BEP Vietnamese Kitchen 越灶 (已結業)

我同埋男朋友都好鍾意食亞洲賽，包括港式菜、日本菜、泰國菜同埋越南菜！ ！ ！泰國菜同埋越南菜都酸酸甜甜喺夏天來講係最佳嘅選擇，所以今日咁熱嘅天氣之下，我哋兩個決定夜晚要食越南菜。由於我哋都spend左一日嘅時間喺K11 musea，天氣又唔係話特別好而且好熱，所以我哋就選擇咗留喺商場入邊揀餐廳去食我哋嘅晚飯。由於我哋成日都會嚟呢度行街睇戲食飯，不過我哋就好少喺度食埋晚飯通常都係出返去食因為覺得呢個選擇都唔係特別多，今日太懶嘅關係我哋就揀咗B E P！其實佢唔係淨係呢度有中環嗰邊都有好幾間分店嘅希望呢一間嘅水準都可以keep得到。今日食咗四樣餸菜全部都冇令我失望，包括有安格斯牛肉河粉、柚子沙律、牛油雞翼同埋蟹肉粉米卷！樣樣都超正而且喺K11 musea嘅餐廳環境比起其他嘅分店好，淨係食佢個環境都抵番啦！

我對東南亞地區食品真係情有獨鍾㗎，今日一間K11嘅越南野，未講食前先講環境，開得喺K11 Musea點都有裝修，有佈置，所以對食物質素都有一定嘅要求，喂星期五嘅8:00去用餐，排隊的時間對我黎講幾耐，排咗大約30分鐘，幸好對出可以有啲座位可以同朋友傾吓計時間會過得快啲。終於輪到我哋啦，甫入到去就覺得非常之凍，一般女仔應該都應該覺得凍，所以男士們記住提身邊嘅女伴攞返件衫，一坐低佢都比低兩張消毒濕紙巾俾我哋抹手，我覺得呢個位可以加分。老老實實佢份Menu d名真係唔可以令人直接可以order到佢嘅嘢食，你要細心睇佢下面係有啲乜材料，睇咗半日終於叫咗三個餸：牛爽腩粉，西貢火車快，牛肉卷。先上牛爽腩粉，我已經滿頭問號點解會主食先上，算啦我都唔想同佢計較。佢嘅配料同個面係分開上，呢個細心為我覺得係唔錯嘅，因為每一個人嘅口味都唔同，我先試一啖湯，個湯底做得唔錯，河粉嘅軟硬適中，唯一可惜嘅係凍得超快，尤其是頭先講過餐廳內嘅冷氣超級凍，而且河粉本身非常之吸水，所以好快成碗河粉好快就又凍又乾，首先介紹下咩係牛爽腩，牛爽腩係牛肋下兩邊近肚皮位置，而琴日我食嘅牛爽腩肉質很好，瘦肉多過肥肉，完全唔油膩，但係有

推薦指數：🤩🤩🤩🤩舒舒服服歎越菜，fushion得黎又夠地道😛係K11 musea呢間越南餐廳幾掂好坐得好舒服，裝潢設計都好有特別，而且食物水準好有驚喜👍🏻🤤越式生蝦好大碟，同泰式生蝦唔同，呢仲係偏麻油味而且帶點香辣，開胃到一隻接一隻😘牛油果軟殻蟹紙米卷，好健康好fresh! 軟殻蟹炸到脆身，熱辣辣，捲埋唔同配料，好清新🌱墨魚餅，真係有粒粒彈牙墨魚！好好食，煎到表面脆口，但唔會好油膩，味道好鮮，食到真正嘅食材，絕不馬虎👍🏻黎個燒牛肉撈檬😍好好食！撈檬嘅醬汁另上 有好多唔同嘅蔬菜絲，加埋撈檬食，口感豐富味道清新👍🏻燒牛肉更加唔會乾爭爭，仲係非常juicy!好有越南風味最大驚奇係個牛油果🥑smoothie ❤️❤️❤️avocado 超creamy, 味道好濃但又唔會另加太夠糖，好天然原個牛油果嘅味道，打成smoothie超級好飲🤗

又到每星期五的HAPPY FRIDAY,相約友人到現在尖沙咀最出名的K11 Musea!K11 Musea 建在維港旁的優越位置，飽覽整個維港景色！當進到去商場中，一陣芬芳的味道撲鼻而來，第一感覺像去了澳門的酒店商場！不得不提K11 Musea是室內設計，有別於香港其他商場，用一個藝術館的Concept 去設計商場，既創意，又豪華！K11 Musea開設多間不同出名的食肆，今天我與朋友就去食一間出名的越南菜！在疫情下，都有好多人排隊等候，大約等左15分鐘就可以入坐！食越南菜當然要食PHO,我點了生牛肉牛𦟌PHO,湯底濃牛肉味，河粉亦不錯，生牛肉鮮甜，牛𦟌卻有些普通！然後再點了清酒煮蜆，味道尚可，蜆肉亦算鮮甜，有少許沙粒，不影響進食！最後再點了一道越式生蝦，與泰式生蝦不同，是它與醬汁已經撈在一起，味道不錯，但特別注意，這道生蝦剛開始食不辣，但它的辣是後來才感覺到，還是特別辣！

本人得悉K11 Musea近日正在做消費滿$300減$100優惠，BEP的職員沒有主動介紹有關優惠，所以本人便主動詢問職員是否有相關優惠，但收銀員回應：「你要自己去買電話隔離自己搞果喎！我地唔會主動提供架喎!」本人因不是第一次到該商場消費，倒是第一次得到這樣的回應，因為其他餐廳，如：Chatterbox Cafe, Tardemah等，都是餐廳職員主動協助提供QR Code並主動通知客人商場提供有關優惠,所以都不太了解要由顧客去自行到不明確的位置尋求協助!之後,本人都向職員表示平時因由其他餐廳職員協助,所以都想徵求職員協助,最後得到職員的回應是:「平時就唔會架啦!依家無客先俾你(QR Code)架渣!」職員態度相當沒禮貌,在疫情期間,各行各業都共度時艱,都想和家人周未好好吃一頓午餐,卻被得到無禮對待,如果餐廳不想做優惠,可以不做優惠,客人們自己會選擇,但當決定要做優惠,都不等於不用以禮待客,本人沒有給予任何負面態度對待該餐廳的職員,但BEP職員卻給予本人如此無禮對待,真是感到很無奈。

週末到Musea 逛逛，到食午飯時間，帶老公去吃越南菜，BEP 是我一早已收藏的食店，今次是首次去幫襯！疫情下，食店坐滿8成，環境是開揚寬大，不焗促，坐得舒服。餐牌是我喜歡的有圖參看。老公點了丹麥豬扒豬油飯，我就點了牛柳撈檬粉，仲有一杯越南凍啡。 下單不久，上菜非常快，分量很大，好吃😋！整體來說，BEP 很不錯！加在回頭再吃店名單內！個人評分食物🌟🌟🌟🌟服務🌟🌟🌟環境🌟🌟🌟衛生🌟🌟🌟抵食🌟🌟🌟

好耐冇食越南野，呢日行開K11 Musea就去咗BEP Vietnamese Kitchen食。餐廳環境優雅座位寬敞，店員服務不錯安格斯牛肉粉：湯底好味，牛肉份量多，不過部分牛肉唔夠腍香煎墨魚餅：煎得香脆，真材實料好多墨魚肉😋越式蟹肉粉卷：配埋魚餅札肉同生菜，完全冇諗過咁大碟🙄結果食唔晒要帶走。成個感覺唔似粉卷反而似腸粉，唔點醬汁係''完全''冇味的 價錢幾貴，性價比不高.BEP Vietnamese Kitchen📍尖沙咀K11 Musea4樓401號鋪

K11 musea 黎過幾次，裝修真係靚，玫瑰金～餐廳多，開頭係Food court 見到部自動收食盤機，重俾人話大鄉里，我真係未見過嘛～最緊要係嘀商場小精靈啦！又熱心又窩心，有次唔知食咩好，問佢地有邊間介紹，佢重帶埋我地行去間餐廳，又幫我地影相，簡直有海底撈嘅服務質數！今次食完tea 唔想食得太飽，所以係咁依揀間生牛河食下！其實係我眼中生牛河好難整得唔好食，我以前意為牛河湯底係一定要熬一個千年湯底，或者加勁多牛骨，先可以做到，但自從我去過我一個澳洲親戚度，佢自己係屋企，竟然可以煮到一個好濃嘅骨湯，我就知煮野食係最緊要個心！佢有心機煮，就算唔洗千年湯底，都可以好食！有時我地嫌棄連鎖店，唔係因為大財團，係佢地因為要集中管理，所有嘢食不過不失或者落好多味精就算⋯講到離哂題！我想講係！佢碗牛河只係令我好飽！冇一試難忘嘅驚艷！但亦都不過不失～佢隻軟殼蟹反而令我有視覺衝擊！好大！重唔切就上！我暗暗欣賞廚師用食物嘅外觀黎衝出重圍！都係一個有故事嘅廚師！欽敬！

係K11 Musea黎講，呢間係有質素又價錢中等嘅餐廳👍好耐無食過有質素嘅越南菜啦～每次食越南野都會必叫嘅河內三併湯粉（生牛肉、牛腩同牛丸）。可惜想河粉轉其他粉，但呢間無得轉。不過想講嘅係每次我都會另外加辣椒落去，呢間嘅辣椒係堅辣一落碗湯粉到，個湯底已經即刻唔同晒👍唔同平時越南餐廳辣椒無咩辣味。牛丸彈牙好好味必試😍之後仲叫左炒牛肉撈檬，份量好大😝炒牛肉比較惹味，加埋落D魚露同撈檬一齊食配搭不錯👍環境闊落舒適，不過光線比較暗😂下次去K11Musea可以試一試啊

2020年2月23號晚上黎到BEP Vietnamese Kitchen就係尖沙咀Victoria Dockside 4 樓武肺疫情下終於唔洗等位即刻可以入座都去到7 8 成滿揀左以下五款西貢牙車快有蝦片墊底 食左一啖 無乜味 真係用黎墊底雞絲唔會老咸味 炸蒜好香口同脆越式蟹肉粉卷好似廣東腸粉咁 好滑 蟹肉做餡料好多 仲有切絲魚餅同紮肉 生菜拌碟河內魚餅撈檬撈檬汁有d 唔夠酸 魚餅質地好特別 好有咬口 份量夠檬粉煮得夠爽牛油果沙冰 桃蜜熱柑桔係smoothie咁無碎冰牛油果味好濃桃味同柑桔味好夠 沖多半杯都仲得係越南控記住黎BEP Vietnamese Kitchen試返夠本

餐廳門口吸睛處燒豬扒撈檬 $98 + 10%被我用上半瓶的魚露豬扒香味撲鼻, 燒得香口邊脆, 雖然扒邊有少量肥膏, 但入口甘香, 沒有油膩感。豬扒肉厚juicy, 充滿蜜糖味道。與別不同的是, 豬扒大大件, 刻意無切斷, 好讓客人知道是一整片上, 不是隨意執碎件上。食的時候雖然有點不便, 唯有豪邁些, 大口大口吃。檬粉份量大, 加上魚露, 與青瓜絲, 蒜片和花生拌勻, 美味可口。雖然連加一索價$108, 但豬扒確實美味, 路過還是會光顧的。

咁岩去開k11 musea睇野，又有啲想食越南pho，於是搵到呢間餐廳。環境幾好同埋都多人排隊，價錢亦算K11中無咁貴，可以一試。2個人等位快好多，唔駛點等就有位。我同男友兩個都係病病地，食唔油膩既pho就岩哂。我就嗌左個蕃茄蟹湯檬，佢就嗌左個安格斯牛肉粉。偷食左少少，安格斯牛肉粉個湯不過不失，牛肉都大塊而且麵既份量多，一碗都夠飽。但係到我碗蕃茄蟹湯檬就比較失色勒首先，個湯係淡淡既紅色，圖文不符。飲落完全無蕃茄味，令我呢個蕃茄控好失望係清湯然後有少少海鮮味咁。我期望既係酸酸甜甜既味道...有樣好既就係食粉佢會比個細碗但滿滿既蔬菜你，我好怕外食無菜落肚同埋都多蟹腳既，不過多肉既只係得一舊，其他都唔係點啜到d肉。湯麵都仲有扎肉同豬肉丸，但個湯實在唔掂!見有滴漏咖啡，我就嗌左個試試!侍應姐姐話要等5-10 mins，一路滴既時候都聞到好香既咖啡味!係黑咖啡!最底有層練奶，搞拌左會更香~幾好味。呢到既湯麵將近100蚊碗，但又唔係話十分出色，而且我碗蕃茄湯檬仲要無味。。。可能小食前菜個d會好味d既

在2019年12月尾最後的一個星期一晚上選擇和朋友仔飯局聚一聚. walkin兩人，7點即時有位. 看了menu，食物種類也很多選擇.總括嚟講, 食物份量是ok的唔會太少，兩人share食係好ok的. 不過我和朋友叫了4種菜式，大多是淡而無味. 少鹽少味係健康但係無黎味道，最後要加好多酸汁先至覺得無咁伏. 我唯有同自己講也許我點的菜也許不是重口味...建議如果你想坐低傾住計食飯，二人檯係坐得好密，本來我同朋友都好好地邊傾邊食飯，但開始食無幾耐，隔離坐位兩位女士傾計好大聲，周圍環境人滿的情況下，我地傾一句都好似鬧交撞聾咁... 好嘈好辛苦，最後食完快快手閃人. 建議餐廳二人檯係4人檯分出黎係可以隔開少少嘅，過晒我地唔係去左茶記或foodcourt啦！最後，整體服務都ok有禮貌，係用餐的碗碟有水積感覺唔太好. 係K11 musea算係一間價格大衆化嘅餐廳，不過營運上有空間改善會好好多.

雖然尖沙咀開咗新商場，但係總覺得入面啲餐廳都麻麻哋。最後決定咗食吓越南菜係因為呢間之前喺中環都食過。佢亦都算係中規中矩，起碼冇伏先😂😂我哋叫咗一個牛柳粒，一個蟹肉咖喱，同埋一個蒜香炒通菜。牛柳粒係煮得好好食嘅，肉質非常之腍身而且入味。份量就唔算好多不過亦都有配沙律所以都OK而個蟹肉咖喱亦都係唔錯嘅，蟹肉份量合適，咖喱亦都幾香。不過就爭緊份蟹嘅鮮味係個咖喱入面最後就係個通菜，就咁用蒜去炒，個菜唔算好有味，正常啦

中午時間，商場人流唔算多，但餐廳外面有一堆人，攞左飛，我同朋友周圍睇下仲有咩食，由上面行到下面，food court啲野都唔算平，而且坐得唔太舒服，其他餐廳一係無咩人，一係都要排，而且行左成個商場，呢間越南餐廳價位算正常。餐廳啲位都幾大，坐得幾舒服。食物方面：西貢牙車快（$98）個底餅好脆，配埋啲菜食都唔錯，口感都幾豐富，不過啲雞肉有啲少越式蟹肉粉卷（$108）有5條「腸粉」，同埋啲碎碎地嘅菜，有啲一條條嘅札肉同魚餅，唔知係一齊食定係配菜🙈，初時我地都以為用菜包住，但啲菜係切碎左... 唔知咩食法。味道方面正正常常嘅，腸粉皮有少少厚，料唔算多，上枱時粉卷仲暖，如果唔係加魚露，真係好似食緊腸粉😂湯河三拼（$118）有生牛肉，牛爽腩同牛丸，湯河係所有食物裡面最出色，湯底唔錯，幾好味但價錢有啲貴魚餅撈檬（$90）有4塊魚餅，不過啲魚餅味道一般，啲檬粉都幾多，算大碗，整體好一般服務都幾好，姐姐有不斷加水，主動俾碗我地share👍🏼,上菜速度都幾快。