Be Leaf (已結業)

今日嚟到觀塘食嘢，呢度好多嘢食，今日特別想搵間靚Cafe同老公嚟食嘢，所以今日嚟咗be leaf，每次經過呢度都俾個大門框吸引，所以今次一定要嚟食吓嘢！我哋叫咗幾樣嘢食，水牛芝士巴馬火腿無花果沙律，由於太肚餓嘅關係，一上菜已經食到一半先至記得要影相！可想而知幾吸引！啲菜都好新鮮，冇苦味，食落脆卜卜，好爽口！夾巴馬火腿嘅沙律比較少見，但都幾好食幾match！另外，仲叫咗香煎牛小排紅咖喱意大利飯配鵝肝，成件事好高級好正，賣相都好吸引，牛小排整得剛剛好，好嫩滑好多汁，另外鵝肝撈埋啲飯食令到個飯再滑好多，如果齋食就覺得有少少溜啦，整體都好食好食！最後梗係要叫返個甜品啦，我哋叫咗椰香朱古力花生醬牛角包窩夫配雪糕！花生醬配朱古力呢隻味好正，不敗之選！再加埋雪糕個口感，簡直係Perfect match！最後我哋仲叫咗兩杯嘢飲，一杯係糖餅咖啡，老公話呢杯嘢飲好正，第一次有糖餅喺杯咖啡上邊，啲糖餅溶咗落咖啡入邊甜甜地幾好飲！而我就叫咗洛神花茶，開胃解膩，酸酸地，又可以消脂減肥！正！

觀塘多嘢食就係人都知，我就搵到個嘢食又好味，打卡影相又靚嘅Cafe！香煎安格斯牛小排野菌菠菜酸種麵包配炸薯條牛小排好香牛味，但最令我驚喜嘅係薯條，條條鬆脆，食到停唔到！自家制焦糖餅咖啡朋友最鍾意飲甜嘢，呢個焦糖餅唔係死甜，反而係好香焦糖味，正呀！和風味噌燒特級豬梅扒配菠蘿蜜桃醬平時我唔太鍾意食豬，因為怕有鬚味，但呢個豬扒配上蜜桃醬，酸酸甜甜好開胃！法式焦糖卡士達梳乎厘班戟甜品可以話係每餐嘅必備，我就鍾意食焦糖，所以就試試呢個疏乎厘班cake，佢唔係空氣疏乎厘嗰種，而係好有口感，食完超級滿足！

近日我造訪了位於觀塘的「be leaf」餐廳，這家餐廳以裝修花草系主題打造，讓人有種置身於旅行中的感覺。首先，我點了餐廳的招牌菜之一——水牛城雞翼。這道菜以香煎的方式烹調，雞翼表面酥脆，內部肉質鮮嫩多汁。它的調味料相當獨特，帶有一絲微辣的風味，讓人回味無窮。接著，我嚐試了他們的北海道刺身帶子黑蒜黑松露野菌忌廉意大利飯福袋。這道菜以帶子為主角，搭配黑蒜、黑松露和野菌忌廉，味道豐富而濃郁。意大利飯福袋則是軟嫩可口，充滿了忌廉的香氣，給人一種奢華的享受。餐廳的另一道招牌菜是火熱皇牌椰香叻沙波士頓龍蝦海鮮盤。這道菜以波士頓龍蝦為主要食材，搭配扇貝、粟米、青口、蝦和蜆肉等海鮮，形成了一道豪華的海鮮盛宴。叻沙湯底酸辣開胃，椰香的味道令人陶醉，讓人愛不釋手。最後，我品嚐了他們的熱飲之一——黑糖焙茶鮮奶。這杯飲品結合了黑糖和焙茶的香氣，加上鮮奶的濃郁口感，帶來一種獨特的風味。這杯熱飲適合在冬天享用，讓人感到溫暖舒適。總結來說，「be leaf」餐廳以其獨特的裝修風格和精緻的菜餚贏得了我的讚賞。水牛城雞翼香脆多汁，北海道刺身帶子黑蒜黑松露野菌忌廉意大利飯福袋口感豐富，火熱皇牌椰香叻沙波士頓龍蝦海鮮盤則是

觀塘區出名多嘢食，放工剛好經過呢間裝修好有特色嘅餐廳，就即管入去試吓。蒜香牛油聖子配蒜蓉包：香濃嘅蒜蓉包配上大大件嘅聖子，一道開胃，觸動味蕾嘅前菜。香脆酥炸雞翼：香脆而保留到肉汁外皮炸粉唔會太厚，配上芥末醬，每啖都係邪惡嘅滋味。軟殼蟹溫泉蛋芝士忌廉意粉：芝士配上忌廉，比起前菜更加邪惡。每一啖意粉都好creamy同濃郁，意粉嘅軟硬度適中，配上溫泉蛋減少肥膩感。軟殼蟹份量都頗大，十分有誠意。香芋特飲：萬聖節限定嘅飲品，香芋味濃郁，亦唔會太甜。難得放縱一次當然都唔會走cream啦。黑芝麻咖啡：萬聖節嘅特限定飲品，拉花又幾鬼馬。黑芝麻杯咖啡又估唔到幾夾，不妨試一試。最後當然係甜品啦，為呢一餐畫上完美嘅句號。焙茶巴斯克微焦芝士蛋糕，焙茶味香濃加上微微燒焦嘅表層令芝士蛋糕嘅味道更加昇華。整體而言，餐廳嘅地方鬆動，富有特色，令人放鬆。食物嘅質素唔錯亦都對得住價錢，性價比高，值得一試。

之前同事不停向我地介紹觀塘有間好靚可以打咭既餐廳，野食又好好味，所以今日約埋放工一齊去食晚飯。一到餐廳門口就知道同事點解話好岩打咭，餐廳裝潢到好靚好少女，岩埋我地啲港女打咭post 社交平台。前菜我地叫左水牛芝士巴馬火腿無花果沙侓，芝士加埋火腿真係好夾，火腿咸味俾芝士中和番，咸道岩岩好，無花果又好甜。主菜係香煎牛小排紅咖哩意大利飯，呢道真係好推薦，好~好~食~!靚牛肉黎，好中意佢個意大利夠辣，咖哩味又唔會過份出，奶香味都仲好重，黎到真係要試試。聽講呢間梳乎厘都出名﹐我地都有叫左法式焦糖卡士達梳乎厘班戟，班戟好香蛋味，有空氣感，上面焦糖卡士達醬又唔會好甜岩岩好~飲品 – 焦糖餅咖啡 : 咖啡質素唔錯，聽講上既焦糖餅係佢地自家制，搞均同咖啡一齊飲，令杯咖啡風味提升               陳皮洛神花茶: 酸酸甜甜，飲落有陳皮味，足料開胃又養生

經過觀塘發現這間門面很吸引的cafe便入來一試，我們沒有很餓，所以只點了兩款主菜。我們點的薄餅配上鴨肉，很特別，鴨味亦沒有很羶，份量對沒有很餓的我們是剛好的。另要了牛小排紅咖喱意大利飯，牛排很入味，煎得剛好，加上咖喱味道帶辣。最好甜品要了梳乎厘班戟，份量很夠。飲品有很多選擇，我們要了焦糖咖啡和薑蜜茶都不錯。🥂香蔥鴨肉芝士墨西哥薄餅 $98🥂香煎牛小排紅咖喱意大利飯 $188🥂提拉米蘇梳乎厘班戟 $128🥂薑蜜紅茶 $48🥂自家製焦糖餅咖啡 $58

最近同朋友約咗去觀塘嘅Be Leaf，呢間餐廳環境好舒服，餐廳設計得好靚，有好多位岩打卡😍 位好坐，啲位又有適當嘅距離，好舒適！呢度嘅音樂輕柔，音量岩岩好👍🏻慢煮烤豬肋骨甜酸醬配薯條🍖呢個慢煮烤豬肋骨真係好好味！豬肋骨慢煮得好入味，肉質鮮嫩多汁，輕輕一撕就骨肉分離。甜酸醬嘅味道濃郁，帶出豬肋骨嘅香味，配埋脆卜卜嘅薯條，真係無得頂👍🏻幾鐘意兩個套餐都會配埋蛋糕仔同埋濃郁嘅忌廉湯👍🏻香煎帆立貝日式咖哩意大利飯🍛香煎帆立貝煎得恰到好處，外脆內嫩，配上濃郁嘅日式咖哩汁，味道真係好豐富。意大利飯煮得粒粒分明，吸收晒咖哩嘅香味，每一啖都充滿層次感。呢個菜真係幾有驚喜，特別係嗰個咖哩汁，令整體味道更加突出！不過如果本身唔係特別好咖喱，呢個可能對其他人黎講會濃味啲～陳皮洛神花茶🍵陳皮洛神花茶嘅味道好清新，洛神花嘅酸味同陳皮嘅香味配合得好好，飲落去好解膩。呢杯茶真係好適合食完豐富嘅主菜之後飲，令人口感清爽，仲有助消化👍🏻自家制焦糖餅咖啡☕自家制焦糖餅咖啡真係唔錯！咖啡香濃，帶有微微嘅焦糖甜味，配埋自家制嘅焦糖餅，味道岩岩好。呢個組合係完美嘅甜品同咖啡享受，令整個用餐體驗更加圓滿😋

呢間網紅餐廳bookmark左好耐都未去，今次終於揾到時間去啦！行到門口已經比D裝修吸引眼球，好多打卡位。不過裏面座位就比較密，空間無想象中甘濶落。中午時間已經8-9成滿，可見其受歡迎程度。食物都不錯，飲品多姿多彩有gimmick適合打卡~🦐大蝦蟹肉黑松露意粉呢個意粉好香黑松露味，配搭蟹肉好鮮甜。可以一試。🐖和風味增燒豬扒豬扒相對上比較多肥肉，不是黑毛豬喔~不過味道都不錯的。☕焦糖餅咖啡咖啡比較有驚喜，topping係焦糖餅。好有gimmick而且齋食都好開心。而咖啡都比較香濃！🍹Grapefruit Summer Soda解暑一流的飲品。酸酸甜甜顔色又鮮艷~值得叫。

🌴峇里風寵物友善嘅Cafe🐨#foodxxe_觀塘#foodxxe_西式⭐️整體⭐️✔️所有食物 無論意粉/主菜/甜品 都好高質！❤️✔️峇里風 充滿花花 打卡一流 🥰✔️有加一🤫雙人枱較細🦐香煎大蝦手拆蟹肉黑松露意大利麵🦀 $128+68（套餐）✔️套餐包左嘅餐湯係蘑菇湯🥳 蘑菇味好出 香濃😋✔️ 大蝦同蟹肉都好足料！😍 好鐘意意粉嘅配料有多過一款🤩✔️重黑松露味🙂‍↔️岩曬黑松露控🤓🐷和風味噌燒特級豬梅扒配菠蘿蜜桃醬🐷 $158✔️未！食！過！咁！好！食！嘅！豬！扒！✔️ 豬扒厚切得黎 好Juicy嫰滑😍✔️菠蘿蜜桃醬十分開胃🫶🍮法式焦糖卡士達梳乎厘Pancake🍮 $128✔️呢款梳乎里Pancake比其他餐廳實淨 但就充滿蛋香 食到好滿足🤩✔️卡士達醬唔會太甜😻回頭指數：4.8/5
食物質素：4.7/5
性價比：4.6/5環境：4.8/5人均消費：HKD 250📱搜尋:#Foodxxe_PekoPekoEatery💻分類:#Foodxxe_restaurant多謝您睇到呢道❤️⚬⚬今次去嘅店鋪資料⚬⚬名稱：Be Leaf @beleaf_cafe 地址：觀塘敬業街55號皇廷廣場地下2號舖電話：2152 289

終於嚟到呢間傳說中嘅打卡餐廳，門口環境已經見到好靚，入面裝修得都好適合打卡，仲要係寵物friendly，可以帶貓貓狗狗一齊黎。今次叫咗三樣嘢食，1.水牛芝士巴馬火腿無花果沙律首先有個水牛芝士巴馬火腿無花果沙律，賣相都好靚，味道都好清新配合得唔錯，啲水牛芝士大大嚿，好夠飽。2.牛小排紅咖喱意大利飯另外仲叫咗個牛小排紅咖喱意大利飯，啲牛小排生熟到啱啱好都幾嫩滑，個味道酸酸甜甜加少少辣辣平衡得幾好，入面有芝士，蕃茄同菠蘿，唔好望佢細細份咁都幾夠飽。3.焦糖卡士達疏乎厘班戟之後就係睇餐牌已經好期待嘅甜品，焦糖卡士達疏乎厘班戟，一上枱已經聞到好香嘅蛋香味，個班戟好厚好鬆軟，又夠晒香甜，有啲餅碎增加返啲口感，做甜品收尾，好滿足，同埋又好飽，佢啲醬又夠晒多，打卡影到佢啲相流晒出嚟好吸引。飲品就叫咗個陳皮洛神花茶同埋焦糖餅咖啡，個陳皮洛神花茶嘅茶壺同茶杯造型好特別，陳皮洛神花茶感覺都幾消滯幾開胃，酸酸地中間又有少少陳皮嘅甜香味，個焦糖餅咖啡嘅焦糖餅好脆，甜到啱啱好，食少少之後塞埋杯咖啡入面，杯咖啡即刻加咗焦糖味。整體嚟講都幾滿意，啲位又好坐，又好適合打卡，食物質素都幾好，配搭幾特別。

今日同閨蜜一齊去一間特色餐廳食飯，間餐廳名叫Be leaf.一去到間餐廳，就見到好靚門口，進一步就有一個好大嘅搖籃，籃邊配上粉紅色嘅假花，十分奪目。見到咁有特色嘅打卡點，我同朋友都即刻喺點餐前影返幾張靚相。到食物方面我哋點咗自家製焦糖餅咖啡同埋西柚夏天蘇打。自家製焦糖餅咖啡，佢個餅係可以溶於咖啡，令到個味道層次再提升。但我會建議先飲一啖未溶化之前嘅咖啡。好似拿鐵咁嘅口感絲滑香醇，淡淡咖啡甘香。然後再攪溶焦糖餅帶入甜絲絲的口感。味道由淺入深，層次感豐富。而西柚夏天梳打，鮮艷嘅顏色1十分配合夏天的主題。酸甜的西柚汁及葡萄汁，的確令人相當開胃。而主菜和風味噌特級燒豬梅扒配菠蘿蜜桃醬，豬梅扒嘅嫩滑，但少許外皮嘅焦香食落幾有口感。而蜜桃醬一啲都唔甜因為有菠蘿嘅配搭味道酸甜可口。兩者配搭起來，令豬扒多咗一份清新嘅口感。另外有份香煎大蝦手拆蟹肉金沙鹹蛋黃意粉. 鹹蛋黃嘅香口配上濃郁嘅芝士味，口感相當豐富。嫩滑嘅蟹肉滲出一絲絲蟹肉香味猶如畫龍點睛，再次提升意粉嘅層次口感。整體嚟講環境同食物都相當不錯，不失為一個傾偈休憩嘅好地方。

又嚟到觀塘，呢間餐廳出名裝修靚有特色，餐點質素亦一啲都唔差，一於嚟食晚餐加打吓卡！ 香酥魷魚泰式柚子沙律柚子沙律好清新，同時有泰式香草同椰汁嘅香味，炸魷魚酥脆有咬口，好豐富嘅味道。 香煎牛小排紅咖哩意大利飯(加鹽燒虎蝦)紅咖哩微辣可以降低意大利飯嘅飽滯感，牛小排多汁鮮嫩，加咗嘅虎蝦幾爽口。 提拉米蘇梳乎厘班戟試吓廚師推介甜品，梳乎厘好香蛋味，tiramisu醬多到滿瀉，每一啖都係強烈嘅tiramisu味班戟。 自家製焦糖餅咖啡焦糖控必選！焦糖餅就咁食又得，等佢慢慢融化落咖啡度又得。 Grapefruit Summer Soda葡萄柚味道勁濃，清爽解渴。

Be Leaf📍觀塘敬業街55號皇廷廣場地下2號舖今日，與閨蜜到位於觀塘皇廷廣場的be leaf餐廳一齊歡度520。 呢度既佈置真係好靚，好多打卡位。店內環境清幽雅致，裝修簡約大方，配以木質元素，營造出溫暖舒適的氛圍。露天座位區更能欣賞到周遭的綠意盎然，置身其中頓時心情愉悅。 服務人員也相當親切有禮，為用餐增添了不少愉快的體驗。除了靚既環境，be leaf每一道菜式賣相都相當吸引。水牛芝士帕馬火腿蕃茄法式三文治層次分明，材料新鮮，芝士和火腿的鹹香完美融合，蕃茄的甜味更平衡了整體味道。香辣白酒牛油抄手拆蟹肉珍珠柱貝意大利麵，麵條口感非常不錯，細軟Q彈，蟹肉同柱貝相當鮮美。自家製焦糖餅咖啡，咖啡濃郁醇厚，望住焦糖餅慢慢溶入咖啡泡，絕對是視覺的享受。碟豆花葡萄柚夏日梳打無疑是清涼解渴既１個好選擇，甜度剛好，顏色配搭美絕了。服務員相當貼心，當我們請她為我們介紹甜品時，除了提議了招牌菜，法式焦糖卡士達梳乎理班戟外，還體貼的告訴份量頗大，建議我們可以分享１份，果然這個即叫即造的梳乎理班戟名不虛傳，內餡細膩綿密，入口即化，讓人回味無窮。

係觀塘都好多年 除左餐廳環境好岩打卡 食物質素都可以 同朋友食生日飯都係一個唔錯嘅選擇叫左個主食同甜品佢梳乎厘可以寫字 有祝福嘅話語可以係落單個陣mark底法式焦糖卡士達梳乎厘班戟班戟幾鬆軟蛋味好重好香 面頭焦糖帶小小苦中和卡士達嘅甜度 仲布D餅碎口感好豐富牛小排紅咖哩意大利飯牛脂好香 紅咖哩意大利飯呢個配搭好特別帶有小小辣度 芝士味都好重好香香蔥鴨肉芝士墨西哥薄餅芝士味為主 個薄餅皮有小小酥皮嘅感覺 水牛芝士巴馬火腿無花果沙律好多料 啖啖都有水牛芝士同巴馬火腿好fresh調味都係以橄欖油為主焦糖餅咖啡非常好飲的啡 甜度主要黎自上面嘅焦糖餅

間舖頭距離地鐵站有段距離，行嘅路程比想像中遠。到咗之後餐廳睇落好似好多位，但係又要求客人坐埋一邊，感覺好似好窄，係香港服務既一種。到食物方面，食物味道一般，無咩味。焦糖疏乎厘由於個底燶咗，感覺好似有張紙係下面，個疏乎厘仲要無咩焦糖味🙂最重要係每次食完嘢，服務員都好心急想收走枱面上嘅嘢，當你傾傾吓偈，突然有個人伸隻手埋嚟攞，講收野，我仲食緊個疏乎厘想要點醬，佢都想就咁嚟拎走，要叫住，感覺好似去緊茶餐廳咁樣😌但係價錢埋單要五百幾蚊。完全體會到香港服務行業真心趕客咁😊我自己就唔會再去呢間野，希望有人識欣賞🫡