Anjappar Chettinad Indian Restaurant

營業中

休息中

今日同老公返工前經過呢間餐廳, 見到都幾特別, 於是就入去食個印度午餐😋 一入到去啲侍應好nice，好好人， 我哋本身覺得有啲熱熱地， 一同店員講完之後， 佢就即刻搞大個冷氣， 真係好好人，好快手， 值得一讚😊😊同埋佢環境好寬敞好舒服， 可以慢慢坐，正呀！我哋叫咗個雞肉炒麵同埋羊肉香飯， 炒麵好脆， 雞肉都好入味， 羊肉一啲都唔韌， 羊肉香飯辣辣地好開胃，好好食😍😍 同埋佢哋啲份量真係好大碟， 好抵食👍👍👍 我哋另外仲叫咗個特色餅馬沙拉， 個口感食落去都幾好食， 侍應中畀咗三隻唔同嘅醬料畀我哋點， 有咖哩味， 紅色嗰隻醬料甜甜地都幾好食， 仲有個好似洋蔥沙律醬甘，都好食，我地將特式餅馬沙拉店唔同嘅醬汁，真係好正👍👍👍下次會再幫襯， 再試下唔同款😍

星期六放假去尖沙咀探朋友，上佢度之前填飽左個肚先，行過見到易拉架寫有印度野食就黎左。好想食印度薄餅啊🤤一上到去裝修同氣氛都好異國風情，啲侍應、廚師等等都係印度人呢～而且好多印度人幫襯，證明夠哂正宗啦！首先叫左杯芒果lassi $35係芒果印度奶昔，飲落似芒果沙冰。不過夠哂大杯，而且幾香芒果味，用足料呢～抵飲！然後叫左個大蒜烤雞肉串燒 $70/半份呢個超級好食🤤雞肉烤得剛好，入面仲好鮮嫩多汁，再配埋佢特別調製嘅醬汁，酸酸地好開胃仲有一啲香草味，好特別好夾個烤雞，我一條友食鬼哂成碟😂最後再叫左個anjappar regular meal $90有薄餅、飯同一大堆印度醬汁/咖哩，賣相不錯，不過唔係全部醬我都識欣賞。但有款印度咖哩用黎沾薄餅食一流👍🏻我飽到捧住個肚仔走，但呢度性價比高，而且菜式同裝修都好正宗，值得一試！

上次食完這棟大廈另一間印度菜🇮🇳今日又行過試下2樓呢間一入到去，地方幾大，同埋都係9成都係印度人，所以應該好地道。我地唔洗問，店員就自動比左份中文的餐牌比我地，d中文都譯得幾好，起碼9成都睇得明的，大家如果去食就記得拎。我地唔係好肚餓，叫左唔係好多野。我地叫左一個叫受歡迎的常餐。個常餐包括左兩個唔同的薄餅、白餅、同埋10種不同的汁醬，再加一小碟的咖哩雞。先講果兩個薄餅，有兩白d果隻有d似用薯仔做，因為食落有薯仔味，，啡d果隻就似麵包，白飯的粘性係會一粒粒的。再講d汁，咖哩雞果碟就真係最好味的，有印度特色之餘都岩香港人味。十個小醬汁入面就有8個都係幾好味，係有一個白色的和甜甜地我覺得同薄餅唔係咁夾，其他8個都okay,而每個汁入面都溝左蔬菜入去，又碳水化合物，蛋白質和蔬菜，非常有均衡營養。.另外，我地再叫多左個瑪沙拉薄餅。會比上面果兩個更好食。我地仲叫左個BBQ大蝦燒🍤我叫左個瑪沙拉奶茶，係一個奶茶加入左好多香料，店員見我鼻塞流鼻水，佢推薦比我。臨走嗰陣，先見到有廚師推介，早知就叫一啲廚師推介啦

上次試咗3樓個間印度菜，落樓梯見到2樓有多間就試下樓下已經見到個logo入到嚟，鋪位都幾大，當時9點大部分都坐滿，有好多唔同國藉嘅人呢個奶茶係加咗正宗印度香料，飲落回甘陣味真係好過癮🤩見呢個係特色熱門套餐就揀咗，呢個真係好抵😍$110就可以試齊咁多隻咖哩，總會有一隻會岩你食，有港人口味嘅普通咖哩薯仔，都有濃郁印度香料味嘅咖哩，相信呢個係混合咗唔同國家最好食嘅咖哩🤤唔怪得有咁多唔同國藉嘅人嚟試啦個人認為最好食係呢個，入係有幾舊大雞塊，呢個係最則近港式咖哩，少少辣但好惹味食淨咗啲咖哩，所以追加咗個masala kulcha入面搽咗薄薄一層，令成個烤得更入味呢個係蝦串燒，🍤加咗少少咖哩再炒，見到每一舊都係金黃色👍好正，加上少少乳酪醬汁💯💯

今日同媽媽去行尖沙咀, 係朋友推介下, 試左呢間餐廳簡單食左少少野醫肚, 無令我失望一入門口就見到today special, d 字又幾靚wor餐牌。好多選擇。但由於唔係太肚餓, 就叫左啲輕食。雞肉餡餅。佢個皮係加左雞蛋, 入面好多雞肉!!好足料啡色個汁咸咸地, 白色個汁又甜甜地, 但個人中意原汁原味, 唔點汁好靚既金黃色切開入面仲有少少汁。唔辣的。值得一提既仲有隻碟, 係真葉來的!!!!第一次見仲叫左呢個烤雞。一碟4 舊。 擠啲檸汁上去,夾埋啲椰菜食又幾fresh又少少泰國風味XDdrink nenu。 本身想試酥油茶。但又想飲果汁。最後簡左mango lassi 。個人覺得太甜, 有種芒果糖味。但飲落去好滑masala tea. 兩個字。好喝!

平時同朋友都係食開中菜，日本菜，韓國菜，西餐。。。今日行開尖沙咀，想食啲特別啲既，就簡左呢間印度菜係lobby比呢個牌吸引到，一於去試下!入面環境幾好，好乾淨，同埋好闊落，岩哂傾計 而且仲有水提供不過我叫左masala tea，所以無飲到。呢到既碟都有層葉(我估係蕉葉?) 鋪係面，好特別。Menu 中英對照好多snacks睇落好吸引，下次諗住試下佢地既炸雞我同朋友叫左個咖哩羊肉。唔算太辣，香料味重，好濃味一兜都大約有5~6 舊羊肉，岩哂兩個人share有咖哩又點少得nan呢!!!呢到既nan唔算油，略嫌唔夠香，不過口感好好，配埋咖哩食一流我地仲叫左個烤雞腿肉，幾juicy仲有個綠色sauce, 幾香，應該有斑蘭仲有個masala tea, 啲泡好豐滿 夠哂熱夠哂濃，正

呢期迷上印度菜，今日嚟到位於尖沙咀寶勒巷嘅Anjappar，餐廳佔地廣，今日一行兩人有四人檯坐，夠晒寬落。呢度嘅食物都幾有份量，兩個女生叫一碗長米飯加一份烤餅配Masala已經好夠。Mutton Biriyani 羊肉香飯印度香米長長地，食落質感乾爽，米香味較淡，但經印度香料烹煮後非常惹味，而且頗辣。唔食得辣的，可以落單時要求少辣。個飯份量頗大, 食到底仲有隻烚蛋，起碼要一個大男孩先有可能食得晒吧。Cheese Naan 芝士烤餅來到印度餐廳，食烤餅係必然！呢個Naan夾滿芝士，邊位烤得香脆，配埋Masala一齊食就一絕。Mutton Masala 羊肉瑪沙拉Masala擁有印度香料獨有的美味。濃稠的醬汁包圍住羊肉，色、香、味俱全。辣辣地幾好味，不會太油。Mango Lassi 芒果奶昔香濃順滑，甜度較高，夠晒冰凍，最啱用來解辣。

尖沙咀寶勒巷是異國味食的天堂。今次就來到萬事晶廣場的樓上印度餐廳Anjappar。Anjappar已經有52年歷史，在多個國家都有分店。要食正宗印度菜，當然要來。侍應以印度人為主，不過餐牌上有中英對照，唔怕唔識點餐。羊肉瑪沙拉 Mutton Masala $120Masala由多種香料混合而成的印度咖喱，當中包括薑、黑胡椒、肉桂、小荳蔻等香料。單單是香氣，已經十分吸引。羊肉肉質柔軟，醬汁香濃，辣度適中，配roti一齊食滋味滿分。羊肉香飯 Mutton Biriyani $90香料味雖濃，但配較為長身和乾爽的印度米，質感和味道都好夾。辣度較瑪沙拉更強，香料味更濃，越食越滋味。香飯中，還藏有一隻雞蛋。烤麥餅 Roti $60最愛食印度烤餅，即叫即烤，外層香脆，中間煙韌，帶有麥香，沾咖喱一齊食就最好。石榴汁 Pomegranate Juice $45清甜可口，還有粒粒果肉。芒果印度奶昔 Mango Lassi $35芒果味濃厚，不會過甜，配香辣的咖喱一流。

尖沙咀有唔少多國菜餐廳，今次揀去食印度菜，由印度廚師主理既餐廳。環境大，又有印度音樂，坐得又好舒服。所有餸菜會一次過送哂上黎，唔駛逐碟逐碟等，但d餸竟然唔會凍，仲要係熱既，讚。叫左chicken garlic kebab(half$70)，mushroom masala馬沙拉($70)，ceylon chicken parotta斯里蘭卡雞肉餡餅($70)，cheese naan($30)，faluda新地($90)。大蒜雞肉醃好之後，用大支串棒串起，燒好之後，再逐件放係碟上，所以唔會見到串棒。雞肉醃得唔會蓋過雞肉味，燒完仍然保留到肉汁，加d檸檬汁就會fresh d。蘑菇馬沙拉原來係甜，雖然望落係咖哩既顏色，但入口係甜，之後"嗒"真d有好少好少既辣。大量蘑菇唔錯。斯里蘭卡雞肉餡餅，利用酥皮整一層層咁。中間夾住辣辣地既雞肉，餡餅唔油膩，而辣辣地配餅食，幾夾。芝士烤餅好濃既芝士味，超級好食，啖啖都食到芝士味，但就咁望落去唔覺有芝士。烤餅熱辣辣好好食，仲要係即場見到師傅拉，好震撼。尼款新地最大特色就係，底層係玫瑰糖漿，加d透明條狀既配料，上層有雲尼拿味，菠蘿味，朱古力味既雪糕，有菠蘿粒，提子

午餐再次同屋企人去尖沙咀食午飯 今次同屋企人去咗間印度人開嘅印度餐廳 可以嚐下正宗嘅印度菜 餐廳環境幾闊落 原來仲有好多印度人係呢度食 幾有風味食印度嘢緊係要食番個印度雞咖哩 屋企人鐘意試下特別啲嘅嘢 就揀咗個菠菜咖哩雞 賣相幾得意 綠綠地帶點菠菜碎 試落都幾好食 咖哩味濃 有少少辣辣地 質感唔會好稀 而且味道仲好配印度烤餅同飯 添咗好多次😋印度烤餅又係必吃之一 佢一份烤餅有四塊 熱辣辣 幾煙韌 加埋咖哩仲好食👍🏼仲叫咗個菠蘿炒飯 估唔到炒得咁乾身 仲有唔少鮮菠蘿可以食真係唔錯 見到有個特色煎蛋幾有趣 就叫咗一個嚟試 佢嘅莞茜味都幾重 估唔到原來印度都好重用莞茜作為調味料 整體上都煎得好靚飲品叫咗奶茶同奶昔 奶茶奶味唔算重 都有唔少嘅香料落咗落去 奶昔都幾好飲 甜甜地

本身對印度菜有少少偏見，覺得口味太重，但係近期流行食Naan，今日朋友就話要帶我黎食印度菜。餐廳牆身有唔少印度花紋，而且侍應客人應該大多數都係印度人，睇黎依度嘅印度菜非常正宗。首先叫咗大蒜炸雞肉串燒(細，$70)，一共4件，用竹筒形狀嘅碟裝住，可以見到有被串過嘅痕跡。雞肉非常嫩滑，烤得剛剛好，點上青醬後帶有陣陣清香味。芝士烤餅($30)，一共4塊，薄薄嘅，本身以為只會係面頭上灑上芝士，點知原來啲芝士係包咗係薄餅之中，非常香滑。烤餅同咖哩一齊食就最好不過，所以叫咗蘑菇瑪沙拉($70)，估唔到係甜嘅咖哩，口味比想像中唔重，蘑菇好鮮甜，用烤餅夾住最正。雞肉餡斯理蘭卡酥餅($70)，依間印度餐廳都有提供唔少附近特色菜。以酥皮作為外層，入面包住雞肉粒同埋其他香料，辣得黎又愈食愈上癮。難得黎到正宗嘅印度餐廳，緊係黎番杯印度特色新地($90)。賣相好靚，有一個小傘插係上面，以雪糕、水果、玫瑰糖漿混上傳統細麵條、明列籽做主打，聽聞玫瑰糖漿係女人嘅聖名，對養生唔錯。

與友人常常食不同國家的菜，今次我們選擇食印度菜。網上見到這間的資料，歷史悠久，分店遍佈不同的國家，食物應該有一定的水準，所以我們決定到這間食晚飯。地方很大，座位很寬敞，簡約的佈置，令人很舒適 ^_^我們點了「Anjappar 特色熱門套餐」、「Naan 烤餅」及「Semi Gravy 汁印式炸雞肉」。Anjappar 特色熱門套餐，飯上面鋪了兩塊不同味道的烤餅，雖然份量少，但可食到不同味道的烤餅 而且有咁多不同味道的香料醬汁，可以一次過食到不同的味道 食印度菜，一定會叫 Naan 烤餅，香脆鬆軟，暖暖的，好味！細細份的Semi Gravy 汁印式炸雞肉，沒想到咁辣！但很惹味！配飯非常好！食過不同店的印度菜，這間的菜式頗特別！

同個去過印度嘅朋友去食佢好想念嘅印度菜。上網search過原來呢間係連鎖式嘅印度餐廳，評價不錯所以就想去試吓啦。我就係第一次食印度菜所以冇咩特別期待。一入到去就覺得間餐廳幾光猛企理，可能太早六點幾所以餐廳入邊冇咩人。侍應都係講英文嘅，但係餐牌就圖文並茂有中文英文。我哋一共叫咗五樣嘢。呢個係怕怕搭五，我覺得佢好似係黑椒味嘅梳打餅，後尾朋友話我知原來呢個黑椒味就係香料嘅味道，我覺得佢個餅好趣點青汁好得意幾好味。跟住我就點左呢一個叫做芝士脆餅。佢其實好似大陸嘅手肘餅，不過入面有啲芝士好好味。佢呢個餅係配左兩個醬料嘅一個係黃咖喱。另一個係好似奶酪嘅液體版，一邊有青瓜同洋蔥，個餅點落去好match。個味好清新，好夾，中和番個芝士脆皮嘅膩。跟住我仲叫咗個大蒜香雞串燒。佢個樣有少少燶 但係食落一啲燶味都無仲好juicy~Spinach curry就唔係咖喱呢既~係一個綠色既醬(？) 入面係打爛既菜同雞肉~仲有薯仔~ 佢個樣可能不吸引但其實好好味~ 用黎點佢d餅好好match~Anjappar family dosa特色前餅係朋友話要叫的~佢個口感比較酥脆~呢個餅有送左3個醬~一個青醬(青汁既淍ver

今日放學同朋友去左尖沙咀食印度菜食印度菜一定要食印度薄餅 所以坐低無耐就二話不說地叫左個特色瑪沙拉薄餅 薄餅雖然無餡料 但口感非常黏韌 一共四塊 份量都好足另外仲叫左個菠菜雞肉咖哩 賣相一段 但咖哩味香濃 菠菜完全融入咖哩 帶點微辣 配薄餅一齊食味道極佳 唯一不足嘅係雞肉太淋 無左原有嘅肉質呢個係印度特色煎蛋 蛋嘅餡料較簡單 只有莞茜同埋洋蔥 味道雖然香口 但份量如果大啲蛋多返少少就好啦由於驚唔夠飽 我地仲叫左個泰國菠蘿炒飯 炒飯底還好 飯粒乾身 粒粒分明 但面頭大塊嘅菠蘿就略嫌有渣 食落影響口感食野當然唔少得係餐飲啦 我就叫左杯芒果奶醋 都幾大杯 飲落幾滑幾creamy 茫果味濃郁 完全無冰 但都好夠凍 幾扺飲朋友就叫左呢杯印度奶茶 同香港奶茶相比 奶味無咁重 但茶味好香 加左少少香草 幾特別 幾有印度特色

係開sem之前，由於好耐都冇見過friend，所以決定去食啲特別啲嘅菜: 印度菜！ ！ ！近排都迷上左食印度菜🤩因為我覺得佢嗰個奶油咖喱再配上naan真係十分之好食🤤今日試新餐廳總共嗌咗七樣嘢🤭有雞肉masala、雜菜咖喱鍋、印度式炸雞、芝士naan、芒果沙冰同埋印度香料奶茶。一如既往，雞肉masala都係非常之正再加埋個芝士薄餅，簡直係人間天堂😫至於雜菜咖喱鍋就相對地輸蝕，因為香料味冇咁重，而我本身鐘意重口味🤭印度式炸雞配上酸辣醬亦都非常之惹味！而我哋嗌咗果兩杯飲品，我個人認為都係唔錯嘅選擇。芒果沙冰唔會太甜亦都唔會太酸而印度香料奶茶就非常之合我個人嘅口味，不過在旁嘅朋友就對種香料奶茶有少少抗拒xd