BEP Vietnamese Kitchen 越灶 (已結業)

一路都知BEP既menu入面有一兩款素食，但就一路都冇去，因為唔知啲醬汁有冇動物成份。一般食撈檬落果啲檬汁都係有魚露既，如果餐廳只係想加個「Green Option」，冇認真做research既話，就會做成有素檬但冇素檬汁既奇怪情況。後來得知原來BEP係有素檬汁提供，所以就放心去食。一坐低即刻再確認係咪有素檬汁，等職員confirm左先落單落完單職員好快手就拎左一碗素檬汁過黎，其實我唔係好記得普通檬汁係咩味，所以比較唔到個味道，但素檬汁就甜甜地帶少少酸，都幾醒胃。過左一陣，香脆炸豆腐素檬都送到喇。除左主菜5件炸豆腐之外，仲有啲生菜、蘿蔔、青瓜、蔥同生菜。豆腐炸得幾脆，不過調味唔係好夠，如果鹹少少就好。配菜既比例適中，唔會話得少少菜但勁多檬咁，唔錯。芒果熱情果沙冰都幾好，唔會一大舊冰咁，真係一杯smoothie。整體味道唔錯，但食完我就知錯了，天寒地凍下食凍既撈檬同飲沙冰，真係百般滋味在心頭要等夏天先可以再試依個組合喇。

難得經開K11 MESEA 終於可以嘗試第一間呢度嘅餐廳🍴唔打唔撞見到呢間唔使等位好耐就入咗去試吓..牛油雞翼$68香飄十里牛油香氣離遠都聞得到，煞是诱人🥰外酥脆再配合自製蒜蓉辣椒醬明知熱氣..也按捺不住不停咁食...🤤五花腩米紙卷$86越南彩色決一不可的米紙卷..米紙晶凝通透清楚展現內裏的五花腩肉..食落雅韻淡香一點也不油膩...配合麻醬別具一番風味🥳香茅燒魚$198甘脆的外皮..魚肉雖然有啲老但食落唔會腥又帶有香茅清香...配合特製青檸汁食落更鮮甜更清爽🥰極品風味令人愛不釋手..ㄧ嚐再嚐念念不忘😍蒜子炒通菜梗通菜梗全部都係梗..🙈要食葉就真係要好好珍惜..真係得好小😂食落爽口..但食得多其實個口有啲攰🙈考驗牙力嘅時候🦷

舖店內環境衛生乾淨有一位男員工很有禮貌還介紹椰青我飲叫左個雙拼牛肉牛丸河粉湯底好入味 但又唔會好口渴牛丸好有牛丸味🤡椰青好清甜 椰青肉好簿應該係頂級椰青黎值得一試

Bep Vietnamese kitchen 在k11 musea ，真係值得一試，今日二人食左一個一人餐 set lunch,另外叫咗柚子大蝦沙律 同埋生蝦，講到set lunch 無咩特別，叫河内湯河雙拼，即是牛丸和牛肉，食左一定夠飽肚，我就中意生蝦，個汁撈得好好味，一碟有20隻，都係100左右👍🏻👍🏻👍🏻，柚子沙律都好好食，份量十足，青檸梳打太多青瓜，好多草青味👎👎👎但成間餐廳最唔好就係只限你座75分鐘就要走，仲有啲二人位都唔係座得咁舒服，想傾多陣計咪使指意。

Happy Friday~ 行完K11 musea shopping要醫肚～ 越南野，勁多人排隊，要等十幾張枱～等咗起碼半粒鐘先有位，餓到癲，所以要豪食～先嚟一杯百香果芒果沙冰，芒果味濃郁濃甜，加酸溜溜嘅百香果脆脆核，成個人精神晒～配住油膩嘅沙嗲串燒雞，簡直絕佳配搭串燒雖然三串，但都大大支，好夠份量～主菜食蕃茄湯海鮮檬，有好勁嘅裝飾蟹鉗，好有睇頭～ 但基於係水蟹，鉗係無肉嘅，蟹腳有少少，但水份已經落晒入湯～ 因為咁，個湯超濃蟹味同蕃茄味，超鮮味好飲～蝦肉丸新鮮，好腍，無加化學嘢令佢變彈牙～ 一句講晒，鮮味👍🏻

外賣收到炸軟殻蟹米紙卷，打開直情呆一呆得兩條收左依個價錢😮  餐牌完全圖文不符，而且得兩條餐牌都無寫，$90收到依盒野值唔值得真係自有公論。我就強烈建議大家唔好比餐牌誤導叫左依道菜!!!!!

BEP 位於尖沙咀K11 MUSEUM, 名店林立，特色餐廳亦特別多，FOOD COURT 與一般商場無異，設置於B2 地庫，人流亦比較多。想嘗試一些質素較高的餐廳，就需要於商場各層尋找，BEP 是其中一間特色餐廳。疫情期間餐廳亦認真分隔，食客亦較為安心。簡簡單單的一個下午茶，一份越式牛肉三文治，一客大蝦米紙卷，一杯青檸梳打。越式三文治，麵包外脆內軟，連上菜的碟亦預先加熱，值得一讚。大蝦米紙卷與一般越南餐廳做法有別，一份兩件，原隻大蝦上。總括而言，值得一試的餐廳。

今天到了K11看電影，見網上這間越南菜餐廳的評價很好，所以諗住買外賣回去一是試。外賣已冇任何折扣，豬扒檬粉還可以，但米紙卷的份量真的太少了！不值$90吧！還加了外賣盒$6！

My Vietnamese Night🥢 at K11 Musea💫..越南菜🇻🇳 亦係香港人其中一道熱愛菜式之選。但同樣地，越南菜都一樣有靚裝、高格調既環境，一間裝修別致、室內空間感十足既越南餐廳，置身其中吃飯，真係特別舒適。.今次來到K11 Musea 吃晚餐，就來一個不一樣的Viet Dining。可以舒舒服服吃一頓新派東南亞菜吧。.ll $68Buttered Chicken Wingsll $90Soft Shell Crab Roll ll $78Pork Banh Mi ll $90Tomato Crab Rice Vermicelli in Soupll $48Vietnamese Iced Coffeell $52D24 Durian Smoothie.其中不能試💛榴槤沙冰💛 真的超香濃，很重榴槤奶香，而且少冰口感更像喝滿滿奶昔。若然Durian holic😍 不能不試喔。.而越式🐽三文治🥪，用上烘到外脆內軟法包🥖，包上豐富餡料：超肥美五花腩、肝醬、什錦冷切、自家製酸菜、青瓜、香葉，蛋黃醬，口感好豐富呢。檬粉有別於一般質感，口感較淋滑。喜歡可以加上生菜絲同吃，增加口感

🤩K11 Musea可以話係喺尖沙咀入面商場數一數二，除咗因為佢入面嘅interior design好重未來、藝術感😘亦都因為入面有好多多國菜可以選擇，所以都非常吸引到ONF成日黎行街～⁣🤪🤪今次揀咗4樓嘅BEP Vietnamese Kitchen，試下越南🇻🇳Fusion菜！BÊP佈置都幾有海洋feel，未入去就見到同海相關的藝術品！牆身有好多幅房屋畫作，除咗一貫嘅銅、木元素，仲用咗不同深淺度嘅藍綠色調，拍拖食夠曬情調呀！⁣🥰———————————————⁣🦀🦞下龍灣海鮮湯粉 $98⁣蕃茄蟹湯飲落濃郁但唔會好重味好咸，但鮮味黎講係有嘅！入面有爽口嘅肉丸，唔係出面食開果種！⁣😙😙而且佢粉嘅份量好多，女仔可能要Share先食得曬😏～⁣⁣越式蟹肉粉卷 $108⁣即叫即做的粉卷，食落好有米香，粉卷皮好薄，煙韌。👍🏻👍🏻入面有少量蟹肉、免治豬肉及木耳絲！食落好有口感😻⁣除咗粉卷，伴碟嘅仲有炸魚餅同扎肉，呢個菜都幾飽肚下！抵食！⁣🤙🏻⁣煎三文魚撈檬 $98⁣👻相比其他幾道菜，呢個就較為失望啦！味道係正宗既，三文魚都煎得幾香，但魚肉肉質一般～下次會試番豬扒！😿感覺上都夾啲⁣⁣飲品呢我地兩個就Sh

係呢個咁有藝術感🎨既商場裏面 呢間越南菜感覺都好Fusion🇻🇳裝修好有特色 摩登型格既設計好吸睛🤔 而味道出乎意料 都幾有驚喜😍⭐️ Filet Mignon Pho 🥩 ($98)牛柳講到Filet Mignon 咁誇張🤣 咬落去係比起一般嫩滑既 同埋唔會太多筋🎖 但係牛肉味唔算濃🐂 湯底就不過不失 覺得有點濃🍲 個人比較鍾意清爽D既湯頭 🌿 配菜既芽菜有少少草青味🌱 扣左D份⭐️ Roasted Chicken 🐔 ($186)呢碟烤雞加左好多分💯 一望落去 金黃色既脆皮令我留曬口水🤤 仲要有D位微微烤焦🔥食落焦香脆卜卜 雞肉比面頭既油分滲入曬 特別係雞脾位好嫩滑❤️ 但係又唔會好似比油浸住咁肥 香茅同蔥頭既味道唔會太搶🍃 點一點蔥油更加滋味😍 調味絕對濃淡得宜 比起其他餐廳既烤雞更出色🍗

昨天到咗 K11 Musea 吃越南菜為朋友賀壽，必然之選就係我至愛的牛油雞翼和蒜子炒通菜梗，每次吃都覺得大滿足！ 越南蜜柚燒蝦沙律，大蝦🍤新鮮爽口，柚子鮮味香甜。香芋蟹肉春卷，每卷都份量十足，脆而不膩！ 香茅黑毛豬鞍惹味啖啖肉，河內生牛肉粉依然保持水準！就只有超巨型的炸軟殼蟹可能炸漿過多，不夠鬆脆！🦀整體而言，相當好味！就算 high tea 時段也人龍不絕，記住等齊人先好入座呀，因為進餐時間為 75 mins!

今日去K11 musea閒逛由於之前開幕後都沒有到訪今日算是第一次認真行呢個尖沙咀新地標一踏進商場就有濃濃嘅雲呢拿味，再加上比起同區大膽設計嘅裝橫感覺很新鮮，亦都覺得海港城老了......今日人潮擠湧，到處的餐廳都要排隊。這家也不例外，等了大約25分鐘左右。這碗生牛河非常足料牛肉亦不錯。如細食嘅朋友可以考慮同人share沙嗲雞串燒很好味，雖然只有三串但每舊肉都不細，倒是滿足😌。下次去要預早訂位。因為K11 內餐廳幾乎每間都有排隊。

今日到訪K11 Musea, 想找間餐廳吃午餐，試試這間越南餐廳。這間越南餐廳常常都有不少食客排隊，這一天排隊的客人唔多，不消一會，很快便可以入座。餐廳的裝修以黑色作主調，配上木系的桌椅令空氣的氣氛輕鬆又時尚。座位與座位有足夠的距離，坐得幾舒適。烤牛肉撈檬$90烤牛肉烤得很甘香！牛肉既入味，肉質可算軟身又唔靭，仲有少少肉汁，再加埋爽口芽菜、花生碎、乾蔥、酸蘿白和檬粉，酸酸的醬汁很醒胃，每一口有肉有菜又有粉。整個撈檬都很淸爽，味道幾唔錯。兩拼湯河$108看到湯底很清澈，本以為湯河味道會好淸淡，點知這湯河的湯底味道很不錯，味道幾鮮，而且幾濃郁。牛𦟌雖然唔算好嫩，唔會好鞋，但都幾ok; 而生牛肉薄薄的，索左湯汁，又帶一點肉味，拌上滑滑的河粉，不錯。簡單的越式午餐，十分滿足。

環境空間寬敞、設計有格調、坐得舒服。食物方面除了一般常見的越菜火車頭、撈檬米紙卷等，更有豬油渣撈飯、香茅燒魚等等。越式三文治 (豬肉 | $78)• 法包餡料十分充足：脆五花腩、肝醬、酸菜、青瓜、香葉及蛋黃醬。• 口感有層次，法包和五花腩同樣香脆，五花腩肉味香濃，同時帶點油香，加上各種配菜後，令味道變得非常豐富。• 但是吃的時候有些位置偏咸了一點。越式三文治 (雞肉 | $78)• 餡料有：香茅燒雞肉、牛油果、青瓜、生菜。• 雞肉燒得十分香口帶點焦脆、香茅味道恰到好處。配合牛油果獨特的口感和味道，兩者互相取得平衡，而且有新鮮感。• 牛油果份量少了一點。