반찬앤쿡 Banchan and Cook (太古城中心)

營業中

休息中

今日同阿仔去太古城約fd Lunch, 特登揀左間比較開揚嘅餐廳, 用消費券黎講梗係要食餐勁gei✌🏻, 所以睇menu主動skip左所有dollar sign.🍽 慢煮雞胸蛋包飯 (HKD105)抵食>> 估唔到個蛋”包”咁漲卜卜, 切開就係好滑嘅炒蛋, 飯底用珍珠米炒到勁均勻, 慢煮嘅雞胸厚切好嫩, 個香菇忌廉汁夠哂creamy, portion認真大份.🍽慢煮羊膝配薯條 (HKD165)超誇張的😮原來咁大舊羊膝, 羊肉切極都仲有gei🤣, OK易切肉味夠香而且1D都唔羶, 慢煮嘅肉質完全唔韌👍🏻. 伴碟個舊原隻蒜頭🧄唔怕口氣真係可以食埋.🐔芝士無骨炸雞 (HKD108/半份)開心share必食, 新鮮炸起十分脆口, 雞肉嫩滑, 除左好多件炸雞仲有好幾條煙韌韓國年糕同脆脆粗薯條, 兩碟醬差d唔夠dip添🤤.🍰手工巴斯克芝士蛋糕 (HKD45)飯後Dessert.🍹一人一杯呃Like Drink之: 盛夏白桃梳打- 正!!!! 好重桃味嘅梳打, 加上真桃肉面頭唧層cream, 又ig able又好飲; 紅豆鮮奶- Li杯紅豆鮮奶同蛋糕隔離個啖紅豆都好靚好好味.

公司係太古有活動，諗住約住附近的一個fd，點知黎多2個。平時約都無甘齊人😂一心想食韓國菜，朋友A想去李家，B話尋日先去完兼麻麻，我未試過李家，有機會去試下先。烤牛肉蛋包飯，好味，勁似日式。用把刀一切，流心甘反落嚟！半熟狀態，正海鮮煎葱餅，麻麻，唔係所想像既韓式煎餅，粉漿比較多，唔脆口。辣炒年糕，呢個好食，少少辣。惹味！😋韓式炸雞無骨半份，最鐘意食香口野，點芝士醬，好好好味，另外奶白色個果食唔出咩醬，但啖啖肉，好過癮😎配菜薯條都好食！溶化朱古力，淡左啲。一般，普通。環境都幾好座。張枱都幾特別㗎！透明玻璃下面係一支支木裝！

都有一排冇食韓國野，今日亦難得地去左個平時好少去嘅太古交收，之後睇吓太古城有咩食，就發現咗一間cafe風格嘅韓式餐廳Banchan & cook，只可以排隊walk in，冇得book位。明太子厚煙肉蛋包飯煙肉估唔到係厚切級數，已經有成塊扒咁嘅厚度，加上綿滑嘅蛋包飯，用料唔算特別，但蛋包飯係幾高汁的🥰芝士炸千層豬扒同樣地炸得啱啱好，份量亦大，但芝士巨澎湃，真係一嚿起兩嚿止，都幾膩😂蜜糖無骨炸雞炸雞好多嚿，個皮有蜜糖醬但依然脆口！另外仲有年糕同薯條🤤盛夏白桃梳打, 紅豆鮮奶

今日放假，約咗媽媽喺太古城行吓街然後食飯。揀咗呢間文青休閒韓式餐廳，一洗我對韓國茶既印象😚暖色木系裝修，中間擺帶放咗呢度都算係半自助形式，自己去斟水、攞餐具、拎餐等等。。🥚明太子厚煙肉蛋包飯呢個蛋好嫩滑，動L動L😗趁熱用刀係蛋中間𠝹開🍴蛋漿係半流心狀態，蛋香味濃，蛋好似朵花咁包全炒飯，蛋包上面仲有明太子，鹹鮮味既明太子同淡淡蛋漿一齊食，無敵啊🤤。🐏慢煮羊膝配薯條啖啖肉，肉味香甜，羊羶味淡，慢煮後配上醬汁，味道酸甜清香，帶出肉香😍。🐔蜜糖無骨炸雞呢個必食！外皮炸到黃金blingbling色 脆卜卜，入面雞肉汁仲滴緊🤤配有酸甜醬汁調味😗。🍰手工巴斯克芝士蛋糕食落口感軟滑，啖啖芝士香😍。🥤紅豆鮮奶有紅豆泥既鮮奶，好似食緊紅豆雪糕🤣🤣。🥤士多啤梨鮮奶咖啡好香士多啤梨味，但同咖啡麻麻地夾🤭

반찬앤쿡 Banchan and Cook (太古城中心)餐廳係買完嘢食自己坐低，之後要自己拎嘢食都搵位，好多嘢都係自助型式，但係就唔洗收加一服務費。 —————————————————————      1. 無骨炸雞 (醬油蒜頭炸雞)半份 💸$108雞肉幾好食有蒜香，無骨啖啖肉，不過啲薯條墊咗係下面就淋咗，味道都OK 嘅。2. 鰻魚蛋包飯 💸$125蛋包飯入面係炒飯，幾香口，但係就淡咗少少，鰻魚就唔算大條，可能因為唔係好夠熱，覺得呢個飯就普通。—————————————————————    반찬앤쿡 Banchan and Cook (太古城中心)  地址:  太古太古城道18號太古城中心二期2樓222A號舖Instagram :sik6faan6  

今日約左3個朋友一齊去行街食飯，四個女仔緊係要搵啲打卡餐廳！咁一於就試下太古城新開既新式韓國菜—Banchan and cook。入到餐廳見到好多乾花佈置，最適合我地女仔打卡😍，好靚啊！職員好快安排左座位俾我地，而且餐廳菜式好豐富，有蛋包飯、炸雞同飯卷等等，好多款都好想試😍。而我地四個都俾韓牛吸引，因為張圖真係太吸引。韓式牛扒三文治好驚喜，仲有配襯埋3款沙律：蘋果薯仔蟹子，紅菜頭同南瓜青瓜藜麥。三款沙律都好好食，火速清碟。🤣另外，芝士炸千層豬扒上面鋪上好厚既芝士，芝士味好濃，岩哂我朋友，佢食到舔舔脷。燉牛肋骨蛋包飯係強烈推介，一定要叫！因為牛肋骨炆到好入味，配埋蛋包飯簡直一流！另外，配菜既兩款蘿蔔都好入味，可惜得一舊，唔夠喉🤣。韓式卡邦尼意粉既煙肉碎炒到好香，加埋蘑菇同配埋個醬汁一流。飲品方面，四杯飲品既賣相都好靚。夏之白桃奶酪既味道好濃，仲有5-6塊新鮮水蜜桃係表面，飲得又食得。而白桃梳打既白桃味糖漿加埋梳打啱啱好，唔會過甜，味道非常清新。而士多啤梨鮮奶咖啡有淡淡嘅士多啤梨味，都唔會比咖啡蓋過。甜品方面，我地叫左烤朱古力棉花糖，棉花糖燒到外脆內軟，上面淋左朱古力醬底部有消化餅碎，夾埋

今日去了一間位於太古的韓國餐廳，其裝修十分新詠，覺得是設計師的手筆，很有korea fusion的味道。去到要排一排隊，然後就可以入場。餐具及水要自己去自助吧去領取。食物就係服務員送到的。我們點了羊膝，煙肉蛋飯，炸雞薯條及棉花糖甜品等。另外有2杯飲品都很正，包括梳打水及豆乳紅豆冰等。我最中意佢的煙肉蛋飯，蛋係好似震蛋咁，上左枱都仲係震緊，入口即溶，感受到了店家的用心之处,大師出品、下次一定再在光顾！

佢哋最出名嘅蛋包飯，記得要用刀喺蛋包飯上面瞄準中間位置，由蛋包尖端開始切到落尾，再等雞蛋由中間流到左右兩邊，跟住就可以慢慢Enjoy，Order炸雞仲好啱同屋企就、朋友share。泡菜燉五花肉蛋包飯（$105），泡菜口感爽脆，味道正宗，表面鋪有芝麻、香蔥，燉五花肉肉質厚肉、肥瘦相間，白蘿蔔絲、香蔥、青瓜，味道香辣，雞蛋口感滑溜，蛋汁飽滿，表面鋪有沙律醬、香草，牛肉炒飯食落好香口。韓式豬手沙律（$92），豬手口感腍身，食落好入味，味道咸香，沙津菜、西柚食落好新鮮。韓式雜莓牛角包窩夫（$72），表面鋪有糖霜、蜂蜜、紅桑子、藍莓，牛角包窩夫口感酥脆，牛油味道濃香，忌廉口感幼滑，奶香味濃。玫瑰紅桑子沙冰（$48），表面鋪有玫瑰花瓣，內有紅桑子果肉，沙冰口感細滑，入口即化，味道配甜、帶有花香。盛夏白桃梳打（$42），表面鋪有淡忌廉，內有原片白桃果肉，食落好Juicy，味道清甜，底層有白桃糖漿，配以梳打飲用，飲落好清爽。

相信住在港島東的朋友對太古這地方不會陌生吧有著大大小小的商店食肆。今次阿懵想為大家介紹一間貌似西式Café實際是間韓式Fusion菜的餐廳！餐廳裝潢以白色木系為主，座位間距寬闊，十分舒適*方便有BB車/輪椅的家庭。說明是韓國菜當然少不了必點的{炸雞}啊！~~無骨蜜糖炸雞  ( 半份/一份"有骨/無骨可供選擇，味道不是死甜的，炸粉量適中 )~~慢煮羊膝配薯條 ( 嘩~~~實不相瞞~我對這道菜是有期待的幸而沒有讓我失望，羊膝入味肉質嫩只是烤蒜頭略為過了點)~~青醬大蝦意粉 ( 確實是有驚喜的，本以後平平無奇的香草意粉每一啖都充滿蒜草味令人一啖接一啖)~~士多啤梨紅桑子梳打 (酸甜的開胃飲品*顏色美美的~打卡不錯XD )吃貨朋友不妨去轉太古城~親嘗一下吧！

前日去同啊媽行街 之後就去咗呢間韓國cafe 泡菜燉五花肉蛋包飯有兩大舊泡菜包住五花肉，泡菜唔會太辣，適合香港人口味。五花肉肥瘦均勻，可以連皮食。蛋包飯做得唔錯，蛋好滑溜，包住炒飯食好夾。韓式牛扒三文治食吉列牛食得多，第一次食吉列牛三文治呢個配搭。🤣 牛肉唔會太韌，有油脂，炸衣幾薄。三文治有兩件，另外仲有好多沙律平衡返。甜辣無骨炸雞食韓國嘢又點少得炸雞，叫咗一份同朋友share，炸雞大約有十幾件，肉質好嫩滑，仲有年糕同薯條，幾抵食。手工巴斯克芝士蛋糕最後叫咗巴斯克芝士蛋糕，份量唔算大件，不過食完都好飽。😛上面有藍莓同士多啤梨，芝士蛋糕幾重芝士味，食落唔膩。濟洲抹茶鮮奶&伯爵茶鮮奶咖啡兩杯飲品都唔錯，打卡一流。抹茶鮮奶唔會太甜，熱飲都好好飲。

又係farewell lunch 既一日！ 同同事黎到太古城既banchan and cook 食蛋包飯！同事前排黎試過，大推介牛肋骨蛋包飯，我就跟住試下 堂食要自助落單，然後好似food court 咁拎個機返埋位，準備好上菜時就要出去拎。 等左大約5~10分鐘，就出菜。 拎埋位時feel到個蛋係咁震騰騰，好得意一切開，d 蛋汁就爆晒出黎，好治癒！蛋係熱辣辣的，切開佢會出煙，但下面個飯就係凍既，有d 可惜，所以入口都係唔熱的。 個牛肋骨份量好多，味道都okay呢間除左蛋包飯仲有炸雞，其他韓國菜，下次有機會可以再黎試下其他！

又想食炸雞na🙈呢間韓式cafe環境真係好靚🌾而且食物都好吸引.芝士炸千層豬扒(4件)🐖炸豬排鬆脆🤤表面勁多邪惡拉絲芝士🧀不過炸皮口感唔算好好😢仲有個開胃沙律🥗.韓式蜜糖無骨炸雞(半份)🍗炸雞外脆肉嫩滑😋蜜糖醬甜中帶鹹🍯炸年糕煙韌😆薯條點上醬汁好好味🍟.藜麥黑醋南瓜雜菜沙律🎃雜菜款式好多🍅🥬🥒食落健康唔單調🥰.凍伯爵茶鮮奶咖啡☕️伯爵茶同鮮奶咖啡同樣香濃😌呢個配搭幾好，唔會好苦👍🏻.士多啤梨紅桑子梳打🍓士多啤梨同紅桑子味都唔突出🥺反而青檸清新嘅味道更明顯🍋相對失望

今日相約朋友到太古城行街🥰，經過見到e間韓式cafe😍嘩….見到佢d乾花裝飾🌾好靚，用開放式嘅廚房。cafe嘅採光仲好好，日間有天然光照到☺️店員安排左我地坐圓枱，圓枱玻璃下面放左乾花。餐點方面，當然有韓式炸雞🐔，特式嘅飲品🥂，三文治🥪，仲有唔少得主打嘅蛋包飯🐣我地睇完餐牌就自己去點餐。店員會比提示器，如震動就可以去攞餐喇🥳🥳店員都好好會安排送餐服務。我地點左以下：🌸泡菜燉五花肉蛋包飯蛋包飯，外面係脹卜卜，切開之後入面係濃濃嘅雞蛋，炒飯沾上雞蛋一齊食，味道好夾。泡菜入面卷住左五花肉🐷味道辣辣地，但配埋飯又岩岩好，口感仲提升左😍🌸韓式牛扒三文治個顏配搭好靚，三文治🥪用牛油烘好，加埋牛扒，牛扒斯味道都幾好😋仲有沙律🥗拌碟。其中紅菜頭嘅沙律比較少係出面食到，覺得味道同口感都唔錯😍🌸甜辣無骨炸雞E款炸雞有d似韓國會食到嘅炸雞配搭，入面有年糕，薯條同炸雞，炸雞外脆肉嫩，點上甜辣醬仲更滋味。仲要係無骨可以啖啖肉🤤🌸手工巴斯克芝士蛋糕🍰芝士蛋糕口感綿綿滑溜，芝士味重☺️🌸盛夏白桃梳打特飲係季節限定嫁，盛夏係水蜜桃🍑當造季節，梳打飲落有濃濃嘅桃味，好香甜，大家要把握時間去飲😋🌸濟州綠茶鮮奶綠茶鮮奶，味道綠

每次嚟太古城行街經過呢間餐廳都好吸引，無論食物．餐廳環境同員工服務，都有種酒店級嘅感覺。今餐要對自己好啲，食豐富少少，「泡菜燉五花肉飯蛋包飯」見到每枱食客都食蛋包飯，果然有驚喜，外層雞蛋肥嘟嘟漲卜卜，裡面半熟狀態，下面係充滿醬汁嘅珍珠米，連平日唔喜歡食飯嘅朋友都覺得超好味。「韓式豬手沙律」大大碟好多片，豬手肉質口感唔錯，配上新鮮柚子沙律伴碟，感覺唔會太膩「醬油蒜頭無骨炸雞」韓國食炸雞是常識吧，仲可以選擇有骨或無骨，外皮脆卜卜，好乾身...唔會食到成口油，雞肉嫩滑多汁。「烤朱古力棉花糖」口感似BBQ燒棉花糖，即叫即製，外脆內軟，有拉絲感，底層配上消化餅，可以中和一下甜度。「盛夏白桃梳打」「玫瑰紅桑子沙冰」今餐好滿意，食物款式較特別，有質數，而且免加一👍🏻整體質數都好好，下次會再嚟

**BANCHAN AND COOK-太古城店**一直都想食呢間韓國野,初開既時候CWB店大排長龍今日終於有機會黎試 但原來係自助形式咁樣 要自己出去拎野食盛夏白桃梳打 HKD42 ; 望落幾FRESH 但桃味偏淡焦糖脆脆鮮奶咖啡 HKD48 ; 面頭真係有Honeycomb 嫁 , 啡味就還可以啦 唔會抱太大期望成台都係 好滿足啊 , 未食都已經覺得開心韓式牛扒三文治 HKD188 ; 太吸引 食完先發覺唔記得影 , 大大份, 有唔少特色沙律做伴碟牛扒既熟成度剛剛好! 而伴菜既紅菜頭沙律都好好味(大前提係你唔抗拒紅菜頭既味道)泡菜燉五花肉蛋包飯 HKD105  ; 泡菜超正 感覺自己去左韓國一樣 , 最滿意呢個至於甜品就麻麻地 本身係想食巴斯克CHEESE CAKE 可惜賣哂要左個原味蛋捲, ER.... 唔食無損失韓式炸雞 (無骨半份) HKD108 ; 炸雞唔會乾爭爭 仲有薯條點綴下