Burgerman (埃華街)

營業中

休息中

日本飛驒牛漢堡 $98牛肉扒用左飛驒牛 係幾多汁既 但肉質好腍 個人唔鐘意欠缺彈性既牛肉扒☹️而且唔算大塊 反而認為醬汁同其他配料更值得一提 醬汁係蜜糖芥末醬 甜甜地好惹味😋蕃茄、豆苗都無異味 芝士亦唔會話太濃味 煎蛋如果煎成半熟會更正.炸薯條 $30額外加左一份薯條 份量有成個外賣盒咁多 全部新鮮炸起 夠哂熱辣辣 外脆內軟 而且都幾香薯仔味🥔唔點醬就咁食都夠鹹 檯面上亦有蛋黃醬、茄汁、芥末醬任加👻

之前已經聽過呢間漢堡幾好食今次終於有機會試下😋晚餐時間落緊大雨所以無咩人店面唔大 座位都唔多但裝修牆紙都好有置身美國既感覺👍🏻餐牌都好多選擇 會寫每個包有咩材料除左漢堡 佢都仲有意粉 沙律可以揀既我地叫左一個至尊漢堡($80) 同一個招牌芝士漢堡($58)跟餐加$20 有薯條/薯格/沙律+罐裝汽水我地都跟左薯條🤤枱面有沙律醬同茄汁可以自己加黎點薯條仲有膠叉同膠手套提供有野食啦！漢堡好大個都幾足料 都未必一啖可以咬到哈哈🤭味道黎講都算唔錯 薯條就正常啦如果嗌高級啲既牛肉應該會再好食啲！食完好飽！份量好足🤤總結 性價比幾高好有衝動試哂佢全部包👅

之前因為想同個朋友慶祝生日 佢又中意食burger 所以就想搵啲有特色啲既burger舖頭試下 就搵到大角咀呢間餐廳喇佢既裝修好有美國感覺 而啲burger都好好食 舖頭細細都幾舒服

以前到大角咀是為了陪同老闆、同事接送酒店，今日回到大角咀探朋友時經過 《Burgerman》便吃午餐了。 原來這裡2016曾獲得優秀餐廳！ 牆上也貼上日本雜誌曾介紹 — 很有來頭呢 ～ 深水埔也有分店 👏🏻地點在旺角落小小的大角咀，Dorset 酒店附近～至尊漢堡 HKD 80 極到邪惡的漢堡！ 芝士是半溶形態！ 雙層牛扒、雙層半溶芝士、番茄、生菜、煙肉、雞蛋等材料，非常豐盛。 也許手大一個可以把整個飽一口咬下去！ 而我跟朋友一起分享～～ 芝士在口內溫度漸漸溶化，感覺很棒！牛肉Juicy ,也沒有很多脂肪另外，加些HKD 20 仲可加配薯格 及飲品！ 薯格都炸得金黃色，十分脆口。

住附近都一直未有機會去食這個被評為美味十大漢堡包店! 平時經過都有聞到煎漢堡扒同炸薯條香味既!!今日同媽媽就去當食做個晚餐..可能平日又唔算好多人, 店面小小的價錢都算平幾ok， 幾十蚊倒嘅burger可以自由加$20 轉做combo size 套餐, 可以選薯格、粗薯條或沙律配罐裝汽水。order左一客至尊漢保配脆薯格加zero及黑松露牛配粗薯條! 因為想試灑兩款 !!!!餐廳仲有提供手套方便我地''倫盡''人士唔使食到成手都係醬汁呢, 算是貼心既! 落order後等大約15分鐘倒啦就有得食了!上網查過呢間既漢堡是用新鮮澳洲牛肉為材料，漢堡扒是即叫即做，熱辣辣既又不算太油膩, 個漢堡扒肥厚多汁 , 店員把佈滿黑白芝麻包烤熱了, 令成個包都可以熱吃!牛應是全熟吧，肉都juicy多汁，有層芝士再煙肉及菜而醬汁就有三款選擇自由落的! 而薯格及粗薯條個人認為兩款都得叫, 當然薯格香脆一點吧 ! 整體都算性價比高!美式漢堡店catalog店面也有餐牌至尊漢堡配薯格三款醬汁

平時成日食漢堡🍔朋友仔見我甘中意食，於是就介紹左我黎呢間，趁今日放假得閒就黎左大角咀，呢度都幾容易搵，唔會太偏，環境佈置都唔錯，台桌擺設整齊，有醬料，紙巾，手套，餐具🍴都幾衛生，唔怕整污糟，最重要係呢度嘅環境唔會太嘈，覺得幾好。叫左一個黑鬆露和牛漢堡套餐，有薯條🍟/薯格/沙律🥗可以選擇，我就揀左薯條🍟，跟住飲品就揀左可樂🍹。漢堡🍔同薯條🍟都係即做即炸，所以新鮮滾熱辣出爐，薯條係粗薯，都幾香脆，個和牛漢堡都幾好味，黑鬆露醬好香，漢堡肉都幾厚下，唔會太薄同太老，整體來講都算唔錯，覺得品嘗😋

其實好早之前已經聽講過Burgerman係香港十大漢堡店之一，今日終於順道過黎大角咀試一試佢。沿住埃華道一直行，終於見到間餐廳，差啲因為餐廳比較細而睇唔到，好彩佢嘅裝修都偏向美式style，同周邊舊區比較顯得有點突出。Burgerman，聽講名就知係以burger為主，所以唔叫都對唔住自己。望住個餐牌諗左一陣，實在係太難㨂啦！好多burgers都好吸引：至尊漢堡，和牛漢堡，日本飛驒牛漢堡同特級黑松露和牛漢堡等等。由於本人好肚餓嘅關係，就決定選擇最大份嘅combo至尊漢堡啦！一黎到就o左，個漢堡大到係無可能就咁食，一定要分開2層食先食到，裏面有2層芝士漢堡，牛肉雖然有啲乾身但都juicy，配以炒香過嘅洋蔥，蘑菇同埋煎蛋，四樣野非常之夾，大家各自都有特色而唔會搶走其他配料嘅味道，味道實屬一流👍🏻另外combo就包一份薯格及一罐飲品，薯格即叫即炸，香脆可口，旁邊亦有3款醬汁可以配送。雖然餐廳坐得比較逼，但食物質素始終吸引，有機會會再嘗試佢嘅得獎飛驒牛和牛漢堡。

終於有機會食到雜誌推介嘅burger，嚟到大角咀分店，雖然距離地鐡站有少少遠，但為咗食好西，係要付出少少代價嘅。去到嘅時候剛好人唔算好，所以都仲可以堂食慢慢嘆。由於burger 係即叫即製嘅，所以order 咗，等咗一陣先有得食。食burger 最滋味當然係用手食喇，所以我最欣賞係呢套有手套供應，唔駛食到成手都係！講翻個burger，我叫咗丹麥藍芝士漢堡 ($65)，再加$20做combo，有薯條同罐裝可樂。藍芝士混合免治牛肉磋成漢堡扒再煎熟，麵包亦都烘過，所有外脆內軟，有少少焦香。藍芝士香味好出，濃烈芝士味配上juicy 牛肉，好正！薯條都係值得一試，係粗薯條，有咬感得嚟又食到薯仔香味！食物做得咁出色，難怪當選雜誌嘅香港十大漢堡店！

收工去大角咀個邊做facial之後就係附近搵食，行行下見到裝修風格同附近啲鋪頭唔同既食店，抬頭一望原來係食burger既，反正好耐都冇食過burger，就決定食呢間啦！店鋪面積不大，好似一間bar仔咁。裝修偏向美式風格，型格之餘都坐得幾舒服。兩口子都各自叫左個和牛漢堡，不過一個跟薯格一個就跟薯條。野飲方面就分別叫左個可樂，同一枝不論係包裝定味道都非常正既蜜糖綠茶！叫左冇耐野食好快就送上。個burger烤到剛剛好，外皮香脆得黎入面都keep到淋淋地。而且仲加左啲黑白芝麻增加口感。而入面既和牛十分juicy，唔會整到太老再加上中間夾雜住新鮮清爽既蔬菜同埋酸酸地既醬汁中和返和牛既油膩感。仲有即炸既薯格同薯條，炸到啱啱好啱會老！香脆可口而且食落都唔會好油。下次做完facial會再黎呢度試其他burger先～

大角咀就是一個餓虎藏龍的地方這間店子雖少但等待的人也不少可見在大角咀立足的它也有不少粉絲這裡的BURGER選擇超多選擇居然有11款之多！豬，雞，牛，魚任君選擇還有素食之選👍🏻所有食物先order然後付款。由於都是新鮮現做，制作時間大概等十分鐘是常識吧。偷望完其他食客知道都幾大份Combo一個女子的確有點太多.Ok來一客和牛漢堡！賣相簡單，完全實力取勝所有食物即叫即整，麵包 鬆脆牛肉味濃多汁。熱辣辣芝士溶化於牛肉口感更添豐富。好好味呀！掛住同burger 影寫真忘記了我的cola 哈哈成件事好邪惡值得一提，店舖面積雖然不大，竟然有得借充電寶呢！！！問了店員借了還可以在其他地方還，非常方便。說真的對其他漢堡也有興趣想試，食物質素實在是性價比高。

好幾次匆忙路過這裡都好想幫襯門外擺放著10 best burgers 的招牌來頭不小的感覺啊！是日晚餐: 燒菠蘿雞腿漢堡$68 +$20炸薯條+$15 AirZona Ice tea(set)炸雞腿肉，時間真的掌握很重要，雞肉炸太耐會鞋。一口咬很juice呢！芝士也剛好不太濃味蓋過主人公。漢堡份量頗大，很滿足。薯條最怕用油重複無限翻炸新鮮出品就是脆口沒有油”溢”味Ice Tea 甜度適中雖然漢堡配可樂很prefect ice tea 除了會減低罪惡感人長大後也對汽水不再熱衷值得一試的咧。果然沒有令人失望。下次還想去試不同款式。

行經大角咀發現有間吃漢堡飽的一於試試。店內提供足夠的紙巾及膠手套，漢堡都可以吃得很有儀態。日本飛驒牛漢堡咬下去肉汁很多，肉味濃。比一般漢堡扒牛味更加濃郁，肉質更細膩，入口即溶。並非所有產於岐阜的牛都可稱飛驒牛，要在當地飼養14個月以上，並獲「日本食肉格付協會」評定為3級、4級及5級，方可稱為飛驒牛。因此，獲配這個名稱的，質素毋庸置疑。  於急凍舖買一塊飛驒和牛漢堡扒平均都四十，所以這這個價錢吃到算是合理的。而漢堡包面及底都烘過鬆軟得來亦脆，面上的黑白芝麻將口感及香味提升。加入沙律菜有豆芽及蛋令整體有份量之餘更顯飲食均衡。

There is this one day My wife and i wanted to eat american food and we decided to eat a burger. We then get to stop to a store not so huge and and not so fancy looking, but was so nice and simple yet offers a creative new gourmet kind of burgers.. it was  BURGERMAN! From just the name itself you already know what its gonna be and what they like really to offer you. So i ordered black truffle wagyu burger and fries on the side.. At first i thought it was just gonna be ordinary size but when i got

今日放工後去左大角咀食和牛漢堡套餐$98，套餐包括一個和牛漢堡，可揀薯條/薯塊/沙律加一個飲品。先講店內環境，佢間鋪唔算大，但都有一邊係單人座位，另一邊有可以坐兩三個人的小高枱。此餐廳似快餐形式，先購票，店員會稍後送上餐飲。其實佢有唔少小食，但Burgerman 主打漢堡飽當然要叫漢堡啦。和牛漢堡餐（$98）單純睇價錢不算平，但真心值得依個價錢。漢堡飽有微烘過，和牛很厚很有牛味又多汁，內𥚃加上一片芝士，只是加上日式芝麻醬，伴上翡翠苗，毎一啖都要大口先咬到。套餐跟野飲我當然叫可樂啦，我本身勁鐘意薯塊因為勁香口，但依度嘅粗薯條實在太吸引，剛剛炸好又香口。

今日老公黎接收工, 佢話有朋友介紹左間burger好似幾正咁。於是我地就跟住google map出發啦, 我地由深水埗地鐵站出發, 都行左一段時間先搵到。鋪頭大概有十個high table位置, 我地好好彩唔洗等位。Burger有11款, 有牛有雞有海鮮有vegetarian option都算幾多選擇啊。最後我簡左和牛漢堡, 老公簡左特級黑松露和牛漢堡, 我地兩個都加錢轉combo, 可以簡regular fries/ waffle fries + drink。我叫左各一款但最後兩個餐都黎左regular fries, 不過無所謂啦, 廢事又要等好耐。因為係即叫即做所以落完order都要等一陣, 我地就開始研究枱上既condiments啦。有三款應該係茄汁, mustard 同一個神秘醬, 最後試左有少少辣好好味, 哈哈。 Burger終於到啦, 兩個都好大個, 女仔食既一定夠飽! 我地兩個都係和牛, 有牛味好juicy, 符合我地既期望! 佢既黑松露好香, 一上枱已經聞到~ 我個個入面有隻煎蛋, 因為係半熟既關係, 我覺得蛋黃個味有啲搶過左個牛味, 所以如果再黎我應該會走左隻煎蛋去。