Burgerman (埃華街)

營業中

休息中

大角嘴埃華街出名多美食，今次就黎試下漢堡包。呢間小店格局，座位不多，午膳時間坐滿人，當中不乏附近上班一族，更好受外籍人士歡迎。我試左日本好有名的飛驒牛漢堡，真係好juicy,肉汁多到爆。朋友選了至尊漢堡，好巨型，有2塊漢堡扒，飽到她食唔曬，投降。這裡價錢合理，加20元更可轉套餐，可配薯條，薯格或田園沙律，再加罐裝飲品。呢度的漢堡包好出名，拿過唔少獎項，牆上貼滿威水史。餐廳被選為全港十大漢堡包專門店。

之前試過深水埗嗰間burgerman，超級好味，佢啲牛肉非常 juicy, 已經食過好多次。今次行過呢間burgerman, 又想再食多一次, 試吓佢係唔係一樣嘅水準。真係一啲都無令我失望，叫咗至尊漢堡，超級好味！！！麵包有烘過，外脆內軟，唔會乾爭爭。牛肉醃得入味，一如以往咁多汁，再加上生菜同芝士， balance得好好。跟餐係薯格，正中我脾胃，外面脆脆地，裏面仲食到薯仔肉。美中不足就係汽水唔夠凍，大熱天時如果嘢飲凍啲，就完美喇！

今日經過大角咀想搵少少好嘢食但係附近全部都係茶餐廳好似冇咩特別行行吓見到一間細細地嘅漢堡包店 餐牌睇落幾吸引 加上價錢又唔貴所以就入咗去試試漢堡包店嘅裝修幾有現代感 環境適合同朋友傾計又或者係快食一個午餐👍🏻最尾揀咗一個黑松露和牛漢堡套餐$98呢個價錢包括左一個大漢堡薯格薯條或者沙律同埋一罐汽水個人覺得佢個薯格幾好食炸得好脆 牛肉大大塊 咬落去的汁真係會流出黎 芝士同平時食嘅有少少唔同 有啲似藍芝士 後尾睇返餐牌原來係意大利芝士 口感幾特別另外漢堡包入邊有少少菜苗 中和返牛肉嘅味道 總括來講好難得係大角咀呢啲地方都搵到一間質素幾好嘅漢堡包店 大家都可以黎食下

而家漢堡包款式真係多。今次去左大角咀既burgerman。鋪頭較細，只得bar枱位。叫左黑松露和牛漢堡餐及大啡菇漢堡，仲加錢叫左水牛城雞翼。因為係即叫即整，所以時間會耐少少。特級黑松露和牛漢堡有黑松露味但較淡味，和牛juicy，麵包亦好軟熟。雞蛋做到流心效果。大啡菇漢堡大啡菇十分嫩滑，菇味香濃，醬汁都調較得不錯添。薯條係粗身既，非常香脆，雖然邪惡，但忍唔住不停食。而水牛城雞翼都好惹味，而且唔乾身有肉汁。

環境方面，店舖的地方整潔，燈光亮度適中。牆壁佈置頗有格調，而且會播放近年外國的熱門歌曲，挺有美國風的感覺！雖然地方較小，但在晚上八時正的用膳時段人流不算太多，所以也不會感到擠擁。食物方面，朋友點了一個和牛漢堡配薯條套餐。漢堡包厚度和水份適中，和牛肉質鮮美，入口即溶，配搭豆苗亦挺有新意。薯條表面十分脆爽，內部則有蓬鬆的口感，薯味濃厚。整體而言食物質素不錯！

自問一段時間冇食burger，就算食都係去食連鎖式經營嘅burger店，所以想搵返依種傳統啲嘅手工漢堡食吓。今日約咗朋友行大角咀，行過見到店面覺得幾新鮮，就抱住一試無仿嘅心態入去食喇。店鋪麻雀雖小五臟俱全，漢堡價位由數十蚊到幾百蚊不等，比起一般漢堡店也不算貴。而且，店舖處理客人的數量不算多，一般也是即叫即整，好快就有得食。和牛漢堡$78+薯條汽水$20和牛漢堡份量唔算大，一個男仔食可能未必夠，所以配埋薯條汽水就啱啱好，入口和牛嘅味道好濃，而且塊扒仲好厚，啱曬鍾意食肉嘅朋友，薯條係新鮮炸出嚟，好重薯味，外皮超級脆，水準算係非常之高。

大角嘴埃華街絕對算得上係一個雲集各式美食嘅飲食樂園。除咗有已經開店好幾年依然屹立不倒嘅餐廳，亦不乏新派fusion嘅新面孔。無他嘅，除咗附近居民城幫襯外，地鐵站上蓋嘅兩大銀行職員都提供咗一個龐大嘅午餐消費力俾哩一帶嘅餐廳食肆，所以間中唻搵食包有新鮮感。Burgerman已經座落Ivy Street幾年，一直提供高於連鎖店質素嘅漢堡。舖面不大，約十數座數，裝修簡便帶有美國街頭風格。枱面提供餐具、醬汁同膠手套，盡顯細心。餐牌非常清晰，各式漢堡單點或加$20有套餐，combo可選連皮粗薯條、薯格或沙律加罐裝汽水。漢堡種類亦照顧到不吃牛人士，有雞堡、魚堡或菇堡。餐牌主打嘅並唔係最貴嘅鵝肝和牛漢堡，而係「至尊漢堡」。此招牌漢堡有雙層手打牛肉漢堡扒、雙層芝士、煎蛋、脆煙肉、蕃茄、生菜、蘑菇和香炒洋蔥。上枱賣相一流，同旁邊嘅罐裝汽水一比，竟然一樣咁高，其巨型感更加強烈。漢堡肉質嫩滑入味、脂肪比例適中，咬落啖啖肉，有肉汁得唻又唔會太肥膩，唔錯。加埋其他豐富嘅配料，絕對明白店家點解會將至尊漢堡當招牌菜。薯格即叫即炸，唔係預先炸定，所以夠熱夠脆。咬開唔會實登登仲要有少少鬆鬆哋嘅薯仔感覺，正。

之前係深水涉已經食過一次，個時從來無想過，係香港可以有一間漢堡店係咁足份量，今次咁岩係旺角行完街，睇地圖發現，原來有間係大角咀，諗起就肚餓，決定去食多次，這間比深水涉好的，就是有位置坐，起碼坐到10幾人，深水涉那間，只可以坐3，4人，大熱天時真係會唔想等再次不二之選至尊漢堡忘不了第一次食的震撼感，成吋厚的牛肉漢堡，仲要有兩塊，一個正常男人的手，都好難用一隻手拎起，但黎到食，就可以玩一個挑戰，就係可唔可以一口咬得哂。如果可以做到，證明你男兒大食四方啦，女士們應該比較難做到，除左證明勁之外，仲有個好處，就係滿滿的肉、醬汁、蛋、煙肉、番茄、菜，一次過係口中，各風味各味道都一次貪婪地品嚐，個種滿足係細細啖食的人不知道。

今日7月4日係美國獨立紀念日(Independence Day),心思思想食啲美國菜，哈哈。Happy July Fourth🇺🇸朋友響附近返工，推介呢間之前食過嘅Burgerman，所以決定嚟買個takeaway返屋企慢慢嘆。一入到去見倒好多美式風格嘅裝修，仲有好多推介報導。原本想叫熱門嘅宮崎牛漢堡，不過happy hour之後夜晚8點零佢已經賣哂！不過好在仲有飛驒牛漢堡（$98）選擇。店鋪好細心俾埋手套添👍🏻返家後就即刻開餐。一打開見到挺身嘅包，夾住厚厚嘅飛騨牛扒、蛋、芝士同豆苗仔同埋醬汁。一口咬落去唔會好messy, 包可以cover配料唔漏做得好。味道方面，包身唔過濕，乾身軟綿綿，後來嘅牛肉juicy及軟身，有溫和嘅牛味同洋蔥味，同埋食倒有啲肋位。豆苗仔爽口清新，醬汁濃度啱啱好，同牛肉同芝士洋蔥味好夾。

漢堡包係由細到大都係咁鍾意食，今次食朋友介紹既burgerman！有好多唔同既burger係哂頭頂(銀幕餐牌) , 一目了然！叫咗個漁夫芝堡, 我承認係因為個名Gimmick吸引咗我, 哈哈！好好食呀! 佢唔似係硬實既雪藏魚, 魚柳好滑，外層酥脆，我鍾意呢種質感！我食親漢堡最鍾意多醬, 呢到唔使叫都咁多醬！要讚下佢d薯格, 即叫即整, 熱辣辣, 香脆可口, 唔似大型連所店咁, 炸定林batbat. 一場黎到見到有雞翼食, 當然唔放過，叫咗個buffalo wings. 都幾好味, 辣汁好惹味，一樣即叫即整！點多d醬會再好食d!

約咗朋友去大角咀做嘢，臨走要醫肚，佢推介Burgerman。佢已經食過幾次，質素應該有保証，所以我都決定一試。門面易認，裡面可以坐約15人。我地在五點幾去，仍未到繁忙時間，仍然搵到位。啲burger價位五十幾至百三，可以揀淨包或者連埋薯條汽水，我咁大個胃當然揀跟餐。我點咗至尊漢堡，再加combo薯格。個burger係即造的，一定新鮮。個包唔算大，但中間嗰層真係好厚。要一口咬落去都唔簡單。個burger好足料，有兩塊肉，兩塊芝士，一塊蛋，一塊菜，一塊蕃茄，仲有菇同埋洋蔥。味道亦唔錯。薯條也好薯格也好，其實只要炸起即食，基本上都會好食的。但就係好多地方都唔易食到剛炸起的薯條。今次個friend都算係好介紹。以後來大角咀做嘢食飯又多一個選擇。

每次黎到大角咀而我又想食burger嘅時候，我都會食呢間。今次黃昏時段過到來，當然唔會錯過。Burgerman的包好食在即叫即整，同某些快餐式的burger店相比，可能要等耐少少。但好處當然就係夠熱夠新鮮。今次我揀嘅係魚夫之堡+特製蕃薯條，其實都唔係第一次食。一如以往，入口juicy，每次食完第一啖之後都忍唔住一直食停唔到口。中間一層好足料，啲魚亦煮得剛剛好，唔會乾。蕃薯條唔係咁多地方有得食。呢間的蕃薯條係即製，夠脆當然唔會輸。食落甜甜地，唔錯！總括來說，Burgerman的包物有所值。來大角咀的話值得一試。

◾Trucker Burger Set 🍔🔥◾HK$100.If you're a burger lover and always crave for a big bite in a juicy burger, well I got just the place for you!😂😜This large mother trucker burger is the perfect one to go!🍔🤤 It consists of two layers of mixed beef patties🥩 with double cheese🧀, fried egg, sauteed fresh mushroom and onions and some good old B.L.T.!😍 Haven't been eaten a satisfying and juicy burger in a while. The whole burger was so thick that you'll have to keep munching on it to get all the good laye

#Burgerman想食漢堡包又唔想食m字頭，就食左朋友屋企樓下間burgerman，見佢都有兩間分店，都有啲信心保證。#日本飛驒牛漢堡 配大大塊厚身薯格，大約有五至六塊。漢堡包都幾大個裏面有豆苗、厚身漢堡扒、芝士、蛋。其實都幾港日合璧，因為隻蛋幾港式。用上飛驒牛，肉有返咁上下水準，彈牙香濃而且多汁。不過略嫌豆苗有幾強既味道，唔鍾意食生味既人可以走左佢。枱面有三款醬汁俾你揀，茄汁、辣沙律醬同藍芝士醬。點下薯格都幾正。

⚠️《Top 10 Burger in HK》‼️The first bite was so amazing, yet it was done by my bf. I savoured the second bite as the burger was too huge, I needed my bf to squeeze it smaller for me!Burgerman並非超級大型漢堡連鎖店，都可以打入香港Top 10漢堡包店，可想而知，佢係靠實力，真材實料instead of 名氣、宣傳去吸引食客! 佢深受食客歡迎，令人回頭一試再試！佢定價唔算高，午市更加有超抵食既Lunch Set! As a local HKer, this is a must try item! I definitely want to have this burger again and again!Black Truffle Waygu Burger特級黑松露和牛漢堡 HK$98