Be Leaf (已結業)

之前同事不停向我地介紹觀塘有間好靚可以打咭既餐廳，野食又好好味，所以今日約埋放工一齊去食晚飯。一到餐廳門口就知道同事點解話好岩打咭，餐廳裝潢到好靚好少女，岩埋我地啲港女打咭post 社交平台。前菜我地叫左水牛芝士巴馬火腿無花果沙侓，芝士加埋火腿真係好夾，火腿咸味俾芝士中和番，咸道岩岩好，無花果又好甜。主菜係香煎牛小排紅咖哩意大利飯，呢道真係好推薦，好~好~食~!靚牛肉黎，好中意佢個意大利夠辣，咖哩味又唔會過份出，奶香味都仲好重，黎到真係要試試。聽講呢間梳乎厘都出名﹐我地都有叫左法式焦糖卡士達梳乎厘班戟，班戟好香蛋味，有空氣感，上面焦糖卡士達醬又唔會好甜岩岩好~飲品 – 焦糖餅咖啡 : 咖啡質素唔錯，聽講上既焦糖餅係佢地自家制，搞均同咖啡一齊飲，令杯咖啡風味提升               陳皮洛神花茶: 酸酸甜甜，飲落有陳皮味，足料開胃又養生