Bubble Tree (成業工業大廈)

觀塘B出口 的成業工業大廈227室Bubble Tree店內水泥牆配木桌椅，超有氛圍，桌距寬敞不擠。服務員帶位到介紹菜色都超有耐心，讚！抹茶鮮奶絕對亮點！翠綠抹茶拉花心形，香濃不澀，奶泡綿密，每口都爽！主食推藍青口蒜香白酒意粉，攞盤漂亮，淡菜新鮮爆汁，忌廉醬濃郁不膩，裹滿每根麵。招牌菜：飛驒牛漢堡滑蛋蓋飯，外焦裡嫩肉汁多，滑蛋軟綿鹹香，配菜層次豐富，鐵板滋滋上桌超有儀式感。甜品心太軟配雪糕完美收尾，流心朱古力熱呼呼，搭香草雪糕冷熱撞擊！人均120蚊，高質又超飽，會再訪，試下漢堡同沙律，見好多人食！…查看更多

位於觀塘成業工業大廈二樓的Bubble Tree，以獨特創意料理吸引不少食客專程到訪。工業風裝潢搭配溫暖燈光，營造出舒適的用餐氛圍，打破對工廈食店簡陋的刻板印象。******「牛油果大啡菇芝士漢堡」******厚切多汁的大啡菇經香煎後散發濃郁菌香，與成熟牛油果的綿密口感相得益彰，融化的芝士如絲綢般包裹著食材，自製漢堡排肉汁豐盈。特別推薦搭配烘底漢堡包，獨特口感令人難忘。******「日本飛驒牛漢堡滑蛋蓋鐵板拌飯」******選用油花均勻的飛驒牛製成漢堡肉，肉質細嫩帶有淡淡奶香，與半熟滑蛋形成絕妙搭配。鐵板餘溫讓米飯形成香脆鍋巴，拌入特製醬汁更顯層次。「小食拼盤」包含脆炸雞塊、薯條、炸蠔、炸蝦與雞翼，炸物火候掌握得宜，作為佐餐小品合格有餘。壓軸的「雪糕窩夫」現點現製，外脆內軟的窩夫配上冰涼雪糕，冷熱交融的滋味為餐畫下完美句點。總體而言，Bubble Tree在傳統菜式中注入創新元素，每道料理都能感受廚師的用心。…查看更多

老闆非常nice , 完全感受到距用心製作🫶🏾食物既水準呢個價錢真心覺得值得推介藍青口蒜香白酒忌廉汁意粉，藍青口份量好多，意粉軟硬度啱啱好超掛汁，清左碟白酒味唔算好濃，但個汁係超啱我胃口吉列豬扒大啡菇鐵板飯，吉列豬扒一咬落去係脆嘅，唔油！大啡菇有調味，真心出色，如果大粒啲就好啦🤩Tiramisu 唔算好甜，應該有嘅水準都有，無花果好甜💙心太軟配雲呢拿雪糕，心太軟好甜，不過我係鍾意食好濃郁嘅心太軟，所以呢個我好OK😒整體會有85分呀💙老闆真係好好，會介紹多啲朋友去支持呀🙌🏻…查看更多

是日平日下午1點幾嚟幫襯，啱啱撞正打工仔Lunch時間🍱，但店員好貼心😍，即刻開咗另一邊俾我哋坐，完全唔使等位👍。餐具、水都係自助式，環境乾淨舒服✨。我同朋友都叫咗All Day Breakfast，全日早餐$78超抵食💰！一上枱見到腸、蛋、茹、煙肉，牛角包、薯仔沙律和蔬菜沙律樣樣齊，好豐富😍配搭得非常好，牛角包好香脆，腸好大條，雞蛋煎得啱啱好🍳，少少流心好滑、薯仔沙律正常發揮，不過煙肉略嫌有少少鹹同埋蔬菜沙律有少少太酸，可能醬汁太多。不過意外發現第一份上枱嘅茹竟然有芝士🧀！（我係超級唔鍾意食芝士嘅😅），但餐牌上完全冇寫有芝士，我落單時都冇講，諗緊算啦，唯有要朋友幫我食咗我嗰份茹佢..😞講緊之際，店員啱啱聽到我講，即刻主動問我另一份係咪唔好落芝士😍😍，好彩地原來仲有一份未整～真係超貼心🥰，好少見到咁細心留意顧客的需要，真係驚喜咗。仲加咗個微薑南瓜湯$18 🥣，薑味淡淡、南瓜味香甜但少少稀，不過以呢個價真係無得彈🤩。另外試咗蟹籽蘆筍煙三文魚香蒜橄欖油意粉$63 🍝，一上枱蒜香撲鼻、擺盤靚✨，加咗少少香蒜所以味道一啲都唔膩～整體食完超滿意。睇餐牌發現呢間店原來2010年已經有，好食又性價比咁高，點解咁遲先發現🥹🥹下次一定會再嚟❤️！ …查看更多

放假就係想去Chill下食吓好嘢😆今次揀左觀塘👉🏻發現好多隱世小店都喺工廠大廈就嚟尋下寶🔍📌日本飛驒牛漢堡滑蛋蓋鐵板拌飯 $89 ✔️套餐包埋湯同埋飲品 鐵板拌飯嚟到已經聞到好香！漢堡牛味好濃郁 肉質嫩滑得嚟超多汁 而且勁厚身 煎得好香 油脂均勻🥰蛋都好滑 配埋燒汁食 一流😙▫️微薑南瓜湯 南瓜味好重 個人就覺得薑味有啲重不過唔會蓋左南瓜嘅味 整體都幾creamy😋▫️蘆薈香橙冰紅茶 比較普通 橙味有但唔算突出 蘆薈份量可以多啲📌蟹籽. 蘆筍. 煙三文魚拌香蒜橄欖油意粉 $63好香蒜味 煙三文魚整左個花花出嚟 幾用心🤍蟹籽同蘆筍份量足夠 煙三文魚大大片🙉意粉唔會過淋 幾唔錯👍🏻▫️熱情果梳打 expect既味道 不過嚟到係比半個熱情果 自己倒落去 所以都幾得意！▫️跟主食+$32 朱古力心太軟配雪糕賣相好靚 心太軟做到外脆內軟 亦唔會過甜 食完唔膩 配埋雪糕 口感好正☺️整體好唔錯🩷價錢唔貴 食物質素好 用心經營嘅樓上西餐廳🍴啱晒朋友gathering/情侶拍拖嚟😗8.5/10⭐️…查看更多

事緣係六樓揪薏都幾滿座，唯有轉戰其他餐廳。以前叫外賣，大家都有吃過嘅。見樓下就近，就嚟呢度囉！皆因食飯時間緊逼，只有一小時。我都係第一次堂食，座位一眼睇晒。有一枱當正自己包場咁，大聲傾計，喧嘩亂叫 😒食物方面：求其到呢 🤦。柯打有漢堡扒、三文魚、雞扒都係鐵板上。睇樣還可以，但食落就知 😒。食物都係唔夠熱，鐵板只用於作狀 😂。車厘茄 🙄，沙律就話啫，一陣醋味，居然喺個飯度出現，見識見識 🤦1350落單，第三份午餐員工弄出意外 🤣，件三文魚瀡咗落地。唯有再煮過啦，員工賴舊魚：佢瀡咗落黎 🤣。其實佢行過嚟幾次都自己戟自己，鞋嘅問題，出餐時睇到佢咁戟法都真係會怯 🙄。但係又咁講，啲嘢都唔夠熱，最多污糟架啫唔會燙傷吧 😂等咗一段時間於是招手叫樓面，點知佢地睇到扮睇唔到，迴避你眼神嘅接觸 🤦。最後要大聲喺座位嚷，至勉為其難咁行過來，敷衍回答好快有 😒第四份午餐搞到1420先到，足足等咗半個鐘 😡由於太趕時間，加上員工態度 👎，幾好食都假，好食？！真係談唔上囉 🤣🤣。食咗三成已經放棄了 😒樓面面對問題冷處理方式 👎，敷衍、拖延😒，諗住直到出餐為止 🤷‍♂️。廚就得一個，仲話轉外賣俾你，咁我洗乜出黎食飯 🙄無食一段時間，估唔到依家差成咁 👎🤦咁嘅價錢，我去克招午餐好得多吧 😆…查看更多

見到社交平台 推薦，所以用試伏心態去試吓。 6點上到去，見到冇人，就有啲驚。 不過，原來只係我太早去，晚市都坐到9成滿。 首先，服務親切，我哋又食又傾計坐咗2個鐘，8點左右怕阻人做生意，就起身走。 老闆仲話唔怕𠺢， 其實可以慢慢坐。 真心好。食物來到比原先期望高太多 ，因為喺工廈而且價錢又唔貴，所以冇諗到咁有誠意。 擺盤都靚，可以打卡湯好濃， creamy 。意大利飯，黑松露好濃，素食唔會太單調，入面仲有雜菌同西蘭花碎，好Creamy軟殼蟹意粉， 正， 蟹脆又唔硬， 微辣開胃， 最鐘意多海鮮粒粒，例如硯肉。 香橙冰茶， 清爽原汁，冇任何化學味。最後， 因為慶生， 事先ipenrice寫remarks想寫個Happy Biryhday喺甜品碟， 不過之前因為打風，改期1星期， 我仲怕佢哋唔記得。 點知都有寫！ 而且個心太軟好流心好濃， 生日壽星好鐘意。 蘋果批我鐘意佢夠薄脆唔會滯。叫2個主菜， 加飲品加湯加甜品，都唔駛$300。 可以講係超值！整體價性比同體驗比 5 星 *****…查看更多

晚市嚟到佢地租埋隔離單位嚟做當時都有幾group人先後嚟到門口等位條走廊又焗又熱 前幾個單位私房菜啲客又係度室內食煙個別員工出入送餐時對新嚟客人查詢不瞅不睬😧明明見到入面有空位可以安排坐咗先都係要企門口等😦 唔知等乜😧食物價錢係幾有競爭力蕃茄湯足料芝士蕃茄肉醬意大利飯麻麻地藍青口蒜香忌廉汁意粉咁多隻青口 ok wo玉桂蘋果批依個係最係好味嘅 嘢食價錢無得挑剔餐廳老闆係nice其他員工就做到無晒靈魂面如死灰😲水同餐具落單全部自助無加一就算係咁囉…查看更多

呢間餐廳位於工廈入面，我地叫左一杯愛爾蘭咖啡，係呢度既新品，黎呢度一定要叫下咖啡飲因為餐廳都好主力推廣咖啡，咖啡甜度適中，又香濃咖啡味同creamy。餐湯飲左蕃茄南瓜湯南瓜味濃郁，主菜呢度既burger好大個，而且用既芝士同出面有d唔同用左比較軟綿綿又厚身，手打牛肉漢堡都好大塊入面夾左蕃茄青瓜青菜等等。再加配薯條粗身脆卜卜。吉列豬扒蛋包飯配大啡菇，豬扒脆卜卜，蛋味香濃幼滑配埋拉絲芝士同蕃茄粟米配燒肉醬汁好惹味，飯量仲可以選少飯。Dessert:心太軟配雪糕，即叫即整，心太軟唔會太甜，好好味。…查看更多

今日去開觀塘諗住食個下午茶，上網搵到呢間叫Bubble Tree，好似性價比幾高，所以去試吓。叫咗呢個牛油果牛角包同埋公司三文治，個包得幾脆，入面餡都好食，同埋叫咗杯綠茶牛奶，都幾香濃，佢下午茶嘅Menu幾多選擇，可以再試多啲嘢…查看更多

⭐️雞扒、法蘭克福腸滑蛋蓋鐵板拌飯 （配餐湯及飲品） - $68一個晚市套餐嚟講好抵，佢個雞扒同腸都大大舊，用鐵板熱住好香，加左滑蛋同芝士包住啲飯令佢更加滑，特別係個腸外脆內軟，有微微煙燻味幾惹味。⭐️瘋狂芝士日本飛驒牛漢堡 - $108好高好多料，有晒蕃茄、生菜、芝士、青瓜同大大舊漢堡肉，一啖咬唔晒🤣雖然漢堡好似好厚咁，但一啲都唔韌，用芝士包住鹹香味重，同時都幾juicy，側邊仲有唔少薯條做side dish，兩個人食都有啲飽！+$6微薑南瓜湯比起普通南瓜湯多左薑嘅微辣味，但同時blend得好好，所以唔會好搶左南瓜嘅味，亦令到成個湯唔會得creamy同膩感。+$32提拉米蘇以甜品作結最幸福！食落好綿滑，同埋都好重冧酒味。佢唔會太甜，即使配埋啲奶油一齊食罪惡感都無咁大🤣…查看更多

觀塘嘅餐廳真係好多，今日我哋去咗係工業區，輕工業風cp值高嘅餐廳食lunch🤤🤤📍@bubble.tree🍱煙肉白菌卡邦尼意粉👉🏻意粉煮得適中👉🏻煙肉香味濃郁👉🏻奶香味十足🍱芝士蕃茄肉醬燴意大利飯👉🏻鮮甜嘅蕃茄同濃郁嘅芝士完美結合👉🏻肉醬嘅味道都相當豐富👉🏻飯粒吸收了所有嘅美味，食得非常過癮🍱玉貴蘋果烤批配雪糕👉🏻蘋果嘅酸甜再配埋冰凍嘅雪糕，非常合適嘅搭配🍱朱古力心太軟配雪糕👉🏻朱古力內搭配冰淇淋，讓人感受到熱冷嘅絕妙結合，甜而不膩☕️阿芙佳朵 👉🏻濃郁嘅咖啡搭配香滑嘅奶油同雪糕，完美嘅結尾，適合咖啡愛好者。📍 Bubble Tree (觀塘)觀塘成業街19-21號成業工業大廈2樓27室#探店 #觀塘美食 #觀塘 #觀塘工廈 #假日悠閑 #拍拖好去處 #chill #香港媽媽 #blogger #吃喝玩樂 #foodie …查看更多

先講吓服務質素，呢間餐廳主打自助形式，所以都唔期望有啲咩服務。但係呢間餐廳啲女店員十問九唔應，一係就態度極差。再講餐廳環境，餐廳室內溫度極高，諗住可以舒舒服服涼住冷氣嘅可以唔使嚟。同埋未試過一路食嘢隔籬部冷氣一直滴水落嚟，諗住問店員可唔可以調位，但係都係得唔到回覆，真係好難得嘅體驗。😂再講食物，普普通通質素，叫咗兩個餐，人頭百幾蚊，叫咗個三文魚扒藜麥沙律，但係唔知點解冇藜麥，不過算，咁嘅質素快啲食完快啲走好過。😂…查看更多

Bubble Tree 💚一向出名CP值高，主食出色，不但味道好，而且份量大又選擇多。🍳🐥雞扒法蘭克福腸滑蛋蓋鐵板拌飯+吉列蝦鐵板熱辣辣咁上枱，有好大層滑蛋蓋住個飯，外面淋左醬汁同芝士🧀粟米🌽，雞扒好大塊😍，食完好滿足。🐥🍄‍🟫新鮮白菌配雞肉拌忌廉汁意粉意粉好香濃而且軟硬適中，芝士忌廉味道好正😝所以令人一食再食嘅感覺，所以加大份量，好滿足😌。🍫🍨朱古力心太軟配雪糕 朱古力流心柔滑，甜品做得好出色。…查看更多

觀塘樓上cafe不少，而論CP值較高的，非bubble tress 莫屬。人均消費不到$100，就已經能吃到飽飽，而且全日免加一，超值。羅勒蕃茄湯及微薑南瓜湯蕃茄湯濃稠適中，有濃濃蕃茄及香草味；南瓜湯味道微甜，有淡淡薑味。田園素菜沙律配牛油果沙律菜非常新鮮，牛油果香滑油潤，配上柚子醋，酸酸的非常醒胃。水牛城雞中翼雞翼外層酥脆，內層不乾不柴，酸辣入味，微辣惹味。 煙肉菌卡邦尼意粉卡邦尼意粉上層灑上芝士絲，口感creamy，芝士味重，有拉絲，搭配煙肉及磨菇，每一口都充滿鹹香。蟹籽、蘆筍、煙三文魚拌香蒜橄欖油意粉賣相精緻，意粉煙韌富彈性，入口有濃郁蒜香，掛上蟹籽粒粒及帶有鹹香的煙三文魚，口感豐富。 玫瑰鮮奶咖啡及薑味黑糖鮮奶咖啡咖啡有淡淡玫瑰香，奶泡綿密，咖啡幼滑順喉；薑味黑糖鮮奶咖啡口味特別，咖啡入口有黑糖味，隱約有點點微辣薑味，但又不會搶走的咖啡濃醇味道。…查看更多