Anjappar Chettinad Indian Restaurant

營業中

休息中

💁🏻‍♀️Anjappar Chettinad Indian Restaurant (尖沙咀)🍴-又去尖沙咀食飯，呢頭真係好多異國菜餐廳。今日就去咗一間非常之正宗嘅印度餐廳，個人覺得好食過同一幢大廈嘅另一間🤭Filter coffee☕️ 特製咖啡 $35本身好驚印度咖啡會好重口味，但飲落覺得好香濃，係接受到嘅高質咖啡Mutton masala 羊肉瑪沙拉🥘 $120個人好推薦，有少少辣，但唔會太濃味。最值得讚嘅係佢嘅羊肉，炆得好淋，而且好入味，啲汁送埋烤餅食一流👍🏻Cheese naan 芝士烤餅🌮 $30呢隻係印度嘅夾心烤餅，底面煎得香脆，中間亦會有芝士夾心，個人覺得趁熱食會好味啲。Paneer Dosa 我色芝士煎餅🌮 $80煎餅超級大份，我哋兩個人都食唔晒，都係果句，趁熱食好味好多，而且加埋啲汁都幾有風味㗎Chicken 65 印度式炸雞🍖🍗 $75另一款推薦嘅菜式，炸雞就食得多，但印度式嘅炸雞真係第一次食，炸得比想像中香脆，唔算太油，而且啲肉都唔算鞋，可以encore ！👉🏻餐廳環境：地方大，左邊有街景睇，燈光充足。👉🏻服務態度：侍應都好有禮貌，臨走嗰時仲我地食糖添/📍 Anja

今日同朋友係TST想食個early lunch，聽聞呢間餐廳唔錯，就過黎試下喇叫左兩杯野飲，一杯係Filter coffee 特製咖啡 （$35）。朋友話覺得一般，咖啡味較淡，味道偏苦澀，但我印度菜比較濃味，飲呢個可以平衡番。另外叫左一杯Masala tea 印度香料茶 （$35), 第一口飲落係覺得怪怪地，因為飲落有陣薄荷香料味，但飲落就覺得幾好味，幾特別既味道。主菜叫左Mutton masala 羊肉瑪沙拉 （$120）同Chicken 65 印度式炸雞（ $75）兩樣都好好味呀個羊肉瑪沙拉好惹味，個羊肉吾會太羶，又有口感，個咖哩就好香好開胃！至於個炸雞吾會太乾，配埋檸檬汁係幾fresh另外仲叫左Cheese naan 芝士烤餅（ $30）同Paneer Dosa 特色芝士煎餅（ $80）芝士烤餅食過幾次，芝士煎餅就無食過，點左個試下，估吾到有意外驚喜個芝士煎餅入面有粒粒既芝士，另外仲會配四種醬料，每隻味都各有特色環境黎講都幾舒服，我地坐係窗邊都幾有feel同埋野食黎講都真係幾多選擇，下次會再黎食試埋其他

今日收得夜，book左8點都趕唔到。打去問佢話仲有檯啊叫我take time慢慢行過去。星期二8點半，可以揀位坐。坐低見到有支樽裝水,一支透明玻璃水。原來有牌子的$20支，不過你唔開就唔收錢。叫左個garlic chicken, 咖喱芝士同mutton masala，cheese naan and roti.蒜蓉雞係其他餐廳比較少見，都幾好味。咖喱芝士係我每次食印度野必叫，呢間的芝士又多又好味，入面好多蔬菜，唔太辣，配個roti食真係正。羊肉雖然好soft但對我黎講太辣仲又種我唔係好鍾意的奇怪香草味。下次都係食第二樣。食食下個服務員會問你洗唔洗加野飲，我地叫左個mango lassi，濃濃的酸奶，冇冰，好似smoothie. 我覺得好好飲。最後佢哋送左個印度紙米卷比我地，呢個都真係好少見，佢地話想介紹比我地脆脆地加埋d醬食都幾得意，多d人分享更好！真係食到好飽！我地食到10點都仲有人入黎食野，可能因為有折。羊同雞都幾貴，無8折可能唔會再黎呢～

Wow! Go to anjappar chettinad Indian restaurant when you want some fine Indian cuisine. Tonight I went after work with my Friends. It's in Multifield Plaza, around a 3 minute walk from Tsim Sha Tsui MTR exit N2.  A real classy joint! Comfortable and beautiful, the staff were very helpful in recommending some great dishes.   I started enjoyed this meal with a sweet mango lassi. Delicious and refreshing. 😋  Let's get to the food! The prices weren't the cheapest you can find, but it was worth it! 

今日同同事嚟試呢間印度餐， 喺寶勒巷嘅一間樓上舖， 一上到去見到餐廳好開陽好光猛， 枱同枱之間隔得好遠， 唔會好似我哋中式餐廳咁樣 ,我哋好快就安排坐低咗 佢哋嘅餐具都係金色嘅， 連裝水嘅水壺都係金色嘅 ,好高級喎。 睇下個menu好多選擇， 由於我唔係好熟印度菜 ,都係交畀同事去order ,叫咗個大蒜烤雞肉串， 係用竹筒上嘅賣相好靚 ,我覺得最好味就係呢一個。 另外都叫咗個烤雞塊， 係全部紅色嘅炸雞， 食落好重口味鹹鹹地 ,我哋叫咗好多薄餅呀， 有手揸餅呀 ,芝士薄餅 ,同埋有餡嘅雞肉薄餅 ,三隻都唔同口味 ,叫得薄餅梗係要叫埋咖哩， 有一個蘑菇雞肉咖哩， 同埋另一隻甜咖哩， 全部嘢都好有印度風味呀， 但係分量唔多細細碟咁，等你可以試多幾款唔同嘅菜式 .飲品方面叫左個芒果特飲， 同埋個特式香草奶茶 ,芒果特飲都幾好，香草奶茶就真係好重香草味。 我哋一路食 一路見到入嚟嘅客人大部分都係印度人多， 證明呢度好地道 ,如果鍾意食印度菜嘅呢度應該係一個唔錯嘅選擇。

今日去尖沙咀倒數，就係附近搵左餐廳，e間係第一次食。侍應全部都係印度人，而且大部分的客人都係印度人，只有一兩枱唔係。因為我地係7點幾去食，比較早，但去到8點開始就開始多人。我地叫左garlic naan同肉汁蝦，因為我同朋友都唔食辣，而餐廳好好，可以比我地轉唔辣難得尼到真正的印度餐廳一定要食naan。garlic naan好香 因為佢的蒜量都多，而且仲有好少好少的芫茜，帶出香味。我唔食芫茜都可接受，所以唔食芫茜的朋友唔洗驚肉汁蝦，中型size的蝦，啖啖肉，配以洋蔥，青椒，佢的汁仲可以用尼點naan食，都好夾嫁，不過個汁有少少鹹最後係士多啤梨雪糕，佢同平時食的唔同，好滑，咬落口仲有粒粒咬口，有少少冰的感覺，好正

這晚，我約了朋友一起到了位於尖沙咀的一間印度菜餐廳，共進晚餐。因為我的朋友以前參加過印度的交流團，很懷念那時在印度的時光，所以我就帶她過來感受一下。一進店時，覺得環境十分舒適，具空間感。這時正值聖誕節前夕，有一些節日限定的餐牌，值得一試。不過這次我們只是單點了數款美食，簡單地享受印度菜。這個是印度奶茶，它跟我以往喝的有所不同，有獨特的香味，看似很正宗，而我朋友也試一試就覺得是這種味道，就是印度那邊喝過的味道，彷彿身處於印度一樣。主角出場了，就是羊肉咖哩及薄餅。這個羊肉咖哩，味道濃郁，羊肉夠軟熟，而且份量足夠，可說是性價比之選。至於薄餅當然是配咖哩，香脆可口。如果喜歡吃羊的朋友，切勿錯過這道菜，它叫羊肉炒酥餅。每一口都是濃郁的咖哩羊肉味，以及飽滿的酥餅配襯，確實是不得了。而且可以點旁邊的咖哩汁及酸乳酪來加強味覺的震撼。相信很多吃過印度菜都未必試過，十分推薦這道菜。吃過這頓晚飯後，覺得十分滿足，尤其是印度奶茶及羊肉炒酥餅，簡直是畫龍點睛，為這個晚上更加完滿，下一次再來吃過。

今日與朋友放工後到尖沙咀吃晚飯，寶勒巷的美食多不勝數。咖喱，我們吃得多，但印度咖喱就真的未試過，所以今日決定挑戰一下味蕾! 這間Anjappar Chettinad Indian Restaurant由印度人開的，店員全部都係印度人，點餐時需要用英文。今日點了四份食物，羊肉咖喱 Kadai Mutton ($130)，薯仔特式餅 Aloo Kulcha ($35)，羊肉餡斯里蘭卡酥餅 ($80)和羊肉餡酥餅 Mutton Kothu Parotta ($80)，及一杯飲品，印度香料茶 Masala Tea ($35)。先來的是羊肉咖喱 Kadai Mutton，咖喱味非常香，羊肉很淋，易入口! 羊肉咖喱配薯仔特式餅相當不錯!印度香料茶 Masala Tea，雖然一小杯，但足以令人回味無窮!!! Masala Tea比一般奶茶的奶茶香更為香，口感非常滑溜，不得不提那獨有的印度香料的味道，很有印度的風味，一試難忘!! 不過，這印度香料味道並不是人人都接受得到的，但可一試，挑戰一下味蕾~羊肉餡酥餅 Mutton Kothu Parotta，有極多洋蔥粒，不易夾開，因為我對洋蔥過敏，所以不能進

今日想食地道的印度菜，來到尖沙咀一間餐廳Anjappar 。餐廳經過精心的布置，現在臨近聖誕，餐廳裏裏外外佈置了聖誕裝飾。雞肉瑪莎拉$110食印度菜，離不開食咖哩，所以要了個雞肉瑪莎拉，不要看其顏色紅紅的，就以為會辣，其實味道帶少少甜，咖哩味濃郁，雞肉都比較腍，沾滿了咖哩汁，很是入味。蔬菜餡特色餅$35食咖哩，就要配上薄餅，我們要了個蔬菜餡特色餅，雖然有少少焦，但薄餅包著裏面的蔬菜餡非常好味再㸃上雞肉瑪莎拉咖哩汁就更是可口。印度式炸雞$75印度式炸雞，炸雞外脆內嫩，食得出多重香料味道，並且非常入味，充滿了印度菜的特色。羊骨湯$65羊骨湯，裏面的羊肉已經煲到很腍，太太最喜歡話夠滋補，整個湯羊肉味非常濃。

今日専程與朋友到尖沙咀一間餐廳Anjappar 食印度菜。餐廳布置充滿了印度特式，位置寛敞舒適。印度式炸雞$75先要了個一印度式炸雞，印度菜顔色特別濃厚，深紅的外表，見到已令人感覺到十分濃味，外皮帶㸃脆，入口果然充滿了印度菜的特色。雞肉瑪莎拉$110是非常有印度特色的咖哩雞，味道帶甜，雞肉吸收了滿是濃郁的咖哩，味道濃厚。牛油烤餅$30食雞肉瑪莎拉凱可少得了烤餅，我們要了個牛油烤餅，牛油烤餅見到已經非常吸引，見到牛油烤餅面上帶著牛油的痕跡及柔軟，入口一如眼見的一樣，柔軟及滿口帶著牛油香味，再㸃上雞肉瑪莎拉的咖哩汁，才體會到印度人喜愛食咖哩的原由。芒果印度奶昔$35飲品要了個芒果奶昔，入口芒果味很濃郁，帶著奶昔味道，非常美味。

適逢聖誕節，餐廳嘅佈置都好有聖誕氣氛，但其實佢係一間印度餐廳，但其實印度系咪應該唔會慶祝聖誕節哈哈....平時好鍾意食手抓餅或者薄餅嗰一類，而印度菜入邊嘅Naan我都係情有獨鍾。今次要左蒜蓉味，好香好滋味，而且個餅好煙un好有咬口，好想叫多份，可惜太飽。專登叫咗個蔬菜咖哩，配埋個Naan一齊食，特別好味，而且呢間嘅印度咖喱，唔算好多香料，可能佢調節過比較適合香港人嘅口味，又唔算話好濃味，所以都算正正常常。最尾叫咗一本印度甜品嚟食，佢個名好似叫炸奶球定唔知咩。但呢個未都唔知係咪因為太正宗，所以唔係好啱我食。味道超級甜，係好似一粒炸完之後吸咗好多糖漿嘅湯圓，其他我就諗唔到野去形容，所以甜品都唔係好推薦。

今日心血來潮想食印度菜，因為其他菜式已經食到好悶haha，之後去咗尖沙咀一間樓上印度餐廳，入面全部都係印度人，係個環境裝修同埋啲侍應，都知道呢間係一間好正宗嘅印度餐廳。餐牌上面都有好多嘢食可以選擇，唔一定全部係咖哩，所以都適合唔同口味嘅人。飲品叫咗一杯印度拉茶，比我想像中細杯😂因為之前飲過印度嘅奶茶都幾好味，呢杯都唔錯，但糖既份量自己落嘅話就可能要落多啲，因為奶茶嘅味道偏澀，所以要落多啲糖中和返啲味會比較容易入口。叫咗個印度燒雞，食得出有好多香料嘅味道，但係可能印度菜比較冇咁注重肉質，所以我覺得就有啲overcook左，肉質太乾。印度蛋炒飯，出奇地比我想像中好食，仲好食過平時茶餐廳嘅蛋炒飯，因為佢好香，同埋用印度嘅米，好長條型嗰種，口感都幾特別。

岩岩拆左牙套，過去兩年都同咖哩無緣既我，拆左牙套第一樣想食既就係咖哩啦！就上網睇下有無咩咖哩餐廳特色又好食，就比我搵到呢間印度餐廳！裝修幾麼登，環境好闊落，唔會迫住哂！侍應都係印度人，不過英文溝通絕對無問題，感覺更加正宗呢！我就先叫左杯mango Lassi ,係印度既最傳統飲品，即係芒果乳酪，去親食印度野我都會叫呢個，因為我中意芒果，味道清甜 唔會過份甜，帶有芒果果香!主菜我就叫左我今日黎既目的咖哩 butter chicken Masaia!咖啡味非常香濃，我中意咖哩用咖哩粉，會比咖哩塊更加香！雞肉好嫩滑吸哂咖哩汁既味道，個咖哩上面仲淋上忌廉，味道更加creamy !我仲叫左個 garlic naan黎配搭，帶點蒜頭味好惹味 同咖哩好match ,今日十分滿足呢！

今日去咗尖沙咀寶勒巷一間印度餐廳食午餐，好有異國風情嘅感覺。  餐廳嘅環境用左富印度色彩嘅圖畫做裝飾，整潔又舒服，枱與枱之間又唔會太擠迫，待應都好nice ，雖然佢地唔係講廣東話，不過餐牌就有中文同埋相片，方便看圖選菜。餐具黃金色，感覺高檔。印度菜的口感一般都係香料味太重，但呢度D嘢食落都幾容易入口。大蒜香鷄串燒 配上青色微酸嘅醬汁，賣相吸引，而且係即叫即炸，鷄肉非常香脆，肉質好嫩滑同好多肉汁，加醬汁食，味道更好。叧外，我叫左鷄肉瑪沙拉同酥餅，鷄肉瑪沙拉有微微辣味，香料味又唔係太濃，酥餅非常鬆軟，又唔會有好多油在餅面，我覺得咖喱配上酥餅一齊食真係最佳拍檔。飲品就揀左芒果印度奶昔，粉黃的顔色非常吸睛，加上芒果本身的酸甜味道，奶昔既濃滑口感，實在令人難忘。呢度嘅印度菜真係幾好味，下次再約朋友來。

一直都好想試下印度菜，印象中印度菜離不開咖哩薄餅，同埋重慶大廈，今次就想試下其他，上網搵到呢間大型連鎖餐廳，就黎試一試餐廳在樓上，咁岩撞到一大班印度團友，証明呢間餐廳應該唔差🤔入到去，周圍都以印度人客人同侍應為主睇完簡介，原來餐廳已有五十多年歷史，好多國家都有分店黎得印度餐廳緊係要食印度薄餅同炸雞首先黎既印度炸雞串，炸得香脆、咬落去好有肉汁，味道特別又唔辣，岩晒唔食得辣既我然後有芝士烤餅，幾鬆脆之後仲叫左特式熱門套餐，有咖哩雞、薄餅同飯，仲有唔同既醬汁點，好特別，又可以試到唔同既味道再有雞肉餡酥餅，好特別既形狀同質感，裏面夾著滿滿既雞肉，好有分量餐飲方面朋友叫左芒果奶昔，幾好飲，我想飲熱野就叫左印度香料茶，有薑味，幾有印度特色經過今次，下次可以繼續試印度菜