Be Leaf (已結業)

又嚟到觀塘，呢間餐廳出名裝修靚有特色，餐點質素亦一啲都唔差，一於嚟食晚餐加打吓卡！ 香酥魷魚泰式柚子沙律柚子沙律好清新，同時有泰式香草同椰汁嘅香味，炸魷魚酥脆有咬口，好豐富嘅味道。 香煎牛小排紅咖哩意大利飯(加鹽燒虎蝦)紅咖哩微辣可以降低意大利飯嘅飽滯感，牛小排多汁鮮嫩，加咗嘅虎蝦幾爽口。 提拉米蘇梳乎厘班戟試吓廚師推介甜品，梳乎厘好香蛋味，tiramisu醬多到滿瀉，每一啖都係強烈嘅tiramisu味班戟。 自家製焦糖餅咖啡焦糖控必選！焦糖餅就咁食又得，等佢慢慢融化落咖啡度又得。 Grapefruit Summer Soda葡萄柚味道勁濃，清爽解渴。