Anjappar Chettinad Indian Restaurant

營業中

休息中

今日心血來潮想食印度菜，因為其他菜式已經食到好悶haha，之後去咗尖沙咀一間樓上印度餐廳，入面全部都係印度人，係個環境裝修同埋啲侍應，都知道呢間係一間好正宗嘅印度餐廳。餐牌上面都有好多嘢食可以選擇，唔一定全部係咖哩，所以都適合唔同口味嘅人。飲品叫咗一杯印度拉茶，比我想像中細杯😂因為之前飲過印度嘅奶茶都幾好味，呢杯都唔錯，但糖既份量自己落嘅話就可能要落多啲，因為奶茶嘅味道偏澀，所以要落多啲糖中和返啲味會比較容易入口。叫咗個印度燒雞，食得出有好多香料嘅味道，但係可能印度菜比較冇咁注重肉質，所以我覺得就有啲overcook左，肉質太乾。印度蛋炒飯，出奇地比我想像中好食，仲好食過平時茶餐廳嘅蛋炒飯，因為佢好香，同埋用印度嘅米，好長條型嗰種，口感都幾特別。