影片
港鐵尖沙咀/尖東站 N2 出口, 步行約3分鐘
繼續閱讀
電話號碼
34285757
附加資料
歡迎小朋友及設有輪椅通道
營業時間
今日營業
11:00 - 14:30
18:00 - 22:30
星期一
11:00 - 14:30
18:00 - 21:45
星期二
11:15 - 14:30
18:00 - 22:30
星期三至五
11:00 - 14:30
18:00 - 22:30
星期六至日
11:00 - 15:00
18:00 - 22:30
公眾假期
11:00 - 15:00
18:00 - 22:00
公眾假期前夕
11:00 - 15:00
18:00 - 22:00
以上資料只供參考, 請與餐廳確認詳情
有關獎賞計劃
相關文章
之前食過印度菜嘅素菜版，今次就走去食正常款印度菜，朋友話呢間印度菜喺世界各地有唔少分店，質素都唔錯！雞肉棒棒糖 $99個名改得好得意，其實係脆皮雞腿加埋紅辣椒醃製而成，望落去成舊紅色但其實一啲都唔辣，仲可以點埋附上既嘅甜辣醬一齊食，符合香港人口味印度大蒜烤餅 $40烤餅一開四上枱，見到啲蒜頭粒鋪喺個烤餅上面，烤餅當然要加咖哩先好食牛油薄煎餅 $85薄煎餅一上枱真係嚇親人，差唔多半個人咁高，齋食就有陣鹹味，薄煎餅附上四種醬汁，有鷹嘴豆泥、蕃茄醬等，多種選擇咖哩魚 $140羅望子、蔥、蕃茄、以及香料煮熟嘅魚，明顯見到魚塊，咖哩汁比較稀身，有明顯辣度黃油雞咖哩 $140另一款咖哩用上蕃茄、奶油、葫蘆巴葉黃油醬中的去骨雞，比起前一款，呢款咖哩會杰身啲，入口香濃，加埋烤餅一齊食啱啱好薄荷雞塊 $150用薄荷、綠辣椒醃製嘅雞肉塊，所以外表情呈綠色，可以點鹹薄荷醬可以點嚟食，除咗雞塊仲有唔少沙律，營養豐富BAMBOO BIRIYANI $150係用竹筒裝住既印度飯，印度飯用大量香料製成，並且加入不少雞肉塊，味道濃厚，相當有印度風味芒果印度奶昔 $40一杯經典嘅印度芒果奶昔，味道香甜濃稠
繼續閱讀
自從上次食咗印度餐後，上次嗰餐係素食，又試吓肉食印度餐先，印象中上次同一棟大廈有另外一間有埋肉食供應，經過附近上去再試吓🤭因為有啲肚餓，所以叫多咗少少😝Chicken Lolly Pop 雞肉棒棒糖（$90）脆皮雞腿紅辣椒上菜一列六件，都好多肉，炸得好脆！呢個好岩大眾口味😍個樣似Lollipop，但係其實啲味道同糖冇關係🤣總之好味必嗌！Pudhina Murgh Tikka 薄荷雞塊（$140）綠色的雞塊，咬落去有啲鹹味，然後出薄荷味，醃得幾好，第一次見綠色嘅雞塊🤠都幾特別，綠色嗰個醬，酸酸辣辣，加起來減油膩感，幾清新😎Butter Dosa 牛油煎薄餅（$80）有四種汁可以點，熱嗰個係咖喱，唔係好辣，然後其他醬料都各有千秋，有啲好淡，有啲好濃，適合唔同口味嘅人士去點，但都是有個共通點：不同香料元素都係裏面😛Garlic Naan 印度大蒜烤餅（$40）上菜時仲見到有少少油脂喺薄餅面，有啲蔥，蒜香味，其實就咁食都已經好香，不過可以點埋另外嗰兩個醬，一齊食仲更加好味🤭Butter Chicken Masala 黃油雞咖喱（$130）係一客餸，又可當醬，這個醬有啲甜，嗰陣有少少辣，裏面有啲雞肉，加埋薄餅食嗰個招牌好夾，有香料味，唔錯喎！☺️推薦！Kadai Paneer 印式芝士菠菜（$99）係一客餸，又可當醬，用來點烤餅，食到有菠菜味，帶印度風味，同唐人菠菜唔同，點烤餅又好夾喎！辣辣地，好香香料味😋推薦！Mango Lassi ($40)呢個芒果奶昔做得幾好！真材實料，好香芒果味，感覺冇咩溝水，仲見到好多客人都有點！如果黎一定要飲呢杯😙
繼續閱讀
見到呢間餐廳幾乎8成食客都係印度人😮證明真係夠正宗先會有本地人食～無論係香料味濃厚嘅咖喱，定係新鮮出爐嘅印度煎餅，真係每一啖都有驚喜！🥘✨必點推薦‼️💗雞肉棒棒糖🍗平時食印度菜嘅肉類料理，通常肉質比較柴，主要都係食個香料味。但呢個外脆內嫩，幾juicy🤤💗牛油薄煎餅🫓之前喺新加坡機場試過Dosa，一試愛上！嚟到都一定要點，即叫即整，熱辣辣食又薄又脆，因為用牛油整所以特別香口😋不過一定要趁熱食，凍咗就唔脆～💗黃油雞咖哩Masala真係必點！係印度菜嘅靈魂！增加成個味道層次⬆️豐富濃郁得嚟，香料味唔會過分搶味，我覺得大部人都會接受到💪🏻💗大蒜烤餅滿滿嘅蒜蓉啱晒大蒜控😍好夠蒜味！口感蓬鬆柔軟，點咖哩一流💯環境舒適，服務又好💕另外，佢哋嘅拉茶都非常值得一試，最緊要係「唔太甜」🤣
繼續閱讀
- 雞肉棒棒糖 $90- 雞肉大蒜烤肉串 $150- 牛油薄煎餅 $85- BAMBOO BIRYANI (Chicken) $150- 羊肉棗 $150- 黃油雞咖喱 $140- Garlic naan $40- Mango lassi*2 $40*2雞肉棒棒糖外層少少脆 雞肉嫩滑 微微辣 可以配蒜蓉醬 蒜蓉醬食落甜甜地雞肉大蒜烤肉串係用咗蒜泥醃製雞塊 鐵板一上枱滋滋炸炸聲 雞肉大大舊 可以配薄荷醬 因為醃製過 單食已經夠味牛油薄煎餅幾乎每枱都有叫 好巨型 打卡一流 有四款醬可以沾 又薄又脆又有淡淡牛油香BAMBOO BIRYANI 個飯充滿竹筒味 有沙律醬同咖喱汁可以配搭一齊食 沙律醬就甜嘅 想食辣惹味啲重口味啲就可以揀咖喱朋友想試吓羊 所以佢揀咗羊肉棗 另外仲揀咗黃油雞咖喱 兩個都可以要嚟配naan🤤雞同羊都係啖啖肉 黃油雞咖喱就相對濃稠仲有啲蕃茄味 第一啖食落去係甜再慢慢就食到佢嘅辣 羊肉棗個咖喱就滑身啲 各有各好烤餅就揀咗大蒜味 蒜味重 仲要大大塊 鍾意食naan嘅朋友唔好錯過👍🏻Mango lassi 好滑好香芒果味 仲要比平時嘅lassi抵飲 好彩早咗嚟食飯 走個時已經要等位 亦都好多印度人幫襯 證明佢哋夠正宗👍🏻💰$974
繼續閱讀
一向鍾意食印度嘢，比我係尖沙咀搵到呢間印度菜實在太開心😌果日係星期二晚，基本上Full House，見到好多都係印度客人。由Appetizer到主菜，肉類都處理得好好！鐵板上嘅薄荷雞塊、炸雞鎚，一食就知「掂呀！」調味唔會過濃，2款肉質都嫩滑多汁！主食叫咗咖喱雞同咖喱羊，2款咖喱底個風味截然不同！好鍾意佢個butter chicken 有種smokey嘅味道，好適合送Naan！而羊肉呢款係椰汁底帶甜，確實有點港式咖哩牛腩個味，但係羊肉就再嫩滑好多，怕騷嘅人都可以試下！係好飽好飽嘅時候黎左個前臂咁長嘅印度薄煎餅😱 配上4款唔同sauce！第一次食，好驚喜個薄餅口感好似薄薄嘅雞蛋仔，又好似啲甜品薄pancake咁，如果D sauce係甜嘅話，絕對會係好正嘅甜品🤣🤣 本身配嘅Sauce可能因為係豆類嘅Sauce，味道比較淡，所以我都係比較鍾意直接點Butter Chicken🤣飲品menu都有好多款印度飲品，但係！真係冇冰㗎！想飲好凍嘅飲品建議order罐裝/啤酒類我飲到Mango Lassi同後加的Lemon Cooler 都係微凍，真係唔夠Gur👉👈整體嚟講，呢間餐廳係一間適合大班人聚會，放鬆傾偈嘅好地方 👍 味道有特色，但環境唔係打卡靚裝修，亦都有比較濃嘅印度香料味，如果介意嘅朋友要注意⚠️
繼續閱讀