Antidote

營業中

休息中

今日lunch去食了呢間韓國菜環境乾淨門外有得拎圍裙我地三個人 叫到成枱餸首先有《韓式前菜》會係送既小食有一個盒裝住幾款小食如蔬菜 白蘿蔔 芽菜 泡菜etc （圖右）叫了《醬油蝦》（圖右上）同《醬油蟹》（圖左）超級好食！其實應該所有醬油海鮮都同一個味個人係幾鐘意果隻味配紫菜飯團2個《海鮮煎蛋餅》（圖中）呢個麻麻當中海鮮同配料都幾多的食得唔多 就不作介紹了《部隊鍋》（圖上）份量超大 係我朋友叫的佢地話係好食的我就冇食到我另叫了一個《湯麵》都ok

本身book左8點，但7點去到都有位照比我地入🤣一心諗住試佢個蜂蜜米酒點知冇😭所以我地就嗌左士多啤梨米酒，但我覺得$288唔係特別抵，每人最多都係飲到3杯仔。野食算上得慢，但份量就比較大，我地兩個女仔嗌左3樣野，飽到反艇😂見佢個黑芝麻炸雞係推介就試左，又幾有驚喜。第2樣就嗌左泡菜煎餅，味唔錯但就有啲散啦。最後就再嗌左個明太魚酒蕎麥麵，撈埋一齊幾好食，又唔會太乾。整體嚟講野食係唔錯，但未對得住個價錢，暫時唔會有想encore嘅衝動。

明明我已經早三個星期講話我要用餐之前一日拎蛋糕過嚟雪住，到用餐前一日，我如期拎蛋糕過去，佢話今晚嘅客人都放低咗個蛋糕喺度，唔可以俾我放蛋糕，咁但係佢啲職員唔識得寫notes俾同事睇嘅咩搞到而家拎住個蛋糕唔知可以去邊。

見咁多人講喱間餐廳嘅蜂蜜米酒，專登搵左日weekday去北角諗住試下！點知去到就話賣哂🥲得返普通米酒🥲 ▫️豬手 份量十足，肥瘦適中，肉質軟腍有咬口，入口啖啖肉。 連住充滿骨膠原的豬皮一口食落去，口感更加彈牙。伴碟配有生菜、泡菜、蒜頭及大醬等，可以按喜好夾著豬手一齊食。▫️明太子釜飯 釜飯上台後店員會幫忙拌勻，再稍稍焗一陣先食。個人覺得飯粒煮得稍為過於濕軟，口感一般。釜飯充滿明太子的鹹香，食到最後亦都有飯焦~

韓式餐廳ANTIDOTE 主打傳統韓國菜，位於炮台山。餐廳特別引入韓國大熱蜂巢蜜糖米酒(馬格利酒），還有來自韓國的Oppa親手在你面前炮製。餐廳還刻意從韓國直送原板蜂巢蜜糖，加入自家品牌米酒，喝下去香甜順滑，把馬格利酒味道更加提升。士多啤梨米酒、香橙柚子米酒是夏日之選，內有粒粒果肉，酸酸甜甜。「生醃醬油海鮮拼盤套餐」材料包括蟹、蝦、螺、鮑魚、三文魚及八爪魚，使用自家秘製醬料醃製，非常美味。醬油蟹一定要撈韓式飯糰一起吃喔！

❤️‍🔥= 極度推介的單品✌🏻🐖燉豬肋骨 ❤️‍🔥🦀醬油蟹麵 ❤️‍🔥🐙鮑魚八爪釜飯🧀芝士薯仔煎餅🍹士多啤梨米酒 ❤️‍🔥🍹蜂巢蜜糖米酒🥤Aloha🔸Antidote位於炮台山，主打格調小前衛韓國菜，由韓國人主理🇰🇷仲有一班韓國oppa幫你料理，感覺好似去咗韓國旅行咁！食完之後覺得係今年最鍾意嘅韓國菜，推介一下比大家先😎🔸首先要介紹嘅係燉豬肋骨，呢道菜真心係必點！韓國人侍應會上菜同親自幫你煮好，調味做得真係啱啱好😍肉質嫩滑得嚟又入味，勁大份又飽🥸🔸至於醬油蟹麵，呢個係懶人必選😍上菜時已經起晒膏，唔使你自己動手😁蟹膏同麵條混合得好均勻，每一啖都食到蟹膏嘅鮮味，真係唔講得笑好正🥺🔸鮑魚八爪釜飯有驚喜，鮑魚同八爪魚嘅配搭非常正，飯粒吸收咗海鮮嘅鮮味，每一啖都充滿驚喜。而芝士薯仔煎餅絕對係完美嘅組合，加埋餐廳係半炸嘅整法，外脆內軟，芝士拉絲效果一流🧀🔸飲品方面，士多啤梨米酒真係唔可以錯過🍓士多啤梨乳酪加上韓國馬格利米酒，好飲到癲 🧐甜甜地又帶有少少酒味，飲完真係好滿足。而蜂巢蜜糖米酒都好特別，蜜糖嘅甜味加上米酒嘅香氣，口感非常柔和，好適合同朋友一齊慢慢飲😎

呢間韓國菜館是原來是韓國人主理，甚有韓國feel，仲以為自己去咗韓國添😅。餐廳裡面以藍綠色為主調，而餐桌則以木系為主。點餐後，OPPA 會送上四碟前菜 （泡菜、紫菜、芽菜、腐皮）和一碟韓式年糕。🥢 韓式豬手套餐 （跟飯）表皮充滿骨膠原，而肉質又相當鮮嫩，口感細膩，仲配埋生菜同青瓜，口感清爽，可以解豬手嘅油膩。🥢 海鮮煎餅海鮮煎餅嘅口感酥脆爽口，外層香脆，內裡鮮嫩。煎餅用咗蝦、貝類仲有好多韭菜嚟煎成，令到煎餅嘅味道更加香濃。🍶蜂蜜米酒一大舊蜂蜜放在杯裡，再倒入韓國米酒，米酒精度好低，又有濃鬱嘅米香，口感順滑，配埋蜂蜜嘅清甜，簡直飲到停唔到口。

剛剛去完首爾旅行，回港後想重溫當地口味，知道這間餐廳由韓國人打理，所以就約了朋友去試一試。可能是星期五晚上的關係，全場爆滿，服務自然就慢了一點。亦都因為全場爆滿，非常嘈吵，跟坐對面的朋友傾偈都有啲困難。食物方便，真的不及韓國當地的質素。點了燒牛肉，可惜全部都幾乎係脂肪，而且份量偏少。價錢亦偏貴。例如部隊鍋其實只是即食麵加午餐肉泡菜等普通食材，要$348一鍋。總括來說，服務還算可以，不過去一次當湊下熱鬧算了。

餐廳環境舒適，不過略嫌食物過於fusion，欠缺韓式料理果種傳統味道。醬油蝦好味，配置的那兩舊飯團亦好好味。不過我不建議叫五花肉，因為佢地個爐根本並不適合做燒烤，五花肉完全烤唔到果種韓燒效果。另外有關menu，見openrice 今年4月仲有食客上載一個有圖片的menu，但昨晚母親節，店員給的是另一個menu，款式少好多，問店員openrice上面的menu是否唔update，佢話係，但我懷疑琴晚佢地拎畀客人既menu係節日menu，如果琴晚個menu就係新menu，我覺得好失望，因為選擇太少。

🇰🇷🇰🇷🇰🇷今次食依間韓國菜主要係想食招牌牛肉Bulgugi 就連在韓國菜集中地尖沙咀，都唔係好見到有得食，專程黎到北角依間試下全店職員都係韓國人，仲有韓國人排隊黎食，感覺有保證又夠哂地道山峰烤牛肉($488)餐牌寫住mountain bulgugi，砌到成個山，入面其實係芽菜，肉既份量都岩兩個人食，仲有麵、菜、菇，肉同芽菜一半燒一半用湯汁煮，好有韓國地道風味，味道👍🏻👍🏻韓牛質量都唔錯，唔係港式肥牛，所以都唔會太膩，亦都唔會令湯沾滿肥油雖然價錢略貴，但因為唔係度度都食到，值得一試👍🏻👍🏻海鮮煎餅($160)依個海鮮煎餅同平時唔同，佢係料多過粉，但仍然煎得香脆可口👍🏻👍🏻雖然材料多好唔易夾起，但啖啖海鮮好惹味，蝦、魷魚都好大件，落蔥既份量都唔少Sunrise($38) & Yellow Flower($38)飲品都唔錯，比想像中大杯，而且最緊要唔太甜，味道岩岩好

Antidote位於炮台山站附近，裝潢以綠色及木系為主，燈光昏暗，很有feel💚 而且店員都是韓國人，所以很像在韓國用餐的感覺🙈🇰🇷點餐後店員會送上一盒4碟前菜及一大碟年糕，份量很足夠呢～🤩 🤍黑芝麻炸雞 (HKD165)第一次見黑色的炸雞，很特別😆🖤 肉質嫩滑juicy✨ 芝麻味很香，味道有驚喜！🤩🤍辣拌冷麵 (HKD120)Request了少辣🔥 麵條彈牙👍🏻 微酸微甜微辣非常開胃😋 很適合夏天吃的一道菜☀️我們點了一瓶새로Saero(HKD80)，吃韓國菜必定要配燒酒✌🏻📍Antidote - 北角炮台山福蔭道1號海峰園南峰閣地下4A號舖

無意間路過決定試下。食物都唔錯，醬油蟹等等食材都好新鮮，唯一問題就係有d鹹，因為配既飯唔係白飯，係有調味既小飯糰，本身飯糰有漬物（應該係醃蘿蔔） ，夾埋醬油蟹🦀就真係會有d鹹。豬手好味都幾大份（好似係$2xx）beef pot rice（$200） 有驚喜，牛肉份量足夠，飯都軟綿綿好香

北角韓國廚師主理醬油蟹 店員廚師都係韓國oppa 喺炮台山開咗無耐 最多人鍾意佢哋醬油蟹 釜飯 鍾意韓國菜嘅朋友要睇睇啦.店員會先上4款小食前菜 韓式年糕招牌一定係⭐️生醃醬油蟹$328醬油蟹幾厚肉 可以跟着指示先將蟹肉吱落個飯團度 本身飯團有醬汁飯素 再撈勻即可加咗蟹肉 比一般飯團明顯鮮味好多.⭐️鯛魚帶子釜飯$240表面有幾多鯛魚肉 帶子 都有煎香旁邊有竹筍 牛蒡 香蔥 牛油 大蔥 芝麻店員會先幫你攪拌飯粒軟糯 每一啖都食到大量魚肉香 滿滿海鮮味.⭐️醬油炸雞$98韓國餐廳一定要點炸雞 用左雞粒 炸粉幾薄 熱辣辣.⭐️蔬菜涼拌韓式豬手$230豬手半肥瘦 滿滿骨膠原 肉質好軟可以夾埋生菜同泡菜一齊食旁邊有海蜇同青瓜 加左酸酸地唔攻鼻嘅Wasabi醬.#hkfunfoodrecord窮遊香港#hkfunfoodrecord_炮台山.#Antidote (北角)地址：北角炮台山福蔭道1號海峰園南峰閣地下4A號舖.⭐️評分：味道：4/5環境：4/5服務：4/5 店員都係韓國oppa 主要講英文抵食：3.5/5..#飲食 #美食 #hk #food #hkfood #hkfoodie #hkfood

叫左$1088醬油海鮮套餐，只得1隻細隻醬油蟹，冇乜肉唔新鮮有腥味，蟹殼內全部都係水。醬油蝦冇味好似冇醃過咁，三文魚正常冇驚喜，最好味係八爪魚同埋配菜洋蔥🙄套餐包左泡菜煎餅超級油，夾起塊煎餅成隻碟都係油……海鮮沙律好鹹，唔知撈左咩醬真係好鹹一啲都唔fresh，芝麻炸雞反而係好味。只有醬油八爪魚同炸雞叫做好味，完全唔值$1088，韓國oppa 懶懶閒都懶得serve你，食過唔需要再黎，未食過就唔好嘥錢。冇服務又唔好食，唔怪得咁多吉枱

呢一間韓國菜係真係由韓國人主理嘅大部份侍應都係oppa我哋叫咗個牛肋骨同埋菜包肉一開始會附上配菜同年糕配菜泡菜、番薯、菠菜同蘿蔔絲 係用盒上食完泡菜同菠菜想refill嗰陣 佢都係直接換過一盒俾我哋（但我個人覺得咁樣會造成浪費，因為我淨係想指定菜式refill。其他兩樣唔啱口味）lunch set係配紅米飯個飯有保溫 之後再裝都keep住度溫度菜包肉嘅豬肉，肥瘦參半雖然係白烚，但係冇豬肉嘅腥味食落都唔會，覺得好油膩而牛肋骨調味啱啱好唔會太鹹，亦帶有少少甜味肉質好嫩，肉骨好易分離整體而言呢一間韓國菜都唔錯！