반찬앤쿡 Banchan and Cook (太古城中心)

營業中

休息中

希望大家可以睇晒🙏🏻第一次寫咁詳盡嘅負評👎🏻本身九龍人，星期六咁啱過咗海去太古城商場行街就諗住喺嗰度食埋linner😋行到咁上下，經過一間外觀都幾靚嘅餐廳，醒起之前有KOL介紹過呢間係食韓國菜話幾好味，又見佢weekend竟然無咩人，所以就諗住試吓啦🧐我同朋友企咗喺門口諗住等位都一段時間，但係完全無人理我哋，唔知入面啲員工做乜🤷🏻‍♀️眼見on stage嘅員工其實都算多，本身諗可能間餐廳嘅service要求好高所以就請多啲人🤨如果餐廳入面好忙都算啦，但係嗰日嘅員工一係就幾條友衝去一齊執一張2人枱，其他就企喺度傾計(食完先知原來佢哋根本唔需要serve客人，唯一嘅工作就只係執枱同帶位都可以扮睇我哋唔到)🤷🏻‍♀️咁等咗一陣見無人理就諗係咪要自己行入去揾位啦，點知想行入去嘅時候，個cashier喝住我哋叫我哋出返去排隊(利申出面係無人等緊)🥴我哋心諗頭先都企咗喺門口咁耐無人理我哋先自己行入去，洗唔洗咁無禮貌喝人🤯重點係被佢喝完之後，我哋都乖乖哋出返去排隊，但結果都係要等多10分鐘先終於有人問我哋幾位☺️第一次嚟，坐低又無人同我哋講原來呢度係self service好似food court咁，搞

最近真係好想係咁食韓國菜，所以又忍唔住去食下🇰🇷.慢煮羊膝配薯條🐑羊膝煮到軟冧，輕易切開🔪醬汁帶少少蕃茄味🍅另外有原個烤蒜🧄蔬菜🥕🥬同薯條🍟.甜辣無骨炸雞(半份)🍗醬汁偏甜微辣🌶炸雞香脆可口😆表面有少量果仁同年糕🤍好好味😋另外附上紅菜頭沙律🥗.烤牛肉蛋包飯🍳滑蛋熟度剛好👍🏻烤牛肉入味🐮再埋牛肉炒飯🍚好豐富🤤.韓式雜莓牛角包窩夫🧇酥皮式窩夫鬆化🥐 牛油味香🧈表面有肉桂同蜜糖 🍯配上酸甜雜莓🫐.熱濟州綠茶鮮奶🍵綠茶味濃郁清香☺️.士多啤梨紅桑子梳打🍓青檸紅桑子加上梳打🍋清新解膩

今日趁我和朋友有空閒的時候咁岩經過去咗太古城第一間餐廳因為見到佢嘅裝潢好特別，而且又係食韓國美食嘅餐廳，覺得好新鮮同吸引，好想嘗試一下，於是就入咗去啦未入到去之前就發覺佢嘅裝潢充滿日系風格，但原來佢係一間韓國式嘅餐廳，入到去嗰陣原來發覺佢係自助形式嘅服務去運作嘅之後我哋去櫃檯嗌左一個泡菜燉五花肉蛋包飯，個蛋包飯好甜啲飯好軟林林，同埋啲泡菜好辣好夜魅啲唔花肉好淋可能咬口。我同朋友另外嗌左一個燒醬油黑毛豬配生菜，每一個黑毛豬嘅厚度係啱啱好，脂肪同埋肉嘅比例係亦都係恰到好處嘅，咁就將啲黑毛豬就擺喺個生菜度，生菜會可以令到個黑毛豬冇咁油膩，另外都仲可以落啲豆瓣醬去調味。之後我同朋友就嗌咗個炸雞牛角包窩夫。炸雞落咗啲蜜糖粉，牛角包咬落去嗰陣好油一層嘅酥皮，好鬆脆，個感覺就好似喺聖誕節食甜品嘅感覺一樣，口感非常特別。最後我同朋友嗌左兩杯凍飲，一杯係溶化朱古力，另外一杯係士多啤梨紅桑子梳打。朱古力嘅感覺有啲甜，但又有少少泡沫嘅感覺，入口即溶。梳打入面有青檸，有粒紅桑子，令人驚喜嘅佢亦都有士多啤梨嘅香味夾落去嗰個梳打水會有特別嘅味道。

呢日見到太古城新開左呢一間鄺國餐廳，見到佢裝修幾別緻高雅，充滿着乾花嘅擺設，氛圍一流，所以就入去試咗呢間餐廳。只見佢嘅位置都算10分寬敞，坐得舒服。特別之處係呢度餐廳以自助形式，有freeflow 既飲用水，但係自助bar都算幾乾淨!見到佢嘅Menu都係主打蛋包飯，同埋款式配搭新穎特別嘅菜式，幾有特色！黑松露野菌蛋包飯鍾意食黑松露嘅朋友唔可以錯過呢一個餐。除咗佢有滑蛋之外，大大塊嘅黑松露片喺上邊點綴，10分罕見。而且惹菌汁唔算特別好濃味，唔會驚太鹹，不過配合埋滑蛋一齊食都算配搭。份量來講佢算幾大，而且惹菌汁裏便加咗芝士，一個女仔食都會覺得好飽同埋會有啲滯。不過整體係驚喜！芝士泡菜紫菜包飯泡菜紫菜包飯上面有濃濃嘅芝士，好邪惡啊！份量適中，不過味道芝士同微微嘅泡菜辣10分相配。濟州綠茶鮮奶溶化熱朱古力只覺得杯綠茶鮮奶有濃濃嘅抹茶味，不過勝在唔會太甜，亦唔會滯。熱朱古力亂粒粒適合冬天飲。Conclusion: 呢間韓式餐廳無論係環境，食物配搭同埋質素，都會令人覺得置身於韓國。而且環境舒服燈光柔和，款式新穎有驚喜，一定會再返嚟。

上次食過 Ban Chan&Cook 銅鑼灣店，覺得好好食又抵食，今日係太古度行街，夜晚搵食經過唔想諗就食多次啦😆就黎halloween，換咗新餐牌😍黑色海鮮蛋包飯 $125朋友點咗呢個蛋包飯，因為我同佢講上次食過好好食🤣今次都keep到水準😁👍🏻蛋包飯係炒飯底，超正，蛋都係咁滑🤤焼醬油黑毛豬白切肉配大醬生菜 $162配咗是日沙律😍超有心思好滿意嘅沙律🥗有南瓜、椰菜花、西蘭花等，最驚喜係有藜麥💕醬油黑毛豬白切肉好厚切，脂肪位好爽，肉位結實，用生菜夾住加上蒜片等配料一口下去極滿足❤️🥰韓式芝士炸雞（有骨半份）$118芝士味濃郁，好邪惡！炸皮唔係太厚，雞肉嫩滑，冇得輸❤️韓式雜莓牛角包窩夫 $72點少得甜點呢😆第一次食croffle，口感比平時waffle酥化，也較croissant 實淨，上面有糖粉但整體上唔會太甜😊😊嘢飲方面叫咗2杯唔同嘅～科學怪人之夜 $48halloween限定🤪竹炭幾特別士多啤梨紅桑子梳打 $42少冰少甜啱啱好🥰酸甜酸甜好解膩又refreshing✨📍 Ban Chan&Cook(太古)太古太古城道18號太古城中心二期2樓222A號舖

三五知已約會我地揀左呢間，可以傾耐d計，環境簡單清新幾靚。黑色海鮮蛋包飯 $125蛋包飯蛋香味濃，虎蝦大隻爽口彈牙。燒醬油黑毛豬白切肉配大醬生菜 $162黑毛肥瘦適中，燒得香口美味，配上新鮮爽口嘅生菜一齊食。韓式炸雞半份 $118炸雞炸到熱辣辣，外面香脆入面仲好juicy，雞肉嫩滑，最中意有年糕，煙煙韌韌，加上honey好食。韓式雜莓牛角包窩夫 $72牛角包酥脆，牛油味香濃，配上雜莓酸酸甜甜，旁邊嘅忌廉少甜唔膩。我地另外叫左兩杯野飲都幾好飲。暗黑地獄世界 $48士多啤梨紅桑子梳打 $42

太古城呢間蛋包飯想食好耐，成日多人排就無機會食，今日呢間下午茶時間見有位，就幾條女入黎食😋.款式勁多，樣樣都好靚好吸晴咁，呢度採用半自助式落單，自己去點餐收錢，之後到你既時候，自己出去拎，餐具都係自己拎，但就唔使俾加一👍🏻亦有人幫手收碟。.🍴黑色海鮮蛋包飯$125Helloween 新餐牌有黑色系列，其實即係墨魚汁🤣 蛋包飯，蛋包飯好正，仲有流心。.🍴燒醬油黑毛豬白切肉配大醬生菜$162鍾意食韓國五花腩既唔可以錯過，厚實既五花腩包埋蒜頭泡菜加生菜好惹味。.🍴海鮮煎蔥餅$89蔥味極濃既海鮮煎蔥餅，卜卜脆爽爽聲。.🍴炸雞牛角包窩夫$145全晚最鍾意呢個，上面係炸雞，加左少少椰絲粉，甜甜地，下面呢個係好似牛角包既窩夫，酥皮牛油味好香。.🍴叫左兩杯特飲好有特色，叫暗黑地獄世界$48 同 士多啤梨紅桑子梳打$44🤣 飲完都唔知自己飲咗咩，但好飲既👍🏻

🍴潮味韓食 🇰🇷想吃新潮的韓食，可以一試位於太古城的Banchan & Cook ，餐廳開揚寬敞，採取自助點餐和取餐模式，是一間高質的韓食快餐店。蜜糖炸雞 （無骨） 半份 $108筆者最喜愛的單項，當然是炸雞！ 點選了蜜糖味，炸雞炸得金黃香脆，充滿肉汁，而甜甜的蜜糖味令炸雞更顯得鮮甜美味。炸雞配以香糯的年糕和炸薯條，半份的份量亦充足。芝士泡菜紫菜包飯 $78滿佈芝士的泡菜紫菜包飯，芝士有拉絲效果，泡菜則中和了芝士的肥膩感。謹記襯熱進食，每一口都是滋味。韓式卡邦尼意粉$88忌廉味香濃，配以不少菇類和惹味香口的煙肉脆脆，意粉彈牙，掛汁力高。🔸小總結：餐廳感覺舒適企理，食物用心製作，必再回訪。👅 味道：4.9/5💰CP值：4.7/5🕴🏻服務：4.7/5🔰餐廳環境：4.9/5👀回頭率：4.8/5🍽 餐廳： Banchan and Cook🌐地址: 太古城中心二期二樓222A號舖

同朋友係太古城行街，成日經過都見好多人排隊，今日見少人d就去食下。餐廳本身有好多乾花，比人有小清新嘅感覺，環境舒適。適逢萬聖節餐廳更增添了不少萬聖節的🎃裝飾。店員會安排坐位，睇完餐牌之後就自己點餐及取餐。餐具都是自取的，所以不用加一收費。除咗裝飾之外亦有為萬聖節推出的餐牌。韓式炸雞無骨（半份）有六款口味可供選擇，而我今次就選擇了蜜糖味，炸雞外脆內嫩，充滿蜜糖甜味，而且仲有年糕和薯條作配料。燒醬油黑毛豬白切肉配大醬生菜黑毛豬白切肉，好厚切，肥瘦均勻。仲配有生菜、薄荷葉、泡菜，大醬等等，包住肉一齊食味道好配合。黑色海鮮蛋包飯蛋包飯加入了墨汁，變咗黑色，幾特別。份量都多，另外仲有海鮮，一隻焗大蝦和青口。韓式雜莓牛角包窩夫食落有肉桂香，外脆內軟，口感煙煙韌韌，不會太甜，幾好食。而飲品方面就點了暗黑地獄世界，係萬聖節嘅特色飲品和士多啤梨紅桑子梳打，記得攪拌左先飲，酸甜解渴。

今日收工諗住去太古城行吓，順便去無印良品買嘢，約咗老公喺地鐵站到等，諗住早啲食晚餐，見到有間舖頭都幾正，見唔係太多人，即刻入去坐低叫嘢食，我哋又勁眼闊肚窄，叫咗勁多嘢食🤣🤣➡️黑色海鮮蛋包飯➡️慢煮羊膝配薯條➡️蜂蜜無骨炸雞(半份)➡️韓式雜莓牛角包窩夫🧇➡️暗黑地獄世界 (竹炭牛奶沙冰)➡️士多啤梨紅桑子梳打，碟碟嘅份量都幾大，味道都唔錯，下次可以約埋班朋友一齊嚟食，因為個環境都好正👍👍👍

次次經過都勁多人排隊，主打韓式輕食揉西式料理，供應蛋包飯、炸雞、意粉及甜品等等，坐著清新舒適嘅環境，以cafe自助形式所以唔需要加一服務費👍🏻而臨近萬聖節，除咗喺擺設上加入節日元素外，亦喺menu上加入萬聖節🎃為主題嘅食物同飲料🥤🙌🏻▫️墨汁海鮮大蝦寬條麵 $98擺盤幾靚，煙韌寬條麵加大蝦▫️燒醬油黑毛豬白切肉配大醬生菜 $162推介🌟半肥瘦豬肉好有咬口，包住生菜🥬，可加泡菜韓式大醬食好惹味👍🏻▫️半份無骨韓式蜜糖炸雞 $108外層炸得好香脆，表面封上甜蜜蜜糖，滋味十足，以薯條伴碟▫️烤朱古力棉花糖 $78嗜甜嘅朋友千祈唔好錯過🤤係我食過最好食嘅烤朱古力棉花糖🍫烤得外脆內軟棉花糖，入口軟綿綿，面頭灑上大量朱古力碎糖霜朱古力醬。原來底部仲鋪滿消化餅碎，每啖多重口感，好滿足‼️🎃萬聖節限定飲品👻 🥤暗黑地獄世界 $48竹炭牛奶沙冰，黑色竹炭沙冰配牛奶，味道比較淡🥤科學怪人之夜 $48竹炭抹茶層次分明，加入南瓜籽增加口感，賣相唔錯👍🏻

太古城中心一間韓式花藝餐廳，雖然話喺太古城中心入邊，但係因為佢係中心嘅邊位，所以係一個舒服安靜嘅環境，而佢由落order，到攞水攞餐具，到最後出去攞返你嘅食物都係自助嘅，所以呢度係唔收服務費，所以lunch time 都幾多人㗎！食物。。。。。。。。。。。。。烤牛肉蛋包飯 $98慢煮雞胸蛋包飯 $105泡菜燉五花肉蛋包飯 $105- 佢嘅蛋包飯係你切開後仲有蛋漿係入面滲入飯度嘅😋- 牛肉夠味又夠霖👍🏻- 雞胸嫩滑👍🏻- 五花肉趁住泡菜又唔會太肥膩👍🏻- 所以三個都好好食👍🏻部隊鍋拉麵 $98- 超足料，不過都幾辣，所以平日唔食得好辣嘅人就千祈唔好叫啦醬油蒜頭炸雞半份 $108- 炸雞好味，仲有幾舊年糕襯托着，真係冇得輸白桃梳打 $42凍蜜桃茶 $42- 嘢飲用膠杯，價錢相對就偏高啦！總括嚟講，地點方便，環境舒服，價錢合理，會係一個好嘅聚腳點

今日因為工作關係黎到我極少踏足既太古😅 (申利:九龍人😂) 前一日就OpenRice 睇定lunch食乜好，第一間就係呢間Banchan & cook，銅鑼灣同東涌都有分店嫁😬 無乜耐性既我就係唔鐘意排隊囉😞 無得訂座🤦🏿‍♀️ 12點20分到竟然見到只係排第4張仲要10分鐘就入到，真好彩仲比4人圓枱我地兩個人坐😬睇完menu 就出去落order同比錢，水同餐具就自助的😌1️⃣黑色海鮮蛋包飯 $125萬聖節限定黎嫁，黑色既蛋真係夠哂嚇人😆 蛋夠滑，西式炒飯底好香同幾大份，但海鮮反而扣左分，蝦好硬青口更嚇人，海鮮不再鮮😖2️⃣ 韓式炸雞(柑橘炸雞+芝士炸雞無骨全份) $208等緊位個陣見好多人都叫炸雞，一支支炸雞咁企哂係度擺得好型，但仲有工作係身唔方便食有骨既雞就叫左懶人雞(無骨)🤣雞夠滑夠juicy👍🏻 柑橘味比較特別，甜甜地好醒胃好fresh🤩 但芝士味就落勁多粉，比較普通。炸雞仲配左年糕同沙律，係紅菜頭黎嫁，好好味🥰3️⃣科學怪人之夜 $48今次萬聖節野飲都有限定，分別叫”暗黑地獄世界”同我呢杯叫”科學怪人之夜”。由竹炭同抹茶組合而成。可惜成杯野都淡而無味，好失望呀😔如果下次見到唔洗排隊我都會再

這間Banchan & Cook 是一間韓式小清新Cafe, 格局乾淨舒適，菜式溶合韓式及西式文化，包括各式飯類、意粉、甜點等。當中以蛋包飯及炸雞最受歡迎。餐廳是自助形式，沒有加一服務費。萬聖節將至，所以餐廳在擺設及餐單上都加入了節日的原素，還提供免費face painting, 吸引了不少小朋友參加。期間限定之暗黑系的黑色海鮮蛋包飯（$125)很有萬聖節氣氛。圓潤飽滿的黑色蛋皮舖在番茄炒飯上，配上蕃茄汁，黑紅色的配搭十分應節。海鮮有大蝦及青口，份量大份。另加$48 有是日沙律及飲品。飲品一樣選了一杯有萬聖節氣氛的科學怪人之夜，是由竹炭及抹茶而成的Matcha。而紫色的士多啤梨紅桑子梳打亦很靚。燒醬油黑毛豬白切肉配大醬生菜（$162), 厚身的黑毛豬白切肉脂肪跟瘦肉層層相間，用醬油醃得入味，燒得帶點焦香，配上生菜，蒜片、辣椒粒、泡菜，沾上少許大醬一齊食，好味，又可減少肉的油膩感。半份無骨韓式蜜糖炸雞（$108), 大大份的炸雞起碼有9件，炸得香脆肉嫩，不會太厚粉，無骨食得更方便，更加啖啖肉。蜜糖味甜甜的，另有炸薯條及年糕配襯。韓式雜莓牛角包窩夫（$72), 兩塊熱辣辣鬆軟的窩夫 、內邊

之前食過一次，已經覺得環境好靚，啲嘢又好好食，所以今次係同閨蜜慶祝生日，估唔到有驚喜，係有Halloween主題嘅嘢飲，好特別，閨蜜都表示喜歡可以打卡。墨汁大蝦闊條麵墨汁闊條麵上面鋪滿芝士粉，而且仲有墨汁蘑菇，大大隻蝦，新鮮好味。燒醬油黑毛豬白切肉配大醬生菜好肥美呀黑毛豬白切肉，仲有生菜、芝麻葉、蒜頭片、清陽辣椒及醃蘿蔔絲做配菜，就好似韓國電視節目咁，攞菜包豬肉加大將加蒜頭片又蘿蔔絲，正呀！甜辣無骨炸雞（半份）炸雞一啲都唔辣，醬汁甜甜地，炸得金黃鬆，脆肉質鮮嫩，仲配有年糕及炸薯條。烤朱古力棉花糖呢個朱古力棉花糖一定試吓，幾個朋友仔一齊食，因為份量都幾多，而且甜到入心，入口軟綿綿嘅感覺，配上朱古力喺口入邊溶化，推介！暗黑地獄世界（竹炭牛奶沙冰）科學怪人之夜（竹炭抹茶）整體而言比之前食更加好味，可能之前啱啱開舖啲味道都未拿捏得咁好，但而家食真係好好味，而且仲有新嘅菜式，超級吸引。