Ann Mamma Thai kitchen by 張秀玲

營業中

休息中

鋪頭好大，有2層，想靜靜地可以坐樓上唔同種類既食物都有，主要有好多特式飲品，連餐牌都好靚🥢泰國炸魚皮泰國小食炸魚皮，外脆內軟，味道鮮美，好香脆表面個層加左辣粉，係香辣口味，食到好似食薯片甘，一塊接一塊🥢沙嗲串(豬肉/雞肉)配上泰式香料，經過炭火燒烤，外層稍微有少少焦香，肉質鮮嫩。自家制沙嗲醬好濃郁，加左醬食更惹味🥢炒芥蘭雖然食材簡單，但味道豐富，芥蘭火喉炒得岩岩好，食落清甜爽脆，加上少少蒜香，味道更加突出。🥢大蝦炒金邊粉泰國經典菜式，用大蝦同金邊粉做主要食材，炒得香口入味。大蝦彈牙，仲有四大隻，配上豐富香料同配菜，味道豐富。🍹凍泰式奶茶同當地泰國奶茶既味道都好接近，味道香濃，甜度適中，飲落口感滑順，好清涼解渴

琴晚呀爸話想食泰國野識做既我今晚即刻帶左佢去食🤣呢間泰菜好出名，今次終於有機會試下啦🤤🛎 $118 泰式燒雞（半隻）燒雞既皮好脆！泰式香料醃得好惹味，所以一上枱就聞到香噴噴既味道～雞肉燒完亦都保持到嫩滑肉質，好肥美😋雖然係半隻雞，但我諗佢隻雞都幾大隻，因為真係好大碟🐥值得一提既係個醬汁，酸酸辣辣咁超開胃😍所以我食曬成碟雞都唔會覺得油膩～🛎 $96 黃咖喱牛腩呢度有青/紅/黃咖喱揀，種類好多而黃咖喱可以配雞/牛腩🐮一上台果然不出我所料，又係好大碟🤣呢碟黃咖喱其實有少少少辣🤏🏻仲有啲甜味同椰香撈飯一流呀！！！牛腩好淋好易咬，每件都大大件仲有薯仔同洋蔥～全部好入味🤤🛎 $25 白飯超大碗🍚係我平時食既兩三倍🤣🛎 $58 荔枝特飲通常泰國菜既飲品都係椰汁三色冰/椰青😳呢到就唔同，勁多款特飲揀呢杯荔枝特飲好清新🫣荔枝同青檸味好夾，酸酸甜甜咁加上梳打水，係有氣既！熱天飲好爽🤪仲有兩粒荔枝，賣相好靚，飲得食得又睇得呢🙈🛎 $48 西瓜沙冰沙冰好夠凍🧊非常消暑甜度適中～除左大大杯入邊有果肉，仲有一片西瓜食添🤣🌐 環境/服務呢到俾我既感覺好舒服，裝修幾靚，而且有東南亞風味門口有好多植物，好有feel店員

係OpenRice 搵下荃灣有咩食，就見到依間餐廳都幾多推介就試下佢。一行3人，點左1個小食、1個菜、1個主食同1個飯。食物份量正常，以泰國菜來說都算大份。小食係墨魚餅，味道十分之特別去墨魚餅有班蘭葉味道，但都好好食，值得推介。菜要咗蒜蓉炒椰菜苗，味道都好好味，值得一試。海南雞和菠蘿炒飯是推介食品，是冇得輸。最後特飲開心果椰奶沙冰就較差，沒有開心果味道。整體來說這一餐都是滿意。

荃灣食泰國菜的Ann Mamma是出了名的排隊店，於午市時段通常也是爆滿，外賣人士也絡繹不絕，我已有半年的時間沒有光顧，今日 lunch就選擇了它。首先它的 lunch set有十款套餐選擇，包含了主菜及飲品，價格由$68-$128不等，亦可以用優惠價錢加配飲品或甜品。我則選了8號的泰式無骨鹵水豬手飯，價格則是$88，泰式無骨鹵水豬手飯本身是一道非常受歡迎的泰式料理，香港很難食到正純的鹵豬手飯，這間必需稱讚的是餐廳預先起了骨，食客可以啖啖肉的進食，而豬手的肉質柔軟，滷水汁的香味滲入肉中，下飯一流。而朋友則選了泰式香葉肉碎煎蛋飯，由於除香葉外，餐廳也混入了少許肥肉碎，配上瘦肉碎的口感，三者混合可炒得香味撲鼻，配上微辣的感覺，令人食指大動。餐廳沒有加一服務費，平均價格於$100以下。

以前荃灣返工 呢間既午餐都已經經常食唔算太便 大概70-90不等 包一杯飲品但因為佢既泰式乾炒河粉 真係太好食 所以貴小小都值好食程度係 介紹朋友去食 全部都只會食乾炒河粉仲係晏小小去都會賣哂入返正題 今次一行五人食晚餐提早左一星期預訂 因為決定左食就唔諗其他了餐廳主要分兩輪 我訂左1930去到1925分左右 就等叫入去 大概1935就入到去坐低環境方面 🏠🏠🏠🏠 4 分餐廳分兩層 今次安排坐地下層 其中一邊係梳化三張二人枱拼埋 5個人坐所以好舒服環境乾淨企理舒服 小小文青風 但唔好期望佢係網紅打卡餐廳食物質素🥘🥘🥘🥘🥘 5 分叫左總共8-9款食物 最後差小小野食唔哂 打包回家1. 大蝦柚子沙律 HKD108 🥗🥗🥗🥗3.5分佢隻碟比我想像中既沙律細碟 但材料足我本身以為係平時既大大碟好多菜 但佢真係得大蝦同柚子味道不錯 柚子清新唔酸 但屋企人覺得加埋腰果會更好2. 小食拼盤(2件蝦餅, 2件春卷, 4件泰式雞棗) HKD99 🧆🧆🧆3 分全個拼盤都新鮮熱辣辣 好香口 就算擺左一陣都唔會凍蝦餅唔算太大件 係傳統蝦餅味春卷無太特別 不過不失雞棗係第一次聽, 食落感覺似魚春卷, 反而味道不

今次食泰國菜，之前經過一次見到好多人就放棄了，今次媽咪、我同妹妹就早d去試下睇下好唔好食，一入去就好多一大班人聚餐，我地試上樓上，上面就都好多人，我地快快坐低因為入黎前佢地有講限時，大約60-90分鐘我地叫左海南雞飯半隻、墨魚餅、炸春卷、泰國椰菜苗、菠蘿炒飯和開心果沙冰。海南雞好嫰滑；墨魚餅加左班蘭汁味道唔錯口感彈牙好多墨魚肉（一粒粒）👍🏻；炸春卷係素入面冇肉都唔錯；椰菜苗味道尚可；菠蘿炒飯食之前記得將腰果混合媽咪試食腰有點鹹，但混合飯就唔會覺得鹹味道正👍🏻蝦好大隻份量又大；開心果沙冰妹妹覺得唔錯。整體味道係正👍🏻👍🏻👍🏻

晚市冇得walk-in一定係full booking 嘅泰菜Lunch嘅話就係要排隊多人嘅話記得要早啲訂位價錢嚟講算幾抵食份量大碟夠四個人share有突環境方面乾淨算闊落服務非常有禮貌而且上菜速度快之餘溫度夠熱最重要係講返味道自己覺得整體嚟講都係偏甜唔同我認知嘅泰菜會偏酸或辣冬蔭功係唔辣仲好似加咗大量椰奶不過有四隻新鮮藍腳大虎蝦加返分豆醬炒通菜都係偏甜但幾特別因為唔係蒜蓉辣椒或馬拉盞蝦餅大件彈牙墨魚餅有加香葉少少怪滷豬手好淋送飯好出色👍🏻鳳爪沙律好食過木瓜沙律總括嚟講算係合格以上嘅泰菜👍🏻

白色嘅門面好文青風，入面嘅裝修就帶啲渡假感。餐廳開業以嚟都keep住超強人氣，平日六點幾嚟到都已經坐滿哂下層，上層都坐咗一半，所以想食嘅要早啲嚟到啊青咖喱 $96可以揀雞/牛腩/魚/雜菜，我揀咗牛腩，牛腩份量都幾多，炆得好腍。配菜有西蘭花、椰菜花、紅蘿蔔、豆角、蕃茄、無花果等等，好豐富，牛腩同配菜吸哂啲青咖喱，好惹味烤薄餅 $52鬆厚柔軟，用嚟配咖喱一流，如果再多一塊就更好泰式燒豬頸肉 $80半肥瘦嘅豬頸肉，滿滿油香，燒到有少少燶邊，好香口特別推介呢度嘅飲品，特飲有分含酒精同不含酒精🍸🍹Lychee Special $78 揀咗有Vodka嘅，除咗濃郁嘅荔枝味，仲有香茅同青檸味，清新嘅味道椰子開心果沙冰 $48見到咁大杯椰子開心果沙冰好開心，椰子味濃得嚟帶開心果嘅香味同開心果碎，沙冰綿密透心涼

第二次係哩間餐廳食lunch，長期午餐爆人，餐廳分為2層坐位大約每層20人左右，環境一般地方偏窄。如果只係食飯質素都係幾好，而且份量足夠偏多，午餐可減5蚊，而且包凍熱餐飲。烤雞沙律飯，烤雞配上特製醬汁好開胃，而且一啲都吾乾，沙律係泰式辣醬配夢卜絲，芫茜等都可以配飯食。基本上男生食完都會好飽，性價比非常好。海南雞飯油飯偏濕，而海南雞係食到鮮味，吾似一啲餐廳用冰鮮雞一d味道都冇。 飲品，凍青檸茶建議吾好走甜會偏酸，甜味可以中和酸味。凍奶茶係泰式奶茶所以茶味偏濃，相比起港式奶茶會偏甜，茶香味較淡。

Ann Mamma Thai kitchen by 張秀玲係一間泰式餐廳，門面裝修好靚，簡約的木系，入面有一條長長梳化，好有家的感覺。泰式燒雞燒雞外皮好香脆，啖啖咬落去都有啲嚼勁，而且燒得啱啱好，唔會太乾亦都唔會太濕。最重要嘅係佢嘅肉質好嫩，每一啖都好多汁，真係好好食。配埋佢哋嘅泰式甜辣醬，味道帶少少辣，同燒雞配一齊食，真係好開胃。黃咖哩雞黃咖哩好香濃，啱啱好，有啲微微辣，但唔會太辣。雞肉都煮得好軟好滑，入口即化。而啲薯仔煮得好冧，同埋咖哩都煮得啱啱好，一齊食落去好有層次感。烤薄餅薄餅好薄好鬆軟，用嚟做包裹燒雞同埋黃咖哩雞都好岩，啲餅皮唔會太硬，而且仲有啲微微炭燒嘅味道，點埋咖哩仲好好食。開心果沙冰沙冰嘅質地好滑好爽口，同時都有啲香濃嘅椰奶味道。啲開心果都好香，令到啲沙冰嘅口感更加豐富。

提早1日訂位，同🐥食泰國菜但有分2段時間，所以我訂了第一輪18點，用餐時限90分鐘。原來已經有好多人提早到等餐廳開門。一開門大家都好有秩序等侍應安排入座。因為同🐥第一次食，後來才知道每碟份量十足。令我們好有驚喜我們點了：沙嗲4串(豬雞各2串)$75 ~ 沙嗲加上泰式醬汁好有泰國風味 青芒軟殼蟹沙律$108 ~ 這個好有驚喜，估唔到有2隻軟殼蟹，平時差不多價錢在其他餐廳食，有良心的有一隻蟹，冇良心的我也食過得4分一隻蟹但這間餐廳超有良心竟然有2隻蟹，而且口感酥脆多肉，好正沙律份量也多，而且我同🐥都覺得好辣好刺激。青咖喱魚$96 ~ 咖喱香料味好香，雜菜同魚入哂味好好食，而且份量也不少食完好辣的沙律，而家食咖喱都覺得辣烤薄餅$52 ~ 薄餅配咖喱是常識吧椰子開心果沙冰$48 & 芒果百香果沙冰$48 ~ 略甜但解辣，透心涼服務方面，侍應哥哥對客人都好殷勤另有加一收費!

最近前往位於荃灣的Ann Mamma Thai Kitchen品嚐了泰式美食。這家餐廳提供的食物質素和味道都非常出色，留下了深刻的印象。點了這裡的招牌海南雞飯。這道菜由嫩滑多汁的雞肉和香氣十足的米飯製成，再加上店家自製的醬汁，味道非常美味，令人回味無窮。此外，這道菜的價格$78。泰式蝦頭油海鮮炒飯。這道菜炒飯的香氣十分濃郁，海鮮新鮮美味，搭配上濃郁的蝦頭油味道，令人垂涎欲滴。這道菜的價格$88。最後我們還食了雪糕和芒果百香果沙冰。雪糕很香濃椰子味，還有啖啖椰肉！沙冰用上真果肉，濃郁芒果和百香果味😋Ann Mamma Thai Kitchen是一家非常出色的小店，特別是海南雞飯和泰式蝦頭油海鮮炒飯都非常值得一試。餐廳：Ann Mamma Thai kitchen by 張秀玲 (荃灣)地址：荃灣曹公坊11號地舖#泰菜#thaifood#AnnMammaThaiKitchen #海南雞飯 #泰式蝦頭油海鮮炒飯 #泰國街頭雪糕 #芒果百香果沙冰 #荃灣美食#芒果沙冰#Foodie#foodlover#炒飯#icecream

平時泰國菜都係去九龍城食今日試下其他見open rice呢間泰菜都多人比好評，就黎試下好彩有booking，如果唔係應該無位，眼見walk in 客都被拒🫠訂左1800，未夠鐘已經有差唔多近十人係門口等入去。1805 我地係門口準備入去時，餐廳即刻再打黎問我地係咪黎緊，睇黎啲位的確好緊張。上菜極快，抵讚👍🏻所以90分鐘用餐時間係絕對夠總括嚟講食物口味比一般泰國菜偏淡，除咗個柚子沙律同沙冰。其他菜式正正常常，冇乜特別。

在Open Rice搜查泰國菜，這家餐廳差不多居榜首。好奇心驅使下，我在一個平日中午前來試食。去到的時候差不多2點，餐牌上的咖喱牛腩、炒河、海南雞飯，全部售罄，只剩下泰式冬陰功湯河感覺一試無妨。其實這也証明餐廳貨如輪轉，食材新鮮。餐廳裝修運用木系大自然配色，採光也十分充足，跟泰國菜甚為相配。湯河用料充足：四粒魚蛋、幾片白蘿蔔、一大塊免治豬肉、芽菜、雞蛋、生菜，算對得起78元一碗的價錢。餐飲我選了泰式奶茶，甜甜的奶茶，配上甜酸的泰式冬陰功湯河，悠閒地坐一個小時，又是寫意的選擇。餐廳侍應有禮，讓整個用餐體驗加分。最後，原來我付了73元，而不是餐牌上寫的78元，我當時也沒注意看😂 我也不知道為什麼減價了…😂 總結：抵食、愉快、寫意的一餐！

大排長龍性價比超高嘅泰國餐廳😍門口放左好多植物見到都覺得好靚🪴.▪️泰式無骨滷水豬手飯 ($88)🐖豬手同飯嘅分量都超多!! 我最後食唔晒🥲豬手整得好淋好易咬 配埋酸辣醬好開胃😋▪️海南雞配油飯 ($78)🐥雞整到好滑🥹好多肉配埋啲辣醬+鼓油好好食✨▪️泰式柚子沙律 (+$28)🥗有好多粒大蝦🦐好多柚子好甜🤣▪️芒果百香果沙冰 (+$18)🥭好濃味又酸酸地超開胃🤣▪️椰子開心果沙冰 ($48)🥥味道上椰子味較重而且真材實料飲到開心果碎😋呢個相對比較飽肚 不過冇芒果沙冰咁甜~.✍🏻整體:假期等左45分鐘都有🤣不過好值得食好好食！性價比之選！一份多到可以兩個人share😋