Bubble Tree (成業工業大廈)

營業中

休息中

呢隻cafe已經榮升左我覺得喺觀塘最正既一間cafe🫶🏻😚質素穩定，每次去都覺得有驚喜！feel到老闆用心經營，感覺Menu嘅款式越來越多。雜肉巴馬風乾火腿伴香辣蕃茄汁意粉🥓🥫🍝意粉醬煮得好濃郁，酸酸甜甜茄汁配上辣味，開胃同時亦好惹味！配料有煙鴨胸，雞肉粒仲有主角大大片風乾火腿，超級滿足😝🫶🏻意粉有彈性，亦都好掛汁！雙重牛肉大啡菇流心蛋漢堡🍔🍟兩層大大塊嘅手打牛肉漢堡扒，配上大啡菇流心蛋仲有芝士，完全係大大滿足，建議share食🤣份量實在太足！牛肉漢堡煎得好香口，大啡菇好多汁，一啖咬晒咁多層都有啲難度🫨南瓜湯南瓜味夠濃郁，飲落去好creamy ！雪糕窩夫🍨🧇點餐可以優惠價加購甜品，有雪糕窩夫、蘋果批、芝士蛋糕、布朗尼或者心太軟等等嘅選擇，我地揀咗雪糕窩夫，大大球雪糕，窩夫屬於實心既，有少少似蛋糕嘅感覺 都食到蛋香味😗焙茶鮮奶，朱古力鮮奶試咗兩杯鮮奶！兩杯味道都好濃郁！最欣賞呢度既topping唔使加錢，可以自由加棉花糖，焦糖，Oreo碎等等！🥰🥰飲到好滿足🥛🍫

觀塘隱世小店坐落於官塘成業工業大廈內的Bubble Tree就簡直係蒼海遺珠，餐牌幾十蚊可以食到晚市，今時今日的香港真係見到都心郁郁。三文魚沙律超有誠意的，看看那個份量多到呢，三文魚煎得也很香，火喉剛好，魚皮也是微脆的。另外小吃點了特別的墨汁包，好重蒜蓉味，我同朋友都好喜歡。甜品方面有玉桂蘋果烤批配雪糕，玉桂香氣撲鼻，蘋果軟熟甜美，加埋雪糕，口感絕配。這裏裝修非常之日本，員工也十分之友善，環境乾淨，坐得又舒服，下次要再來。

食食下，有個侍應將一堆碗碟同其他人食剩既茄汁迎面飛過黎，如果拿唔到咁多可唔可以分開幾次拿？好彩枝叉無插到隻腳，碎片又無彈到腳，但成身都茄汁，之後仲要只拿乾紙巾比我，連濕紙巾都無張？仲要自己走去買清潔劑返去洗衫，本來約朋友食飯行街，攪到咩心情都無晒，仲要趕返去洗衫。

今次呢餐嘅主角係......<100% 純牛肉手打漢堡> +85 雙重牛肉+25Wa! Wa! Wa! 成 4、5 寸高身的巨型漢堡飽就在跟前 ~ 啖啖靚牛肉，超多芝士，香脆麵包，真按奈不住，流哂口水。仲有脆薯圈、蕃茄、青瓜連埋一齊狂吃一頓餐，真是超級大滿足！小食就有......<水牛域雞中翼> $55微辣味嘅水牛域雞翼，最啱慢慢餵嚟食，答真 d 味道，十分嘆！甜品係......<朱古力心太軟配雪糕> 跟餐 +32心太軟和雪糕上加左雲呢拿，特別好味。朱古力味濃，配雲呢嗱雪糕，味道非常夾。飲品是......<凍檸茶> $6大大杯，正常發揮。另有置水樽，可自助拎水。#Bubbletree #觀塘美食 📍觀塘 成業工業大廈2/F

早排個親戚推介我去呢間喺觀塘成業工業大廈嘅Bubble tree, 話係一間隱世性價比高Cafe, Bookmark咗一段時間終於有時間去食呢度用QR code落單📱落完單等食時可以去自助區攞定餐具🍴調味料🧂茶水🍵先🍔瘋狂芝士日本飛驒牛肉漢堡 $98飛驒牛肉肉質細緻軟嫩，入口即化瘋狂芝士真係好瘋狂😂多到流晒落嚟😍😍😍芝士味道非常濃郁最估唔到嘅係burger其中一層係炸洋蔥圈，呢個配搭好新穎☕️玫瑰鮮奶咖啡(大)+$17🍳熟成牛扒漢堡滑蛋蓋鐵板拌飯 $85跟餐南瓜湯，凍檸茶牛扒漢堡好juicy食落滿口肉汁😍牛味香濃滑蛋夠晒滑溜，送飯一流🍮朱古力心太軟配雪糕 +$32暖暖嘅朱古力心太軟同雲呢拿雪糕真係最佳配搭😍咁抵食又高質嘅餐廳難怪咁多人幫襯，我地呢日眼見餐廳keep住滿座好好生意👍🏻

放工又喺附近覓食😚聽同事講以間好食，所以我都去支持小店🩷性價比好高，好推薦大家去👍🏻1️⃣日本飛驒牛漢堡滑蛋蓋鐵板拌飯大推薦🌟漢堡扒肉味香濃且多肉汁😍香濃的滑蛋配上珍珠米，口感更優勝🤤2️⃣炸薯條配黑松露醬新鮮熱辣🔥薯條仲識噴煙💨而且仲係我最鍾意的粗薯條🍟配上黑松露醬很美味👍🏻3️⃣凱撒沙律配烤雞雞胸肉完全唔鞋，肉質嫩滑：而沙律菜非常新鮮爽脆，而且很大碟🙂‍↕️再配上黑炭麵包就令口感豐富😋4️⃣紫薯湯及南瓜湯健康之選🌟兩款湯都很濃郁，飲得出好真材實料🩷但如果係忌廉湯我會更喜歡💕5️⃣雪糕窩夫新鮮即整🌟熱辣辣的窩夫配上雪糕是個組典配搭。窩夫外脆內軟，有很香的蛋味。6️⃣玫瑰鮮奶咖啡好香濃的咖啡味☕️仲有淡淡花香😀7️⃣熱情果梳打真係比半個熱情果+一枝梳打水，真係好鮮甜解渴😍真係好適合大熱天飲呀👍🏻

係一間幾值得推介的CP值幾高的餐廳，怪不得keep住好多人上嚟食！每枱都必點【瘋狂芝士日本飛驒牛漢堡】，芝士係多到瀉，飛驒牛漢堡扒好香牛味，口感好軟熟，再埋炸洋蔥圈幾種口感～另外幾推介【大啡菇雞肉配南瓜汁燴意大利飯】，甜甜的南瓜汁幾開胃，每啖都有芝士拉絲，大啡菇亦煮得好好味～套餐除咗有得加大、加湯或沙律，我地加購【熱情果梳打】同【肉桂蘋果烤批配雪糕】，蘋果清甜配烤批底薄薄地唔會太Heavy～⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⊃✎⁾⁾Like+分享給愛吃嘅朋友仔啦( ´͈ ᗨ `͈ )◞‎♡⃛⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

早上星期同朋友去左一間觀塘工廈穩世cafe😝餐廳主打平民價😌好吃😋不貴😌當日叫了2個套餐加一個甜品🍮吉列海老滑蛋蓋鐵板拌飯炒蛋好嫩滑😍裡面飯粒煮得恰到好處,不軟爛也不乾澀😌吉列炸蝦炸得酥脆可口😍配南瓜湯☺️蟹籽.蘆筍.煙三文魚拌香蒜橄欖油意粉煙三文魚增添了濃郁的煙燻香氣～而香蒜橄欖油的鹹香滋味恰到好處,不會過於油膩🐵配蕃茄甘筍湯焙茶鮮奶（熱）焙茶的醇厚香味與鮮奶的甜滑完美融合～口感濃郁細緻,令人回味無窮^_^熱朱古力鮮奶具有濃稠豐富、順滑、香濃和溫暖的口感，給人一種愉悅和滿足的享受🙂蘋果烤批配雲呢拿雪糕烤批內部的蘋果會變得柔軟且多汁，帶有濃郁的蘋果香氣和甜味😌加入雪糕一起吃😌口感會變得滑順😍餐廳環境比較文青feel😌行簡約風格😜而且使用手機自助落單😌方便快捷😜

今日同同事響公司附近食lunch，見到網上有間大推嘅Bubble Tree於是就過嚟試吓啦，呢度主要就係售賣意粉西餐，除此之外，都有提供比OL Lady食嘅沙律！整體嘅環境呢就比較工業風，位置都好闊落嘅，舖頭已經用咗自助下單，我覺得都幾方便！今次呢就嗌咗杯Americano啦，再加個Spaghetti with Parma Ham 同埋個蟹肉意粉，最後見到隔籬枱食呢個truffle 薯條🍟，最後都忍唔住手嗌咗份，但係個份量真係好大，個人認為四個人一齊share食都唔過分，配上呢個價錢呢個裝修再加埋個位置簡直抵到爆。

觀塘工廈的高質小店！那裡真的美食雲集啊～～食品算是多選擇意粉、沙律、小食大多也不過百在這物價騰飛的時代算是良心價了三文魚沙律超有誠意的！！看那個份量～～煎得也很香 火喉剛好魚皮也是微脆的！！蝴蝶粉也很creamy，看那拉絲芝士～忌廉很濃的說！水牛城雞翼也很入味香辣香辣，很開胃啖啖肉！跟朋友聊阿聊又多點了杯飲品Affogato很濃的咖啡～加上雪糕就是一個甜品了點了成枱都是食物 人均也不超過$200難怪座無虛席啊啊！

介紹返一間觀塘工廈性價比cafe 俾大家，以前觀塘返工happy friday 成日幫襯，人均$100就可以食到高質素美食。日本飛驒牛漢堡滑蛋蓋鐵板拌飯 $80柔軟肉質的飛驒牛肉漢堡扒,搭配流心滑蛋和香濃醬汁的鐵板拌飯,層次豐富,口感多樣,既有漢堡排的濃郁,又有珍珠米的飽滿,堪稱經典。雜肉配巴馬風乾火腿伴香辣蕃茄汁意粉 $59雜肉配上咸香濃郁的巴馬風乾火腿,浸染在酸甜微辣的蕃茄汁中,入口層次豐富,意粉🍝熟度剛好，滋味迷人,令人胃口大開。吞拿魚沙律牛油果牛角酥 $36鮮嫩的吞拿魚碎與豐醇濃郁的牛油果醬,搭配酥脆可口的牛角酥,清新爽口,口感多變,堪稱完美組合。

觀塘大大份西餐，配搭百變又可加底，一定食完棒住肚離開!!每個主菜都可以選擇加湯﹑沙律﹑飲品及甜品，十分有彈性可以選擇自己所需!!🦸‍♂️- 蟹籽．蘆筍．煙三文魚拌香蒜橄欖油意粉 HK$65 🍣🦀🍝健康又充滿口感!!煙三文魚擺盤玫瑰花形狀超可愛，微微油脂香氣充滿煙燻香氣。加入大量蟹籽添加爽脆口感。香蒜橄欖油味道清香唔過咸，有需要可添加調味料。- 吉列海老滑蛋蓋鐵板拌飯 HK$89 🍳🦐🍛- 新鮮白菌配雞肉拌忌廉汁意粉 HK$62 🍄🐣🍝

一路都有幫襯開，但發現最近食物質素有所下降13/6 兩口子去食晚餐，Bubble Tree 一如既往都係咁旺場咁就嗌咗個蟹籽露筍煙三文魚蒜香橄欖油意粉同埋本驒漢堡蛋包飯。先講一講個意粉，一如以往都係咁好味意粉蒜香味重，配合橄欖油及煙三文魚簡直一流然後漢堡蛋包飯，漢堡扒無咗以前果種好juicy嘅感覺變咗粒無汁嘅牛肉乾，另外個汁相比以前咸咗好多，食到最尾都食唔落。唔知道係咪太繁忙還是轉咗廚師，希望食得返以往水準嘅Bubble Tree

因為觀塘實在太多選擇但係講真好食價錢平嘅餐廳就唔係好多所以喺openrice都搵咗好耐呢間餐廳人氣都幾高去到餐廳地方唔係話好大七點鐘已經坐滿曬好彩訂咗位之後都一路食都仲好多人喺出面等緊位呢間餐廳係自助形式落單俾錢選擇非常之多而且價錢非常相宜今次揀咗部三文魚蛋包飯沙律同埋意大利飯味道真係非常唔錯唯一真係唔係咁好嘅就係比較嘈如果想靜靜地傾計就比較難總括而言呢間餐廳都係非常值得推薦

位於觀塘工廈的西餐廳,以性價比見稱。首先蜜糖芥末雞扒意大利軟包,雞扒外酥內嫩,鮮嫩多汁,搭配上香甜可口的蜜糖以及微辣的芥末醬,相得益彰。意大利軟包更是為整道菜餚增添了豐富的口感層次,為用餐帶來全新的體驗。煙三文魚雞蛋沙律牛角包三文治,三文魚的鮮美與雞蛋沙律的清爽相得益彰,而以鬆軟可口的牛角包作為載體,將各種美味的元素完美融合在一起。每一口都能感受到三文魚的鮮嫩,雞蛋沙律的清爽感,以及牛角包的柔軟香甜。最後,雪糕窩夫外酥內軟,搭配上香滑順口的雪糕,刚剛好的甜味,絕對是不可錯過的美味選擇。抹茶鮮奶和蕃薯鮮奶也都別具特色,前者清新自然,後者鮮甜濃郁,各有其獨特魅力。