位諗住去試下。滿心期待去到，由待應帶入去，見到裝修都好靚，好有懷舊FEEL，諗住應該都吾失望...點知，原來都係得個樣，先攞杯西瓜汁飲，嘩，一飲就知吾新鮮，唯有改飲蘋果汁算，之後睇下有咩食，種類好少，明明之前好多YOUTUBER介紹時，有好多款點心，有鴨肝，有片皮鴨，避風塘龍蝦等等，去到完全係無，食物非常之少，點心得小龍包，仲要吾係成日有，乳鴿，燒肉，燒鴨只係得番啲頭頭尾尾，完全無補過，諗住食下魚生，點知吾夠凍之餘，食落又吾新鮮，我估最多人食嘅就係蒸龍蝦，但每次都係蒸得好少，下下要等十幾分鐘先出一籠。我同老公基本食左吾夠90分鐘，已經要埋單走人。用咁價錢去食，一啲都吾值。垃圾。佢哋嘅服務真係一流，個個都黑口黑面，收碟個個待應，個碟仲食緊時，都會伸手去收你隻碟，仲要倒到成枱成地係骨，去甜品部問師伕有無匙羹，佢好負氣咁答你，問接待員洗手間係邊，佢完全吾答你，好似阻住佢咁。。。啲服務一流到呢。真係請都吾會去。…查看更多

📍九龍香格里拉酒店自助餐‼️• 細味港式風情美食🇭🇰 — Cafe Kool🥂===========================九龍香格里拉Café Kool 咖啡廳最近推出［流金珍味］自助餐✨裝修以八十年代香港黃金時代為主題，提供多款香港地道美食同海鮮😆餐廳換上八十年代特色佈置、霓虹燈復古木製窗框等等，盡顯港式風情，等食客一邊品嚐經典港式美食，一邊懷緬本土情懷！————————————————————💰自助晚餐周一至周四：每位HKD 768 +10%周五至周日及公眾假期：每位HKD 818 +10%餐廳分咗幾個美食區域，有亞洲、印度、日本、西式、清真等等，一次過食盡各地菜式！亞洲有蒜蓉粉絲蒸龍蝦、燉湯、乳鴿、燒腩仔、橙香骨、小炒王😙西式就最中意risotto同牛扒😛不過講到我最感驚喜嘅係清真食品區😍有各款唔同嘅醬，例如茄子泥、開心果醬、鷹嘴豆泥，用嚟點脆餅或者naan食真係食唔停口！😭甜品部同樣勁豐富，當中最鍾意pistachio tiramisu,檸檬撻同青提子吉士撻😆雪糕仲食到想試好耐嘅haagen dazs churros味!😍😍另外仲有即整嘅銅鑼燒同埋朱古力心太軟🤩食完真係飽到捧住個肚走🤣快啲帶埋朋友屋企人嚟食啦!😆—————————————————————賣相：3.5/5味道：4.3/5性價比：3/5推介度：3.4/5—————————————————————📍Café Kool 尖沙咀麼地道64號九龍香格里拉大酒店閣樓…查看更多

早兩日同Y媽去咗Café Kool食自助餐🥰佢哋最新推出「流金珍味」自助晚餐，提供多款頂級海鮮！而且餐廳嘅裝修充滿80年代嘅風格，不論係霓虹燈、定係古木製窗框，都好值得打卡！第一次食Café Kool嘅自助晚餐，選擇款式超級多：除咗有海鮮、刺身、壽司、點心、燒味、燉湯、粉麵、牛肉、印度美食、清真美食、沙律、甜品等等，應有盡有！當日我最愛係鴨肝茶碗蒸，真係好香好滑溜😋仲有扁皮鴨同龍蝦，全部都勁好味！！食到最後一定要留肚食甜品，每樣甜品唔單止精緻小巧，味道💯💯💯🍀特別推薦開心果Tiramisu，開心果味道真係極濃郁，連食兩杯😝😝…查看更多

Buffet多嘢揀就唔洗講啦，亞洲美食區有燒鵝、羽鴿、燒腩仔、蒜泥粉絲蒸龍蝦、橙香骨…西式美食鴨肝蒸蛋幾特別、燴牛尾好淋好入味；海鮮長腳蟹鮮甜，小龍蝦唔係度度有得食。最最最令人驚喜嘅，係佢有清真食品區，仲要係好食嘅，啲醬真係不得了：中東茄子泥、開心果醬、經典款同香草版鷹嘴豆泥食唔停口！甜品選擇都多，Pistachio Tiramisu、 canelé、Honey Cake、macaron唔錯。除左大路野，仲有中式糕點、車輪餅、自製刨冰、迷你Pancake… 雪糕櫃嘅Häagen-Dazs有最新Churros味。小朋友區域有Lego Decoration、夾公仔機、夾糖櫃，大人細路見到都開心呀。…查看更多

有龍蝦食就開心嘅我去咗食九龍香格里拉Café Kool「流金珍味」自助餐！呢度用咗80年代香港黃金時代做主題去佈置，例如唔同嘅霓虹燈同復古木製窗框，真係好有港式風情🇭🇰特別推介呢度嘅蒜蓉粉絲蒸龍蝦，肉質新鮮彈牙，隻隻都爆膏，鍾意食龍蝦嘅人，就知道啲膏先係精粹🦞不過我都淨係食到兩隻，要留肚食其他嘢！我坐呢個位仲要喺正隔籬，方便不停拎！留意到去到尾聲，佢哋都會不停keep住refill龍蝦，所以大家可以慢慢食！佢哋冷盤嘅龍蝦鉗都係我嘅目標，又係隻隻都啖啖肉🤭呢度連清真嘢食都有好多，我見到好多人拎👍🏻仲可以加錢free flow添🥂…查看更多

琴晚凌晨12點先掛8號波，好彩趕得切打風前衝去食buffet！ 今次發現終極攻略——訂位一定要book龍蝦枱旁邊！全程狂掃龍蝦唔使排隊，食到數唔清幾多隻，回本無難度啊😂 環境仲要超舒服！酒店樓底高、枱同枱之間夠闊落，打風天坐喺度慢慢食，望住窗外橫風橫雨，入面暖笠笠咁剝龍蝦，簡直係人生享受～ 嘢食方面都算多款式,咖啡茶任飲, 甜品仲多選擇,除咗雪糕,pancake,西式dessert,就連棉花糖刨冰都有! 驚喜! 結論：龍蝦自由 + 舒服環境 = 值回票價…查看更多

試過有幾年生日都係呢度食Buffet慶祝，食物質素都真係算幾穩定，而且每次嚟都有啲小驚喜，食物選擇都算多，海鮮、日式、西式、中菜樣樣齊，同埋環境都幾舒服。.特別推薦蟹腳好新鮮，D蟹肉好厚好飽滿；羊架烤得啱啱好，肉嫩無羶味，配香草好香口，我連續食咗三隻😂 反而牛扒就冇咩味。。刺身選擇多，三文魚、油甘魚、甜蝦都夠新鮮肥美，入口滑溜；乳鴿外皮香脆，肉質多汁，仲有淡淡煙燻味，幾有驚喜。同埋最鍾意甜品區，成個甜品區都係童年回憶，有迷你冬甩，造型得意又唔會太甜，仲有得自己夾軟糖，又有自製棉花糖，大人細路都好興奮。🙌🏻.所以結論係我都仲會再去，呢間係我時不時都想去懷緬一下的Buffet，每次諗起想食Buffet係頭三甲諗起嘅選擇🤣…查看更多