BEP Vietnamese Kitchen 越灶 (已結業)

與父母行K11 musea, 想搵一間坐得比較舒適的，見到此店環境不錯，所以試試。首先第一感覺非常良好，因為店員態度親切，服務態度好。環境燈光偏暗，座位舒適，食物整體質素不錯。咖哩蟹肉做得比較出色，淡淡蟹肉，咖哩不太辣，好香，加點一個蒜蓉飽，點住咖哩來吃，非常惹味，我老爸一個人食曬。生牛河不過不失，湯頭還可以。比較特別的係個鑊仔薄餅。 薄餅入面有豬腩肉，蝦，蔬菜等，由於好散，所以食起上來比較唔方便，份量幾大，所以記得要share食呀！

有一日去左呢度食飯，因為有人同女朋友講話好食。兩個人去食，要人齊先入得，由於K11上電梯比較迂迴，所以錯過左幾張枱，都等左一陣。生蝦，印象最深刻，因為98元有好多，都真係多，食極都有。你都知平時去泰國舖係一條蝦一條菜，卡啦卡啦只有幾條。呢度量大贏左，果道亦ok。米紙卷，冇乜特別，正常，普通，冇乜記憶。豬頸肉串燒，好食，肥嘟嘟，彈彈地，可以試下。如果你睇圖見到有個好似好特別，一個煎餅包住果個，你係咪都好想試？我就係睇餐牌見到好似好好食就叫左。結果係，伏左，應該只係唔岩我口味。個煎餅不好食，好粉，冇味。煎餅好似包住啲嘢，只係放喺面度，裏面有一些餸，例如芽菜、海鮮，但係完全好似白烚咁，冇味，我好後悔。榴連沙冰，好好飲，因為好重榴槤味，但飲飲下先發現，原來一啲冰都冇，所以唔好期望係沙冰，佢只係一杯榴連汁。不過，係值得叫的。啤酒，係好正常，增加晚餐的開心度。下次如果諗唔到食乜嘢，都會有興趣再食。

餐廳外觀不錯，相當符合K11本身的風格，內裡不算太大，但高峰時期仍然可以招呼不少食客。|首次光顧，不用等就可以入座，惟一開始已經有不少「餐前小食」散落在桌上的邊緣，就連座位都有。不過在整個自行清理的過程中，職員都未免很不細心，見到顧客自行取出紙巾久久不座，在清理周邊環境和座椅，都未曾提供過任何協助。除此之外，餐廳提供了飲用水，喝了一口才發現杯的邊緣仍然殘留不少上一口用過的漬，而且並不單純出現在一杯中，就連鄰座客人坐下，職員提供的杯一樣有漬。在食物方面，點選了手切手柳河，湯底味道濃厚鮮甜，牛肉嫩滑，河粉亦相當接近越南本土，那種又薄又滑身的河粉，整體味道相當不錯。另外又點選了越式生牛肉，不過沒有太大特別，就像生熟牛肉河中的牛肉一樣，可以不用特別點選嘗試。餐廳食物味道整體良好，只是衛生方面需要大幅改善。

第一次嚟K11 MUSEA，糾結一輪決定試越南菜。點了番茄湯軟殼蟹湯檬，燒牛肉撈檬，牛油果米紙卷，同牛油果沙冰。湯檬味道唔錯，如果軟殼蟹係炸的會更好味。燒牛肉好味，不會很老，味道剛好。米紙卷略為清淡，如果係燒牛肉應該會更惹味。最驚喜係牛油果沙冰!飲落去感覺唔似係沙冰，好濃郁既牛油果，相信鐘意牛油果既一定會喜歡

We did not make any reservation as it was a Tuesday night visit. The place has good atmosphere, presenting dim lights. Seats are comfortable at the same time. Food quality is okay and price was not too bad. Though we could not recall anything worth trying coming all the way from away... I would say it is a good place for friends to gather at a affordable price.. but do not come for food...

特別過來試新餐廳，味道很不錯，portion 有點大，Vietnamese pho 味道ok 湯夠香也未有覺得特別多味精。越南生蝦，好似泰式，我很喜歡💕通菜也炒得非常好！非常值得去的一個午餐地點🤩

上星期同朋友行下街睇戲食個飯，去個新商場行下，行行下有d餓。呢個商場又多選擇好多美食😋😋😋但最後入去呢間店食，點解？因為佢地既店舖都幾靚幾吸引到我同朋友入去試吓。平時好少會食越南野🙈🙈🙈原來越南野都幾好味😛😛😛我同朋友都覺得呢個唔靚牙，又大份又飽。不過係有少少油左d🤪🤪🤪都幾可以既呢個係牛油果冰，睇個賣相麻麻地， 結踢踢，如果真心好中意食牛油果既人可以試吓。必食！！！！！辣得好正牙😋😋🥰🥰

⚠️食物：⭕️燒豬扒撈檬 $98燒豬扒肉質鮮美，但撈檬感覺好普通，同出面相比，差了一大節。可能期望太高，有點失望⚠️環境：優雅 舒服 ⚠️價錢：$98 下次未必會想再試...

一班好友想吃好味但又不肥膩的生日晚飯，試下K11 Musea的新開的越菜BEP. 食物質素和味道好, No MSG; 價錢在這高級商場是非常合理，不貴，最值得一讚再讚是樓面的各位侍應生(包括黑西裝褸的經理)的服務態度都很好，helpful, 有禮貌、有笑容。唯一可以改善的地方是:1)應接受訂座2) 就算要現場排隊才可入座，也應該多過一半人便可入座。先來的餓了可食住等，又可以叫定嘢食先，後來的一來到就有得食。我們一行7人，4個超級肚餓的人約6:15pm便到攞位(因沒有訂座服務)，乾等超過半小時才可入座(餐廳內當時有大枱位)，就是要等埋開車後來的人來到。(須知道尖沙咀最近屬交通"高危"區，加上找不到電梯去5樓，去了7樓又找一大餐才來到餐廳)For BEP management's consideration....The traffic going to K11 is a bit tricky these days, pls be more flexible about your seating arrangement for customers in big group who cann

上一次來K11 musea, 去了很多人打咭，有好多玫瑰的cafe, 今次本想去食海南雞，但人太多，最後見到有越南餐館，就去了BEP。等了一陣就有位，座位寬敞，侍應服務也非常親切，她看見小朋友睡了在bb車，俾了一個可以放bb車的位置我，讓我可以安心食一頓午餐。我們點了香煎墨魚餅、越式生蝦、牛爽腩粉、雞絲河粉和一個蓮藕沙律。😍 雞絲河粉- 有淸甜的雞湯味，雞絲粉量適中，值得一試🦐 越式生蝦- 以青檸汁、香葉、薄荷葉和辣椒伴生蝦，汁帶酸酸，開胃醒神，充滿九層溚的香味，雖然有很多香料，但蝦仍有一點點鯹味🐂牛爽腩粉-不過不失，價格頗貴🥬 蓮藕沙律-有薄薄炸的蓮藕片，也有細細一支支口感非常爽的小蓮藕，也是加入青檸汁和香葉，味道ok ，可以試試。原本想食蜜柚燒蝦沙律，但賣晒，下次早點來試。

星期六下午約左兩位朋友在K11 下午茶點知行左兩間想食既餐廳都大排長龍朋友因為岩岩收工吾想等簡左一間無咩人排隊既越南餐廳等左十分鐘就有位餐廳坐位都幾闊落，幾岩女仔傾下計我地三人一共叫左三款野食share1.牛肉串燒 $90呢個串燒係甜甜地有d似叉燒咁不過比叉燒冧d幾好食2.燒牛肉撈檬呢個個牛肉同串燒一樣的早知叫第二款餸試多款不過一樣都幾好味加左個汁吾係好酸好濃味個d所以食個時要加好多汁3.牛三寶河呢個就比較普通無咩特別吾係好好食又吾係難食係個湯吾係好熱 但幾好飲 過得去總括黎講呢間餐廳都偏貴三個人 係叫飲品都$110 一位仲要食吾飽 我地之後仲去左對面食甜品😅

最近約人在九龍區開會， 我都會推介在Musea, 因為人較少，今日開完會想搵啲濕濕地嘅野食， 事關我有點感冒， 人地帶我去越南pho。我點了個三拼pho, 個湯底唔錯， 幾清甜， 不過食得出有味精， 但唔嚴重。Pho嘅質地幾彈牙， 牛爽腩同牛肉也很出色。最愛佢地嘅牛丸， 好彈牙， 咬開見到入面就知真材實料。每次食越南菜， 我都必點越式滴漏咖啡， 越南咖啡有種特有嘅甘香，雖然我盡量戒甜， 但飲這個咖啡一定要加練奶先至match。

好驚喜呀！K11 Musea食野間間都貴貴地，仲好多人。 間間都要等位，反而呢間越南餐廳一去到就有位，可以入去坐低，仲有安排好舒服卡位比我地。食左５樣野：河內蕃茄蟹檬，牛油雞翼，西頁牙車快，春卷，軟殼蟹米紙卷。西頁牙車快　越南春卷　Ｄ菜切得好細塊，無辦法包住春卷黎食，只可以一啖春卷一啖菜不過可能而家唔興包住黎食掛。。。牛油雞翼好香好脆，但欠缺牛油香味。軟殼蟹米紙卷1碟4件，太餓所以食左先記得影。。。正常野，不過不失～side-dish菜量好多～河內蕃茄蟹檬蕃茄味唔算太濃，剛剛好入面有蟹膏蟹肉，蟹味濃郁， 好食

新K11商場 終於面聖一下！商場個裝修都幾靚！行完商場 醫下個肚先😂😂見間餐廳裝修幾靚就入去啦！越南野 但有泰國味道既生蝦食😂😂好抵食 一碟有成十幾二十左右 好味🤗🤗牛肉沙律都吾錯 不過稍為甜左啲 價錢都算公道丫

一行六人很久沒聚一聚，選了一個星期六的晚上到此新開的越南菜相聚。同行的都是很愛吃美食的，每次見面都是吃吃吃。價錢是中上的，畢竟是尖沙咀。值得一提的是榴連沙冰，味濃又不太冰凍！是榴槤必點之選。朋友點熱情果沙冰及牛油果沙冰也說味道很好！要讚賞餐廳不會放太多冰導致飲品過凍！另串燒也不錯吃，三款也各有特色，首推豬頸肉，超好味另生蝦刺身好抵食，而沾醬調得剛剛好反而炒芥蘭偏甜及咖哩蟹沒太濃味。人均約300蚊，個個捧腹離開❤️順帶一提 環境裝潢得很有格調。